炑八韓烤 (Closed)

在香港一次非常糟糕的经历，上菜的年长男职员没有搞明白我说了什么，而后失去耐心，愤恨把餐牌用力甩在了我身后的桌子上，吓人一大跳，当时人并不多，不明白为何态度这么差，难道自己搞不清客人说什么还是客人的问题吗？？？在这边吃了这么多顿饭，遇到过态度略差的，但是没遇到过这么差的，整顿饭完全没有吃好，当时想走但是已经上了一部分菜了忍住没走，事后想想真的非常气愤，如果有投诉渠道我一定会投诉的，非常窒息，以后拉黑炑八了

平日夜晚，放左工去呢家係food court入面既炑八。其實佢係獨立一個餐廳，唔係food court 形式咁坐。其實呢間餐廳本身都有人食燒肉，抽風系統做得好，本身都冇乜油煙，可惜對面嗰間鐵板燒實在太油煙，吹晒過嚟😓😓😓我真係好怕油煙味，所以影響咗印象。💋前菜，好好食，最鐘意大豆芽，有麻油味。💋流心蛋牛肉飯58汁好好味，牛都好入味，好抵食。💋牛肋骨煲82老公超鍾意食，佢成日食（其他分店），有好多舊牛肋骨。不過我一般，我嫌佢有點攝牙。💋甜辣炸雞（半份）+柚子茶（1杯）+薯條68我開頭以為睇錯價錢🙀 炸雞68？仲配咁多野？原來真係無睇錯！ 驚訝了！不過只甜不辣，係完全無辣味，泡菜都辣過佢，但都好味，似蜜糖果種感覺。炸雞唔脆，無骨。薯條好熱，似係岩岩炸好，粗身，佢好淋身唔脆，好有薯仔味，好天然，唔似m記好硬膠好假果種。我本身好鍾意食呢種淋既薯條，所以我忍不住係咁食係咁食。最後太飽，食唔曬，我打包左部分牛肉飯+炸雞。走時8:00開始多人，要等位。一直都好多人叫外賣自取。總評： 埋單200左右，超抵食。唯一係對面鐵板燒油煙味太勁我唔得😭😭😭然後我發現左商場做緊活動，係餐廳消費滿100蚊以上有餐廳

年初五諗住出去行下食個lunch，見舖外面個廣告幾吸引就走入去，從未食過咁難食嘅炸雞，原味炸雞=無味炸雞，甜辣味炸雞=少少味嘅炸雞，真係好差，絕對唔會再幫襯。估唔到原味都可以差成咁，好失望。唯獨可以讚下嘅係嗰兩杯野飲，柚子冰茶同荔枝冰茶正正常常，柚子冰茶都算ok，不過荔枝冰茶只係得一粒荔枝肉。我見lunch時間入面都幾多人，以為都會好食，點知出事，我已經係現場買完就坐food court食，我地食咗兩舊實在食唔到落去，決定帶返屋企先再算！

星期六日出街淨係可以堂食午餐，於是小編決定和友人去燒肉店，尋找旅行的味道。依間燒肉店一向都係小編嘅清單上面，下午茶嘅價錢絕對係性價比超高，而且有好多唔同嘅選擇，適合各人嘅口味。今次小編同友人叫咗一個燒肉餐，然後加$25升級左做流心蛋五花腩肉飯，份量啱啱好。燒肉拼盤有豬牛雞，仲有蔬菜，啱晒想試唔同嘢食嘅人😁由於依個餐真係好抵，所以小編決定下星期再食👏🏻👏🏻👏🏻不過嘢飲方面就冇咁出色，所以小編決定下次都係飲返最普通嘅凍檸茶😉

炑八韓烤 ❤️-韓國菜-燒牛肉必選-飲品款式多多-非常多人排隊😂雞扒蛋包飯 HKD42 味道分(tastefulness)：⭐️⭐️⭐️⭐️打卡分(photogenicity)：⭐️⭐️⭐️⭐️份量分(Size)：⭐️⭐️⭐️⭐️總分(overall)：⭐️⭐️⭐️⭐️👍🏻又靚又抵又好食😙！雞扒蛋包飯煮得啱啱好滑蛋香甜美味，雞扒肉質鮮嫩入味，口感豐富！炑八韓烤 (旺角)旺角彌敦道628號瓊華中心5樓

朋友話貼近韓國味我之前去過食午餐，牛骨好正，抵食好貼心，送圍裙食完set .才知無牛肉，但點解豬有牛味任食泡菜蛋和芝士粟米，好味味，下次再食，叫墨魚和牛夠啦在Moko 食， 食完可抽獎 。商場也可儲分8點食完，food court 唔滿座。今日是星期日，都咁差，真慘有啲店舖已關門我9點幾行完，一半已關門

雖然係food court，質素卻遠超普通food court產品，最緊要是cp值太太太太太高！小妹本身係唔太鍾意食燒烤，因搞到成身油味，環境又好嘈⋯但見到呢間舖有出一人前燒烤set，又覺得好俾心機，考慮到獨自用餐嘅朋友⋯於是嗌左雜錦拼盤係好多野食呀⋯有韓式前菜，沙律，生菜盤，米飯，燒肉與爐邊蛋。前菜雖然係普通貨色，但係分開用碟呈上，唔係用醬料盤三樣一set果啲。沙律菜好新鮮呀，脆卜卜米飯亦有灑上芝麻。爐邊蛋有菜脯及原味嘅。燒肉拼盤有雞肉，護心肉，汁燒牛肉，牛小排。除左護心肉都唔錯，護心肉勁硬。亦都有南瓜同秀珍菇，南瓜就麻麻地呢個「一人餐」完全可以兩人食咯⋯我嘅感覺係食緊Buffet每樣菜式都大大碟，連追加嘅柚子冰茶都係大杯呀。想食石頭鍋飯嘅朋友都可以同frd一起嗌呢個餐，事關食完燒肉完全可以自己整一個石頭鍋飯出黎🤣我估我食得仲多過隔離檯嘅男士⋯嘢飲可以唔使嗌，因會太飽

去到旺角的新世紀廣場，要飲要食而發現自己又唔想多花錢的話。Food Court 是一個經濟實惠的好地方。而在這一個 food court 內，有部份的店子，可以在內食；亦可以即時外賣，拿走去 food court 食。3月份的這一天，我同太太就看中了其中的一間，名字叫《炑八韓烤》。太太茹素，而且堂食沒有座。我們就不烤了，簡單一人一個石頭飯，攞出 food court 食。素食的石頭鍋飯，餐牌上沒有的。但只要你開口問，他們會為你特製一個走肉，以蔬菜為主的石頭鍋飯。芽菜，蘿蔔，白菜，海草，冬菇，就是這一個飯的配菜。加上了雞蛋一隻，以石鍋的熱力去把雞蛋弄到半熟，加埋豉油，簡單好味。食韓國餐，我最喜歡食的始終是牛肋骨。大大條的骨，骨邊亦充滿肉感。近骨的肉又嫩又香。而且炆得很入味，也很腍，濃濃香香的牛肉同湯汁，伴上白飯，美味得很。跟餐有特飲，我選了的是荔枝梳打。這一個梳打，其實好搵笨，就是罐頭水果加 Syrup 再加梳打水。茶餐廳風格。唔錯的一個簡食晚餐，代入我當日的食後感，是可以再來的。

呢間係一貫嘅好食，環境都唔錯，坐得舒服，侍應服務態度良好，而價錢係好平民化嘅韓燒牛。不是自助韓燒，我例必叫牛肉配無任添加爐邊芝士，套餐大概$1xx，咁嘅質素算抵食，但牛肉份量唔係幾多，因為有前菜同埋配菜，女仔應該夠食，但係如果果日好肚餓或者自問係食肉獸應該會考慮追加，人蔘雞湯而家做緊特價亦都只係$88，抵食。提醒吓食韓燒會好大煙，已經叫侍應幫手整近個抽氣扇，我又調到好細火，但食完成身都會有陣BBQ味。

Boyfriend and I were in the Mong Kok area doing some last minute errands and decided to just have a quick dinner at the food court. Walking about, we came across MeokBang Korean BBQ and Bar. I do tend to like this place as it's decent food with a not an expensive price tag. This branch is located at the food court. You can dine in and have Korean BBQ or order something from their dinner set which includes a main, appetizer and add  $10 for a drink. But heres' the thing. You can dine in and be ch

好耐冇食過韓國燒烤，諗唔到有邊度搭車方便又唔使點等位，朋友介紹之下就去咗新世紀廣場啦，個環境又真係幾清幽嘅…簡直係吹水嘅一個好地方，喺正food court 入邊，但係又唔係自助形式，都有writer Service 㗎.我地點左一個三色牛肋條，一個豬護心肉，一個海鮮燒餅。兩支啤酒。牛肉同朱都唔錯。個海鮮燒餅就辣咗啲。每人都係$250買單，最重要就係喺新世紀廣場，入佢某個會員。結帳時便會有九折。反正我覺得呢達地方搭車返屋企都幾方。下次都係會再去嘅。

係MOKO睇戲之前去左food court食lunch，咁啱見到原來呢到開左炑八，仲有啲唔係燒烤嘅午市套餐，咁就入去食下。我地叫左兩個套餐，分別係:炑八牛肋骨煲配紫菜飯牛肋骨煲調味甜甜地，送飯一流。呢到份量算多，有幾塊肉，仲有紅蘿葡同白蘿葡，幾好。兩個人share食都唔會覺得太少餸。午市套餐有跟前菜，魚餅都幾好食原味無骨炸雞餐(半份)炸雞都算ok，份量半份啱啱好。無骨雞塊啖啖肉，食得十分方便。但跟餐薯條唔好食，一啲都唔脆。炸雞餐有跟餐飲，我叫左荔枝冰茶。整體食物都算唔錯，午市唔洗加一，幾好👍🏻

17/8晚食晚餐兩位男職員態度非常親切，點菜時...先介紹不同餐的賣點及份量，再建議值得一試的菜色。燒烤途中...另一職員見我地唔係咁識燒，主動過嚟話幫我地燒，一路17/8晚食晚餐燒一路講解...點解要咁燒。及後，將心中打算打包的炸雞放到檯邊，唔駛阻住烤肉，職員見到呢個舉動，已主動問係咪需要外賣盒。兩位職員的態度非常窩心👍🏻

moko大食代盡頭既炑八韓烤，炑八韓烤係大型連鎖韓式燒肉店，之前夜晚食過一次燒肉，都ok既今次睇一睇下午有咩好食先店內衛生環境都唔錯，坐位都幾舒適望一望餐牌，其實價錢比我想像中平少少有啲set 有小食，主菜，飲品都係48蚊，其實都幾抵食所有餐都有韓国泡菜送埋，無限refill 添不過只有两款我叫左個炑八牛肉拌麵，麵我覺得好似韓國泡麵甘，用啲類似泡菜既調味，牛肉好似真係少左啲有隻流心蛋俾你撈埋個麵同牛肉一齊食，講唔上好好食，但又唔係話好差質素同價錢完全成正比

食過咁多次韓烤，真係第一次食烤豬皮，事緣個friend要遲黎，一個人無聊又唔想淨飲，咪搵d搞作...就係可以慢慢烤慢慢等既野食...剛好見到從來未試過既「豬皮」，就order一份烤住等。一份有兩片勁厚既豬皮，講真唔知點入手，店員員係俾左舊鐵我，話用黎壓住塊豬皮既！咁就試下自己烤下玩下，跟手就將塊豬皮cut開一塊塊，再慢慢烤慢慢等，烤到咁上下，d豬油就四散咁係咁彈晒出黎，彈落對手到都勁痛，只可以盡快夾起放埋一邊，唔好俾佢不停加熱係咁彈油！豬皮口感勁膠，食左半份已經飽飽脹脹，真係再食唔落其他野，建議大家想試呢款豬皮，真係要夠人多，同埋人齊先好燒黎食，人多share無咁肥😋