名川麵棧 (Closed)

平時食名川都係叫外賣食多，今日經過有又啲餓就打算黎堂食。一向都係好鍾意食佢嘅麻辣芝士蕃茄湯底，因為蕃茄味夠濃又有啖啖蕃茄肉，仲要夠辣tim! 簡直係可以一次過滿足曬我嘅願望。點知幾個月無食姐，發覺佢差咗好多。我都係叫左香辣芝士蕃茄湯配蘿蔔同炸雞翼。首先，個湯底真係好鬼淡，雖然有好多蕃茄係面，不過個湯真係無咩味，得個辣字，有理由相信d 蕃茄係臨上菜先放上去，啲蘿蔔仲離譜！唔入味都算，仲要係酸架！我每舊都試咗一次都係酸架，真係好失望。炸雞翼會分上係值得一讚，味道都係ok不過我短時間內都唔會再黎lu🙁

今日叫咗兩個外賣，一個係「魚腐肉丁通粉-清湯」，另一個係「餐肉雞扒米粉土-蕃茄湯」。鍾意佢哋嚟到係分開盒的，如果啲炸雞扒跟湯送嚟，送到嚟啲雞扒都一定會被啲湯浸到淋曬。我想講佢啲質素係唔錯嘅同埋價錢都好難得㗎啦！平均每一碗+凍飲先係$3x，真正嘅平靚正

每星期都有一日落元朗打拳，打拳前唔可以食太飽又唔可以食辣野又想平，諗食咩都死左唔少腦細胞。之前一直食開許祥昌/盅頭飯/譚仔/梁記，食左咁多次都開始厭了，所以諗住去發掘第二D舖頭。咁岩係拳館附近發現呢間價錢好似唔錯，所以今日就黎左呢度食。間舖叫得麵棧，相信都係食麵既，不過今日想食飽D所以叫左最平個個飯($38)，茄子煎蛋肉燥飯。夜晚呢度仲有得食雞煲，不過可能太早既關係，唔係好覺有人食。座位不多，但呢個時間無乜人所以都坐得鬆動，兩個人可以霸張4人枱。飯來了，賣相還好，份量也夠。茄子好香夠冧，其實都正正常常，唔講咁多。影埋呢張係想示意隻蛋黃真係流，原本仲諗住佢應該會煎到熟晒，戚刻加番少少分。加野飲要$3定$4，慳錢既我當然無加，好彩佢都送例湯。個湯飲唔到有味精，仲好足料，算係唔錯。下次有機會試下佢D米線先。

呢間都開左幾耐既餐廳，好耐無食就黎食下啦，質素尚可啦，感覺上有D倒退不過還可以。叫左蕃茄湯米粉， 鹽水雞翼，紅腸加雞絲，凍檸檬茶。蕃茄湯濃度不足了雖然有蕃茄係度，不過感覺少少淡。雞翼有點淡，味道有點不足。以前食就有味少少。紅腸細細塊就無咩特別。雞絲就普通啦，都滑滑地，所以ok既。檸檬茶，味道正常，無特別，所以都ok,無問題。地方就迫迫地既，呢度食野環境都無咩大改變。我食既時候都比較少人，所以就唔覺太迫，而且服務都還可以，又唔會迫到要趕人走。如果多人時間就一定會坐得迫好多架啦。總結只係好耐無黎過所以就再試下。不過有點點失望了。如果係繁忙時間，就預左唔好坐。

今朝好早起咗身，08:20am打去名川叫外賣，然後08:53am就到咗喇！嘻～平時未試過咁早叫外賣㗎！分別叫咗學利牛丸炸雞翼番茄湯米粉，加沙嗲牛肉雞蛋清湯公仔麵！（Total$69）最鍾意佢分湯上，嚟到炸雞翼唔會變到林晒，米粉唔會浸得太耐。一打開個湯啲番茄多到吖😍😍。唔知係咪超多蕃茄嘅關係，個蕃茄湯好濃好入味，牛丸裡面有牛筋，好彈😍炸雞翼夠曬大隻，佢仲配咗個餐包同一盒辣椒油仔（佢個麻辣番茄湯底好出名，但係上午冇得賣，只可以叫番茄湯，所以佢配埋盒迷你辣椒油仔俾客人，可以等佢哋自己落），不過其實份量都好夠女仔食，所以個餐包我就食唔到啦！😆而老公叫嘅沙嗲牛肉雞蛋清湯公仔麵都唔錯，牛肉好有味，然後佢杯凍啡都👍🏻👍🏻其實之前飲過佢啲咖啡奶茶都唔錯㗎☺️元朗人嘅外賣早餐推介之一，因為好食得嚟仲要咁早都可以送到嘅真係唔係太多選擇💕💕💕

朋友介紹多料米線！我又試下先湯底都有好多選擇🤔D 配料重分曬類👀 凍奶茶少甜少冰炸雞翼+腐皮米線（少辣）$43酸辣湯本身已經包左木耳絲，酸菜，肉碎😎腐皮真係厚厚既一疊☺️朋友無介紹錯佢真係好足料😌😌😌抵食！ 不過食得辣既人，可以叫中或者大，因為小辣真係好小，小到唔覺😂😂朋友叫貢丸，腩肉貢丸有3 粒，腩肉都好厚身🤣，正常味！係街坊口味呢！同埋食到飽飽都唔貴，重包野飲！上菜好快手！坐位都算多！好多一家大細黎食！見到其他人好多都係叫濃骨湯！因為多栗米👀又抵食又快手既街坊茶記style❤️

朋友話呢度D蕃茄湯底好食, 就叫左蕃茄湯底, 好稀WOR, 係有一塊塊蕃茄, 但同D 湯底分開咁滯, 湯底根本無乜蕃茄味, 咁都叫蕃茄湯底?另外叫左佢地寫GE招牌配料, 包括牛丸, 咪又係普通野, 炆冬菇細細粒, 係林GE, 但唔算入味另叫左雞絲, 仲以為真是好`「絲」,原來佢俾切條雞柳, 仲有醃過, OK。反而個黑色墨魚藥丸就幾好, 雖然無墨汁味,但幾彈牙入味。咁樣叫法都要8X蚊, 唔抵

元朗名川真係一個好出名嘅地方，以前返工成日聽同事講名川菜飯，名川招牌肉燥飯真係一個食唔厭嘅一個飯，有冬菇雞翼豬軟骨，肉燥有分有辣有原味，佢啲肉燥好多肉汁同好惹味。但今次我就冇叫招牌食，叫咗我最鐘意茄子蛋肉燥飯，真係覺得今次冇揀錯，茄子走過油，所以特別香口，茄子肉軟腍，加埋啲蛋汁撈飯食真係飯都食多幾啖。同埋有好多其他選擇嫁，粉麵類都有我最愛嘅嘅蕃茄湯米線，無錯又係蕃茄啊，我真係一個蕃茄迷黎，蕃茄個種酸甜又開胃，仲有件豬扒都幾大件。

遲放午飯的關係，想起工友提過呢間米線鋪，話好好食，咁就一於試下啦。進入鋪內，顧客群多是自由行，生意不錯，諗住應該冇伏吧。由於首次光顧，面對花多眼亂的餐牌配搭，實在吃力惟有求其選了一款蕃茄湯底米線湯底: 淡而稀只有丁點兒的酸配料: 稍為正常，餐肉較好米線: 不見得出色，偏淋餐飲: 凍齋啡，算沖得幾好或許是自己不懂選擇店內出色之作，此餐與工友所推介的稍有出入。而且價錢也頗貴，同區會有更好選擇呢今餐只是一般貨色

以前成日去食既一間米線, 個人覺得個酸辣湯底好好味本MENU有勁多頁,每頁都有好多唔同選擇同配搭今日去MENU濃縮左, 都有6-7頁...男朋友叫左個肉躁飯,  份量夠晒多!味道都唔錯~我就繼續食酸辣湯底, 每次去到一間餐廳, 食過好食下次都會揀番同一樣...不過味道無以前咁好, 酸味淡左無以前咁開胃, 都食剩幾多下....最伏係份豬扒.........一咬落去, 成口油, 完全食唔落口,要浸下湯先食到, 肉質又柴.....以前真係隔一排就黎食, 本身名川都唔算平,依家咁既質素真係令人唔想再去

無記錯的話《名川麵棧》好像已經開了一段時間，應該是2014年開。吃米線一般選擇連鎖店，但是這間小店實在較連鎖店更吸引，只是開店位置可能不是太明顯。由於之前在附近上班所以經常也會幫襯，不在附近上班就無特意再去幫襯。心血來潮突然想起這間小店，《名川麵棧》除了有米線吃，竟緊貼著潮流連雞煲也有得吃。不過一心想吃米線，一場來到無理由不吃，所以堅持吃米線，有機會也想試吃《名川麵棧》雞煲。米線湯底選了濃骨湯，五香肉丁配上肥牛，真心覺得《名川麵棧》的濃骨湯五香肉丁肥牛米線是最好吃。

就係呢間 今次發現FB打卡有小食（阿姐話係雞翼）送都好似好耐無去過，今年去返 呢個都係普通嘢 呢個係日式紫菜肉燥撈+凍檸茶($52)原本想叫米線，但阿姐話上海麵條好食啲，所以就試肉燥本身唔算好特別，但加左紫菜碎之後有層次叫作漢堡扒同小元貝，醬汁可以遮到小元貝嘅腥味 免費送嘅雞翼竟然都唔錯，炸得脆，有香蒜味 餐牌繼續有貼好多款發現一般小店廚房都無咩規範但呢度煮麵嘅阿姐有戴口罩同手套，衛生好多

以前一直食開，由28蚊食到依家！估唔到價錢貴左咁多！上年食都仲係44蚊個麵！成年冇食今日去食竟然加到去50！實在太貴啦！講返個麵先！order左麻辣濃骨湯米線配冬菇同炸雞扒同凍檸茶！先講湯底，佢個麻辣湯底其實好好味！建議食小辣，唔太辣但又唔搶豬骨湯個味！而冬菇佢蚊得好入味，有成4-5粒都唔算少！至於炸雞扒就炸得好香口，不過成日覺得佢地炸到只係剛剛熟咁！見到d肉有時唔係熟曬個d色！如果真係接受唔到可以叫佢炸熟d先上台！另外d肉醉好鬼肥！其實配菜姐，我又唔會計住比多比少！好心肥個d就唔好比人食啦！有一半都係肥肉！凍檸茶就正正常常一般茶記貨色！不過價錢就真係愈黎愈貴，唔怪之少左咁多人食！佢地真係要諗諗！50蚊已經可以order譚仔個大套餐啦！呢個價錢真係一年先食一次啦！

抵食夾大件從來都係好難搵到，但係元朗呢間「名川麵棧」就有啦！今次叫左個「雞扒菜飯套餐$29 凍奶茶少甜+$2」，試下好唔好食先。「菜飯套餐$29」其實就好多款式選擇既，有豬軟骨、冬菇、鹽水雞翼肥牛、雞翼、雞扒、豬扒、五香牛腩、豬柳漢堡火腿、豬軟骨、叉燒蛋。如果再要加肉燥就+$6，另外最好就係菜飯係可以轉返做白飯。「雞扒菜飯」真係好大塊雞扒(已切件上)，熱騰騰咁，咬落好香口，仲要好多件雞，菜飯另外會再跟兩三條菜心，感覺抵食，菜飯唔太油，份量一定夠食。「凍奶茶」香濃，茶味足夠，好好飲！

雖然說$40多元，午餐不算貴，但是「天奴豬扒飯」都只是＄47 ，這兒的豬扒煎蛋菜飯是同樣的價錢，感覺好像比較頹廢🤔。這家餐廳可說是元朗餐廳中最為擠迫，小小的餐桌，一人只有A4紙左右的大小位置，吃飯、放飲料，非常擠迫。話雖如此，豬扒的味道也不是太差，輕輕煎了，剪開五六件，然後有點肥瘦均勻，爽口而夠熱☺️。再加上兩隻煎蛋，經已不算是太過頹廢，菜飯裏面的菜絲也不太少，碎碎的混在飯中，也有一定的質素。看來這兒的顧客都好像有一點歸屬感，難道這家餐廳歷史已悠久了嗎？餐牌極厚，很多種麵，又菜飯、又肉燥飯，不知究竟此餐廳的名菜是甚麼。