滷漢雜豚

Open Now

Now Closed

平時去食早餐，都會經過呢間鹵漢雜豚，不過朝早未間，但都會見到佢餐牌Stand，見佢啲食物相片好吸引。今日打算叫外賣，就search呢間，影佢個餐牌嗌咗個終極牛三寶要滿$120有八五折，於是就加多幾個小食包括麻辣豬皮蘿蔔魚旦，醉流心蛋同埋無骨醉雞扣除運費同埋折扣其實都係$106。唔洗20mins食物送到，打開見食物賣相唔錯，牛肚牛筋好入味，今日後即溶牛腩略嫌下有幾舊係咬唔開麻辣豬皮，蘿蔔魚蛋就冇乜麻辣味，蘿蔔清甜，豬皮魚蛋入味飯軟硬適中，最出色係個最流心蛋，充滿酒香，醉雞都唔錯，係無骨係雞髀肉，呢一餐非常滿意，必然會再幫襯😌

第一次試呢間滷水叫咗終極咖哩牛筋腩同埋加咗蘿蔔，仲有個神秘醉雞腎。1. 牛筋入口即溶炆得好濃味，咖喱味如果可以再濃少少就更加好。2. 蘿蔔無根勁甜勁好味，佢用清湯去炆，非常鮮甜好味。3. 雞腎酒味非常濃厚，份量亦啱啱好，有時唔想食太多想試吓，一個人份量就最好。整體非常滿意，相信下次會再幫襯。老細同員工都非常友善，明顯間舖都係用心製作，希望佢哋嘅水準可以繼續保持，支持小店支持用心製作嘅廚師同埋老細。希望繼續努力。

次次經過呢間舖都冇留意到今日經過買咗個外賣即刻食叫咗個蔥油雞扒撈烏冬，再加咗啲牛筋好好食老闆話佢個雞扒係即炸嘅，所以食起上嚟係熱辣辣卜卜脆。佢個牛筋好箖，喺出邊冇食過咁箖又有口感既牛筋下次再黎幫襯

滷水好入味！食得出冇味精，食完唔會係咁想飲水！老細仲好好笑，同佢吹幾句又送隻流心蛋，今時今日都好少見！如果放lunch或者經過附近一定會去幫襯！唔洗再去啲咩潮州佬、街市！