Merci Cafe by Déesses

Open Now

Now Closed

工作需要去上水，約咗同事喺上水食飯，喺openrice睇咗好耐，最後選擇咗呢度，幸好沒有揀錯，我點咗軟殼蟹漢堡，薯條夠熱夠脆，漢堡包好大個夠哂食，同事叫咗香煎魚柳，都夠新鮮香脆，侍應服務好。

今日同老婆兩個人食lunch，太太極力推薦這餐廳。 lunch嚟講都算好多選擇，今次試新出的特色烤雞 ，烤雞有半隻， 但因為佢一隻好大隻，所以半隻兩個人食都覺得好足夠，雞肉好香好鬆化，不過製作需時，要早 20分鐘叫定，另外加咗88蚊有半隻波士頓龍蝦，龍蝦非常新鮮好味。 太太要咗個保濕豬鞍，個豬扒都真係好香 軟。 下次仲想試埋佢個甜品。總括嚟講，這是一間有質素的餐廳，職員服務態度非常好，有心介紹每一樣食物， 值得推介。

聽說這餐廳亦都係新開張沒多久, 鐘意試新野的我一於身先士卒睇下佢咩料先😏。 （整體來說味道一般😑）🧀柏馬臣芝士焗雞胸伴蕃茄醬🐔芝士醬的溫度唔夠熱, 做唔到拉司溶化的效果加上蕃茄醬也不夠多令到整碟雞胸都好乾身肉質又唔夠滑😅。 （雖然雞是有雞味, 但肉汁唔多整體味道好單一沒有層次。）🦀炸軟殼蟹漢堡伴牛油果醬🍔賣相相當吸引的炸軟殼蟹漢堡是我跟友人選擇進食這餐廳的原因, 但當對某樣事情有期望最後只會帶點失望, 因為隻軟殼蟹沒有去除鰓的部分, 幸好跟友人都知道要去除佢先可以食才沒有事。（如果唔去除會令到人肚痛嚴重者會食物病毒🙃）除咗這問題外其實個漢堡整體係好食的, 漢堡皮夠香脆軟殼蟹都算多膏配埋牛油果醬一齊食口感都算清新。🍼泡沫燕麥奶咖啡☕可能燕麥奶的味道跟咖啡的味道不太夾因為整體只飲到苦味, 沒有其他味道😅。🍊香橙朱古力咖啡☕味道完全似香橙朱古力手指餅的味道, 好有童年回憶😆。

颱風蘇拉迫近本港，趕緊今晚到上水廣場6樓買海味辦喜慶事，開開心心順利入齊貨就到樓下5樓商場開餐。經過無意發現到這間CAFE，其實餐廳位於比較不顯眼位置。不過，侍應哥哥好熱情，把菜式一一介紹，然後就安排我們入座。好，抱住無期望、無失望，就試一試！一人一款晚餐，可選擇配胡麻醬沙律或紫薯餐湯，主菜點了炭燒西冷牛扒🐮和威靈頓三文魚，餐飲簡簡單單要了杯橙汁🍹。沙律菜簡簡單新鮮，無草腥味🫰小小的餐飲 橙汁紫薯湯 加 面包， 味道偏甜，但勝在營養健康炭燒西冷，牛扒只是簡單調味，點了5成熟，口感好好，沾黑椒汁👍正威靈頓三文魚，賣相漂亮，三文魚肉質滑，🥒🥬🍅配菜好多，完全補充返西餐肉多菜少的缺點，三文魚夾住酥皮一齊食，香口又滿足。餐廳雪櫃擺放左多款蛋糕，口味多、賣相又漂亮。整體食物質素不錯，略嫌環境比較簡約，服務都好好，算是上水廣場西餐之選。

好難想像北區會有一間咁出色啲甜品Cafe 無論出品、環境、服務都非常有誠意純白同粉紅裝潢之外🤍💖佢仲有模仿西方教堂彩繪玻璃窗嘅打卡牆可以影吓相🌈食物方面主打Pasta, Burger 亦有唔少Pastry 選擇特別推薦佢哋嘅烘焙出品🥯全部嚟自天水圍濕地公園嘅西式烘焙店🥖Deesses （法文女神）Bakery蛋糕種類多之餘、好多都係未太見過嘅款式🤩🔖 Pink Guava （Cake) 💕外表吸睛、一秒鎖定蛋糕底部係原味牛油蛋糕🧈上面薄薄朱右力外殼包住酸酸甜甜嘅石榴慕絲🩷最中間係果醬口感嘅新鮮石榴入面保留咗好多細細粒石榴果肉口感同味道都有層次散叫定價喺區內可能有啲進取不過Tea Time 佢有Cake Set 跟咖啡/茶CP 值都唔錯🔖 Salted Caramel Croissant Wheel自從牛角飽整容變咗圓轆轆車輪牛角卷後🥐佢哋越嚟越出得廳堂出鏡率極高車轆牛角卷外層酥脆入面軟熟頂層同中間都有半熔焦糖海鹽醬非常邪惡😈焦糖以外另外仲有一款開心果口味開心果控唔好錯過~🔖 Latte (Upgrade) ☕️本身無太大期望意外地有水準拉花札實味道亦絕對唔會輸比坊間嘅精品咖啡店❣️服務十分

今天第一次去這間餐廳，因為時間尚早的關係，四周圍看看去哪一間享用午餐。一踏入門口望一眼，遠處立即有一位侍應前來打招呼歡迎亦立即帶位，亦有拉椅招呼坐下（感覺良好因為平時拉椅只會在酒店或高級餐廳才有）坐下時亦有詢問是想吃早餐還是午餐？我示意想食午餐，侍應亦立即告知可以多等5分鐘才到午餐時間，可以先為我介紹一下今天午餐套裝，之後可以再QR code上點菜。不知道是否很少客人點Black Coffee的關係，侍應會向我再次確認我是否點了這個。食物質素可以！👍🏻因為未進入之前可能我本身覺得上水沒有什麼Cafe shop,但他們的菜色是有一點心思的。令我都有一個驚喜的是，店員上食物的時候，無論沙律亦會不忘介紹這是用了藍莓橄欖油調味的！一杯Black Coffee亦會告知我是什麼品種，喝起來會帶有什麼味道等等⋯⋯另外其他店員亦不忘經過都會面帶笑容打招呼及詢問食物質素如何!感覺十分友善及熱情❤️‍🔥！唯一可以再加分的地方是，可以一開始主動提供水給客人飲用，不需要客人自行去拿取。以及前菜主菜要分先後次序上。整體上很好環境亦很舒服會再次光臨！服務很好！

話說上水都無乜coffee shop,見佢新開就試下,點知試完同自己講絕對無下次🔥試左個open toast(牛油果/蟹肉),無可否認擺盆係靚嘅,啲妹妹打卡應該happy嘅,但我唔係相機食我係人食😐第一啖已經好失望,酸種麵包無香味無咬口,唔講蟹肉唔知自己食緊乜,好有心咁有啲蕃茄仔同芝士,但蕃茄唔甜芝士唔香,唯一可取係個牛油果🙂雖然不至於靚但起碼熟同滑,但建議滴兩滴青檸汁我諗會好食好多咖啡就唔錯嘅無聊同隔離台搭嗲,對方都話好失望,佢叫左份扒,佢話畢打奧仲好食🫥呢兩年香港開左好多Cafe,試過無數咁多間,好食舒適嘅都好多間（個人認為black sugar個牛油果多士真係好食十倍,Nutmad又係一間出色cafe,仲有好多好多…）如果只係堆砌一堆食物俾人影相,不如讓返個位俾有心做好食肆嘅人*題外話佢個餐廳設計都幾”得意”,有一行向外bar台，只係用個矮花糟隔住，佢話因為有啲人唔想對住其他人食野，所以呢個位向外，但商場啲人行過就會睇住你食野，等𨋢嘅人又會睇下你食乜,無遮無擋，我覺得衰過向住食客😵‍💫