美心MX (Closed)

是日放假．　落街食番個很hea, 不趕的早餐． 這店就在我家街口, 但唔知點解, 想起食野時總不會想起 (可能覺得 menu 冇乜野合口味) ,所以十多年來, 光顧的次數... 應該不過廿次．不過, 在對面 JUSCO 裝修完... 高檔了及 cut去絕大部份堂食區域 後, 想起這裡的機會多了點．今早叫了個 羅宋湯通粉 x 厚多士 x 粟米的餐, 幾好喎!!通粉彈牙, 羅宋湯不太鹹, 厚多士香脆!! 才 $20, 平過對面 MOS Burger (非早餐)一半 (咁十點幾他們已冇早餐, 這裡仲有o麻),又冇咁熱氣, 幾好! 幾抵!

再試鐵板! 都係雜扒! ($46)上次響柴灣食, 唔熱ge; 今次終於有"ja ja"聲, 興奮 雞翼, 好味, 不過唔係好夠鹹; 珍寶腸, 好味; 牛扒, un到喊; 今次我學精左, 淨係落紅色酸酸辣辣果隻汁, 唔落白色果隻類似白汁ge物體, 好味好多, 白汁實在唔岩我口味! 薯條, 脆脆地, 幾好味!個湯, 酥皮, 好油, 但係保持到好熱, 都幾好味!除左牛扒之外, 整體上都OK, 食到好飽!P.S. 一嚐媽咪叫ge香茅豬扒, 都幾好味, 係浸淋左je... ($24)呢間好食過柴灣新翠果間好多!

今晚同家人來到太古,去左美心食晚飯,我自己就叫左個焗豬扒飯,豬扒就幾好,但個飯就好乾,茄汁又唔夠唔算太滿意另外,我試左一下羊腩煲,羊腩都算OK,口感唔算差如果要食焗豬扒飯的話最好都係去大家樂,美心為次,大快活就不太最不建議了

28號晚找了幾間食店都好多人,唯有去快餐店,睇來睇去都唔知食咩好,只好選食燒味,心諗一定唔會差得去那裡,叫了一個”叉油雞飯”,埋到去師傅拿起隻油脾切,sorry !我用錯形容詞,唔係切呀!係”片”才對,他將隻油脾”片”開兩層,將隻脾o既骨位給我,肉o既厚度等於一隻筷子咁厚!究竟我食o既係”叉油雞飯”呀?定係”叉油雞骨飯”呢?幾年前試過一次在柴灣o既美心買了一個燒味飯外賣,一打開感覺好似垃圾缸咁!好似食緊餸頭餸尾!d叉燒重要係”七分肥三分瘦”,全盒飯我要不斷咬番晒d肥膏出來,已經無再幫襯,幾個月前再幫襯(北角分店)食早餐幾好喎!都再幫襯了幾次早餐,心諗應該呢幾年真係有進步啦!點知這間分店又係咁差!究竟係而家物價`上漲佢o地要慳d,定係佢o地一d都唔重視燒味部呢?

日期：2007年11月18日同男友黎食個下午茶，度度都咁多人，見MX有位就坐低．１．六寶飯：豉油雞，燒鵝，叉燒，鹹蛋，紅腸，燒肉，味道一般喇！２．鹹薄餅，碗仔翅：又油，又炸到好硬，碗仔翅仿如好杰既粉絲羹，超唔掂．

阿A同阿M黎食火鍋，見個名好吸引，花膠蝦火鍋船HK$46.50，加HK$10有兩杯飲品．材料：花膠兩片，蝦兩隻，雞肉少許，牛肉四片，生菜白菜仔幾塊，粟米兩舊，冬菇兩塊，豆腐，腐竹，金菇菜，麵＆粉絲酌量．雞肉唔新鮮，黑黑地，其他味道一般．阿A飲凍檸檳：okey喇！阿M飲酸梅湯：幾好飲喎，夠晒”梅”味．唔怪之得無咩人係美心打邊爐喇，原來無咩肉食，都係大家樂好ｄ．

美心快餐（下午茶）睇戲之前冇野做，就同朋友響美心食下野休息下先。今日ｈｏｌｉｄａｙ，我地等左幾個字先有位，成個場多人到爆！好耐冇去美心食野啦，下午茶多左咁多款ｗｏｒ＾＾朋友叫左個美國雞籃餐，跟餐凍檸樂＄１８；我叫左個公司三文治餐，包汽水＄２０我好耐冇食公司三文治喇，平時街買都要廿幾三十蚊，今次２０＄仲包野飲咪試下囉，諗住實好細件喇．．．點知拎埋黎有４大件（開心）仲好足料：青瓜﹑雞肉﹑菜﹑火腿﹑雞蛋等，好在冇我唔鐘意既吞拿魚咋，哈哈！仲有十多條薯條做伴碟，好味好味～好抵食既一餐！我用其中２件三文治同朋友既雞籃入面既炸洋蔥圈同雞‘徐’交換，不過味道就一般喇，仲好油添＞＜

6月18日10:00回老巢前,先到這裡來客早餐醒醒神。要了蝦餃點心拼盤：拼盤：蝦餃:熱味淡菜肉飽:皮淋而無肉汁，鮮竹卷: 鮮竹失去味道,餡料粉一團,凍冰冰食品工場貨色，不可苛求。齋啡: 仍舊香濃

頭先同媽咪ａｎｄ家姐去左食美心食下午茶。。。０個度唔算好多人～～我食左個芭提雅燒雞扒喇沙套餐（包括野飲）～個燒雞扒麻麻地～～可以因為太多肥膏，我唔太鐘意食．．．但係反而個喇沙就唔錯～幾好食呀！！呢個ｓｅｔ只需＄１８～抵呀！！媽咪就要左個扒蘑菇火腿芝士三文治套餐（包括野飲）～我食左少少～呢個幾好味呀！！芝士好多～　正～美中不足既就係蘑菇唔多．．．呢個ｓｅｔ只需＄１２家姐就要左個雞籃套餐（包括野飲）～有雞全亦，雞脾，薯條，栗米，類似珍寶腸既大腸～呢個ｓｅｔ只需＄１９．５工個人加埋都只係食左＄４９．５～真係好抵食～！

近排成日同媽咪去美心食下午茶，食左好幾次，都覺得唔錯，貪佢抵食夾大件。宜家我就同大家分享我完D 野既<<食後感>> 啦~ 公司三文治- 材料好夠，而且係即叫即整既，所以好新鮮!吞拿魚三文治- 呢個都係即叫即整既! 但始終都冇公司三文治咁好食~叉燒瀨- 我專登叫佢比瘦叉我既~ 好好味呀~ ^^"

叫左個日本燒雞飯﹐都OK。雞真係即刻燒﹐所以熱辣辣﹐D飯都有少少燒汁撈黎食。熱奶茶都好正。

今曰因公事好悶，中午要離群透氣，獨自一人在這裡開飯。要了咖喱牛腩撈伊麵HK$25.-齋啡HK$5.-咖喱牛腩：香而不棘，牛腩極肥>m<撈伊麵：要等5分鐘，但麵竟然是冷冷的m<齋啡：幾香OK用以往美心的水準來衡量，算是失敗之作。