麥當勞

Open Now

Now Closed

見到「蝦堡系列」再次登陸麥當勞！麥當勞聯乘《壞蛋獎門人4》電影角色——迷你兵團(Minions)😍，推出左新包新批，我就去試下啦！滋味蝦堡餐$39滋味蝦堡用芝麻麵包，炸蝦餅入面都有蝦，配左千島醬、芥末醬和生菜，好岩夏天食，開胃易入口！熱朱古力奶正常！薯條正常！香蕉朱古力批$11（甜品）夠熱，酥脆的朱古力批都幾好味，入面有熱辣辣的香蕉果蓉和朱古力醬！可以一試！

➳ 厚椰奶鐵 ⁽⁹/¹⁰⁾$9.9 不容錯過，層次分明，espresso 好似 dirty 咁慢慢滲落去。一開始直接飲，上層有淡淡椰子香，搞勻再飲，就將椰奶味再提高，絲滑口感伴隨椰油香，口腔留下咖啡微苦。冰融化後帶走咖啡苦味，剩下椰奶的質感同口感回蕩。⤵

平日早上，難得放假，走過來呢間冇乜人嘅麥當勞食吓早餐。見到有豬扒早餐，就試吓，感覺好似健康啲，唔係加工嘅漢堡扒。用手機落單，如果用PayMe俾錢仲有$5優惠券可以扣。扣完都要$32.5，坐喺位用手機落完單，等咗10分鐘左右終於有得拎。打開個盒，豬扒比想像中細塊，蛋嘅份量亦都比想像中少。餐具而家都係用上木嘅餐具，感覺比以前環保。但起初切豬扒嘅時候，都有考慮過把刀夠唔夠力，結果都切到嘅。塊豬扒鹹咗少少，好彩細細塊姐。蛋同包同薯餅就正常發揮。加咗兩蚊要熱磨咖啡，感覺比平時多咗啲奶。

今日落大雨，困係MegaBox 入面..真係唔知食咩好..好左M記有個外賣app..禁幾個制，好快就可以直接到舖頭攞到外賣，呢個真係要讚下。先講下個蘑菇安格斯漢堡包，個麵包外皮係比平時個D 好食、唔太乾，有咬好，但係幾薄下; 至於個牛肉呢..本人就認為同普遍漢堡包分別唔太大，真係唔洗加錢買一個貴咁多既包。栗米杯就最正常，而且份量滿滿的; 最奇怪就係個熱檸茶，明明跟餐加左$1.5轉大杯..但竟然都係咁細杯。總括嚟講，女仔食應該都OK, 男仔應該就唔夠了。P.S: 扣左PAYME $5現金券

將軍又返黎啦，咁都如常要食一次回味下嘅，叫左個二人前套餐，再加埋新出個綠茶豆乳批 ，左加右加大概呢餐要100蚊左右啦。個將軍漢堡都一如既往咁啲醬漏晒出黎，加左玉子個包都仲係好薄身，越黎越細個。另一個係雙重將軍玉子，多一塊肉感覺都差不多。原來朋友無食過將軍漢堡，佢一心以為係牛肉，點知咬落黎軟淋淋嘅豬柳肉，佢話豬柳漢堡仲好食啲啦咁，又平啲。至於個綠茶批，我就覺得幾好食，綠茶味濃豆乳唔太甜，個皮仲幾脆添，不過朋友話佢寧願食蘋果批因為平一蚊……然後杯中汽水又細杯左，個批又幼身左，朋友話老麥唔抵食，我自己就覺得ok啦，幾十蚊仲想點。

老麥耐唔耐就會食下，尤其佢有啲咩咩限定個陣，有新野咪黎試囉。之前個寵物小精靈……好似而加叫精靈寶可夢？出左個飯漢堡，幾得意咪試下囉，雖然都唔係咩新奇野，飯漢堡好多地方都有。叫左牛肉味，有啲似吉x家牛肉飯不過做成漢堡樣，幾好食，個飯堡煎到硬硬地，入面多汁，都幾多牛肉。另一日叫雞餐，再加朱古力批。朱古力批幾甜，朱古力味唔濃，蘋果批好食啲。叫炸雞餐比左蜜糖雞，好似蜜糖貴啲？唔知呢…除晒口罩懶得出去換，兩件雞都凍，蜜糖味又無，炸雞好食啲囉。仲有一日食左朱古力麥旋風同朱古力新地，勁重朱古力味呢個好食，幾時先再出呀？

多謝一班 #神隊友 嘅支持，#小秘書 今日終於超額換哂三款由 foodpanda 聯乘 McDonald's 合作嘅 Anson Lo #粉紅教主杯墊 🤩 扣除 #foodpanda 嘅 #折扣優惠，再加埋 #運費，$110就叫到個二人餐… 其實都唔算貴吖😉當然味道嘅嘢就真係 #見仁見智，杯 #粉紅教主 #PinkPrince 話就話係由 #士多啤梨 🍓 打成嘅 #沙冰，不過真心講… #士多啤梨 🍓味道欠奉，#沙冰 上面一粒粒嘅 #爆珠 又無咩味道，整體只可以話「冰」嘅味道比較出色😆 除咗杯咁特別嘅 #飲品，個二人餐仲包咗兩個 #包🍔、一杯 #粟米 🌽、六件 #麥樂雞 🐣 仲有一盒特大嘅 #薯條🍟 因為我一向對 #薯條（尤其係凍哂嘅薯條）冇乜興趣，所以今日我就貪心啲，加$5揀咗我至愛嘅 #魚柳蝦堡 🥳 冇諗過經過一輪車程、我又花咗咁長時間 #打卡，今次個 #魚柳蝦堡 居然冇變形又無出水，#魚柳 同 #蝦肉 嘅口味相當配搭，唔會太油膩、食落都幾鮮味，配埋特製嘅 #麵包，口感大滿足… 至於其他嘅 #小食，可能係擺得太耐，已經變得硬梆梆

今日咁啱有同事去麥當勞買早餐於是搭單買埋。平日就真係唔會有時間講得切去買，麥當勞嘅早餐亦都冇咁大吸引力要提早起身去食。。。✨✨可能因為太耐冇食，連而家熱香餅有花生醬同煉奶選擇都唔知道🤣🤣🤣奶醬熱香餅呢個選擇又幾創新👍🏻👍🏻✨✨我知有人食薯餅會加茄汁，不過唔知有冇人試過，其實麥當勞嘅提子果jam 配薯餅係好好味😋😋如果你未試過，真係唔好批評話好奇怪，鹹鹹甜甜呢個味道係幾得意😎😎✨✨

理解限坐政策，但唔明白餐廳唔識靈活變通事源4月尾未放寬限坐政策，28號去餐廳食嘢，餐廳卡啦卡啦咁封咗啲細檯，只剩大枱。因為限聚令關係，唔會多個4人用膳，但封咗細檯，令用膳嘅人被逼一齊搭大檯，豈不是本末倒置？有一名女孩因不想同人搭大檯而坐上封咗的位，立即被職員阻止，焗住同人搭檯尊重員工壓力同職責所在，只係唔明餐廳的本末倒置政策。

今日去食垃圾食物 #麥炸雞🍗 $41/2件, $111/6件..對老麥真係冇乜信心，但最愛 #炸雞 又試下先😽..食落口唔似泰國老麥炸雞🍗炸得咁脆同乾身，但都唔失望！🤨咬一口唔算勁juicy ,,um...好食過 KFF ..有時食唔到 #魔鬼炸髀 ，去老麥食下呢個都👍🏽👍🏽寧願收貴少少俾翻有質素既食物，放得入口先得架🥺有少少辣夠惹味，個皮唔炸得厚，算係咁..對於Vienn嚟講好過KFF,但又冇蜜蜂仔🐝做得咁好，但 #勝在總有1間在你左右😍 閒時食下垃報...📍各大麥當勞 McDonald's11am後發售...

因為口痕想食野的關係，就抵唔住引誘去左Ｍ記食個TEA。而家好多M記都轉左用機點餐，個腦本來想食麥樂雞，但隻手禁下禁下就又想食雞翼。　依個情況下，唯有叫個SNACK BOX解決。個盒內容好邪惡，不單有麥樂雞，仲有兩款雞翼。麥樂雞就麥樂雞咁嘅味啦，Ｍ記雞翼不嬲都幾得，另外果隻好似係煙薰味，都唔錯，但好似咸左少少。另外就係雞翼今日好似炸得耐左左少少，個炸皮有Ｄ硬。BTW就係依間分店拎餐果陣時最好CHECK下先行，試過一兩次都執漏野，試過一次買兩個麥樂雞餐俾漏左一盒麥樂雞............ 

之前M記推出左18件麥樂雞，同事即刻買來試吓。麥樂雞個個都食過啦，所以其實係主要想試吓佢果個新出嘅四色醬，因為好似其實都幾新奇咁。四色醬分別係有南乳燒雞醬、咸蛋黃醬、蜜糖芥茉醬，好似仲有個檸檬醬。睇相都知道南乳燒雞醬同埋咸蛋黃醬，個顏色都幾鮮艷，坦白講有啲驚佢係有好多化學野。味道方面，南乳燒雞醬都勉強可以接受，但係咸蛋黃醬就由色水到個味道都唔係好對路，完全係同一般金沙雞翼、金沙魚皮之類食品咸蛋黃醬爭好遠。另外，蜜糖芥茉同埋檸檬醬就比較係穩陣，正正常常咁啦。結論就係，其實我覺得本身麥樂雞default選擇嗰個甜酸醬應該就係最好食嘅，下次都揀返佢最穩陣，當然最好依Ｄ野都係少食啦，哈哈。

除了早排有芝蛋脆雞堡$10早餐優惠，到麥當勞食之外，平常也甚少來..點了雙層芝士孖堡+粟米杯+茶包奶茶.雙層芝士孖堡味道不過不失，粟米粒粒粒雖然都甜，但有少少腍身，不夠爽口有口感。可能是好精加茶包，奶茶也不及茶餐廳的香濃..不過個餐只需要$25，也是超值的啦..

近幾年嘅3月14號麥當勞都定為「3.14 pie🥧 day 」，而所有批類都會統一賣$3.1，今年新增咗「野莓吉士批」，趁pie day梗係買💰嚟試下啦！其實聽個名都知伏味甚濃，但愛試新野嘅我仍默默地有小期望🤩，一口咬落唔算太熱只係有啲暖，可能係因為外賣嘅關係，第一口淨係咬到個脆皮未有餡，但個皮嘅朱古力🍫味好似太濃，濃到好似有啲覺得係焗燶咗嘅燒焦味，第二口雖然加埋野莓醬同吉士醬，但仍然掩蓋唔到陣燶味，吉士完全近乎無味，而野莓醬亦只有微微嘅甜味🍬，呢個批可見麥當勞嘅創新，但味道同食材配搭就拎人失望😓

點解會去食：2019-01-02 遇正老麥做優惠$10/9件Mc Nut-guts, 下晝咪同成班同事去踩場囉！食物新鮮程度：⭐⭐⭐咁多人去買，炸都炸唔切啦！外皮唔會係淋嘅！但佢擺明係雪野，新鮮？咪玩啦！食物合適溫度：⭐⭐⭐⭐佢而家即叫即整，一定係好夠熱啦！食物驚喜程度：⭐⭐⭐️⭐️嗰頭比個優惠大家，另一頭有就將個超值套餐加成一蚊喎！十蚊雞加個餐都唔發現呀！仲真係好鬼識做架佢！—————————————————服務員態度：⭐⭐⭐好唔好都會食架啦，夠平吖嘛！—————————————————最重要系。。。我會唔會再去？重遊指數：⭐⭐⭐⭐