Meatüp Diner & Carvery (Closed)

放半天假想去香工逛逛, 特意預先網上尋找周邊的食肆資料. 原本找了一些吃Pizza的餐廳, 但去到D2 Mall人頭湧湧, 怕排隊的我只好四處遊蕩找比較少人的店, 遊遊下就去到3樓的Meatup. 登記時店員問我要在門口等, 定係會行開? 可以留低電話, 有位時打比我. 我見d客快食完所以乾脆在門口等, 順便睇定食乜野. 店員問我是否趕時間, 可先幫我落單, 有位就可快d上菜. 青豆湯ok (是青豆本身沒有太突出的味道吧?!) 豬柳比想像中嫩, 醬汁配上炒飯&雜菜好好味!凍奶茶好飲! 鍾意飲奶茶的我, 原本擔心樽裝奶茶會太甜, 但店員說佢地的奶茶本身已是少甜, 叫我不用擔心.   店員親切有禮. 食物我比90分. 如果再過來這邊的話, 一定會再幫襯! 

今日黎荔枝角做野，到午飯時間，知道D2 place 係有好多野食，所以去睇下有咩吸引既野食，行行下見到呢間餐廳，個職員好用心去介紹餐牌，令我感覺良好，於是二話不說入左去食。入到去好有禮貌預備餐具，與此同時，我見到個炸魚漢堡好吸引，於是我叫左，個burger 佢係即叫即整，同埋佢用左蕃薯薯條，都係即叫即炸，好正，又唔太油膩，炸得岩岩好，但個炸魚我覺得炸得硬左少少，如果唔係既話，我會覺得呢個餐係十分出色☺️

經過D2 place, 咁岩午飯時間，周圍都好多人等位，於是去搵間無咁多人既食午餐，咁岩見到呢間西餐廳，有位，又坐得舒服，睇完菜單又覺得岩食，所以就入左去食😂😂湯係青豆容湯，好特別，我覺得唔錯，如果有朋友唔鍾意食青豆，叫返個沙律會好啲叫左個墨汁海鮮意大利飯，佢有個拉絲既效果，但因為個墨汁太黑加上拉絲，所以賣相唔太吸引，但魷魚係有驚喜，入口即溶，唔洗咬，無牙都食得😂之後叫埋杯野飲，伯爵茶tonic water，但係無伯爵茶既味道，同普通tonic water 差唔多，所以大家可以試其他野飲😊

今日難得過嚟荔枝角搵個朋友食飯點知周圍都爆曬場唯有揀呢間睇落去冇咁多人排隊本身一開始覺得佢加嘢飲好貴但係食落其實佢啲嘢都高質我哋坐喺枱度會好清楚見到師傅喺廚房度整嘢食其實佢用整得好用心慢慢擺盆雖然係比普通食肆等得耐左但係都值得等嘅我哋兩個人嗌左兩個lunch嘅套餐一個係魚嘅青醬意粉另一個係漢堡包一個就揀咗配沙律一個就揀咗配湯另外再加左$10換一支好細樽嘅奶茶知奶茶係錫蘭紅茶嘅味，但係就唔記得影相，佢係一支好細支嘅奶茶如果十蚊來講就有啲貴始終個套餐都唔係真係好平lunch來講嗰個青醬意粉，我自己就麻麻地青醬但係朋友就覺得OK，但我始終覺得冰鮮雪住嗰啲魚有浸味，但係又唔係唔可以接受嘅反而個漢堡包就有驚喜佢個包烘到超好食，就算我放咗一陣先食都唔會濕晒底面上下都係脆嫁再配一隻流心煎蛋啲菜呢就另外擺喺側邊咁個包就冇咁容易淋仲可以揀走啲自己唔食嘅蔬菜🙈薯角一樣炸得超脆但係你唔好預佢係連鎖店嗰種薯角佢真係食落去入邊實芯仲有即磨芝士但係個人就覺得茄汁酸左少少呢餐午餐食得好飽環境都坐得舒服嘅午市可以搵到間先到下計嘅餐廳都唔容易呢間環境都幾好服務都好好

今日去荔枝角D2 Place行下街下午茶時間 同朋友想搵間坐得舒服又抵食嘅餐廳🍽點知搵到呢間新開嘅西餐廳 “meatup”店員同我地講 係新出嘅”Tea Menu”價錢一啲都唔貴 我地叫左兩個Set$78～蕃茄蘑菇意粉 🍝$98～炸魚薯條，另加$10就可以跟杯飲品。☕️🥤意粉有點香辣 加埋蘑菇茄汁好惹味。炸魚係手指炸魚 加上熱辣辣粗薯條 配特製他他醬。🤤店員服務態度好又細心🥰見我地有小朋友 主動問我地要唔要小朋友餐具，又安排扣上BB櫈。店內白雪雪裝修 感覺好舒服 而且每張枱都有一段距離 一啲都唔迫 岩晒幾個女仔慢慢傾偈😊