煌極 (MOSTown新港城中心(5期))

Open Now

Now Closed

是間餐廳喺呢度10幾年，轉咗好多次形，入邊個阿姐都做咗10幾年，都好Nice。而家佢哋主打嘅雞煲好好食，最貴都係$100內，佢哋入邊個特色就係大大杯檸檬茶，都係加$8，真係好好食，不過嗰個鋪位真係冇乜客，嗰度一個月30幾萬租，相對起其他地區嘅雞煲嚟講呢間算唔錯，真心唔該大家去試下支持一下！

三舊幾水一個邊爐 ，$68水準都冇啊，講緊你服務質素啊，咁都好意思收三舊幾水要乜冇乜，乜都等成粒鐘先嚟，要杯凍檸菜都等成個半鐘，態度差到西咁，好似我要求你，你免費施捨放題放題，知唔知咩叫放題啊，坐兩粒幾鐘，加埋叫到兩round，你已經贏咗全世界啦，入嚟好似玩緊hunger game，定貧富宴啊，等到你比野食嚟我返屋企沖完個涼再訓一陣返落嚟開始食就差唔多啦。問你拎單落野都可以唔比，真係肚餓都等到飽

冷氣機漏水嚴重 食食下突然 頭頂好似落雨甘 照頭淋搞到衫濕晒 ， D冷氣水仲要跌落食緊野隻碟度。真係咩胃口都冇晒。 店員當冇到 ，叫親佢就扮望唔到 ，直行直過 。真係痴線，未試過食飯甘嬲 。都唔知點解間野甘都攞到牌？

🇭🇰Hong KongTo be honest, i live the sauce of this chicken pot coz it is spicy enough for me! I recommend you order the chicken pot with crab or lobsters, seafood here is great.After you finished the chickens, you can ordered side dishes like beef, fishballs and veggies which will totally absorb all the chicken sauce!While staff serving attitude is not very great and environment is just average. But this place is suitable for a brunch of friends gathering!

我都未食完就叫我快啲埋单，唔好玩手机快啲食完走，因为后面仲有好多客人等位，如果真系咁嘅话我都理解，但系佢出边一個客人都冇仲有好几张空台，佢都收10%嘅服务费，态度居然超差！打电话过去投訴都好敷衍咁，我觉得真系非常之差，非常之差！！！！！！！！！！！！！！！！！大家千祈唔好去！我去了這麼多次，都沒想過會有這種情況，打亂晒我整晚心情，超嬲！！！！！！！！！！！！！！！！！！！！！！！！！！！！！！

呢間煌極幾年前喺馬鞍山市中心開，但一直沒有試。今晚突然想吃雞煲，見到佢Poster 寫「雞煲火鍋放題」，好像幾吸引，於是決定試試。坐低食完第一輪雞煲，味道還OK，想再食多少少，點知個服務員阿姐竟然話雞煲不是放題，不能再加，我說你們 Poster 明明寫着雞煲火鍋放題喎，這根本就是誤導！😠 點知個阿姐態度立即轉差，話公司係咁架啦，從來無提過雞煲係任食😠 這時已經一肚氣，之後火鍋配料落單後又失了踪，那些香茜牛肉餃、貢丸等又不好吃，總之沒有下次😠

今日諗住出去打邊爐，間野開咗喺馬鞍山咁耐都冇試過佢，點知咁難食，一開始入去攞位嗰啲職員已經西口西面，啲嘢食臭左叫服務員換，服務員態度差到想講粗口，食左唔夠半個鐘嗱嗱臨埋單走人。下次俾錢我嚟都唔會再試。哎咗少少嘢食三個人慳住慳住咁食，買單都差唔多成$800，我最初見到都唔信，原來仲要加一。咁大個仔都係第一次上OpenRice小人，我都好少鬧人，畢竟打開門做生意，都唔想因為我個人觀感搞到人地執笠，但依間真係想佢執笠。

👣煌極雞煲馬鞍山西沙路628號馬鞍山出名係美食沙漠，住馬鞍山想食個雞煲又唔想出咁遠，唯有有咩食咩😂，呢間之前見佢有一人雞煲都覺得吸引，今次就親身試下！🔸海南原味椰子雞煲 $168餐牌寫佢係用原味椰子水煲，係有用椰子肉煲，但欠缺椰子味，明顯係椰子水加雞湯煲，無左椰子香味，雞肉嫩口唔鞋好味，只可以話佢係一個平平無奇普通雞湯底既打邊爐，不能稱上雞煲🤦‍♀可能麻辣雞煲先係佢既招牌🔸牛頸脊 細$198牛頸脊係呢到必點！咬一啖好有牛味，叫一碟細都夠三人食，不錯吃！🔸桂花蚌 $98桂花蚌就差點點，雖然好爽口，但味道較腥不夠鮮味呢到有得點大大大杯檸檬茶，好正呀！真係勁勁勁勁大杯！放左半個檸檬，大杯過係一x雞煲👍👍，飲飽肚都仲得😂雞煲好味度：5.5/10環境舒服度：6/10整體分數：5.5/10

同幾個朋友踩完單車，7點令鐘，未有人排隊食，到8點就開始有人要排隊了，好彩早左到點左個雞煲(小辣）相比其他雞煲唔會多濃味，所以食完唔會太口渴雞肉非常滑好食食完個雞煲之後，我哋仲點左~ 牛肉 羊肉 👉🏼呢兩款肉都好好味，羊肉夠蘇味~煎午餐肉 炸支竹👉🏼可以即刻就咁食，覺得個煎午餐肉就咁食都已經好好味~炸魚皮 響鈴👉🏼打邊爐或者雞煲必點 ，炸魚皮大大塊，唔會細細散散咁～冬瓜片 凍豆腐 👉🏼正常水準另外重點係大大杯飲品佢係一隻大杯 加兩罐汽水鹹檸七👉🏼 唔會因為大杯而減少檸檬同鹹柑桔嘅份量，飲唔晒仲可以拎罐汽水返屋企添

叫左杯凍檸樂，黎到罐裝點知原來唔係可口可樂（我真係冇諗到會用百事可樂配檸樂），咁未開蓋既，想話換返杯凍檸茶，之後話得事果個服務員話唔換得⋯唔換得都算⋯（雖然杯野$38，但諗都係自己冇問清楚俾人陰左都無怨）但之後個服務員仲係咁話我下次叫清楚d⋯一邊檸頭一邊係咁怨⋯好似爭佢好多錢咁！我心諗使唔使呀？搞到我已經好冇心機食⋯講返雞煲⋯我未試過食過哩隻味既雞煲⋯冇想像到依家咁普遍既食物都可以煮到咁難食.......完全唔係果隻味.....今次當係一次俾錢買難受既體驗⋯希望大家三思三思⋯

夜晚去食雞煲成日都黎食 次次都會點大大杯野飲今次一上就見到飲品面有隻野（應該死左，同埋唔齊全）真心唔明，起碼經兩個人既手傳黎都可以睇唔到🤷🏻‍♀️我唯有取消，都唔敢重新點，咁既質素我都驚你換都唔換只係拎走隻野。然後食完雞叫左少少餸，叫左蝦滑。我記得上次黎我都有叫，不過有陣酸宿味。今次又係有，我都唯有取消埋佢。我記得我第一次黎依到食野個陣，叫左薯粉，聽到佢地傳出黎個下好似比廚房唔小心整跌左落地，樓面個呀姐同佢地講洗洗佢再送出黎。傳左出黎，成碗薯粉係散兜兜..........一睇就知郁過黎...........點解我經過咁多次食品品質出事都黎食，因為佢既雞煲底醬我幾鍾意，但其他真係好差好差.......定只係馬鞍山咁差呢，下次試下其他分店先

難得放假，夜晚9點幾見餓餓地，又唔想全日留係屋企，專登約左兩個朋友出去食宵夜。又唔想出咁遠，近近地朋友屋企附近有得食烤魚，梗係要試下啦。除左烤魚，呢度仲有得食雞煲。最後一致決定食烤魚😂條魚好大條，一上台幾驚食唔晒，因為仲叫左好多配料。條魚煎到金黃色，食落肉質好滑。脆炸枝竹（入口脆到卜卜聲）超級鮮甜既蠔丸好彈牙，牛肉脂肪分佈好平均口水雞（雖然賣相不太好，但味道非常好，雞好入味，唔太辣，啖啖肉，配啤酒簡直一流）魚皮餃真係好好食，平時食開皮厚少餡，呢度岩岩相反，皮簿多餡，食到停唔到口，不得了真係。整體價錢都合理，食物新鮮好食，服務員態度好，但成日唔見人。不過下次再黎馬鞍山會再黎食宵野

每次去幫襯都會有一碟小食 當然每一次去到都叫佢取消嗰碟小食啦...每次都叫杯大大杯既野飲。每次都同我加入勁多冰..............................當埋單的時候張單依照計左碟小食 一係就寫多左。................服務好一搬 人流一樣小 .....................可惜馬鞍山的一間雞煲 否則都唔會再想黎食....各位埋單時 記得睇清楚張單。會吾會多左野 ...

突然想食雞堡打邊爐,朋友推介呢間。叫左個孖寶,招牌牛脊肉+雞煲。另外加150加肉蟹。飲品叫左大大杯咸檸7,杯野黎到嚇我一跳,真心好大杯。性價比係抵既。回過神之後到主角-小辣雞煲出場。略嫌雞煲唔夠惹味,反而蟹肉有驚喜。鮮甜彈牙,仲大大隻。另外招牌牛脊肉係值得推介。

作為餵食寶寶 都會到處覓食 其實呢間店見到係開左都一段時間 但一直未黎試過 藉住風高月下既晚上就黎一試 但黎之前都有上openrice睇過有好多劣評 亦真係如評語所講 服務員態度真係麻麻地😂😂😂行過會見你唔到 叫左好多次先會幫你落單 不過呢種態度先會係地道小館體驗到 所以期望食物都食到地道風味！ 誠然，野食係唔錯既 雞煲其實幾惹味既而最印象深刻係蠔同脆鯇魚片因爲托朋友雄福點左 今次先第一次食 脆鯇魚片整熟左之後 唔知點解好脆彈既感覺 口感非常得意😂😂😂生蠔食得多 火鍋食既蠔就第一次 都幾唔錯喎個味道唔論服務 其實野食都唔差既