麥當勞

Open Now

Now Closed

夜晚收工附近冇乜好嘢食，所以都係揀咗食麥當勞，用咗佢最新推出嘅優惠，新嘅app可以套餐減-10，呢個優惠都唔錯，可以就順便去食🔥芝士安格斯，呢一個係佢嘅signature系列，我覺得呢一個價錢嚟講係非常高質，佢係即叫即刻做，所以都非常熱辣辣，同埋個漢堡扒都非常juicy, 加埋洋蔥茄汁芝士嘅配搭，同出邊西餐嘅burger差唔多，整體上我都會覺得幾好，再減埋$10簡直就係非常抵，鍾意食漢堡包嘅朋友，可以試埋佢蘑菇安格斯，都同樣好吃。

其實冇諗過竟然會為麥當勞寫一篇食評，但係因為實在擦出左低水準嘅新下限。今晚叫咗一個脆辣雞腿包餐再加兩件脆香雞翼，個脆辣雞腿包真係冇得頂：乾、扁、硬..加上一堆黃過秋天落葉嘅菜絲。佢哋而家嘅水準似乎係只要你冇食到肚痾就OK。記得以前細個嘅時候麥當勞所有嘅包都係預先做好擺響度等人買，跟住突然間某一年俾人收購咗之後就開始所謂即叫即整，願意好似話係保持新鮮到令到食物好食啲，但係照我呢間嚟睇完全唔成立，仲每況愈下。我明白麥當勞係平靚嘅代表，但你都冇理由差到咁，我係麥當勞以前嘅水準比，唔係同其他餐廳

其實冇諗過竟然會為麥當勞寫一篇食評，但係因為實在擦出左低水準嘅新下限。今晚叫咗一個脆辣雞腿包餐再加兩件脆香雞翼，個脆辣雞腿包真係冇得頂：乾丶扁丶硬….加上一堆黃過秋天落葉嘅菜絲。佢哋而家嘅水準似乎係只要你冇食到肚痾就OK。記得以前細個嘅時候麥當勞所有嘅包都係預先做好擺響度等人買，跟住突然間某一年俾人收購咗之後就開始所謂即叫即整，願意好似話係保持新鮮到令到食物好食啲，但係照我呢間嚟睇完全唔成立，仲每況愈下。我明白麥當勞係平靚嘅代表，但你都冇理由差到咁，我係麥當勞以前嘅水準比，唔係同其他餐廳比

比食物個人態度好差！想要個膠袋入住一杯飲品都冇！話用手拎住！對手拎緊食物又有咩拎飲品就係想箍住係隻手！買完外賣返屋企食時發現原來無比麥樂雞醬！同朋友講起睇都講服務態度好差，上兩次去都比留嘢！

食麥當勞就唔會好趕講咩要求，我要求好簡單快同乾淨，好唔好食就睇廚房心情！琴日趕時間就去咗麥當勞食！呢間麥當勞出餐速度快，跟住嘢食大致良好。唔好凍冰冰出嚟！整潔程度理想，員工們對客人好有禮貌！如果大家喺銅鑼灣做嘢，而且又好趕時間嘅話，我覺得值得你呢間麥當勞，啲間麥當勞座位都闊的，對正車站同學校，方面學生👍👍

雖然麥當當成日都係凍曬做定好耐，但So Far食呢個炸雞餐都OK，次次都熱，新鮮炸，為左打低炸雞店既努力啊。佢個雞又係炸得幾好食既，皮脆肉嫩又多汁，調味有正呢，辣辣地易入口。件雞又大件，食呢個雞餐都幾飽，食佢唔使加野。另一日食左雙層芝士漢堡餐，呢個包甘細就加多個菠蘿批，話曬又出返之前有無試過，當係試下新野。菠蘿又幾香喔，唔算太甜，不過都係鍾意蘋果批多D。麥當當一如以往地多人，一位難求，而加半數入座更難揾位，但依然有無多無消費者係度打躉，食燒味飯都有，有無搞錯。

同媽媽大人行街行到攰, 想找個方便的地方坐下休息, 見到「總有一間在左近」的麥當勞就進去, 順道食個tea.本來想食普通麥當勞, 但見到McCafe新出的伯爵茶蛋糕, 就被吸引過去. 叫咗個午後combo, 有蛋糕食仲有飲品, 加5蚊仲可以轉沖繩黑糖珍珠奶茶以下是媽媽大人的comments.🍰伯爵茶蛋糕: 伯爵茶味很濃, 很creamy, 味道不錯.🥤沖繩黑糖珍珠奶茶 : 黑糖味道突出, 也有茶味. 珍珠煙韌有咬口. 連平時不愛甜飲的媽媽大人都覺得可以encore.

呢期麥當勞推出新優惠，日日都有不同精選，試咗四重芝士孖寶，有兩片漢堡扒，加埋汽水只係$18, 雪糕$2, 蘋果批$3, 奶昔$4, 好抵呢，可惜每次推出優惠，又是1月1日加價嘅時候了，但麥當勞依然是百吃不厭的。

作為一名健身教練, 食早餐梗係要熱辣辣啦今朝一心諗住食個靚早餐, 靚薯餅, 靚雞扒, 靚豬骨湯通粉。點知, 外賣由拎到開個刻只有10分鐘, 但已經涼到好似開住蓋攤左半個鐘咁好明顯攤左係度又加唔夠熱, 大佬呀朝頭早食個涼通粉都好唔開心姐, 唯有自己叮番熱佢另外個豬骨湯都真係幾咸下, 就好似食公仔麵落太耐水咁, 唔知係又係咁岩咁咸定係本身既standard就係咁咸既呢? 明明平時買開包都唔會話涼浸浸架..可幸既係杯熱奶茶都夠熱同好飲既。

老麥免費送嘅大杯裝奶蓋飲品，今次有三種味，分別係菠蘿、提子同珍珠奶茶。有幸試左其中嘅兩種，就開心share下咩味啦！菠蘿味嘅奶蓋，奶蓋是厚身的，飲落係偏咸嘅芝士味。中間係沙冰口感，下面有好多菠蘿肉，食落似罐頭菠蘿。不過整體味道很配，幾好飲。提子味嘅奶蓋，奶蓋仍然仲好厚身，不過就無咁咸。第一啖飲落去似藥水，之後飲真係有種茶味，都幾香。然後底部有好多提子果肉，提子果肉都幾好味。杯野唔甜，整體來說都ok。珍珠個杯我就無試，不過聽聞有茶味，清清地不太甜，珍珠還好，芝士奶蓋略咸。總括來說，老麥今次算係做得幾好。我覺得菠蘿味比提子味好飲，不過聽聞珍珠還比菠蘿好飲。

麥當勞又推出左新芝士奶蓋新品，見有free trial於是就換來試試。今期芝士奶蓋試飲有3款，包括芝士奶蓋提子、芝士奶蓋菠蘿同芝士奶蓋黑糖珍珠茶。因為菠蘿飲品相對少，於是就選了菠蘿味～杯芝士奶蓋菠蘿都幾大杯。芝士奶蓋略帶點咸味，內有好多菠蘿果肉，只是覺得菠蘿有點像罐頭菠蘿的味道果汁是沙冰來的，混合芝士奶蓋飲尚可，不至於好伏。整體味道比上一次推出的芝士奶蓋系列好。奇異之處，就是朋友/同事取的芝士奶蓋都不是如此大杯...具體差別原因就沒有探討了。

去麥噹噹最鍾意就係食脆香雞翼，但最近被軒仔同joey嘅廣告嚴重洗腦，所以點了18件麥樂雞餐，當中最想試的就當然是新口味的麥樂雞滋味醬喇~~~ 滋味醬一盒仔咁pack好哂，共4款口味(當中有3款係新口味)，如要另外加購，每盒要收$1。 咸蛋黃醬(新口味)~ 醬既texture非常厚身，顏色像是廣告彩，而且非常咸，本來對佢非常期待，真的失望了！ 南乳燒雞醬(新口味)~ 醬既texture及顏色感覺跟咸蛋黃醬一模一樣，但口味上真的似一舊南乳般，可以用「難以入口」來形容。 香草檸檬醬(新口味)~ 這款真心好味，因為佢清爽的檸檬可以中和油膩感，畢竟麥樂雞也是炸物，配上檸檬，一定是絕配吧！蜜糖芥末(舊口味)~這款不用多介紹，一定係好味、多人喜愛，才會保留唯一呢個舊口味。

平時個人好少食麥當勞，但係見到佢新出返呢個脆皮朱古力新地筒，都忍唔住同朋友一齊去食。唔知點解落咗朱古力脆皮嘅雪糕會有啲軟身，食落去好似就嚟溶咁，令到我都唔可以好享受咁品嚐呢個新地筒。如脆皮嘅部份亦都係非常之薄身咬落口之後都好似冇食過咁，同細細個識嘅印象好似有啲差距。

原本諗住想食韓國野，因為可以食到炸雞🍗.但係最近麥當勞推出既18件麥樂雞塊十分吸引，而且叫套餐價錢又實惠，另外仲叫多左個雞翼加埋先70幾蚊.真係幫老公慳番吾少錢😆😆不過鹹蛋黃醬一般般其他醬汁反而仲好食.18塊既麥樂雞啖啖肉食得好過癮🤤🤤加埋汽水🥤超正👍🏻🤩

平時都唔會特登走去食麥當勞嘅雪糕，但今次見到廣告，佢出咗隻藍色嘅海鹽雪糕，自己都心郁郁去咗試！由於佢只係賣$5，所以自己對佢都冇好大期望。第一啖咬落去，都唔係話好難食，食得出個海鹽味。但食多幾啖之後，就會發現越嚟越咸，最後都冇食落去，就扔左落垃圾桶...加上個雪糕比平時麥當勞賣嗰啲雪糕更加軟身，食落去完全冇口感