麵匠風龍

Open Now

Now Closed

上次吃過蝦味噌拉麵真係好好食，今次去試埋個豚骨湯拉麵，小食打算吃芥末蝦沙律😁今次好好運，雖然都係一個人去食會比較易搵位，但竟然完全唔駛等位就直入喇，唔知咩事今日竟然唔需要排隊丫！我坐下就點豚骨湯拉麵及芥末蝦沙律，好可惜芥末蝦沙律冇貨，唯有試下食餃子啦雖然話係小食，不過都有四隻餃子咁多，味道不錯，只是相比小龍蝦籽沙律就冇咁吸引至於個麵其實真係唔錯，個湯底好滑，而且唔肥膩，真係不錯不錯，唐心蛋好有水準，真係好好味架！ 2款麵已經試過了，以後再黎我只會吃蝦味啊，因為真係太好味！

豚骨拉麵套餐（配小龍蝦沙律）$110豚骨湯底味道濃郁，有好香嘅豚骨味，但質地順口唔濃稠；拉麵係幼身嘅，口感彈牙，唔會煮得過軟，而且好掛湯；叉燒肥瘦適中，表面微焦，有淡淡嘅香烤味；木耳絲非常爽口，配埋拉麵食，口感豐富；溏心蛋做到流心效果，但略嫌唔夠入味。小龍蝦沙律有紫菜同櫻花蝦乾作配搭，食得到有小龍蝦肉，味道正常。蝦味噌拉麵套餐（配餃子）$120蝦味噌湯底味道較豚骨湯重味，有蝦膏嘅鹹香味，但唔會死鹹，好香。蝦味噌拉麵就冇用木耳絲，改以櫻花蝦乾作配料，增加咗香氣同口感。餃子外皮焦脆，唔會太乾，但都屬於正常發揮🤣〰️〰️〰️〰️〰拉麵只有2款湯底，得豚骨湯同蝦味噌湯底，選擇較少。豚骨湯底有小驚喜，我覺得豚骨味好香，同出面好多拉麵店嘅豚骨湯相比，呢碗真係出色😋 男朋友仔就鍾意蝦味噌湯底多啲，濃味啲。2款都好食，睇自己個人口味啦。餐廳嘅前菜，小食就相對上比較普通。餐廳座位唔多，平時lunch time都有人龍，不過勝在食拉麵都好快，唔洗等好耐。店員友善，收碗碟嘅時候都好有禮貌，佢見到隔離枱有客人整污糟咗口罩，都主動提供個新口罩比客👍🏻〰️〰️〰️〰️〰️食物: 4/5消費: 3/5 環境: 3.5/5服務: 4/

平日lunch都要排隊嘅熱門店內部裝修好有日本感覺🥹 ！餐牌選擇好少 湯底一係豚骨一係蝦味噌🍜蝦味噌湯好濃好濃嘅蝦湯鮮味叉燒幾厚身，無豬腥味👍🏼口感彈牙，之後食開果啲肥叉好唔同！最鐘意隻溏心蛋🥹🥹🥹醃得好入味🥹🥹🥹🥹🫶🏻（沙律同麥茶都正🤭）（不過餃子就一般）（我覺得唔洗專登排隊而試）💰$120套餐包拉麵同小食(係香港食拉麵真係好貴 )

今晚係公司OT到8:30pm左右先走🥲, 本身打算搭車番屋企附近先食野, 但由於太肚餓既關係, 所以急急腳衝去搵野食。但可惜沿路見到好多間茶餐廳 / 冰室都已經準備關門 😖 (唔講唔知宜家D餐廳都收得幾早) 好彩最後係灣仔呢間拉麵店依然營業, 救左我一命!其實我成日都會經過呢間拉麵店, 不過今次係第一次食。店面唔算大, 我目測大概座到15個人左右, 係日本拉麵店果種L型枱, 每個客人都可以睇住師傅煮拉麵既過程。座位前有冰水&凍麥茶俾客人自己斟; 枱面仲有一個小紙袋俾客人裝口罩&其他垃圾 (例如: 抹完嘴的紙巾), 都幾貼心同衛生。 蝦味噌拉麵 ($90)湯底簡直一流! 鮮味濃郁之餘又唔肥膩, 係我食過數一數二既好味道。拉麵係幼麵, 好掛汁,但唔會太淋。除左本身既主角櫻花蝦之外, 仲有粟米粒, 蔥粒, 紫菜, 同埋3塊好好味既叉燒! 好欣賞呢度既叉燒同拉麵分開碟上, 叉燒的油香同湯底唔會混埋一齊, 互相影響各自的味道。個叉燒應該本身有醃過, 加上上碟前燒製過, 將豬肉入面的油分逼左出黎, 油香十足之餘, 肉質又唔會鞋, 軟硬適中。雖然有少少邪惡, 但真係好好味。

灣仔有幾間拉麵店，各具特色。麵匠龍風雖然只提供兩款拉麵(套餐)，但午市都好多人排隊。 豚骨湯比一般豬骨湯底清，唔油，可以成碗湯飲晒。麵質有彈性，配木耳、葱，又香又爽口。半熟蛋用香料浸過；叉燒分開上，其實係醃過的薄豬扒，每次員工煎豬扒，整間鋪都好香，增加食慾清新的開胃前菜，少少酸，用紫菜包住食，又係另一種味道。味噌湯比豚骨湯濃，但唔鹹，加埋櫻花蝦、粟米，個人喜歡呢個多啲，可惜啲湯唔可以飲得太多！普普通通，煎得唔夠脆，味道一般。

之前經過見到lunch hour大排長龍今次就決定晚市黎試一試平日6:30左右到完全唔洗排隊😛鋪頭只做兩款拉麵 貴精不貴多👍🏻可以散叫同套餐 套餐就包半熟蛋同前菜包括餃子 芥辣蝦沙律 小龍蝦蟹籽沙律豚骨湯好濃好creamy 蝦味噌湯蝦味好突出食得出好足料熬製👍🏻 岩晒中意濃味嘅我地拉麵係細麵 都幾彈牙 有驚喜😋芥辣蝦沙律裡面係生蝦 幾特別小龍蝦蟹籽沙律綿滑得黎都食到粒粒蝦肉整體都好不錯！————————————————————————總結食物水準好高 特別係湯底嘅部分灣仔區晚市黎講價錢都算實惠👌🏻中意食拉麵嘅一定要試下😋

以前在尖沙咀返工真係好多美食，依家在灣仔返工搵食難，一來超人多，二來都唔識門路，唯有上網搵下資料，今次搵到間好評既日本麵，於是我又走去試下。去到門口見好多人排隊，不過我已經有晒心理準備，由於我一個人，所以不用五分鐘就有位！店內座位唔多，所有都係bar table，店內只提供2款拉麵1)豚骨湯拉麵(2)蝦味噌拉麵另外再小食提供，三揀一：(1)餃子(2)芥末蝦沙律(3)小龍蝦蟹籽沙律我揀左蝦味噌拉麵配小龍蝦蟹籽沙律蝦味噌拉麵配上兩件叉燒，叉燒好香而且肥瘦好平均，讚！蝦湯底好香蝦味，流心蛋超好味，估唔到連粟米都好新鮮超甜小龍蝦蟹籽沙律用左紫菜墊底，上面仲有櫻花蝦，整體有層次感又好好味雖然只是一間小店，但感受到廚師認真去做好每份食物，從此我又多一個地方吃午餐

店舖坐落於軒尼詩道，出面有眾多巴士站，人流和車流熙來攘往。係入面寧靜中享受拉麵，和外面形成鮮明嘅對比👀🍜豚骨湯拉麵套餐 $110覺得🐷豚骨味不算太重，反而有啲似豆乳湯底😳 十分十分順滑🌟 配有木耳、蔥粒、紫菜和🥚流心蛋，麵質也煮得剛好！🥗小龍蝦籽沙律味道調較得剛好，上面會加小許蝦干增加層次，就咁食都唔會過鹹。四周放滿紫菜，配合紫菜食又係另一種體驗🥰 個人會喜歡配合紫菜食，比起就咁食會冇咁濟～✨🍜蝦味噌拉麵套餐 $120湯底亦係十分順滑，蝦味會較豬骨湯底濃🆙配有🌽粟米、蔥粒、🦐蝦乾、紫菜和🥚流心蛋。特別一讚係配拉麵嘅✨🐷叉燒，好香！肥瘦適中（會夾雜着一點肥膏，但正正係呢啲肥膏令到個肉質淋滑和燒出油香👍🏼）🥟餃子餃子皮帶微微煙靭，雖然肉餡唔係爆汁，但都唔會話乾。配合黑醋，可以減低油膩感。環境：4/5傳統日式拉麵店嘅佈局，可以坐係位度見到廚師用心製作食物🥰服務：4.1/5店員一入門口已經遞上口罩套💕，送上食物嘅時候亦會提醒顧客小心個碗好熱♨️貼心！食物：4/5本身會提供冰水和冰茶兩種選擇👍🏼 另外亦都會有蒜蓉醬、辣芽菜、七味粉和芝麻等提供，但我都係較喜歡就咁食拉麵嘅原味！叉燒真係好好味🥹Rev

此店坐位不多，每次lunch time 黎食都必定要排半個鐘先可以入到去食。此店只賣兩款湯底拉麵，豬骨湯底同蝦味噌湯底，我個人喜好蝦味噌湯底，比較濃味。此店最特別是煎叉燒，仲會分開上。 煎餃子可以散叫（6隻）亦可以跟套餐（4隻）。沙律都好味😋。除左主角高質外，配角都好正，有辣味醃製芽菜又有蒜蓉，配搭埋拉麵，絕配，食得開胃！價錢亦算合理，單叫豬骨湯底80 蚊，蝦味噌湯底90蚊。值回票價。一定必定encore 既拉麵店！

午餐時間要排隊，排了三對食客，等15分鐘左右。幸好這算是速食，人流多也不會等太久。豚骨湯拉麵：湯底很濃厚的豬骨湯，像是加了鮮奶油。芥辣蝦沙律：吃到一半的時候，就會開始覺得偏咸。但是蝦肉是新鮮的。

店內只有兩款拉麵我就選了 蝦味噌拉麵：相比豬骨湯 濃味一點，蝦味突出，有點像加了蝦膏的味道。叉燒不是油脂很重的那種，配濃湯的拉麵吃挺搭配的。餃子：一般餃子，沒什麼特別。建議餃子一定要與餐廳特別調配的醬汁一起吃

位於灣仔嘅一間拉麵良心小店💛店內空間雖然唔大 但環境好有日本特色🇯🇵平日午餐時間都見到人龍 所以睇得出都幾受歡迎🤩餐牌選擇唔多 專注淨係整兩款湯底嘅拉麵🍜不過味道真係唔錯 推介大家都可以去支持下高質嘅良心小店🥰🦐蝦味噌拉麵套餐💲1️⃣1️⃣5️⃣蝦味噌拉麵都係用咗豚骨湯做底❗️不過仲加左蝦味噌 所以相對就會濃味少少🤏🏻但都唔算太鹹.而且面頭仲有大量櫻花蝦 好香蝦味😆 另外配料方面仲會有香甜嘅粟米🌽跟套餐仲會有隻半熟嘅流心蛋 Jeng ahhhhhh 🤤🌟套餐可配一款小食（日式餃子/芥辣蝦沙律/小龍蝦蟹籽沙律)日式餃子一碟有四隻 即叫即煎❤️餃子皮都幾薄煎到外皮脆卜卜 入面都食到仲有肉汁 幾juicy😆點埋醋食就更加好味啦😋🐖豚骨湯拉麵💲8️⃣0️⃣因為怕食唔哂啲嘢 所以呢個就冇叫套餐❗️但其實套餐抵食好多🥲所以建議大家可以叫套餐 咁就可以試多幾款小食🥰呢個豚骨湯底都好濃郁 但冇蝦味噌個個咁鹹😚我自己飲左好多啖佢哋個湯底 好好飲😍仲要個湯底唔會好油膩 一啖湯一啖拉麵係最好味嫁😋而且仲會有啲木耳絲做配料 好爽口😆拉麵係幼身個款 軟硬適中 而且好入味☺️而叉燒就係分開另上嘅 都幾大塊 燒得都幾香~

麵匠風龍🇯🇵良心日式拉麵小館只有bar枱🪑有無人都好鍾意望住師傅煮麵即場炙燒叉燒🐖只賣豚骨同蝦味噌兩款湯🦐簡而精 今次就淨係試咗蝦湯底因為比較少見🫶🏻好有日本嘅感覺 有冰茶🫖同冰水提供🧊﹎﹎﹎﹎﹎﹎﹎﹎﹎﹎﹎﹎﹎﹎﹎/蝦味噌拉麵套餐🦐 $120/ (4.4/5)蝦味噌湯底啱晒重口味人士🥰蝦膏蝦頭煲到好濃郁 好重鮮味嘅海底🌊濃稠得嚟唔會太杰身🍜麵質幼身但好掛湯🍲叉燒炙燒過特別香口 亦用醬汁醃製過🤍肥瘦均勻算厚身 唔柴又唔會太肥膩 食完原味再浸落湯會再濕潤啲💦半熟玉子🍳流心程度perfect池🫶🏻唯一挑剔就係唔係橙紅蛋黃 蛋味差少少🤏但配料好豐富有粟米🌽同櫻花蝦🌸好有口感🫶🏻🚨記住食得嚟嘅一定要加佢自助免費🆓嘅辣芽菜🌱清新又爽脆小食/餃子🥟/ (3.7/5)餃子皮薄餡juicy正常發揮🥹醋帶酸甜 點餃子🥟啱晒 可以解膩更加開胃🥰/芥辣蝦沙律🥗/ (3.9/5)wasabi味濃少少攻鼻但唔嗆喉 生蝦份量足料 大粒又彈牙🦐好特別嘅小食😚但係再食多幾粒會偏鹹🥹

去完BB展喺附近搵食，搵到呢間喺灣仔地鐵站附近的拉麵小店，全間店得14個座位，餐牌的拉麵得2款，第一次幫襯見到得2款麵有點驚訝，一定真係好吃先可以做得住~🍜 蝦味噌拉麵 個湯底幾濃郁，可能因為用紅蝦米的原因，個蝦味更出，有少少飲龍蝦湯的味道，而麵底軟硬適中👍 齋吃完麵差d忘記件叉燒，叉燒喺另上ge，有2件，都幾大塊幾厚身，但相對嚟講偏乾身d，如果半肥瘦可能會好d🍜 豬骨湯拉麵而豬骨湯想對無蝦味噌咁濃，但都好飲，睇翻個人口味，我個人會偏向重口味d😁🥟 日式餃子正正常常，合格ge，如果熱d會再好食d（重點：吃完唔口渴👍）#只收現金#支持小店

喺灣仔收工諗住搵拉麵食見到依家喺地鐵站附近之餘仲有套餐即刻決定食呢間去到有位直接入座全部都係吧枱位有啲似日本當地店拉麵只有兩種 豚骨湯或者蝦味噌湯淨係拉麵就$7/80套餐加埋小食就$100左右有趣嘅係餃子快過拉麵上台拉麵係幼身， 叫套餐會有埋糖心蛋叉燒唔係厚身嘅，但唔會太薄但係比起一般叉燒好食D,咬口唔韌又唔會太油，味道濃郁豚骨湯飲得多都唔會太油膩買單$200齊頭好抵食,要留意嘅係現金only值得推介同再食多次