炑八韓烤 (+WOO嘉湖) (Closed)

今日好開心同屋企人去咗天水圍銀座嘅一間韓國餐廳，叫炑八餐廳，裏面嘅嘢食實在好高質素，同埋選擇好多，真係要超級推介呀，我想一間餐廳嘅位置非常之方便，響天水圍銀座站，一落車，行兩至三分鐘就到呢間餐廳，所以十分方便，至於食物方面，呢一間餐廳的食物質素很高，有石頭鍋飯，有雞扒蛋飯，而且外貌非常之吸引，雞扒蛋飯一定超級推介，一定要食，份量又夠，而且有配合沙律，雞排有兩三塊，個蛋飯超級吸引，所以好有驚喜，然後仲有石頭鍋飯，又配合無限嘅沙律提供，所以好抵食啦，至於線方面，都非常之熱情投入的服務，會主動斟茶遞水，所以我覺得呢一度嘅服務好有賓至如歸的感覺，如果嚟到天水圍，一定要食呢間餐廳呀，十分十分推介仲有佢個麵豉湯，一定要推介，除咗呢度可以叫鐵板燒，可以即時燒肉，真係好正啊！

星期六午餐去食韓燒，點左梨汁牛肋骨餐及彥陽牛肉餐，加左$18無限芝士粟米，個人幾喜歡這餐廳的前菜(泡菜及芽菜)，特別喜歡將泡菜加入爐邊的芝士粟米一齊食，正！梨汁牛肋骨既肉食落好多根位，有D韌，彥陽牛肉就係薄切牛肉，幾淋，最奇怪既係烤爐一邊係泡菜蛋一邊係芝士粟米，咁我食完第一轉之後不想加蛋，就叫店員加兩邊爐芝士粟米，但店員回覆加$18只係半邊爐芝士粟米，如果兩邊爐既要再加多$18，咁即係要加$36先可以要兩邊爐既芝士粟米，下？？？加$18無限芝士粟米仲要分半邊爐定係兩邊爐？？？咁何謂無限？？？我以前都會加錢要芝士粟米，但係可以兩邊爐都加，依家好似小家左D喎…… 而且依家既芝士粟米係好少芝士勁多粟米…… 成本問題？？？真係有點失望…… 反而泡菜及芽菜我食完第一轉叫店員加就有俾到！

2022年7 月30日晚飯，我們Order 嘅係「厚切帶骨肉眼」，但係嚟咗一件約1 cm厚而且沒有骨嘅「黑毛和牛牛肩肉」，但他們嘅同事堅持係「厚切帶骨肉眼」，而且認為我們不了解，厚切帶骨肉眼即要厚切和帶骨，但兩個條件也不付合，完全欺騙顧客，相片與實物不符！最後他們亦沒有認錯，堅持要我們付「厚切帶骨肉眼」的價錢，相信有食過「厚切肉眼」就知道厚切嘅意思，他們簡直當客人無腦，薄切和你無骨竟敢當做「厚切帶骨肉眼」？一定不會再去，亦不會推薦給任何朋友或親戚。

之前去呢間食嘢門口望落去幾吸引之後入去食點知啲嘢食好難食份量有小兩個人食完未飽已經六百幾囉，職員介紹啲套餐升級變咗會員有一疊優惠券用點知每次只可以用一張有啲又唔可以同一時間用。以後都唔想去呢間食嘢啲肉又奀又晏，份量得幾快一啲都唔好食。有啲調味又好鹹，間餐廳得個環境OK冇樣好又貴，從來未食過咁唔抵食嘅嘢。

2大2小，慶祝父親節，中午十二點幾唔駛等位，安排了8人檯給我們，坐得好舒服…食物好味，好滿足呀，價錢合理，因為有小朋友，我們食咗2個幾鐘丫，侍應沒有趕客，真心滿意！😋

入到嚟餐廳想點人參雞湯食，一啲咁傳統嘅韓國菜居然同我講話冇😆咁算啦。之後我決定燒烤，侍應放低幾碟前菜，侍應好殷勤咁同我講，話可以任添前菜😊除咗沙律菜外。於是我食完泡菜，再點一碟，上完一碟之後，我四個人食，再叫佢加泡菜，不同侍應一路話加緊畀我，加到餐飯食咗90分鐘都冇再嚟過😅期間同不同嘅侍應反應過加泡菜起碼五六次，結果每個都同我講話幫我再落單，結果我忍唔住埋單前都係冇。其實不如直接啲講畀我聽，你嘅前菜係要配給，唔好嘥大家時間，成餐飯嘅過程令我好沮喪！

又黎炑八食lunch啦!其實同外面比炑八lunch真係好抵!午餐前菜有冬瓜湯同泡菜, 而且泡菜食完可以任添!今次同牙媽叫左2个餐:雞扒蛋包飯同流心蛋牛肉炒絲. 強烈推薦雞扒蛋包飯. 蛋又大有salad 雞扒仲有成4塊, 份量好多平時一個人都食唔哂, 而且仲係全menu最平 真係好抵. 流心蛋牛肉炒絲都比左好多牛肉 真係幾抵食QWQ.

今日到天水圍的韓式餐廳吃晚飯。晚市的客人不多，餐廳的裝修充滿年靑跳脫的氣息，加上上燈光明亮，通風也不錯，坐得舒服。名品大醬湯$88這大醬湯用料豐富，有大蜆、冬菇、蘿蔔、牛肉、豆腐等。湯汁味道鮮，有豐富的牛骨湯風味，味道濃厚，有少少辣，加上豐富的材料和紫菜飯，味道對位，十分飽足。韓式炒粉絲$88這炒粉絲有牛肉、洋蔥、椰菜等，粉絲通透軟身，加上配料，味道帶一點肉味和甜味，口感好充實。海鮮豆腐湯$88這海鮮豆腐湯份量唔少，湯汁很鮮甜，滿有蝦味，而材料有大蝦兩隻、豆腐、大蜆、青口等。味道主要以蝦味為主，有少少辣，很醒胃。配上紫菜飯，和泡菜，泡菜唔太辣，容易入口，很飽足。這一天的晚餐還不錯。

其實覺得呢間野執得笠，唔知點解韓國菜可以冇泡菜豬肉湯！？知唔知呢個系靈魂湯？然後佢個部隊鍋，完全唔掂🤮部隊鍋竟然冇一片片嘅五花肉，然後仲要加個茄汁豆組合？what?加幾嚿腸仔同埋午餐肉就算…我喺屋企煮個韓國泡麵仲好食過佢! 佢哋啲野食真係太難食，所以我哋完全冇話想影相打卡…但係我真係要專登嚟寫個食評同大家講!千其唔好嚟呢間食啦！仲有嗰啲服務員，全部都好似遊緊雲咁，其實間鋪有幾多人呀？其實個廚師我都覺得可以炒得🙂

昨天honey 生日，但因還有工作要做，近近地去了嘉湖銀座的炑八韓烤。餐牌非常多食品可以揀。自己用手機點餐，叫了炑八豬肉拼盤，牛米狂野餐加牛肉流心蛋飯和紫菜流心蛋飯。荔枝梳打和青檸梳打。前菜也很多，泡菜，大豆芽，醃蘿蔔片。上菜都算快。可能昨天係要返工時間所以不是太多人。第一次食都沒有什麼期望。但總算不錯東西也新鮮。因本來打算去元朗因為元朗更多食肆。如果是住在天水圍想食韓燒又不想再出元朗這間店也可以考慮。

食烤肉最怕食完一身油煙味，這間的抽煙幾好。唔會煙霧瀰漫。用app, 0積分換了$168的海鮮煎葱餅，配韓牛前胸肉（原價$92+$135=$227)，再單點$168的豬肉拼盤。加一後＝$369.50。爐邊蛋，和爐邊的粟米芝士，前菜的泡菜，芽菜，酸蘿蔔，都是免費任添。韓牛前胸肉，有兩塊 ，有小小厚，不會太薄。豬肉拼盤，葱醬豬背肉x3, 韓式秘制醬油五花肉x4, 梅花肉x2。全部肉類都好靚，新鮮有光澤。烤好，唔點醬，已經好味。加泡菜包生菜，味道就多點疏菜的甜脆。海鮮煎葱餅，有超多細細粒的蜆肉，魷魚，蝦等等，熱辣辣，脆脆地。味道很淡，必須點韓式醬食。泡菜和爐邊蛋,和粟米芝士，好好食

今日係年三十，提早半日收爐，來炑八食午餐。今日食雞扒蛋包飯，湯，和可以任添的前菜，$42。不用加一。前菜有泡菜，芽菜和蘿蔔。我download了炑八app, 今期可以0積分送梳打。我揀了柚子檸檬梳打。還可以揀荔枝梳打和青檸梅子梳打。雞扒蛋包飯，有4件雞扒，蛋包飯係炒飯，還有啲沙律菜和蕃茄仔，好食。泡菜，好爽脆，有點辣芽菜，甜香好味蘿蔔，甜甜酸酸湯，就是清湯一碗柚子檸檬梳打，好多柚子醬，食了辣泡菜，飲梳打，好

今日同媽咪嚟食Lunch，本身天日商場都有一間分店，好似都幾好生意，但係無奈佢好耐之前結左業，所以天水圍得返一間喺銀座嘅分店。之前經常都會點牛肉炒粉絲嚟食，貪佢有菜有肉，啲粉絲都炒得好乾身好香。另一樣賣點就係可以無限食佢嘅前菜😝前提係你要夠厚面皮舉手問侍應拎，因為佢每次都只會比一小碟你。😎呢度啲泡菜、青瓜、蘿蔔等等每一樣都醃得好夠味，而且唔係全部一隻味。今日點左雞扒蛋包飯你食，我覺得普普通通啦，個蛋係幾滑嘅，面頭嘅煎雞扒都唔太乾。但個味道好普通係港式快餐，完全唔係韓國嘢。下次都係食返炒粉絲算😇。

食過幾次呢間嘅韓燒，價錢偏貴，嗌套餐唔抵，最後係食唔飽，單嗌會好啲。有口罩套同埋圍裙，幾貼心。最鍾意食呢度嘅芝士，會一直叫侍應refill。飲品顏色都幾靚，啱攞嚟呃like。

係app到叫外賣自取原本預1330攞 而我早左去1310已經到左，以為要等點知已經擺左係度隨時攞得😰當刻已經心知不妙，遮係一早整左，應該都凍曬好快攞到翻屋企後，開蓋一吃，毫無懸念地……無錯係凍嘅🙂我個人就好討厭吃凍嘅食物，唯有自己用氣炸鍋加熱，就算加熱後食物都好一般唔及堂食1. 甜辣炸雞肉質超鞋，但個味係唔錯(有鬼用咩，我係吃緊夠肉又唔係淨係吃佢個味😒)薯條就一般啦 不過不失(經翻熱後)2.海鮮煎餅分量少，比堂食嘅少好成倍而且質感係較厚實，可接受好可惜 我吃吃下吃到條頭髮😊幫我加料 真好😊-腐皮中嘅腐皮！！！特別係呢個雞排飯，雞排好鞋，飯極凍😓完全差評！