美心西餅 (太古站)

Open Now

Now Closed

見到廣告介紹美心餅店推出咗脆脆系列，有朱古力脆脆及芒果脆脆。兩樣都想試，奈何家中人口不多，無可能買兩個蛋糕返屋企食，於是決定買鮮果脆脆杯試吓，因為一樣有齊朱古力同埋芒果味道，加上美心做緊甜品買4 送1 優惠，每杯 $15, 咁就要5 杯啦。買嘅時候，個店員仲提醒我回家後記得放入雪柜內，很細心。飯後急不及待要拿出來吃，兩款甜品嘅賣相都非常美觀，看得人心花怒放。首先試咗個芒果脆脆杯，第一層嘅芒果粒頗多，雖然有幾粒微酸，但也着實不賴。老公話中間呈啫喱狀嘅黄色奶凍最好味，甜度適中；最下層係朱古力蛋糕，朱古力味好香，杯底仲有一層薄薄嘅脆脆，有啲似焦糖，好脆口，非常美味。至於個朱古力脆脆，面頭有三粒士多啤梨，啲士多啤梨都唔錯，夠甜夠大粒。士多啤梨下就舖咗一層朱古力薄脆，跟住嗰層係朱古力慕絲，而最下層就係混入咗啫喱嘅朱古力蛋糕。唔知啲朱古力係咪好似聖安娜嘅 Chocolate Truffle 用比利時朱古力，不過朱古力味都幾濃，但如果兩款脆脆比較，連我這個朱古力怪都不得不認個芒果脆脆做得着實比朱古力出色。 嗜甜嘅人，吃完甜品，總有一種幸福的感覺，超正。

彭丹者，嘻嘻，不就是現在滿城紅火的斑蘭 (Pandan) 蛋糕了嘛！斑蘭蛋糕是港人遊星加坡必備的手信之一（另外一樣該是豬肉干），這次美心推出斑蘭蛋糕，大家不用老遠飛過去買了。有幾次想買件件裝的 ($12) 試試，竟然都沽清了，只剩下一個半個的原個蛋糕 ($88)，反而無心插柳，卻近在眼前。三吋高的螢光綠色海綿蛋糕，樣子看來相當對辦。可是吃下去才覺得有些失望，因為它油得來欠缺了斑蘭葉獨特的香味，說有椰香卻又不夠突出，食味比起星洲當地的出品是淡了幾皮，該是要迎合愛清淡口味的港人吧。糕身做的鬆軟，算是合格了。畢竟珠玉在前，美心今次作了勇敢的嘗試。今期還有另一款星洲風味的出品，就是咖央包 ($6)。這個倒是不錯，裡面有大量香甜的黃色咖央醬，椰子味濃郁，我認為比斑蘭蛋糕吃得過。

媽媽買了個父親節蛋糕，好似話因為用HSBC credit card有85折...無記錯的話基本上都係一個雜果蛋糕，多左D公仔做擺設咁不過個蛋糕食得出係即日整個隻，sponge cake係好鬆軟，而唔係賣隔夜野，而且都係用新鮮生果整，quite good!

又係食麵包做午餐,,唔去東海堂,,改去美心~買左個吞拿魚包同個合桃包舌拿魚包包身鬆軟,,吞拿魚餡不太多~但好有吞拿魚味,,沙律醬不太多,,食落就唔會蓋走吞拿魚味同埋冇咁漏!不過食完好似冇食過咁,,唔飽肚!再食多個合桃包,,包身鬆軟,,味道過甜,,穀粒不多絕對唔係一個好既健康包!食健康包去東海堂會好D!

友人送來給我倆的年糕劵, 在換領期的最後一天, 去老爺家吃團年飯前順道一換, 估不到包裝還很精美, 手提袋設計幾有心思user-friendly, 值得一讚不太喜歡吃年糕, 所以都推到過期前一天才來品嚐, 味道很甜, 椰味頗夠, 但還是不太懂得欣賞此種賀年糕點, 覺得好黏朋友們親友們明年如送我糕點, 請送蘿蔔糕, 因為老公係蘿蔔糕的粉絲。

其實我知美心D西餅面包都係由工場運去唔同鋪頭, 其實邊間都無分別。同事早一日去order , 26 號食天使蛋糕慶祝出糧, 1磅半一個, 都幾大個, 而且全白色好靚好純潔(個樣)。因為焦糖脆脆好甜, 所以白色既cream 都係無落糖去打, 如果唔係就甜得滯了。12人每人都分到一小件, 少食多滋味。蛋糕比一般海綿蛋糕再鬆D, 氣孔再大D, cream 薄唔會太膩, 又唔會話太少cream 唔好食, 都o岩o岩好。其實個cake 食完好似無食過野咁, 只係為左過下口癮, 一試都唔錯既!

自二月份西餅加價後,上星期入美心已發覺全線麵包已加了$0.50-$1.00了. 但有幾款家庭裝麵包沒有加,這是否代表之前set高了價?所以我今次依然買我的至愛而又沒加價的"糙米芝士包"

忽然好掛住美心嘅蕃茄香草飽﹐已經無出好多年啦﹗佢細細個﹐好香香草味﹐又有咬口﹐我仲未揾到嘢代替佢﹗

幫襯的是maxim deluxe，有多款極靚的cut cake，但既然目的是為元旦壽星祝壽，當然還是whole cake合宜。　買了好試好耐的彈蛋糕，想知道有何特別；原來，蛋糕不會彈的，而且要手動cut開盒紙，老實講幾麻煩的呢!其實蛋糕大部分都是平平無奇的海棉蛋糕，精彩處是用custard cream取代了傳統忌廉；蛋糕又另附一盒吉士醬，超好custard的我老實不客氣，吃了差不多半兜醬，故覺得味道還不錯!　不過其實揀親美心，最大誘因還是方便。7仔的"梗有一間在左近"也適用它呢!

對美心麵包缺乏好感，糙米芝士麵包($10)是唯一例外。加入糙米於麥包中增加咬勁，中間的車打芝士香濃美味，家庭裝可以分兩次吃，價錢相宜，是唯一吃不厭的麵包。

對美心的麵包缺乏信心，因為期望愈大失望愈大，即使賣相好材料好，食味卻強差人意。在沒期望之中，竟然有一些驚喜。買了低糖綠茶紅豆包($5.5)、核桃有機穀物包($4.5)、原粒車打芝士包($6)和蠔皇叉燒酥($8)。綠茶紅豆包有綠茶香，紅豆甜而不膩，還有一顆麻糬在其中，增加咬勁。核桃有機穀物包價錢超值，有核桃香，又有多種穀物顆粒。原粒車打芝士包勝在芝士份量充足，每一口口感豐盈。蠔皇叉燒酥一直用熱盤盛著，保持熱度，醬汁味濃，另有半肥瘦叉燒和磨菇。因為吃到好味的麵包很感動，所以翌日麵包安哥一次。

尋日係我既舊曆生日, 媽咪同爹地就去左美心買個cake 比我喇~係楊枝甘露蛋糕~ ($148)記得我表弟上次生日既時候, 佢既birthday cake 都係楊枝甘露蛋糕~ 而我今次選擇呢個cake 既原因, 係因為我上次食過之後, 覺得好好味~ 又多芒果, 又有西柚肉, 西米...~ 所以我就選擇左呢個cake 作為我既birthday cake la ~但... 今次呢個cake 真係令我地好好好失望!!舖在蛋糕甘我芒果得幾塊~ 同以前既有層次地把芒果舖在整個蛋糕上的楊枝甘露蛋糕形成強烈對比!!而裏面既芒果肉粒又少之又少!!西柚肉同西米更是少到好似冇咁!!因為我完全食唔到有任何西柚肉同西米!!我對呢個cake 真係好失望!!呢個根本就唔可以叫做楊枝甘露蛋糕, 應該叫做...<<少肉既芒果布甸蛋糕>> 先最貼切!!

尋日妹妹生日，夜晚向屋企食飯同佢慶祝。食完飯後，當然要切蛋糕啦！我去美心訂左一個新款既蛋糕～乳果天使系列既芝麻慕思蛋糕。佢個賣相好吸引，唔係好大個，足夠六個人一次個食晒。材料有：鮮果＋芝麻慕思＋蛋白蛋糕＋麥皮果仁酥底（仲有幾粒以為係跌左出黎既生果伴酥底，同埋朱古力圍欄）。我就係切餅既人，呢個餅有十個難切，首先d朱古力圍欄係好難切開，當係切落個下，唔斷既朱古力係會彈開，跟住蛋糕面既生果會跌落黎。仲有佢夾在蛋糕中間既芝麻慕思太軟，如果係太大力，佢係會下陷。未完呀，好辛苦甘切完然後準備放上碟，仲難度高，因為佢太軟又太多野，結果係兜上碟，變左一pat野。雖然係甘，但佢都幾好食（除左d芒果酸左d），蛋糕係蛋白做，好白好滑，個芝麻慕思好香芝麻味，good！值得一試既！價錢：138元一個

都幾軟熟，但唔夠芝麻味。一試無妨。

我係去淘大美心買既，服務非常好，會同客人講解各款包同西餅，招呼周到，給人的感覺很不錯。南瓜火腿包的火腿是一粒粒的，一咬落去就已聞到火腿好香，亦幾好咬口，但南瓜蓉沒甚麼味道，但就幾香，包包做得夠乾身，不會淋幾有口感，包包不算大個，外形幾得意，總括來說幾好食。