麺屋·隠 (Closed)

想食拉麵好耐，可惜元朗冇乜濃厚風味嘅拉麵店，直到有人推薦呢一間隱。位置真係好隱世，係巷仔，店面都好細，唔為意可能就錯過咗。入到去比想像中更細真係唔適合多人黎，地方好窄，冬天黎多人少少啲褸呀袋呀都已經冇地方擺。拉麵湯底最要有呢4款我地嗌咗一個鰹魚豚骨湯，同堆呢個櫻花蝦豚骨湯底。兩個湯都好濃郁，好香，絕對係淆咗好耐嘅味道！不過食完之後會有啲濟，下次可能嗌返普通濃度。配料有用心，全部都好好味，溏心蛋俾夠2邊，一啲都唔姑寒。叉燒冇入口即融，味道較淡，對比起黎就有啲遜色。聽講係2個90後情侶一齊開，有呢一個誠意呢一個味道非常難得啦！值得推薦嘅小店！

哩間拉麵店同佢個名一樣，位置十分隱蔽🤣但其實佢同舊B仔係同一條巷仔入面架💁🏻‍♀️晚餐時段去食要排一陣隊(大約10-15mins)，不過係值得排因爲佢地嘅cp值好高👍🏻叫左白赤$68🍜姐係豬骨濃湯拉麵，湯底濃度同麵嘅硬度小編揀左正常，覺得味道岩岩好😋另外佢地做緊推廣優惠，加$1就有配菜(紫菜、粟米、玉子etc)，同埋加$10就有一客小食🤩小編就揀左要雞軟骨餃子🥟$10有5隻真係好抵！而且味道都唔錯🤤加埋支波子汽水$15真係一支棒呢～

你無睇錯😯拉麵一碗竟然最平$70有找仲要唔洗加一🤭不過平價又吾等於劣質 黑洞食碗豚骨濃湯拉麵湯底揀濃 麵質正常入口第一啖湯好香蒜味🤤濃而不咸麵量吾算特別多但一般人都夠食⭕️而且食落仲好有咬口幾彈牙本身黑洞擔心一碗麵得兩塊叉燒好鬼少🙈點知塊一塊叉燒係成個圓型😬所以都ok叉燒薄切 肉質好冧冇乜脂肪另外加餸叫多客日式餃子煎得幾香口又吾膿食落吾會成口油既感覺 一客有五粒 配左個幾特別嘅醬汁 並唔係平時食開嘅餃子醋

限定隱（鰹魚豚骨）$88🌕🌕🌕🌕🌑叉燒兩大塊，好腍，唔錯。叫左濃湯硬麵，幾正，湯面頭有啲油，令到啲麵好順滑！配菜都好好食！最推果隻蛋，味道同台灣全家溫泉蛋一樣，但更加流心，更加正！份量女仔食會飽，男仔未必飽。-赤隱 $78🌕🌕🌕🌕🌑辣度我估係譚仔二小，又辣又香，值得一試！

拉麵癮發作， 去新界區發掘一下隱蔽拉麵店。喜歡這家拉麵的湯底可以選擇淡、正常及濃， 無論重口味或愛清淡人士也適合。 據說豬骨濃湯是熬製9小時用心製成。是次選擇限定隱（$88），正常口味的湯底不油膩但味道濃郁，吃完也不口渴。配料有兩片叉燒、蒜、蔥、荀、木耳等選擇， 還附贈味付玉子一隻。麵條幼身，質感順滑又不失咬感。另有小食可以加配， 我點了比較特別的雞軟骨餃子。 外皮煎至香脆， 裡面是豬肉椰菜肉饀，吃起來有脆脆的雞軟骨混入其中。

成日都會經過依間拉麵網上評價都不錯 終於係lunch時間一試店舖面積不大…可以話係都幾迫好彩下午時間客人唔多叫左限定鰹魚豚骨拉麵$88首先試下湯底 好香鰹魚味!味付玉子都好滿意~半熟蛋一流!而且有成隻蛋而唔係半隻👏🏻我額外加左粟米所以有好多😆超滿足其他配料份量都好多叉燒都有幾片好大塊既肥瘦適中麵我揀左要硬d而佢都做到 幾有咬口~不錯只是不太掛湯有點扣分店家都幾細心送上熱水而且態度友善~係一間可以再黎既小店👍🏻

去元朗大棠行山。行山前係附近係個lunch 先，望落好有feel，所以揀咗呢間拉麵店。叫咗白隱同赤隱。白隱即是豬骨湯麵，飲得出的骨膠原，湯是起膠的。我加咗少少調味粉，所以有少少燈紅色。另外叫咗赤隱，即辣味拉麵。除了湯底加辣，仲加咗啲肉粒。都真係有少少辣，冬天食好暖身。店內裝飾品充滿日本特色。環境凝造到好「隱世」的感覺。靜靜地一個人食麵就好啱。好食喺好食，但真心有少少貴。元朗地區，仲要喺lunch time，成$70-$80 一碗麵無飲品。不過好近去大棠行山的K66 車站，方便的。

好耐無食拉麵🍜掛住濃濃嘅豬骨湯嘅味道😝咁岩入左元朗覓食😎上網一睇🤓呢間幾好就試試啦呢到有4款拉麵選擇🙌🏻點左最基本「白隱」即豚骨濃湯😌可揀麵嘅硬度😉湯嘅濃度店員端上拉麵🤲🏻並細心提醒小心熱試下啖湯先😙超濃嘅豚骨味😜有點黏黏的拉麵就揀左硬身且掛湯程度甚高🥰大力推薦😍豬軟骨一碟有5大舊😛每舊軟骨都炆到勁腍同入味似啫喱口感😗好多骨膠果隻😆好正食完拉麵過隔離b仔🍧食糖水都仲得呀

去到元朗想食碗日本沾麵就梗係去彩啦，不過如果係要拉麵🍜，有邊間可以食呢🤔？今次我行到舊b附近，開咗間麺屋隠 ，見佢都有七成滿，就入去試試啦🤗佢有四款湯揀，我就叫咗黑隠，即係黑蒜油拉麵，黑蒜油本身就已經好夠味，我再揀個湯要濃啲，濃上加濃，但個湯冇因為咁變濁，仲變得有多重味道👍🏻👍🏻碗麵有兩塊叉燒，大大塊，而且半肥瘦，又有油香又有肉食，兩塊實在唔夠喉，所以再encore多三塊😙😙另外再叫多豬軟骨小食，$40有5大嚿，個汁係甜甜的，個🐷好淋而且入哂汁味，真係值得一嗌🤩👍🏻呢間值得再嚟試吓其他湯底👅👅P.S 走嗰陣見到壽司之神喺對面河，有機會試下先~

餐廳地方較細，全餐廳大約有十多個座位，裏面嘅裝潢設計比較日式化。一坐低店員會為你送上冰水，然後枱面有（一人點餐紙），裏便有得俾你揀，你所需要嘅配料（蒜、蔥、筍、木耳），如果平時覺得配料唔夠，加錢仲可以追加添。另外都係有得揀埋湯嘅濃度 & 麵嘅軟硬度的。今晚Ordered咗⭐️《$78黑隱拉麵🍜》～入口已經食到黑蒜味，湯香濃⭐️《$78赤隱拉麵🍜》～湯底微辣，麵質彈牙，口感不俗⭐️《$30雞軟骨餃子🥟》～出邊比較少呢款餃子，餃子煎得香口，配上餃子汁，裡面有少許雞軟骨，特別的口感😳

拉麵店實在成行成市，要生存的話質素可要非常穩定，由於元朗選擇太多，到今天終於能一嚐元朗這家新拉麵店餐廳佈置與大多拉麵店相似，坐位並不多食物選擇亦與其他地方相似，就黑白紅湯加一特選，價錢算便宜，而且不用加一，價錢親民本人最愛黑蒜湯，這拉麵一聞就傳來陣陣蒜香初嚐一口，香甜蒜味非常吸引，很難不飲第二口我選了中硬度的面條，但比預期硬，所以選軟比較好配料有叉燒、蒜、蔥，荀和木耳，份量十足，但叉燒肥肉太多了這家拉麵店質素不錯，價錢吸引，雖未到非吃不可的程度，但順路的話也想和愛人去共度幸福一餐

元朗小店，店內外裝潢都帶濃厚的日本風格。 期待麵也像在日本吃的拉麵。.點了 黑隱 拉麵（正常）加蔥。.有點失望不是日本蔥，薄薄的义燒好腍，麵質感不錯，軟硬適中，十分欣賞黑蒜湯底。 感覺到是用心做出來的拉麵。 價錢合理。 送上的水是有清新檸檬味。 店員十分友善，有禮貌。.大家不妨去試試。

唔係朋友介紹都唔知係元朗禁格攝既位會開左間日式拉麵小店間舖係沿住舊b仔條小巷一直行就到燒八爪魚丸首先叫左個小食呢度既八爪魚🐙丸子size岩岩好一口 唔太大粒 外層好脆、八爪魚粒比例就睇番圖啦！還可以啦！配料方面，木魚好多，睇相都見到就滿瀉！醬汁都多，另外店員會問要唔要加蛋黃醬點埋蛋黃醬又另一番風味各有各好食黑隱 （豚骨黑蒜油）呢間拉麵值得比讚既地方係除左麵可以揀硬度外， 湯底都可以揀濃度！因為平時食開既拉麵湯底我都覺得太咸啦，於是今次揀左淡我就覺得湯底真係比平時一般日本拉麵淡！食完唔太口渴限定隱 （鰹魚豚骨湯）今日食既限定隱係鰹魚豚骨湯底，朋友就揀左濃湯底好重好重既鰹魚味！唔鐘意既朋友就唔好揀啦！但真係幾特別、外面好少見既拉麵湯底！值得一試

呢間舖真係有隱形功能 冇咁好眼力都要行兩次條街先搵到 記住認住圖上面嘅標誌黎搵 因為我一直係度搵麵屋兩個字 以為好大隻字 哈哈我覺得拉麵好多宜家已經整得好有水準 而我嘅要求係要湯有味得黎唔可以太濃 呢間佢聲稱冇落味精 不過講真睇個色好濃但食落我仲嫌佢唔夠味 自己加左芝麻同辣醬 同埋食完唔係特別口渴 所以我都信佢冇味精 （不過我叫左嘅湯底係正常 有得揀淡啲或濃啲）我食左個限定隱 因為我好中意試每間店嘅招牌或者係獨家私房菜 所以就叫左呢個魚湯拉麵 本來都驚會唔會好腥唔夾 點知又幾特別幾好食 呢個送埋隻蛋甜甜地軟林林好好食！ 我地仲叫左個鰻魚飯 如果想試 應該食完拉麵先叫 如果就好似我地咁食嘅時候凍哂 個鰻魚都幾肥 不過有骨 又未至於下次會再食 以下係我朋友叫嘅豚骨湯底拉麵 試過冇咩特別 不過唔係好濃味 味道啱啱好 下次想試埋個赤隱 睇下有幾辣！ 不過我覺得 呢度最唔好就係紫菜糖心蛋都要另外加錢 呢兩樣係拉麵必配囉

本身想食彩但見到有個好近期既負皮即刻唔想去見呢間無unhappy face 同幾新開就去試下位置係臭渠果頭4款湯底、其中一款係限定味、今日食係魚介。食麵一定食限定味、因為好食唔好食都無得recur。湯叫左濃、但濃湯唔會好似周月咁咸到完全入唔到口。麵夠熱 但始終唔係保溫碗都快凍番食完45 分鐘後既而加亦未口渴。朋友唔特別愛湯食完麵都有飲多兩口限定湯係$88（包蛋）蛋亦糖心 一定正過開到成行成市既豚王最平湯係豬骨湯$68 另$10 蛋即係限定湯都只係貴$10。差燒就份量少 但太瘦 好一般 但都好過好油利小店仲有飯賣。麵叫左硬～ 唔特別硬但正常硬度 麵係中身粗度 唔似米之蓮一星果間細勇面😂😂木耳有咬口口味問題走左旬同算本身個人幾喜葵芳+ 鳥華亭+ 風雲拉麵比較之下更喜呢間best in hk