麥當勞

Open Now

Now Closed

喺麥當勞🍔用餐，魚🐟柳包相對嚟講係會比較健康啲因為有魚，又唔使輪骨，所以食麥當勞🍔總體嚟講，不過不失，但因為加咗價💰，對佢嘅期望又會高啲。📌麵包沒有烘過，所以有啲腍啤啤。📌中間夾住的醬，比較集中，好明顯沒有塗抹過。📌唯一覺得抵讚的是，中間嗰塊炸魚柳，雖然size唔係太大，但質感10分厚實。啱啱係一個人食的份量，實際份量都OK📌包圍着魚柳的粉漿會比較厚，如果可以有改善的話就更好啦！不過夜晚有呢個價錢，又可以食得飽，真係唔好投訴咁多😄

點解經常都執漏/錯嘢？90％買外賣唔係比錯就比漏麥樂雞醬。今次諗住想試新薯條調味粉。點知又比漏。唔比調味粉咁比個袋我做乜？買得外賣返屋企食。唔通又要為左包醬。或者調味粉。專登花十分鐘返去攞？今次盒麥樂雞。又凍又淋。夠竟想點？疫情期間已經唔比堂食。買外賣包好客人又唔會點算。係咪咁就可以得過且過呢？我年少時都做過麥當勞。以前唔係咁囉每樣食物都有儲存時間。過左就一定要棄置。因為會影響味道同口感。但今時今日點解會越做越差

一樣係平常既反工日，今日就買左火腿扒炒蛋堡做早餐，用麥當勞apps買，可以用coupon，買指定既餐，特價早餐就冇得用既，會送一杯細橙汁，我通常會留反lunch先飲，杯熱飲就早餐飲，好味道。感覺呢間麥當勞出餐都幾快，我等左5分鐘左右就有得拎。朝早繁忙時段，人手都ok，都見到會沖定d熱門飲品，prepare定d熱門包包，薯餅都有大量炸起，熱辣辣，脆卜卜，好鬼吸引，但又好驚熱氣會生暗倉，成日都係食同唔食之間掙扎。。

Cannot remember from what time, I started loving to have breakfast at Mc Cafe of McDonald's before going to work. The coffee and bread on offer are always fitting my appetite. Used to have tall size cappuccino but this time let me try Americano (black coffee without sugar and milk), it's also served with a small pot of hot water for adjusting taste if you feel black coffee is too strong to you. The bread - I like this raisin one so much, it's my favourite pick and I definitely go for it for my n

每次見到麥當勞出18件麥樂雞（單點$33）都好開心，因為會有新醬可以點。哈哈今次有2款新口味+2款經典口味嘅滋味醬全新口味有「川式甜酸燒汁醬」同「四川宮保風味醬」。聽講Lee隻川式BBQ醬係美國賣到斷市，今次可以試到堅期待呀。佢的確唔錯，甜甜酸酸加落脆脆地既麥樂雞到，好夾，酸酸又開胃，真係點完又點。四川醬對唔多食得辣既我來講，我覺得係辣架。不過辣得來都幾香。經典滋味醬有「蜜糖芥末醬」和「星洲咖喱醬」。蜜糖芥末醬唔洗多講，我次次都係大愛佢。同炸左既麥樂雞太夾了。平日都有得點佢就好了星洲咖喱醬依舊惹味，難怪都係多人追捧。d醬咁好味..感覺食多18件都得...今次既麥樂雞無炸得太勁，所以很好。有時有d麥麥會炸得太勁，熱氣爆。

中午時份的亞皆老街麥記人頭湧湧, 尤其是3月14日, 除左係因為白色情人節外, 除左係pie day 外 (3.141.....)識做生意的老麥仲係今日出特別版野莓吉士批, 只賣3.1, 既然只係賣3.1, 我就只係將3.1 乖乖奉上, 將我減肥的quota 也放在一旁先。亞皆老街麥記鋪頭細細, 開門走廊一直入就係收銀, 但中間又有兩部自助售賣機, 如果坐係兩部自助售賣機隔離都幾煩擾。 好彩仲有樓上可以坐, 買完就上左去。野莓吉士批外套都幾少女, 而個批身係黑色的,好似有少少朱古力味, 但又好似唔係好濃, 不過都好過平時apple pie , 起碼特別D :-)而個入面D jam, 有D人食唔慣cheap 野的mixed berry jam, 可能會覺得有D似藥水,我反面接受得到。至於個吉士, 我覺得都幾好味, 當混埋berry jam 後, 都幾夾。總結黎講, 3.1一個我覺得100分ok!! :-)

今日下午我們行過旺角亞皆老街諗緊想食咩餐嗰陣，見到「麥當勞」嘅廣告牌有新款式嘅包推出咗，所以我們就決定入去食下午茶！我們叫咗東京之夜套餐嘅包係黑色漢堡，脆鷄扒嘅炸粉比較厚身，但肉質都算軟滑，再夾埋一塊黃金煎蛋同爽脆嘅雜菜絲，令到層次層都幾豐富，但日式吉列醬嘅味道就唔係太好，而且有啲怪！芝味蘑菇安格斯套餐嘅安格斯漢堡超級乾身，好似一塊厚身嘅牛肉乾咁，肉味亦比較「騷」，真係令我們覺得好失望！清新田園烤鷄嘅包質都幾軟熟，烤鷄扒烤得色澤都幾金黃，肉質好鬆軟嫩滑，而且肉汁都幾多，再夾埋香滑嘅牛油果蓉同新鮮蕃茄片生菜片一齊食，感覺好清新，唔會有好油膩嘅感覺！甜品：朱古力芭菲同士多啤梨芭菲除咗有香甜嘅OREO曲奇之外，仲有一條香甜鬆脆嘅朱古力條，配上香滑嘅軟雪糕一齊食，真係好正呀！

十二點吃完了午餐三點幾路過大大個字十元兩個豬柳漢堡就即刻入去試試，人多要排隊買飛連等食物差不多二十分鐘老麥我最喜歡呢種包煙煙勒靭有彈性芝士夠香濃半溶在包上好配合豬柳今次個包邊稍乾，可能保存久了不過十元兩個真正超超超超平

今晚我們去咗旺角亞皆老街嘅「麥當勞」食宵夜！我們叫咗今期最新推出嘅澳式芝蛋安格斯漢堡套餐係用軟滑嘅芝士，嫩滑嘅鷄蛋同鬆化軟滑嘅安格斯牛肉漢堡組合而成，不過鷄蛋就比較細塊！脆辣鷄腿包炸得好香脆，肉質好軟滑多汁，香辣嘅味道令到味道更加惹味，但炸粉就厚身咗啲！魚柳包炸得好金黃香脆，肉質好結實彈牙！熱焦糖新地，微微熱嘅焦糖夾埋凍冰冰嘅軟雪糕一齊食，真係好好味呀！

今晚我們去咗旺角亞皆老街嘅「麥當勞」買外賣自取返屋企食！我們買咗今期最新推出嘅瑞士芝味安格斯牛肉漢堡係用兩款芝士，炒得好香嘅磨菇，新鮮生菜，漢堡扒係用安格斯牛肉做成，肉質相當鬆軟，肉味非常香濃，肉汁比平日食開嘅仲要多，夾埋一齊食，味道好惹味！美式蘋果安格斯牛肉漢堡係用爽甜嘅新鮮美式蘋果、蕃茄、生菜、煎香咗嘅煙肉同安格斯牛肉漢堡扒組合而成，食落感覺好清新，唔會有好油膩嘅感覺！脆香鷄翼炸得相當香脆，肉質好嫩滑！

夜晚一個人自己行開旺角亞皆老街,有啲肚餓,見到到有間麥當勞,我就諗都唔諗即刻行入去, 呢間餐廳夜晚十一點幾十二點都好多食客,今次我叫咗個一號餐(麥樂雞6件裝)飲coke zero,個餐係配中薯條,今次我嘅用餐經驗都唔錯,由排隊點餐到攞餐,都係五分鐘以內,速度多十分之快,餐廳環境都算乾淨,唔會有用完餐嘅托盤留喺枱面冇人執, 食物方面,炸薯條炸得十分之好,冇油益味,薯條亦冇炸得太淋或者炸得太濃. 而麥樂雞方面外脆裏面彈牙,口感唔錯,麥樂雞嘅肉質還好,唔會太過粉, 配合酸甜適中嘅燒烤醬, 酸鹹甜味比例啱啱好,唔會太重味道.而喺飲品方面, 我係叫左走冰嘅 Coke Zero, 入口感唔會太淡或者感覺太水, 整體用餐感覺同埋經驗十分之smooth, 呢度用餐係一個極速填飽個肚嘅好選擇!

話說我之前試過食扭扭粉早餐覺得幾好，又大碗又飽肚，不過那次在星期日食，唔有平餐(無薯片餐)。難得一次早上無買定包，就自然行左去麥記買個靚早餐先。一見平餐有扭扭粉，二話不說就買左，只係17蚊，飲即磨咖啡都係多1蚊，抵啦，點知。。。。我睇漏左mini....拎外賣時只是一個袋包的袋，原來mini係以前出湯時的盒size, 內裡放扭扭粉外，就得少少雜豆及一隻蛋，食齋添。味道更。。。上次都有d豬骨味不錯，今次係重口味，可能職員太累忙中加料，加雙份，口味都雙份重，又浸到肥哂(由餐廳到公司開餐之間只隔5分鐘)。蛋是比較好的一樣，煎得適中。咖啡就仲慘，平時飲開熱咖啡，點解會飲到暖。。。。。。。由於職員一次過大量製作，放枱等人叫就即入袋，我懷疑我嗰杯咖啡早在一個鐘以上前就做好。。。失望！

難得去買早餐(平時整麵包), 就去一去麥記，原本想叫麥芝蛋包，點知見扭扭粉好似不錯，早餐為mini size, 起初看不到這個字，就配即磨咖啡，17蚊都好平，誰知。。。碗粉只得平時茶記例湯份量，少得可憐。到寫字樓只需5分鐘，但已發脹厲害，入口幾重口味，配一件蛋同少量雜豆，蛋份量與麵包有的一樣。整體太淋，偏咸，為食飽已食。。。難享受由於早上繁忙時間買，預先沖好大量飲品，咖啡都已暖非熱，雖然味道都沒大分別，但飲慣熱咖啡的我，對於飲暖咖啡不太喜歡，而且有少少苦澀味已出，下次都不選擇這個餐-_-#

今晚我們去咗旺角亞皆老街嘅「麥當勞」買外賣自取返屋企食！我們買咗今期推出嘅肉醬蛋牛飯TASTIC套餐同親子蛋飯TASTIC套餐嘅香菇飯香氣撲鼻，口感好煙韌彈牙，唔會好鬆散，肉醬蛋牛係夾住兩塊牛肉同厚身嘅煎蛋，牛肉嘅肉質都幾鬆軟，再配埋滋味嘅茄汁肉醬同新鮮嘅生菜絲一齊食，令到口感相當豐富，而且唔會有好油膩嘅感覺！而親子蛋係夾住一塊炸鷄扒同一塊粟米炒蛋，炸鷄扒嘅肉質有啲乾身同有啲「嚡」嘅感覺，粟米炒蛋係用炒蛋包住粒粒粟米，口感都幾特別，再配埋蛋黃醬，味道都幾惹味！板燒鷄腿包套餐嘅鷄腿肉質好嫩滑，包質亦好鬆軟！脆香鷄翼炸得好香脆，表面嘅炸粉唔會好厚，入面嘅肉質好軟滑！

今早我們去咗旺角亞皆老街嘅「麥當勞」買早晨外賣自取食！我們買咗豬柳蛋扭扭粉同熱香餅！豬柳蛋扭扭粉嘅扭扭粉雖然有啲腍身，但都算幾彈牙，湯底嘅味道比較淡，而豬柳嘅肉質都幾爽口！熱香餅嘅餅質相當香滑鬆軟，搽上牛油同糖漿，再夾埋爽口嘅豬柳一齊食，真係幾惹味！脆薯餅亦炸得幾金黃香脆！