鮮芋仙 (Closed)

小編三顧草廬 次次去親尖沙咀同銅鑼灣都多人到食唔到 今次嚟到大埔 終於食到鮮芋仙啦😝👅布丁Q麻薯牛奶冰 $58 （+$8 芝麻湯圓）呢個真係超級大份🤩佢嘅牛奶冰超巨型 牛奶冰食落都幾綿 牛奶味都幾突出 再配埋上面嘅雲呢拿雪糕 幾好食😋佢嘅配料都超級多好豐富 小芋圓食落幾煙韌 布甸食落都幾滑🤤原本以為白色布甸係雲呢拿 點知係女小編唔食嘅杏仁味😢麻薯都唔錯 芝麻湯圓嘅外皮唔會太厚 整體食落真係好滿足😍👅紫米小芋圓 $42 呢杯飲落就一般🧐雖然紫米同芋圓份量好多 不過飲落就比較杰身 有啲滯 唔係好似飲品 甜度就適中😚同埋提提大家大埔呢度係有最低消費 每人都要叫一樣野😙總括嚟講 呢度嘅牛奶冰真係唔錯 性價比幾高😛唔怪得成日都咁多人排隊啦🙈😋 好味：8.23/10🤑 價錢：8.00/10🤗 服務：7.39/10😝 環境：7.56/10😚 衞生：7.43/10🤩 整體：8.17/10

Typhoon 🌀 day; want takeaway 🥡 #鮮芋仙 #大埔呢間好多地方都有 而大埔店舖去食都要得好耐 所以多數外賣拎走 不過地方感覺都幾好坐🗣甜絲絲 好似加左冰糖既牛奶 如果可以少甜就好啦 份量好大碗 可能有好多好煙韌既麻糬同芋圓 好有飽肚感 兩個人食先食得哂凍冰冰都消暑 但打風天食就好有凍感🤣 🌟評分：3/5

時間關係，先食甜品。平日兩點幾唔洗位，入到去先點甜品再俾錢等食。由於本身唔多食豆同花生，所以點了芋圓6號，粉粿粉條珍珠芋圓，完全岩曬我口味賣相好吸引，凍冷冷，消暑一流。第一口吃下，覺得有點甜，越食越甜，結果只選配料食，盡量唔食糖水。食到最後，好甜，如果兩個人分享，或者可以少甜應該不錯的。而且配料都多，同埋幾岩口味。但一個人食就太漏，太甜了，好重罪惡感。或者下次可以問下可唔可以少甜。一個人食其實都幾飽。不過我唸試一次就夠了。

同朋友係大埔中心食完飯，大家想食下糖水，上黎openrice 搵到幾間糖水舖，見到鮮芋鮮，一於去食下，店舖係大埔中心地下一個角落，店前已經有很多人等位，攞飛先，再行街返轉頭睇吓有位未先食。返轉頭岩岩又有位，大家想食刨冰類，知道一個都幾大份，食完飯一個人食唔晒，叫左個總匯八寶冰，貪佢咩都有，幾分鐘後已經整到出黎，一大份刨冰頂有一個雲呢拿雪糕再淋上煉奶，旁邊圍住幾樣配料有紅豆、意米、蓮子、綠豆、啫喱、大粒d 既紅豆（我唔知叫咩豆）。夏天食呢個真係透心涼，味道係偏甜，但撈住刨冰同埋搵人share 食係ok。

期待已久的鮮芋仙終於開到黎大埔😋😋平日晚上 要等位 但唔算多人大約十分鐘左右大部分在場人都係等外賣芋薯圓Q麻薯牛奶冰 🍧額外加 大粒芋圓 粉粿 每份 $6 有芋圓QQ 最驚喜係芋薯圓類似湯圓 但餡料 係芋薯泥出面好少機會食到麻糬 有黑糖麻薯同埋牛奶麻糬 煙韌彈牙 個人就覺得黑糖麻糬比較好食牛奶冰面 加上黑糖醬 / 煉奶每一啖都有甜味依一份牛奶冰好抵食有齊晒多樣配料 每樣試幾口 而且仲要好大份落單時店員好細心提醒返係二人份大家可以share食 再額外加多一兩樣配料

前日同朋友食完lunch，之後想搵個地方食吓糖水，見到呢間台灣糖水店唔使排隊，好難得，所以就決定入去食啦。店舖座位都算幾寬躺，我哋三個人食，當時大約下晝2:30左右，人都坐滿左八成左右。我點左個芋圓6號再加白玉，朋友就點左芋圓4號。一嚟到我覺得好大碗，其實都算係抵食嘅。因為$45左右大大碗，但係我覺得盡量唔好食太飽先至去食，因為有機會食唔晒，芋圓嘅份量都算好足夠嘅，口感非常煙韌，再加上有其他唔同嘅煙韌嘅配料，非常好食。好彩今次去到唔使排隊就可以入去，平時去尖沙咀係真係冇可能等到位嘅。

之前已講過同樣問題，諗住上次假日就算啦，今日係平日，又係咁……一張4人枱，點解要安排俾1人2人嘅號碼呢？明白防疫好緊要，但按規定將防疫規定，將防疫板隔放在兩枱中間便可，轉變下就會更加好啦！同埋建議有最低消費啦，見到有啲客人，買個1碗冰，share 食左好耐，耐到我走左佢都未走，返轉頭都仲見到佢地，就算寫明45分鐘用餐時間，但又無人執行仍同虛設，對外面等候嘅顧客都唔公平啦，你地都賺少幾碗錢啦！照舊都係食最愛嘅布丁Q麻糬牛奶冰，水準仍是keep 到，擺盤都好細心嘅，麻糬真係好好食，好好咬口！

買外賣回家放雪櫃，凍食分量少豆豆好硬，唔知係咪放雪櫃得兩個芋頭，45元真係有小貴🙄芋圓真的好一般，上次紅磡熱食還可以😃分量比較多一點，大埔冇下次😏排隊都好快，一分錢一分貨食你名氣鮮芋仙，做老襯一次嘅咋如果你出品繼續唔好，起碼我都唔會再幫襯你喇希望你繼續做好啲啦🙏

🏠 鮮芋仙（大埔)今日去完龍鼓灘覺得熱辣辣，想消消暑，就揀左鮮芋仙。由於疫情限制，店舖淨開一半座位，排隊大概要用15-20分鐘(週日下午四、五點時間) 。由於就到晚餐時間，只係叫左仙草2號。🥢仙草2號入面有地瓜、薏仁、珍珠，冰底係用黑糖。黑糖冰難能解暑，加上仙草質地粘結，無額外嘅水份，有機會會越吃越口渴。不過，最欣賞是地瓜，味道香質地柔軟。我哋加咗$6芋圓，有8粒，口感煙韌。餐廳環境寬敞，兩個人叫一碗冰，加多個碗俾我地，態度好好。

依家呢啲咁熱嘅天氣真係好想食啲冰凍嘅嘢🤤喺附近食完晚飯就嚟咗呢度食😚我哋8:20左右已經拎飛，都要等到差唔多9點先有位😢之前次次都食仙草，今次叫咗個布丁Q麻糬牛奶冰 ($52) 加芋薯圓 ($6)🍧呢個size好大，兩個人share啱啱好👍🏻本身個冰有牛奶味，仲淋咗啲黑糖漿，上面有一球好好味嘅牛奶雪糕🤤食到個底會有少少甜，不過都可以接受～配料方面都幾豐富，有兩舊大大嘅布丁🍮一黃一白，黃色嘅應該係雞蛋布丁，白色以為係牛奶，點知係杏仁😳好彩我同男朋友都食杏仁，無中到伏🤣仲有小芋圓，因為佢偏細粒，其實都唔係太食到佢個味道同埋質感🧐芋薯圓入面真係有芋泥，我就覺得幾好味☺️數到令我最驚喜嘅係啡色一粒粒嘅冬瓜凍同埋麻糬！冬瓜凍個質地好似啫喱，有少少彈牙咁，仲有好香嘅冬瓜味，我好鍾意呢陣味😍另外麻糬雖然有少少偏甜，但實在係太煙韌喇，係一種好想瘋狂咬佢嘅感覺😍食完呢碗冰已經好飽，仲好涼爽添🤣

台灣人氣過江龍芋圓甜品店「鮮芋仙」，終於喺大埔開咗，每次經過都見好多人等。上次買咗外賣，今次終於等到堂食。堂食就梗係要食佢哋嘅牛奶冰啦！喺收銀機前就見到【期間限定】紫薯系列嘅「紫薯牛奶冰」平時就鍾意食紫番薯，再加埋牛奶冰、一定要試呀！個紫薯牛奶冰就冇海報睇到咁靚，有啲粗獷嘅感覺，仲有唔知點解我覺得好大份呀！兩個女仔都未必食得晒。牛奶冰入口即化，冰上面鋪上綿密的紫薯泥，每口牛奶冰都混合咗紫薯香。其實我最鍾意就係搭配嘅招牌Q麻糬、迷你小芋圓及白玉，口感軟糯Q彈，再加上帶有淡淡冬瓜茶香的冬瓜凍。不過個雞蛋布丁就有啲失色，冇咩口感同味道，唔知係咪其他配料太出色😆整體來講，呢個「紫薯牛奶冰」，極豐富嘅配料、多重口感，足夠令你回味無窮！

今年夏天好似特別長咁，日日都成三十幾度，鮮芋仙一直都係大排長龍，襯今日閒日人少少就同女友黎試下其實已經係第3 次黎食，之前係假日黎每次都要等起碼 20 分鐘但好在今日就少人好多，只係等左5分鐘左右就入得之前試佢個綿綿冰係好好食，但最好有2-3 個人分會好好多，上次一個人食，食到體溫急降都未食完所以今次揀返招牌芋圓仙草沙冰本身夏天食呢啲甜品已經無限加分，再加上佢地個沙冰應該係用仙草加埋黑糖即出黎，個甜度剛剛好仙草再襯埋花奶簡直一絕雖然舖仔細細，但佢唔會為左做多幾枱生意就搞到好逼，所以總體體驗係非常之好

天氣熱左好多，最啱就係食番碗冰過下冷河🥶大埔依間鮮芋仙分店比銅鑼灣嗰間細，冇咁多座位😞但變相就會有員工送甜品過嚟唔使自己拎😯#招牌仙草冰沙 ($45)入面嘅配料有仙草，芋圓同埋仙草沙冰～落埋個奶仔落去 對我來講甜得恰到好處同埋超級消暑！🥰 芋圓煙煙韌韌，食完每一粒都會有淡淡嘅番薯或者芋頭味後勁🤣 未試過嘅朋友一定要試吓！推介指數:5/5大碗抵食又好味✨🤤下次會想試吓佢嘅豆腐花！今次佢好不幸地賣晒😭

其實鮮芋仙，之前在荃灣食過一次，都覺得佢好正🤩🤓⋯⋯但上次排隊排咗好耐，所以下次都怕怕😕同之前都經過過大埔里間分店好多次，但次次門口都好多人😕😕⋯⋯所以都無去食過😔今日機緣巧合，做完野，想食少少野做下午茶☕️⋯⋯😙⋯⋯今日經過，就無咩人排，雖然，都要等左5分鐘左右，不過我覺得可以接受嘅😅難得一場嚟到，感一定要食芋圓😂😂，但因為個人原因，一定要食熱野，所以今日大熱天時，都要叫熱野食😅⋯⋯我今次就叫左芋圓紫米粥，好正😙🤩⋯⋯同好大碗，我最後都食唔曬😅，我覺得佢里個係二人份…🤣😅，下次要兩個人嚟食會好啲🤓😂⋯⋯下次我一定要食凍個啲同飲佢個芋圓特飲，我見人哋個啲好似好正🥰🤩個人上覺得好食過荃灣個一間🤩😏

一直久仰鮮芋仙既大名，而大埔終於都開咗一間就當然要去潮聖一下。因為鋪頭既size 唔算大，下午茶時間一去到遠遠已經見到長長既人龍，大熱天時仲要排隊當然要食冰冰，原本打算叫芋薯圓Q麻糬牛奶冰🤤 但可惜已經賣哂，所以叫咗另一款冰🍧紅豆牛奶冰🍧 $52係滿滿既紅豆啊，台式既牛奶冰，同日式刨冰質地相似，都係比較大粒，咬落去會索索聲。冰既上面有一球牛奶雪糕🍦，可惜冰同雪糕既比例太懸殊，好快就食完球雪糕但仲有極多冰同紅豆😂，食到最後會覺得愈食愈甜，因為冰的底部有糖漿。另外，份量比較大，建議最少兩人食用。