Video
Telephone
21781812
Opening Hours
Today
07:30 - 18:00
Mon - Sat
07:30 - 18:00
Sun
Closed
Above information is for reference only. Please check details with the restaurant.
咁岩係果頭做野，諗住食個午餐唔會伏得去邊，坐低叫左個午餐A:魚香茄子飯，唔洗1分鐘即刻擺到你面前，賣相難睇，茄子已經是啡色，唔知整起左幾耐，溫度是暖暖地，更加唔好講有無魚香味，價錢都唔係平，$78一個飯同一杯凍飲。仲難食過街市$30個飯盒，兩餸飯好食過佢多多聲。都知中環租金貴，但做生意唔好咁無良心，比番D正正常常既食物比客人好難嗎？影D相出黎就正正常常，但去到就完全係另一樣野，茶餐廳黎講真係極品。
continue reading
朋友介紹這家好有家庭味的茶餐廳特别介紹椰菜餃，可以選擇加上麵底，或淨食餃子，我選擇只食餃子。這個好有媽媽的味道，完全沒有味精，唔同其他餃子店，加多了幾片唐生菜，好健康朋友是長期熟客，所以老闆娘請我哋飲例湯，這個蕃茄薯仔湯，應該煲咗好耐，味道好有屋企煲湯的感覺，應該有好多豬骨做湯底，令普通的例湯變為非一般的湯豬仔包：睇賣相已經知道好好味，包身好脆，牛油完全溶化了，混合煉奶，超正，極力推介餐蛋飯：午餐肉煎得好香，煎蛋加上豉油好好味
continue reading
放假去中上環一天遊，行行下就行到半山了。見到半山冰室很有特色，便去望望。剛好下午茶時間，在門口看到餐牌有咖央西多士，二話不說就入去坐下了。😙點一杯熱杏霜😋卡路里大吸收耶！另外點了份炸雞脾薯條🍗🍟 ，要等好幾分鐘，好期待！咖央西多來了，看上去金黃但不會太燶。吃下去好棉耶，一點也不覺得熱氣，重點是咖央味好正宗呀，不會太淡，一點也不馬虎，很有驚喜🤩🤩炸脾來了～外皮很脆，但內裡一點也不乾，肉質仍很滑而且很juicy🤤真係好少食到咁正質素的炸雞脾，好好食呀！！真係一試難忘～強力推介半山冰室☕️
continue reading
喺港島區西半山堅道要搵嘢食真係好困難, 唔係價錢貴, 就係啲嘢好難食, 呢間半山冰室, 裝潢平民化, 價錢卻貴族化, 舖位亦細小, 所以坐位都比較擠迫, 不好坐上次午餐食咗個60元嘅蒸雞飯, 口味清淡, 是健康之選, 今次揀咗個餐牌裏面最平嘅飯, 餐肉煎蛋飯, 佢個秘製豉油甜甜地幾好味, 雖然係好普通, 不過食完唔口渴應該冇味精, 不過始終呢度係我冇咩選擇之下先會揀來食既地方
continue reading
係中半山搵食絶不是易事，過百元的西餐還容易一些，要食大眾化的一點也不易。經常路過這間冰室，但從未幫襯過，今日心血來潮想試吓，午餐選擇也不少，最後揀咗手撕雞飯。嘩，有驚喜！雞肉很滑，配上芫茜、西芹、芝麻、麻油等配料及調味，味道很討好，而且雞肉份量也很慷慨，滿滿實實的雞肉，很好送飯。套餐跟湯或飲品，今天是蕃茄薯仔排骨湯，雖然我個碗湯裏面冇排骨，但湯嘅味道十分之好，衷心推介大家！！！👍🏼👍🏼👍🏼
continue reading