麥當勞

Open Now

Now Closed

呢排嘅香港，就好似係榴槤放題咁樣，有好多唔同嘅連鎖餐廳品牌都出咗佢哋自己嘅榴槤雪糕我自己本身都唔係特別鍾意食榴槤，不過見到麥當勞會用比較靚嘅榴槤去作為材料，都抱着試嘅心態去食啦咁我覺得雪糕就不嬲質素都唔差而榴槤方面當然唔好期望佢好似麥旋風咁樣會撈埋一舊，都係另外自己要夾埋雪糕筆嚟食但我覺得其實呢個價錢真係唔錯如果本身鍾意食榴槤就千祈唔好錯過啦

今日食咗啲一個豬柳蛋通粉，嘅套餐，再加埋本身佢配搭嘅雞湯，總括嚟講味道嚟講非常ok, 因為佢本身嘅調味唔會太鹹，早餐嚟講，我覺得非常適合，而且熱辣辣我覺得都幾好食，今日就叫咗熱檸茶，茶味都非常香，不過薯餅就不過不失，下次試吓佢嗰個魚柳套餐先⭐️好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

成日整阿華田甜品，好少有好立克，身為好立克粉絲的我梗係要食啦新地杯都只係7蚊，雪糕都係好立克味，再加好立克粉，雪糕好滑，唔會太甜，好正！忍唔住食左一啖先記得影相😂😂

突然想食巨無霸，原來已經好耐好耐冇食過巨無霸。（1）買了一個巨無霸漢堡包：裏面有兩塊漢堡扒和少許生菜，但係芝士只得一塊。沒有了的青瓜和洋蔥，整個巨無霸食材縮水，食唔番那些年的味道，真係令我非常失望。（2）芝士安格斯套餐：有芝士安格斯漢堡包，薯條和熱咖啡。裏面有洋蔥和芝士，還有一塊厚厚的安格斯牛扒，咬落去有口感，覺得唔錯，好味。薯條不是脆的，係淋的，不好吃。（3）蜜糖BBQ麥炸雞：雞肉又鞋又乾，又好鹹，下次不會再買。

之前喺尖沙咀食完佢哋嘅薯條，再返嚟屯門食薯條，我發覺味道真係有所不同，請問係咩原因？係唔係真係因為客人少，所以啲嘢就凍哂先至比我？至於其他麵包嘅味道就差唔多，冇乜特別

今日係白色情人節 (White Day)，祝各位情人節快樂！因為我的最愛同細路仔都想食麥當勞，而我的最愛係唔鍾意食麥記，不過都想試下麥炸雞，所以今次突登買呢份餐。去麥當勞點餐，識點就用 App 去落單，一來可以賺埋網上消費的 3 倍積金，而且可以快快拎餐。不過呢度咁多人，萬一爆發就.......準備開箱...前留影呢個餐都執得好整齊，值得讚！首先我同我的最愛，兩個人食唔哂一套二人餐，份量真係好多。而細路佢就接近食哂，而且話「好好味」！

今日由於時間關係係手機訂餐嗌左個外賣自取我叫咗個雙層魚柳包套餐薯條走鹽芬達少冰係我用電子支付俾錢嘅情況下收銀機嘅員工竟然唔係幾熟悉部機嘅運作搞到我嘟左幾次當我返到公司嘅時候打開個外賣發現個薯條同平時少咗一大半同埋冇幫我走鹽個魚柳包竟然冇左嗰個tar tar sauce 同埋唔知幾時開始麥當勞外賣係唔會比ketchup你要你主動問好彩我今次有主動問佢攞一包如果唔係就冇Ketchup點作為連鎖式快餐店品質管理係好重要

想感受一下與烏蠅共進晚餐，佈滿用餐後裝飾枱面嘅佈置，服務員粗口爛舌嘅文化，撲鼻而來嘅難聞氣味，肯定大力推介蝴蝶邨尼間！！牆上有茄汁地下有薯條已經司空見慣，4個卡位梳化爛哂都唔維修，真係難為個餐廳經理

朱古力脆皮草莓新地筒我一向對粉紅色嘅雪糕係有少少抗拒，成日覺得會係藥水味（🤔可能細個食藥水食得太多。。。）不過今次見McDonald 將粉紅色嘅雪糕同脆皮朱古力放埋一齊做朋友，又見咁多人食緊，放膽買黎試一試💗外面嘅脆皮朱古力係正ge, 要先等一等，等個脆皮成型先（如果唔係唔脆架），唔會太甜，已經係值得排隊架喇～到草莓雪糕，淺粉紅色👍🏻入口唔太甜👍🏻啖啖士多啤梨香味（有冇食過士多啤梨 Pocky, 類似果個香味）👍🏻完全唔藥水味👍🏻盛惠$6.5, 仲想點？ 好滿足，值得推介～

想體驗入境處大堂，運輸署中心等足半日既心情，就黎屯門蝴蝶邨麥當勞啦。係星期日本以為可以開心食個豐盛早餐開始新的一天，但係乜都要等既香港係絕對唔容許。十點五十安全到達趕得切買到早餐，但等餐既人無助到望住螢光幕既時候我就知道今日不得了。執餐得兩個，落單既得一個，仲有一個個嘈住話等唔切要退錢，好慘。等左半個鐘，我既號碼終於出現係螢光幕既waiting list真係omg，以後去依一個麥當勞真係要夠時間同做足心理準備。好彩依個月麥樂會送多個薯餅先Chur少少

呢間麥當勞好特別！佢嘅質素係好飄忽嘅。有一樣嘢係持續穩定嘅，就係服務態度差… 不過呢間麥當勞效率好高，通常都唔使等太耐。 同埋餐廳嘅衛生環境真係有啲差，冇咩員工喺度執枱！！

近期世界盃太火熱了~~當然要搵D野邊食邊睇啦~搵左間24小時的麥記, 咁就可以睇幾耐食幾耐都得啦~我地download左個手機落單app...係個位度慢慢睇下有咩岩食, 仲會有好多coupon同優惠可以用tim~落完單記住個號碼去比錢就得啦~我地見倒有新野...所以就揀左個「球迷珍寶桶」可以話係一個二人餐~~「球迷珍寶桶」($102)1.   8件脆香雞翼 (4隻雞翼同4件雞搥)      食落去係香口~脆脆~仲有少少辣味~~2.   8 件香烤雞翼 (4隻雞翼同4件雞搥)     呢款就好似芝麻香煎口味咁3.   每人加左$5 轉左大大杯既珍珠奶茶呢杯珍珠奶茶唔算太甜, 茶味都幾濃~~唔錯唔錯!!4.    仲有兩個中薯條~~我呢個餐睇落去好似唔太多, 但食落去都幾飽~~~但可能因為太多煎炸野既緣故.. 口乾乾~~幸好杯珍珠奶茶係大杯版

草莓祭活動來到Mccafe，俾電視廣告吸引，試吓草莓白朱古力咖啡丶同埋草莓千層蛋糕，麥咖啡叫一杯咖啡，再加件蛋糕係有優惠價，非常抵食。首先講吓件草莓千層蛋糕，賣相好吸引，又紅又白，好似日本紅白歌唱大賽咁，好有日本feel，呢件千層蛋糕唔講得笑，起碼有十幾層，蛋餅非常軟熟，原全唔同出面嗰啲又硬又鞋，好好味，裏面包含草莓果醬杯熱草莓白朱古力咖啡，冇乜朱古力味，有淡淡草莓香味，咖啡底層仲有草莓果醬，咖啡味道適中，仲要附送草莓蛋捲餅乾，好有心思，完全配合草莓主題，今次推廣非常讚👍

依間老麥其實我日日去會來買早餐，但依間老麥啲員工真心唔抵，我試過買兩個通粉一個包返公司同同輸食，點知佢冇俾成個包我，我返到公司的時候先發現，攪到個同輸冇早餐食，而啲早餐錢都唔知點問同事收又試過通粉加芝士，但片芝士返到公司又唔見左，執野又執得慢，試過幾次買三個早餐，人又唔係多，都唔知點解要等成20分鐘先有得拎，吹佢佢又話就得，其實野食唔使5分鐘就出曬啦，不過唔知點解啲飲品要15分鐘都裝唔到，直至到我同佢講睇到佢個計時器數左成900幾秒先肯同我攪

十點幾叫個早餐麥麥送 等到十二點幾都未送就打去催單 話盡快 毫無嫌意 正係想快啲cut我線。再等多一個鐘都係未送黎 真係嬲到爆 咪打去取消訂單。之後自己煮埋野食 點知佢又送過黎 最終成兩點先送到 咁佢都送到黎咪要左佢 點知又送漏野。打去同佢講 佢又話盡快送番黎 之後又等左一個鐘都未到 就再打去問 佢竟然問我係咪另一個地址 個下真係火都黎。食個早餐姐 唔洗咁啊 服務態度又hea 完全冇心幫人跟。嬲到