Mela Italian & Spanish Cuisine (Moved) New Location

一進入呢間消閒咁樣的西餐廳，心情已經好似飛上雲霄咁開心！第一軌道沙律，真係正! 青菜爽口，加上啲Bacon嗰陣咸香，咬落去卜卜聲，一流！邊食邊諗，真係幾好彩揀到呢度試吓新嘅味覺體驗。再嚟架，個主菜！照三文魚，表面煎得啱啱好，皮脆肉嫩嘅口感實在係正到不得了！啖啖肉嗰陣，油滑得嚟又唔會覺得油膩 - 就好似食緊雲一樣輕盈！每一啖都能食出三文魚嘅新鮮海味，實在係超滿足！最後個甜品，檸檬撻！啲檸檬餡酸酸甜甜嘅，同啲脆卜卜撻底真係絕配！一啖撻，甜度同清新感控制得宜，真係吃完心情都好似甜咗。整體黎講，呢個經驗真係值得分享，好食過癮，每一味都喺度爭咗個光芒，下次仲想嚟試下其他嘢！要形容嘅話，就係每一道菜都有自己嘅"光圈"，一間咁有水準嘅餐廳，實在難得一見！🍽️😋🥗

健康快捷又衛生！又免運費！原來這間店轉咗做外賣、外賣自取回家將所有食物放入滾水之後剪開倒出嚟就可以食啦食物選擇很多今次我就食漢堡扒、香草烤粟米、橄欖西蘭花及黑松露長通粉其實網上面見到很多這類新鮮的即食食物，今日終於的起心肝買一個來吃原汁原味，有保留到營養，絕對適合減肥、增肌的人

今次又係約咗班中學同學食飯，發現係觀塘工廈真係有唔少美食！呢間由門口一入去，就覺得間餐廳好有情調，約班朋友黎聚舊傾下計係唔錯既選擇，甚至情侶約係到拍下拖都可以！我地有叫到前菜︰藜麥，蘋果，紅菜頭，松子仁，沙律配香橙油醋汁 ($78)。由於放工太肚餓，一上枱大家就急不及待即刻起筷。所以冇影到相...><"呢牒野酸酸地，食落好開胃！平時就飲開娘親煲既紅菜頭湯，知道紅菜頭好有益，今次既配搭又唔錯喎！蘋果都不出所料咁被染紅了。之前就未試過藜麥，其實食落去有D似食燕麥片咁，好正！脆脆既松仁子加埋落去，真係增加不少口感！之後上咗意大利煙腩，豬面肉，白菌，芝士，蛋汁，手製全蛋闊條麵 ($165)。闊條麵爽口唔淋，配埋芝士蛋汁，味道啱啱好！D意大利煙腩，豬面肉，白菌份量不多不少，整體不錯！呢牒海鮮，濃蝦汁，意大利飯 ($145)，以Risotto黎講算唔錯。D飯粒軟硬適中，又充滿濃蝦汁，配搭埋海鮮，一流！黎到西餐廳，當然想鋸下扒！所以叫咗牒燒美國安格斯牛扒配燒蒜，紅酒燒汁 ($218)。D燒蒜就真係冇人掂過！但係塊扒就當然係分哂啦！配紅酒燒汁，幾好味！呢牒西班牙式烤焗乳豬配黑松露汁，蘋

今日帶媽媽去觀塘工廈食晚飯，呢間餐廳一直都有好多好評，應該幾高質～大約7點幾去到已經好多人，坐滿8成，好彩有一早訂位，都唔洗等位。今日返工lunchtime無咩食野，有啲餓，所以我地點咗一個沙律、一個小食、一個主菜同一個意粉😍藜麥蘋果紅菜頭松子仁沙律配香橙油醋汁😝聽個名都好吸引，啊媽都試過用嚟煲湯，咁健康嘅菜式梗係到試下啦😂平時多數係食雜菜沙律或者煙三文魚，未食過紅菜頭，個味道比煲湯更濃。好天然嘅紅色，紅菜頭同蘋果粒上均勻咁沾上細細粒既藜麥，上面灑上好多松子仁！平時都係相機食先，但啊媽已忍唔住要試下啦😂輕嚐一啖，感覺好fresh，紅菜頭有少少"林"，加上藜麥增加返啲口感。蘋果都好爽脆，如果再多啲蘋果就更好啦😋小食叫咗脆炸西班牙式白辣單骨雞翼～炸到脆卜卜，不過炸到個顏色有啲深。單骨食落好方便，但感覺雞翼有啲細隻，好彩份量搭救返～味道方面覺得幾香同味道都幾濃，有少少孜然味😋主菜方面叫咗西班牙式燒豬肋排（10吋）份量好大，上面佈滿醬汁，唔會烤到好乾！因為肉質好嫩好"林"，所以都可容易就切得開～好驚喜！入口軟腍嫩滑，滿口肉汁，有別於一般焗到好乾嘅肋排。味道方面本身已經好夠味，酸酸地、甜甜地好開

約了很久不見既朋友見面去左這間慢食主意的餐廳 不怕會被趕走 我們吃了差不多兩小時人客也開始多了這個手制闊麵口感比較特別~可能自家制的吧~有點creamy但我喜歡...醬汁也很均勻 配上腩肉更豐富 但腩位給太多肥膩位置了 配上菇也不錯黑毛豬肉丸和蕃茄芝士是絕配還有拉絲效果 不太膩而且肉丸很juicy 滿滿茄汁凱撒沙律最愛裏面的麵包粒 沒有苦的感覺而且很清脆 雞胸位沒想到也抵幼嫩的 一次過擁有多重口感 因為很多配料薄荷青檸梳打沒想像中甜 而梳打也很夠“氣“.....推薦

今次黎到位於觀塘區工廈既一間西餐。冇錯，係工廈係絕對搵到驚喜嫁！門面雖然得個招牌好簡單，呢d先叫做內有乾坤！介紹返兩樣野食先。西班牙黑毛豬火腿，白菌，芝士炸薯球口感有幾豐富相信唔使多講啦！純粹個人感覺，其實唔使點個醬汁都已經好好味。呢幾種食物都係濃味野，但係作為薯球既餡，味道就恰到好處啦！Main course之中，最欣賞既就係56°C低溫慢煮羊架配小銀魚香草醬啦！開頭一黎到見到佢d肉顏色咁紅，以為未熟透實會好韌，點知完全估錯晒。每舊羊架上有少少黑胡椒調味，肉質好軟滑，同坊間一般既煮羊架好唔同，好有新鮮感呀！飲品方面，就叫左個薄荷青檸梳打。由於個人口味，特別request左少薄荷。杯野飲夠晒冰凍。一邊同朋友食完飯飲住野傾計，好輕鬆呢！

今天又因為租婚紗事宜下午到了觀塘區完成後在附近逛街再上網搜尋一下晚餐地點看到這間工廈西餐廳看似不錯就決定前往了一進內就見到掛了意大利不同景點的相片其中有不少之前和老婆仔去過回憶頓時湧現回味了一會才開始點食物我們先叫了個88元的慢煮雞胸凱撒沙律配溫泉蛋再加了個65元的西班牙黑毛豬火腿, 白菌, 芝士, 炸薯球 作為小食主菜方面選了162元的海鮮西班牙飯以及218元的燒美國安格斯牛扒配燒蒜, 紅酒燒汁飲品就分別要了蜜糖蘋果醋汁 和 薄荷青檸梳打先來的是慢煮雞胸凱撒沙律配溫泉蛋沙律菜很新鮮醬汁也很夠味最欣賞的是雞胸份量很多我很喜愛吃雞胸但質感很難煮得好而這裡的慢煮把雞胸煮得很軟很滑非常出色西班牙黑毛豬火腿, 白菌, 芝士, 炸薯球只有4件感覺略貴不過吃得出裡面用料很多確實加入了味道很突出的黑毛豬火腿再配上芝士醬一起吃味道很濃也算不錯燒美國安格斯牛扒配燒蒜, 紅酒燒汁的份量也適中大大件的牛扒質感也控制很剛好是我們要求的6成熟而且很入味唯一美中不足的是配菜太少了否則整碟會感覺更豐富而海鮮西班牙飯的飯不多反而是海鮮很多可見非常足料有魚肉、蝦、魷魚、蜆等都是非常鮮味連帶飯也非常入味以這麼多材料來說這

朋友介紹嚟觀塘工廈食西班牙菜，真係大開眼界，原來而家工廈入面咁多不同國家野食。7點半嚟到，已經坐滿晒，好在有訂位。安排左邊高檯，都幾舒服。叫左杯honey apple cider, 蘋果醋特飲，醒胃，酸酸甜甜，又唔太酸，好fresh!頭盤叫左香辣單骨雞翼，唔算太辣，但野味，單骨容易食，用刀切開d肉嚟食，減少食雞翼既尷尬，真細心。而且剛炸起，熱辣辣朋友叫了黑毛豬肉丸，平時我麻麻地，因為覺得一般市面既都死死實實，但呢度用黑毛豬，d肉鬆軟好多，而且配左茄蓉同好多cheese, 感覺唔乾，好rich, 改變左我對肉丸既睇法店員介紹pasta係每日手製，一定要試吓啦! 蜆肉墨魚闊麵，好多蜆，而且好肥無沙，墨魚麵煙韌。燒牛肋骨，比我想像中大份，真係原條肋骨連骨咁燒，好香，而且肉質嫩，燒到啱啱好，配合紅酒燒汁都幾夾。旁邊既焗蒜同薯仔都好食，全碟清晒，但好飽。整體食物同服務都唔錯，每人大概三百左右，有呢個quality，又飲左野, 都唔錯。

朋友生日到了觀塘的工廠大廈吃大餐，餐廳下午6時才開門，我和朋友早到了10分鐘，門口已經有幾個客人在等候。就座後，點了個凱撒沙律(慢煮雞胸)配溫泉蛋，蕃茹芝士焗黑毛豬肉丸及安格斯牛扒。凱撒沙律的雞胸十分嫩滑，配上溫泉蛋，令沙律十分甘香，很快就比我們吃光光了。蕃茹芝士焗黑豬肉丸十分值得推介。蕃茹加芝士配合得天衣無縫，芝士不太膩，蕃茄又酸甜適中，醬汁十分美味，再加上黑毛豬肉丸，真是超級好吃!安格斯牛扒點了七成熟，不過上碟皈就變成了九成熟，所以肉質不算太嫩，不過加了紅酒汁挺香的!

喺附近返工，發現原來附近工廈原來有西班牙菜，雖然真係懷舊工廈，但一出就見到大banner, 好易搵好多西班牙菜都有，款式都多soup of the day, 係洋蔥湯，$42， 配蒜蓉飽片，麵包加蒜蓉牛油，焗得好香，表面焦脆，熱辣辣既飽配湯係一絕~洋蔥湯同出面既唔同，有少少芝士粒喺湯入面，好香口，但又唔膩小食，脆炸香辣單骨雞翼，$78，炸得好香，少少辣，好野味，而且剛炸起熱辣辣，肉質唔會炸到好乾感覺有d似泰國著名餐廳既單骨雞翼蕃茄芝士焗黑毛豬肉丸，$68，有5粒，蕃茄汁似真係用鮮蕃茄打蓉咁濃，好rich, 上面有焗香既 mozzarella cheese, 好食。最推介既係肉丸，果然黑毛豬肉丸，食落就知唔同，比較鬆軟，配蕃茄醬同芝士好夾，比起出面食開既西班牙肉丸，呢個的確好食。蜆肉手製墨魚闊條麵，$168，店員介紹真係廚師每日自製的麵，食落都覺texture好好，煙韌度比一般意粉高。蜆肉好肥，而且成碼十幾隻蜆， 好足料。用蒜蓉、車厘茄炒，好香。烤美國牛肋骨，$265，烤到肉色粉嫩又無血水，剛剛好，肉質嫩滑，有肋骨既肉香。推介既係旁邊的焗原個蒜蓉，又霖又香。伴碟既炸薯粒都好食，出面微脆

巧運有不少西餐廰。今天去高一些，十一樓的Mela。看易拉架説西班牙和義大利，以為有Tapas或西班牙海鮮飯，看了格局和餐牌，感覺是西餐而已。侍應生招生非常好和窩心：1-我們坐窗口位，椅子是高的，他會叫小朋友小心。2-我們的厚切豬排等久了，他在我們未催已過來告訴我們快到了。3-餐飲給我孩子，要了蘋果汁，他自動建議走冰。一般高級餐廳也未到這種程度。點了三個午餐：蜆肉義大利粉，漢堡包，厚煎豬排。午餐跟沙津餐湯咖啡。沙津選擇不多，五、六種菜，但勝在質素不錯。主菜：蜆肉義大利粉。蜆大大隻，味道不錯，水準之作。漢堡包。不算太差，但絶對不是好。牛肉烤得不夠香，肉不夠多汁，相對來說是全日最遜色的。最震撼的要算是豬扒了。非常厚非常大，但厚之餘肉質又絶不有渣，有咬口有香味，是全日驚喜，一定要試。留意薯菜換了意粉，一般他們是不准換。這又是多謝侍應哥哥幫我爭取的。注：我們第二次光顧的時候，那位哥哥不在，服務立刻跌至普通的程度。所以我由五星降低到四星。

今晚同朋友仔食觀塘，識得食要唔怕行入工廠大廈揾嘢食。睇食評見到間餐廳好似幾好，就訂個枱試下。星期五晚預早一日訂枱，2個人俾左張4個靠窗邊的枱我地，真係好，可以睇下小小外面的境。枱同枱之間都幾闊落，樓底又高，不過人多講嘢，餐廳似終有啲嘈。講返啲嘢食，有心理準備份量唔算大碟，所以2個人都黯多幾款菜色先~前菜: 鵝肝多士，估唔到得1件……但係件鵝肝外脆內軟，有好豐富的油香。多士亦好脆，同鵝肝好夾。Tapas:墨魚汁焗魷魚，魷魚有鮮味，煮的時間剛剛好。蒜蓉白酒煮蜆: 蜆肉好大隻而鮮甜，而蒜蓉的味道亦無搶走海鮮的鮮味。Appetizer 西班牙海鮮飯(細): 首先食個飯，飯的汁同味道都令人有想再食的感覺，反而海鮮變左配角。主菜西班牙乳豬: 豬肉真係好嫩滑，皮又香又脆，好惹味。令人唔怕食多幾件。配合黑松露汁，減去油膩感之餘亦帶出鮮味。唔夠飽，再加點牛肋骨： 平時見到的牛肋骨都未見過咁大條牛肋骨（7成），脂肪分佈均衡，肉妻結實。食左咁多，雖然每人500幾蚊，喺嘢都幾好食，係份量少左啲啲，但整體黎講食物都好出色2

其實呢次係第三次嚟食呢間餐廳嘅午餐，頭兩次都好好食，但今次真係非常之咁差....仲要今次帶埋阿爸阿媽嚟諗住食好少少，點知結果係咁樣....我地叫左三個餐，包括牛扒，豬扒同羊架，我地牛同羊都係要五成熟，點知出到嚟根本well done....仲要三種肉都同我整到鞋烚烚....真係冇試過食野食到咁....全餐最好食嘅就係自助沙津吧...所以真係冇下次喇....之前都嚟食過晚餐係好好食但而家咁嘅質素我寧願搵過第二間嚟食好過...希望餐廳遲啲會有所改善啦...

今日係💕元宵佳節，又有個藉口叫honey請我食好野喇！呵呵！前菜先黎一碟健康既蘋果+紅蔥頭+松子仁+藜麥沙律，沙律加入香橙油醋汁，味道酸甜清新，夠哂醒胃！小食：藍芝士焗雞翼🍗芝士醬汁唔係多，但味道非常濃郁，芝士控必食！雞翼分成單邊，唔洗擔心食得好論盡呀！美食當前仍然可以保持到女神儀態😉主食真係好味道不得了！！！黑松露牛肝菌手製闊條麵配溫泉蛋份量唔多，但高質素取勝！乾身既闊條麵配上濕潤嘅蛋汁同濃濃黑松露醬汁，味道一流👍🏻意想不到西班牙式燒豬排骨啖啖肉，骨好少😍😍😍味道似叉燒甜甜地，同時又食到香料既味道！再配上伴碟既甜椒醬，別有一番風味！左邊既蜜糖蘋果醋汁超愛！味道酸酸甜甜！橙汁也不錯，唔會好甜！

同事話放飯想去食餐好既開年飯，話晒係新年開工第一餐，咁就去呢區搵好西食啦。先黎西班牙辣肉腸炒捲葉甘藍，捲葉用蒜蓉炒，味道像芥菜又像菠菜，口味還帶點甜味，口感仲好爽添，辣肉腸只有點點辣，而帶點脂肪，動物脂肪更滲入捲葉，令味道更豐富。跟住食黑毛豬肉丸，由於黑毛豬關係，豬肉味道濃厚，口感彈牙，食得出味道係由豐富材料帶出，丸既豬肉比例相信起碼七成以上，所以唔會成口麵粉。至於用蕃茄芝士黎焗，令豬肉丸充滿蕃茄香，口感滑由於用芝士焗，唯一美中不足係只有4粒肉丸太少了。主菜係燒牛肋骨，外層燒到帶點炭燒的色澤，令味道充滿燒味外仲帶點脆，內裡紅肉班班，肉嫩滑由於熟度剛好，燒肋骨外層仲有脂肪，令肉味帶點脂肪口感，配埋紅酒燒汁，令牛肉味道更昇華，我喜歡這種燒既煮法，開工第一餐食到好西，期望新一年越食越有。