麺屋武蔵虎洞 (青衣城) (Closed)

第一次食，因為另一伴超級鍾意食拉麵，所以來試下，一入到去，無嘜人，坐底打開menu睇，除左d湯唔同之外，碗碗價錢一樣，根本就無咩特別，仲有幾款小食揀，貪得意用$100申請會員返來，但就要等一個月先拎到會員卡，所以俾左臨時卡我，點知大頭蝦既我張臨時卡原來有時間限制，唔記得換返張會員卡，咁就無左$100之餘，覺得多此一舉，有我資料點解唔寄俾我，一個月咁耐都唔記得啦，又無信息通知，當我拎臨時卡去換話無得換，因為過左期，所以有d嬲嬲地，唔會再去

懶洋洋的星期六，中午吃過自製大早餐後到動植物公園看男友的同類，很久沒造訪此地的我倆看著那些跑跑跳跳、盪來盪去的動物玩得盡興開心，時值五時多，意猶未盡的和他乘船到尖沙咀喝一杯才各自歸家。自己一個回到青衣城不知吃什麼，發現哥和他女友也在附近，是晚就當個強力電燈膽和他倆同檯吃飯。周六晚上七時多才等了十五分鐘，比其他食肆快得多；三個人被安排至近門口的六人卡位，放過大家的背包後仍十分闊落，而裝潢以深色配射燈為主，挺高檔骨子。白武士伴豚肉片$69這兒的拉麵基本以豬骨做湯底，另外還有一款雞湯限定和兩款蕃茄湯，而配料則提供豚肉片、叉燒和豚角煮三款選擇；第一次來這邊還是試試最沒花巧的，湯底呈金黃但不算濃郁，拉麵的麵質比我喜歡的軟，加上白烚豚肉片，感覺自己在家也能做出近似的味道，未能令人留下深刻印象。黑武士伴豚角煮 $75哥女友選了原味當中加入黑蒜油的黑武士，成品烏卒卒，油份較多，據她說法味道不過不失，豚角煮也稱得上甘香鬆化，可是吃到最後仍能清晰的見到一層油浮在上面，整體有點膩。高麗菜叉橈蔥蛋炒飯 $38喝了一杯過後不太餓但又想吃點米飯墊墊胃，遂為自己點上這個，原以為這飯會是一般拉麵店的迷你版本，怎料成品

好耐冇黎青衣城，今日難得黎做野，諗住食I-thai，點知執左，就搵過第二間食啦。塞翁失馬，嫣知非福。食到餐好好食嘅lunch.lunch set: 燒比目魚－好好食，魚肉入口即化，醬汁帶有點點甜味！蒸蛋－好滑，裡面仲有雞肉同魚蛋面鼓湯－同一般面鼓湯唔同，“傑”啲，好鮮味右下角－前菜，韓式泡菜，但太辣，完全食唔到友人的拉麵，味道一般，肉就少左啲啦

星期日食lunch都吾洗等位,nice.入面裝潢黑媽媽,日本餐廳風.未滿座,比左個小卡位我地.高菜叉燒炒飯 三十幾蚊,一睇價錢就知細碗,果然係一個小碗碗,小得黎又岩岩好食我想要ge份量.非常香,好好味!!材料勁足,啖啖都係叉燒同菜!!!本身係到糾結緊食叉燒炒飯好定衣個好,我驚淨係得叉燒太DRY所以叫左衣個.冇選擇錯!!!正!!!赤武骨 雖然我吾食得辣,但衣碗我食到辣都接受到.幾好味.拉面硬度剛好,粗幼都nice.塊肉已經煮到好熟好熟,又吾可以話太林,不過好易就可以meet開一塊塊咁黎食.舊肉都有肉味ge,吾差啦.冇人食隻蛋,佢好慘...叫左兩次埋單,都冇人理,然後係我等待期間留意到成間店都係暑期工妹妹仔...好青春呀聽到佢地叫緊幾號台埋單,叫黎叫去都未叫到我張台,我懷疑究竟佢地頭先係咪真係應緊我.我就躁,好嚴肅咁講左句"埋單呀",然後個妹妹先好似突然醒起我衣位可憐ge姐姐想比錢但冇人收.嚴肅下先有人理,sad.然後朋友仲問我點解咁ge服務都比貼士,吾係我想比,而係我吾習慣拎走毫子咋...咪當比佢地定下驚囉.間野其實我幾鍾意,下次會番黎食拉面,不過要等暑假過左之後...

寧靜的下午無乜人，又很想食碗拉面，只好幫襯連鎖拉麵店了，呢到唔止有拉麵重有沾麵，好多時一間拉麵店都只主打一種皇牌，呢到反而款式很多除了拉麵外重多左好多小食，前菜，睇個樣都相當吸引。環境正如店名一樣很有武士氣息，帶點日本風格，座位亦算是很舒服，沒有局促感。今天不想太膩來了一碗沾麵，沾麵的食法桌上都有很詳細既簡介，首先那碗湯加入一點麵，有點像日本涼麵的食法，浸下佢再拉番上黎，食得! 這裡既湯頭有點稀，唔係濃郁型因照計食到最後要店員加d湯溝稀佢，就可飲埋d精華，但呢到好似無必要加湯已好似湯咁。麵無分要冷或熱，上台時微暖不會過熟，搞到越食越淋，溏心蛋同叉燒都幾好食，合格!總的來說而家閒閒地一碗拉麵已要$80，作為下午茶係有d單一化，加上這裡要收加一，感覺就沒有那麼化算，不過連鎖好處係總有一間解下癮，都可以一試既!

難得來一次青衣城，突然拉麵癮起，就來這家店嚐嚐吧！門口侍應的服務令我有點無言 (無表情、無眼神接觸)，自問沒有刁難她，真不知道她為何連有沒有空位都不說一聲，只是往我手裡塞一張紙，頭也不回地回店裡做事。剛想坐在店外附叫的長椅等候，另一個侍應就叫我進去。坐下來打開餐牌，不久後就決定點一碗黑武骨 (叉燒)，看見餐牌上寫著「極濃厚豚骨湯底」，心想湯底味道一定讓我很滿意。等了一會兒，熱騰騰的拉麵來了，我急不及待嚐了一口湯底 ── 毫不濃厚、沒有豚骨味、黑蒜油的味道亦不夠香。湯底是有油，但不像是熬製豚骨的油，湯底稀得像是味精湯底，味道完全沒有豚骨該有的鮮甜，如果說湯底是一碗拉麵的靈魂，我相信這是一碗「三魂唔見七魄」的拉麵。拉麵彈牙，但完全就是在吃出前一丁的感覺；叉燒是薄切的，只有兩片，味道像是普通的豚肉片。整碗拉麵唯一算好吃的就是那半隻溏心蛋。完全不敢相信這湯底如餐牌上所寫的「極濃厚豚骨湯底」，這價錢足以在別的拉麵店吃上一碗湯底濃厚和有豚骨味的拉麵 (不是味精那種)！我一邊吃著這碗拉麵，心中一邊在氣自己為了這碗名不副實的拉麵付出了一個不值的價錢！

經常會黎青衣城行吓，睇戲，所有餐廳都已經食過晒，開始有d悶嘅時候，呢間野就開咗喇😍。。。之前去東京出trip都見到呢間拉麵，可惜無食到，如果唔係就可以比較吓做唔做得番日本嘅原味喇~🙈。。。除咗食物之外，waitress嘅態度都好好，個個都好醒目咁，見到隔離枱有個bb，仲有個大背囊，坐緊個張二人枱唔太够位，就主動提出換個四人枱俾佢地👍反而帶位個個西裝waiter就無咁細心喇~

年三十晚，正是家家戶戶吃團年飯的日子，即使外出用膳，大多數人都選擇吃中餐，其他類型餐廳就即時變得冷清。晚上八時路經青衣城新開張的麵屋武藏，不用等位之餘，內裡只有兩、三檯食客，既然是日本的過江龍 ，難得今天不用等位 ，因此想也不想便進去吃個"團年拉麵"。看過餐牌之後發覺麵屋武藏比其他拉麵店有點不同，這裏的食物選擇更多，不會只賣拉麵，有一系列的小吃可供選擇。拉麵的湯底有四款，名為白武骨、赤武骨及黑武骨，即豬骨、辣骨、黑蒜油豬骨湯底，另有號稱是每日限量的豚骨魚介醬油拉麵。筆者點了黑武骨拉麵及兩客小吃，先來的是黑武骨拉麵，稱以濃厚的豚骨湯底，加入燒香後的長蔥及玉蔥製成的黑蒜油，賣相看起來都甚為對辦。先喝一口湯，筆者認為湯底味道不夠濃郁 ，只有濃濃的油味，又不似黑蒜油的味道 ，麵身較滑但沒有嚼勁，因湯底比較淡，所以麵條也不能掛湯。叉燒看起來很大件，但是乃非常薄切，味道似普通的火鍋豬肉片，所以吃了一半就放棄了。之後來到小吃 - 燒芝士年糕，反而這個小吃味道不錯，半溶的芝士跟煙靭的年糕簡直就是絕配，加上年糕有很濃的米香，若不是澱粉質及卡路里超標，可能會多點一件呢。最後是武藏餃子，餡料很多，皮也很薄，

{麺屋武蔵}在日本鼎鼎有名, 各大飲食雜誌均曾報導它的拉麵。 今天, 終於有機會和媽咪到青衣城的{麺屋武蔵}吃拉麵。青衣城店面積不大, 燈光偏暗紅, 裝潢頗有日式風格。打開餐牌, 看到「白武骨」、「赤武骨」和「黑武骨」的介紹。「白武骨」原來是豚骨湯底, 味道較鮮甜;「赤武骨」湯底用多款辣醬製成的辣油炮製, 味道較辣較香;「黑武骨」則在豚骨湯底中加入黑蒜油, 蒜味和醬油味較濃。而每款武骨, 均分為「叉燒」、「豚肉片」和「豚角」三款讓客人選擇。由於我和媽咪都不太想吃辣的, 所以決定選「白武骨豚肉片拉麵」($69)和「黑武骨叉燒拉麵」($75)。小食方面, 則選了一客武蔵炸雞($35)。「武蔵炸雞」先到: 武蔵炸雞非常香口, 熱騰騰口感很棒!這炸雞不是外皮脆卜卜的那種, 而是較軟稔有咬口的那種, 肉質新鮮嫰滑有雞味, 配上沙律醬和生菜絲, 不油膩又滋味。 接著「白武骨豚肉片拉麵」到: 「白武骨」湯底果然比較鮮甜, 清得來有豚肉甜味。豚肉片是薄片, 可能是因為豚肉精華都到湯底去了, 所以豚肉片本身沒剩下太多味道。「黑武骨叉燒拉麵」也出場: 「黑武骨」湯底

我一早都知呢間其實根本係味千拉麵，但係見佢有心改頭換面大革新就姑且一試啦，點知都係換來失望。今天去了這裡午膳，沒有午餐，只有散叫，要了一碗普通標準的叉燒 豬骨湯拉麵，叉燒同蛋OK , 但係個湯底就…根本係一碗味精水，除咗咸味完全試唔有豬骨味，到麵就係超市都可以買到的平價拉麵，份量又小，食完碗麵足足要飲4、5杯水，d味精勁到冇朋友，一句講晒，出前一丁豬骨味包湯粉仲好味過佢多多聲， 奉勸各位唔好浪費7、80蚊去貼錢買難受了，完！

青衣城一向選擇多，最近冇了一間拉麵店，又開多一間拉麵店 ，呢間話日本出名，豬骨湯底有分白，赤，黑 白應該是正常朱骨濃湯，赤係辣，黑係芝麻，我今次叫左個推介豚角煮，同巨峰提子特飲，個拉麵基本上ok,麵都彈牙，湯唔錯，似五花脯的肉好諗，半肥廋適中，但分量少，糖心蛋遍咸 特飲就似利賓納 ，唔似巨峰提子，價錢一般，唔算平呢杯茶唔錯，似麥茶 肉太小，唔夠食

My second visit to this chain Japanese ramen store but to a different shop. Not too fond of the spicy soup base ("crimson") or the garlic oil base ("black"), I chose the "white" pork bone soup based noodles. The soup base was not too oily but was quite rich and a bit too salty. The molten egg consistency was just right. The texture of the noddles was just to my liking and nearly "al dente". The portions were not too large though - my dining companion had to order extra top-up food. For this pric

青衣城搵嘢食，其實話選擇多又得，選擇少又得，沒有很多間合心水，執了這新開張麵店試試，黑武骨 豚角拉麵 ，其實是 豬骨湯底 加黑醬油，煮豬肉一塊，是五花腩，加溫泉雞蛋，味道唔錯，上檯夠熱騰騰 武藏煎餃子，食落有肉汁，賣相一流 流心溫泉蛋 白武骨 义燒拉麵 ，其實是 豬骨湯底 ，日式义燒兩塊，加溫泉雞蛋，味道亦唔錯，湯底我渴了很多，亦不頸渴，上檯亦熱騰騰

味千汁左之後，小弟每次同同事行去青衣城食午餐既時候一直都好期待麵屋武藏開因為之後成日見到都無試過竟然青衣城開但同事唔太鍾意食，所以一直LUNCH都無去食過終於係佢開左張之後既一個星期六我放工之後竟然記得要去食就去左排隊可能因為係星期六既關係一等就等左20分鍾.......換轉平時的我，早就走了但因為未食過，都想試下就留低左20分鍾後，搭枱就入左去坐坐低好快就叫左野食黑武骨（唔記得價錢了，因為對面坐住對情侶，影相時已經好尷尬仲有叫到炸雞同要多左份溏心蛋（無影相，掛住食唔記得左先講拉麵我係平時食梅菜扣肉都唔覺得油既人黎呢碗拉麵........連我食都覺得油.....可能我食唔慣黑蒜油建議下次大家無心理準備可以唔好叫呢個湯.....溏心蛋整得都唔錯炸雞都OK服務都唔錯，服務人員都有主動幫我refill水總結，下次唔會再試呢個湯，有機會再食過！

中午吃飯時間約1點左右到達，一個人的關係比較容易找位吃飯，到達後馬上有座位。餐廳的拉麵有三款湯底可以選擇：白、赤和黑。白是豬骨湯底、赤是豬骨湯加辣油、而黑則是豬骨湯加長蔥和黑蒜油，不同味道各有特色。另有特別餐牌 "虎尾拉麵"，問了侍應，說是叉燒肉香腸，見頗有趣，於是點一碗試試，另加一客餃子。除了湯拉麵外，餐廳還供應沾麵、日式飯、咖喱、沙律、小吃等。不用10分鐘，一碗熱騰騰的拉麵送到，"虎尾拉麵" 材料有筍、溏心蛋和豬肉腸，名為 "虎尾" 應該是跟豬肉腸很長故以比喻為老虎的尾巴，這款拉麵沒有紫菜，比較可惜。豬肉腸的味道跟普通的豬肉香腸沒太大分別，亦不像侍應說的叉燒肉；溏心蛋的味道不錯，蛋白是暖的，而溏心則一點點涼，一暖一涼碰撞起來很刺激味蕾，味道亦很清甜開胃，蛋亦吸收到湯的味道。豬骨湯底的味道很濃厚，喝了湯不會感覺口渴；這家店麵的質感跟其他日式拉麵店的拉麵不同，這裡的麵顏色比較深黃、麵條比較粗身而咬下去有彈性。餃子的味道尚可，但餃子皮的邊煎燶了一點點，比較失望。餐廳是新開的，但侍應的服務不算生疏，手腳都很快，亦經常到每一檯主動加茶。我在等食物的時候，部長看見我左望右望，主動走過來提示我點