十八夢

Integrating technology, art, gourmet food and music. Meta Stages is a French and Japanese fusion restaurant creating an immersive dining experience of art, music, culture and food in Causeway Bay. A world-class team to create a extraordinary dining experience that breaks through your six senses. 💭《異世界 - 捕夢之旅》💤Catch Your Dreams A strange journey of how a pair of men and women who stumbled and fell into the dreamland. You could participate in the journey interacting and becoming a part of the perf

今日難得早放，一個人黎到銅鑼灣呢間餐廳食佐一個比較高級既午餐，fine dine級數既享受呀！特選季節手握壽司盛10件$368🍣🍣🍣🍣🍣壽司嘅款式都係啲高級啲特別啲嘅款式，除咗一定會有嘅海膽、拖羅、帶子，仲有一個係鍋巴但係上面有啲刺身，另外又有啲燒嘅魚，又有劍魚腩，長鰭吞拿魚，中拖，油甘魚腩🙈海膽勁大嚿，好新鮮，有海水味但完全冇腥味，好鮮甜，仲有塊薄脆，同平時食嘅壽司好唔同！帶子有好林身，拖羅又嫩，全部都好好食，真係一個高級嘅日本餐廳食到嘅質素！前菜🥗🫕🥚因為壽司係定食，所以會有埋前菜，前菜有沙律，湯同蒸蛋，係一個碗嘅份量，一人前，啱晒做開胃菜😌沙律好新鮮，湯唔會太鹹，味道啱啱好，蒸蛋都好滑身，仲好香添，超正！

今天有幸和胖侶在這如此特別的餐廳渡過我們的紀念日，很是歡喜，餐廳環境優雅，中間有一個很大的舞台，瑰麗堂皇，每晚也有不同的表演娛賓，像今晚便有歌手獻唱多首流行曲，聽出耳油，2月14-19日十八夢更會聯同 DDC，邀請詹瑞文 (昊宸) 擔任藝術總監、導演及主要演出，以嶄新的表演形式演出一個沉浸式美食舞台劇，舞蹈員及演員會在觀眾席之間表演，提供六感 (味覺、嗅覺、觸覺、視覺、聽覺、本體感覺) 的多重享受，是次作品名為《異世界 - 捕夢之旅》， 是香港首個開心 5D 夢幻沉浸式美食劇場，實在不容錯過。La Catrina Moscato，先來一杯美酒打響頭陣，這隻來自南澳的 Moscato，色澤呈淡蜜桃粉，充滿白花清香，隨著微微氣泡升起飄散，爽口的蜂蜜甜味，與清脆酸度平衡，喝罷得到豐富且回味無窮的尾韻。海膽帶子他他，海膽帶子他他賣相精美，在正中央的是經醬油調味的粒粒鮮帶子，上面還有海膽魚子醬和金箔，伴以週邊的脆脆紫菜和芝麻，非常對味。法國藍青口，藍青口非常新鮮，味道帶點蒜頭和辣椒的刺激感，配合著烘得香脆的法包，很好。西班牙黒毛豬、厚燒牛舌芯、厚燒豆腐，想不到在這麼瑰麗的地方也能吃到地道的港式串

呢間係新呢間係新派既法日餐廳，結合NET主題同現場表演，最緊要係仲有5D裝置表演，去到見到大舞台已經好興奮😆去到先發現無平時我睇到人地既沉浸式表演，但都有人唱歌表演，聽住歌仔摸住酒杯底食飯都幾chill🥰🥰海膽帶子他他 海膽食過，帶子食過，他他都成日食，但海膽帶子他他第一次芝麻紫菜脆餅加埋他他一齊食，食出帶子既鮮甜又食到香脆既紫菜，而且帶子佢應該係用大帶子再切粒，令口感更有層次❤️烤大蝦柚子沙律呢個沙律好清新，有勁足料既柚子肉，加上大蝦唔鞋，食落去好開胃海鮮鯷魚意粉香草欖油醬開頭以為鯷魚意粉係大大件魚，黎到發現點解得海鮮既？先發現原來鯷魚最主要係提鮮，所以唔好落好多。食落去唔會好濃味，但又食得到香草同鯷魚既鮮味，仲有蝦，帶子同蜆，都大大粒，整體都唔錯👍🏻👍🏻油封法國鴨脾 油封鴨脾係法國菜中我都幾中意，雖然店員話佢唔會好似平時我地食既雞脾咁滑，但肉同骨都好輕易分離，用叉壓一下都拎到鴨肉出黎，口感都仲係滑。伴碟有椰菜花，紅蘿白，秋葵同新薯，整睇都新鮮，同好夠味燒白鱔：白鱔厚肉，食落去啖啖肉👍🏻雞頸肉：串燒中我幾中意食頸肉，無論係豬定雞都咁中意，柔軟多汁，肉質有嚼勁，又唔會過肥或太瘦💯厚燒牛舌

十八夢係銅鑼灣，夠晒大間又有服務，坐得又舒服，呢度仲有午市套餐，好正！我地食佐$388既特選季節刺身六品盛同埋$228既西京燒銀鱈魚定食，兩個套餐都有前菜送埋！首先刺身六品盛直情係omakase質素，好豐富，有赤蝦、雪場蟹腳、高級帶子、拖羅、劍魚腩、池魚😍原來赤蝦同黑松露係咁夾，黑松露既濃味帶出蝦既鮮味，蟹腳又多肉，拖羅又夠入口即溶，好食到唔想停口！另外西京燒銀鱈魚定食都一樣咁好食！傳統嘅日本菜式，銀鱈魚係真係好新鮮嘅銀鱈魚🐟超肥美，啲魚油滲晒出黎，魚皮燒到好脆，魚肉就保持到好嫩，另外仲有粟米🌽燒香嘅粟米焦焦地又好甜，超好食！

試新野食蟹肉飯，都好好食，啲蟹肉多到同啲飯1:1咁濟，無誇張有圖有真相♥️😆但我覺得最好食都係Tuna魚生飯🤤😍隔離枱食和牛sukiyaki 超香都想食，下次真係要試下💯唯一唔好就係lunch time 時間佢被人包咗半場做傳銷，只係用4張懸吊嘅大banners 相隔，隔離用mic大大聲，真係有啲煩😑係咁重覆「大家都係fds 用499US買產品就可以開始自己生意」「想唔想去旅行？推薦人有機會免費旅遊！」

🍽️🍗🍣Fine Dine 精美日式西式午餐☑️日式前菜- 茶碗蒸、沙律、漬物沙律菜新鮮配黑醋汁，茶碗蒸好滑，而且有吾少蟹肉絲同魚子。漬物有2條炸魚仔，浸係好開胃嘅酸汁內，個汁酸得黎好好味。☑️和牛壽喜燒定食 - $288和牛有三大片，用上熊本和王牛，油花均勻。壽喜燒鍋有茼蒿菜、娃娃菜、大蔥、花型紅蘿蔔，兩粒鮮冬菇、兩件炸豆腐、大量粉絲及蟹味菇，上枱時擺得好靚，仲有生雞蛋比你撈。湯底甜度適中，粉絲索左湯之後幾入味。☑️餐湯 - 薯仔忌廉湯好味😋薯仔同忌廉味都好出，亦不會過稀。另外配上左一塊焗脆左嘅牛油面包。☑️意大利冷肉盤 - $30沙律菜十分新鮮，仲有車厘茄，配上黑醋汁幾開胃，另外有幾件好甜嘅哈密瓜。凍肉有幾款，薄切大片，充滿鹹香。☑️ 西班牙黑毛豬斧頭扒•無花果醬 - $388雖然吾算大件，但肉質嫩滑，不會過熟，入面仲有淺淺粉紅色，亦唔會有臊味，無花果醬酸酸地好特別，同豬都幾夾。而伴碟有燒香左嘅粟米芯及秋葵各兩條，一條甘筍，及3粒小薯仔，其中一粒係紫薯，都幾好食。☑️飲品 - 咖啡☕️跟餐有一杯咖啡或茶。我哋叫左一杯Black Coffee同埋一杯latte，2杯咖啡味都濃，吾錯，砂糖會另上。☑️甜

2023年1月19日 星期四終於返多幾日工就到新年，可以好好地休息放下假，老婆仲特登預約左餐廳今晚帶我去食添原來餐廳位於銅鑼灣，一搭lift上到去就好似置身於劇院咁樣，裝修好有特色，感覺似係百老匯嘅劇院咁入到去真係嘩咗一聲出黎，冇諗過一間餐廳可以裝修到好似劇場咁，中間有個好大嘅舞台，燈光同音響都好專業，十分有氣氛，店員仲話原來每晚7點半開始都會有唔同主題嘅表演項目，叫我地好好期待一下之後店員再俾左一張宣傳單張我哋，話2月14日晚上開始仲會有由詹瑞文監製同主演嘅舞台劇演出，係香港第一個5D沉浸式歌舞美食劇場，到時舞蹈員同演員會喺觀眾席之間表演，聽落好吸引咁，因為從來冇諗過香港可以一邊食飯一邊觀賞舞台劇，仲要咁近距離添，再睇一睇單張上面寫嘅價錢，大約每人$1680，可以有齊味覺、視覺、聽覺既感受，紅館演唱會都未必做得到，搞到我都想心思思預約睇吓係咩嚟好快我哋就點左餐，飲品等左幾分鐘就送到黎先，係la catrina moscato，屬於意大利嘅氣泡酒之一，我哋每人一杯，平時老婆都比較少飲酒，因為唔鍾意太搶喉同難入口，反而呢一款佢接受到，可能易入口，而且甜甜哋，飲完都唔會覺得好快醉之後有食物

話說上星期同朋友慶祝生日，友人介紹咗呢一間位於銅鑼灣V Point嘅特色餐廳【十八夢】。呢一間餐廳以舞臺為主題， 設有巨型led背景，更有唔同嘅光影效果， 彷如置身teamlab， 非常夢幻而且打卡一流。每晚更有唔同嘅表演者作藝術表演，今晚嘅表現者係演繹出乜嘢係 人靚聲甜。嚟緊嘅情人節2月14有一個，更聯同埋詹瑞文嘅劇團，推出了劇目《異世界捕夢之旅》，著重沉浸式嘅5D體驗享受， 實行邊食邊欣賞，保證食得開心，睇得過癮。要睇嘅就快啲去各大平台買飛喇。第一道菜式 《 海膽帶子他他》，切粒嘅帶子刺身加入咗醬油芥辣 預先調味， 味道鹹中帶鮮 、 鮮味中帶有甜。 上面鋪咗一層海膽魚子醬，具有畫龍點睛嘅作用。另外配埋埋紫菜簿脆一齊食，烤過嘅芝麻紫菜脆卜卜，與帶子他他形成一道強烈嘅口感。《白酒煮青口》， 青口新鮮帶有鹹香，白酒煮成嘅青口汁集酒香、微辣、鮮甜於一身。一定要配埋多士食，一滴不漏!餐廳主打法日菜式，《爐端燒》亦同樣出色。 我哋叫咗幾串串燒， 擺盤相當精美別緻， 同餐廳嘅環境相當匹配，令人賞心悅目。《厚燒豆腐》  簡單搽上醬油去燒，上面加上木魚絲， 既食出豆腐嘅豆香， 同時亦品嚐到就付外層少

想來十八夢好耐終於book到檯每晚 7 點半開始會有不同主題的表演項目今晚係自彈自唱結他表演配合後面超大螢光幕非常有氣氛又浪漫好快就到情人節推介個好節目比大家由詹瑞文監製及主演嘅舞台劇由02月14日開始公演的5D沉浸式歌舞劇表演舞蹈員及演員都會在遊走在觀眾席之間表演萬勿錯過除左環境配套出色食物都非常吸引海膽帶子他他加左蒜蓉 蔥花 山葵 魚子醬令帶子鮮味更突出以紫菜脆脆包住一啖食落口同時享受軟硬兩種口感香煎帕馬火腿鱈魚卷伴明太子忌廉汁好有創意嘅菜式鱈魚鮮味嫩滑配鹹香帕馬火腿係非常之夾加埋微辣嘅醬汁海鮮鯷魚意粉伴香草欖油醬整道菜嘅靈魂係Anchovy鹹鮮與魚香兼備意粉偏濃郁惹味 配白酒可減油膩甜品摩天輪會旋轉加閃閃發亮 超級吸睛！像放題一樣 應有盡有有齊芝士蛋糕焦糖燉蛋 冬甩 朱古力朱古力慕士 綠茶蕨餅每樣都精緻 唔太甜

推介指數⭐️⭐️⭐️⭐️⭐️我真係超級推介大家嚟呢間餐廳，一嚟佢哋嘅環境比較清靜，有樂隊長住餐廳，為大家表演。喺呢啲咁chill嘅地方食嘢真係胃口都好啲。而且唔係賣花讚花香，我覺得呢度嘅嘢食真係世界級好味，佢嘅壽司份量都幾多，唔會飽到上心口，亦都唔會覺得好肚餓🙆🏻‍♀️賣相亦都好吸引！我食嘅呢一個餐就係特選季節手握壽司盛10件😜價錢為$368，我自己覺得都OK。佢壽司款式有好多例如金目鯛、拖羅、海膽、油甘魚、赤身、鰻魚等等。全部都好鮮美！淨係講個海膽都好Creamy🤤我都幾推介朋友嚟食生日飯！因為幾有氣氛，而且價錢唔係貴！

點解我話打卡打到手軟❓因為呢度真係好靚，有唔少打卡位，而且豬場仲會有樂隊表演😍難怪佢會變咗一間網紅餐廳😎雖然我今日一個人嚟食飯係一啲都唔孤單，因為有音樂聽，成個氣氛都幾好。🤎精選串燒定食 8串 $218串燒未上台之前，前菜就已經率先上枱，有我最鍾意食嘅茶碗蒸、清甜嘅日式湯同埋沙律菜。成個感覺幾開胃，份量亦都剛好。唔會話食完之後已經飽晒😆串燒方面有8串唔一樣嘅串燒，我自己最鍾意竟然係佢旁邊嘅大啡菇，唔知有冇人同我一樣都係菇菇fans呢😚另外仲有雞肉串同埋雞翼同埋牛肉串都係好好味㗎😆我覺得如果當作輕食黎講都算唔錯

之前看過篇報導話詹瑞文有意打做全港首個5D夢幻沉浸式美食劇場，聽落已經覺得幾有趣幾吸引！今日專程去餐廳試試，再決定情人節定之後黎睇公演！今日點了一份辣汁法國藍青口，青口可選忌廉汁或者辣汁，平常比較少食辣的青口，所以今次點了辣汁，食落不算很辣，後勁比較有辣味，加上青口的海水味，這個配搭不錯，既易入囗，又有少少刺激！最正的是配上幾塊脆多士！把多士沾滿青口湯汁再食！口感鬆脆！湯汁味道又調較剛好，食落令人興奮！厚釀豆腐炸豆腐上面鋪了一層厚厚的木魚, 非常香口，豆腐外脆內滑，要好小心食，食太快會辣親月見免治雞肉棒沾日本雞蛋食，入囗更滑溜，咬落有肉汁，啖啖肉，不錯燒和牛串放左陣先食都仲保持到溫度！食落比想像中驚喜，和牛串入面唔係全熟，咬到幾腍，有牛肉香，而且冇筋有肉汁，幾好食大蝦柚子沙律好清新開胃的前菜！大蝦微微煎過都幾香，西柚本身揀得幾好，多汁唔酸，獨特的西柚味配特製的沙律汁，酸酸甜甜，好食！賣相仲好靚！燒雞頸肉燒得好香，好滑餐廳招牌菜式 西班牙燒乳豬， 焦糖燒菠蘿自家製熱情果醬燒乳豬外皮超脆！肉超腍！完全估唔到乳豬可以做到這個口感！本身乳豬空口食的確會有點油膩感，於是這個自家製的熱情果醬真的畫

返咗嚟香港之後我真係好耐冇食壽喜燒😩如是者，我每一日都會問同樣嘅問題💬「我到底幾時可以食到壽喜燒啊？」，我已經連續問咗差唔多兩個禮拜，唔知我老公係咪因為覺得我太長氣，今日終於帶咗我去銅鑼灣一間西餐廳♥️我成日都話有老公的孩子像個寶🤣我係一個超級唔鍾意搵餐廳食飯嘅人，所以呢個重任成日都落咗係我老公身上😌佢今日搵嘅呢間餐廳真係令我讚不絕口。佢嘅壽喜燒套餐，即係賣相已經睇得出係靚野，和王牛油花均勻分佈，達到入口即溶既高級享受，油香和牛香留左係口腔好耐。另外仲有日本無菌蛋，蛋香十足。另外雜菜都切成好靚嘅花😍真係有少少覺得靚到唔捨得食嘅感覺🤣

我哋當日係食二人餐 $20xx兩位食物份量足夠 質素食材都唔錯唯獨是main course牛側腹肉冇咩牛味連調味都欠奉 最後叫職員比鹽我哋自己加呢樣嘢都幾令人失望 全晚最期待就係個牛另外服務水平不太高 略欠專業甚至聽到接待處嘅女仔拎住電話Whatsapp 錄音講粗口 同環境唔太配合 因為呢位職員喺我面前經過 而我面前就係live show 我入場嘅時候成間餐廳得我哋兩位 打算問可唔可以坐隔離枱 但結果佢地話果張枱有人reserve咗 但我眼見全場係空的 即使呢張枱有人留咗 我哋都應該可以調去另一張枱？其實我早早喺一個月前已經喺電話request坐中間位 而我亦都係一早上網預訂優惠卷同埋book枱 所以都幾失望然後知道有live show 亦可以點歌 我打算點陳奕迅熱門大路啲嘅歌 結果女歌手話唔唱呢首 我本以為因為男聲太低音唱唔到 但接著落嚟就係唱男聲更偏門嘅歌 所以再次失望總括嚟講 成個用餐體驗都唔太滿意 唯一欣賞嘅係前菜嘅刺身 同串燒 但價錢同服務實在唔成比例 主菜亦唔好味。