美心MX (Closed)

今日放工見肚餓，就去左美心食下午茶，選擇有好多，飯，粉，面包，咩都有。我選擇左油雞脾+咖哩魚旦+送紅豆冰油雞脾d肉好甜，好入味，勁正，食多隻都唔怕😘😘😘免費紅豆冰就比較淡，但紅豆好多，有4分1杯咖哩魚旦就不過不失，仲暖既！普通魚旦，唔太spicy

終於又等到佢嘅火鍋歸位，名為和風火鍋，有海鮮雜錦或鷄、牛、豬肉，選了鷄肉，配白飯！ 點選醬油湯底，幾濃味道，鍋內配料甚豐富，有紹菜、金菇、豆腐、南瓜、芝士丸及肉丸各2粒、蟹柳條及冬菇加粟米！火力夠猛，唔駛好耐就食得，鷄肉夠滑及已調了味，食完整個火鍋夠晒飽肚，唔錯：）

今次介绍呢間美心MX呢外賣係呢個海南雞飯，至於味道方面做得好好起湯方面係用冬瓜做成既不個薑味就重左D，飯就配黃油飯味道好重好香咬感好D飯係一粒粒唔係黐埋一齊而雞就控制好好，好重雞味仲好滑配菜就用椰菜用芝麻醬。

估唔到五月尾仲有火鍋供應，一於揀我喜愛的雜綿鍋（$55）材料都幾豐富，有芝心丸，蟹柳，肉丸各2粒，又有粟米同金菇菜鷄肉份量都唔少，肉幾滑但偏咸加埋珍珠米，點會唔飽跟餐加＄6，可以有加大裝檸樂一個人食超滿足！

The curry beef cheek here is good but inconsistent because sometimes the beef would be soft and gelatinous and sometimes the beef would be dry.★☆★☆★☆★☆★☆★☆★☆★☆★☆★Lemon chicken:This time went for the lemon chicken which didn't look like lemon chicken. It looked more like grilled chicken and the lemon sauce tasted really artificial.★☆★☆★☆★☆★☆★☆★☆★☆★☆★

前已讚過,單以下午茶款式計,美心MX的選擇絕對比對手多.今日經過, 又有新產品, 更冠以一個漂亮的名字 - "仲夏繽紛便當"系列.系列並有四款選擇, 但睇清楚餐牌, 其實來來去去都是圍繞住幾款食物的配搭:碗仔翅, 冬菇肉碎米通粉, 香茅雞翼, 魚蛋及燒賣.因為是日燒賣已售罄, 最後點米通粉,雞翼及魚蛋.便當系列, 與前系列一樣用日式便當系列的器具. 除自選款式外, 非自選的配料有薯條, 沙律及啫哩, 連熱飲盛惠$27.第一個感覺是與前便當系列下午茶分別不大, 只是普通雞翼變了香茅雞翼及有新產品米通粉.香茅雞翼 - 這個有點驚喜, 香口濃味, 茅香十分突出, 雞翼亦夠入味, 好食! (賣相方面因為是香茅關係所以顏色偏深)冬菇肉碎米通粉 - 反而對這個十分失望; 入口只嚐到非常非常濃郁的芹菜及莞茜味. 肉碎份量OK, 但味道已被掩蓋. 冬菇只找到幾粒, 不值一提. 米通粉較為特別, 質地嫩滑, 口感煙韌, 可惜亦挽救不了分數.其他如魚蛋,沙律及薯條屬典型的下午茶款式, 尢其魚蛋夠彈牙, 味道幾好.是次雞翼與通粉評價兩個極端, 打勻剛好一個中評.便當系列的好處是一個餐嚐盡多款食物, 且夠飽肚

今晚口寡寡，肚漲漲咁，完成提唔起勁想食乜晚飯佬佬見此，竟然話去食扒，我心諗：好丫，你食扒，我食沙律驅車直達。。。美心快餐？！！！哈哈哈，真係完全估佢唔到呀！望住水牌，商量食咩好我：有鐵板燒呀，你order雜扒丫佬：有打冷呀，你食大眼雞，我要墨片雞臣由於我都無咩胃口，最緊要佢肯包底，食咩都無所謂了就係咁，造就了是日晚餐啦大眼雞套餐（hkd52）：有中國茶、白粥或白飯、是日例湯（苦瓜排骨湯）及大眼雞一條例湯：無味精，苦瓜勁甘，唔愛苦瓜的我，完全係苦到嘔丫！！大眼雞：size算中等，魚身大約有17cm長，本來擔心會腥，魚肉會鬆散，點之都係我過慮了，實的的的魚肉，就算唔沾黃豆醬，都有淡淡的咸香味，送白粥一流呀

晚上是平安夜派對，姐姐買了一隻大火雞回家，連紙盒和兩樽醬汁總共有十多磅，可見其份量之多。火雞是已切面的，所以相當容易起肉。一嘗，火雞的味道比普通的雞肉濃味得多，即使不用下調味也十分美味，但沾上那些吃火雞專用的醬汁同吃就更為錦上添花。兩樽醬料分別為燒烤汁和黑椒汁，燒烤汁的味道較甜，跟帶鹹香味的火雞肉十分配合，而黑椒汁儘管不辣，但是味道偏鹹，所以火雞肉沾上黑椒汁後就會變得過鹹。唯一較為失色的是，火雞肉的肉質是相當的「乾身」，所以略為影響了味道，亦很容易便吃滯了。

見今日放假，晏晝做個孝順女同阿媽落樓下美心 tea，發覺宜家美心MX質素好似差左，我同阿媽order左個豉油皇雞脾米粉 x 可樂 + 吉列豬漢堡‧吞拿魚卷‧薯條‧粟米‧甜品‧沙律 x 可樂，加埋 $40左右，雖然唔貴，但真係唔可以話物超所值！豉油皇雞脾米粉 x 可樂：* 不俗，雞脾好入味，米粉唔會好碎 吉列豬漢堡‧吞拿魚卷‧薯條‧粟米 x 可樂：* 吉列豬漢堡 – 不俗，但冇咁多油會好d * 吞拿魚卷 – 入面d生菜仲好fresh，不過成個卷都好淡味* 薯條 - 唔知係咪擺左好耐，薯條好硬* 粟米 - 好似比人咬左啖咁，賣相一般* 甜品 - 不太甜，但我幾中意* 沙律 - 涷 d 會好d其實由細食美心食到大，一向都唔差，但今次真係有點失望。 希望佢地可以改善下啦！

美心早陣子推出了雞煲翅套餐, 除了門口貼了大大個宣傳牌外, 電視也賣了廣告, 當眼見人人都還吃著韓式石頭飯時, 倒不如試個新的雞煲翅套餐 - 煲內雞脾連胸肉, 雞肉偏瘦但不鞋, 肉質還帶幾分嫩, 翅細細的有好幾梳, 加上津白, 湯底喝下幾清甜, 但只可惜湯份量好像少了點. 而小菜四選一, 不為意已經有雞煲, 所以再點上了京城煨雞, 醬汁味很濃, 配上冬菇洋蔥等配菜, 用來送飯很不錯

美心現在多花樣搞作, 除了火鍋外, 現在還有韓式石頭鍋, 通風做得不夠, 入到去只得一頭煙羊腩煲 - 賣四十多元, 在這連鎖快餐店當然沒太大期望, 但在這下反而有意外驚喜. 羊肉炆得很腍, 羶味不太重, 冬菇支竹等也不錯, 另再配生菜白飯, 吃完除了飽肚外, 心理上也覺暖胃

星期天，人總是懶洋洋的，總是兩點過後才出動，喜歡到附近的將軍澳中心閒逛，順路看看最新的球衣優惠，今日的美心人頭湧湧的，但全是為了看森美、江若琳的電影宣傳活動的，三點鐘，活動完了，我才施施然歎我的下午茶...點了魚肉三寶麵，跟汽水只是 $18.5 相當抵食的感覺這碗麵料多麵少，有魚旦、魚肉春卷、魚蓉、青菜，但只得約半個麵底，而且麵不爽口，一般貨色但今時今日，物價高漲，還可以食到一個廿蚊唔使的下午茶餐，雖然唔飽肚，都算可以啦~

一次衰過一次,早幾日食lunch,我個意粉淡到無味,我屋企人都話佢地叫的食物都唔得,我地食食下仲聽到隔離個太太攞住個兩餸飯邊食邊罵美心d野唔得,我一看,嗰個飯真係不個所謂,講得衰d真係睇見都唔想食,最諷刺係再隔離就坐住呢間分店的職員同廚師開緊會(佢地似係開緊會),唔知佢地聽到,會唔會唔好意思呢!!!但係睇佢地個樣好似無囉!!!!

已經唔係第一次, 執外賣都漏一兩件, 另外既鋪頭都好少咁既情況, 唔掂唔掂近期熱播韓日套餐, 見唔少人都點, 咁就順勢整番個咖哩豬扒拼炒粉絲+人參雞湯($45.90) - 日式咖哩唔辣, 甜甜地幾好送飯. 韓式炒粉絲齋睇個樣都幾似樣, 但入口總覺比傳統炒粉絲爭咁D. 人參雞湯面幾油, 參味唔重都預左, 原粒蒜頭一齊煲, 蒜味竟然係最重就真係唔係好接受到心型蛋糕係執漏單送既野, 無食, 下次再送都係唔要喇, 無謂浪費

同朋友仔行左兩三個鐘頭街個人散散地, 終於可安定番落黎買個餐抖一抖燒味雙拼餐($35) - 油雞拼燒鴨, 份量唔多, 油雞唔覺有豉油味, 燒鴨亦帶點鞋. 油菜又腍又凍唔食好過. 鹹蛋($4) - 另加要比$4係水吧個幾個哥哥仔好似玩咁, 食物唔掂, 工作人員又唔認真, 如果唔係大集團一早就摺左