名峻會 (莊士倫敦廣場)

Open Now

Now Closed

今日朋友約左我黎佐敦，莊士敦道廣場嘅呢間#名峻會 ，同我食下中菜， 進入己問佢係咪入錯地方，因見到2張桌球枱，同好多間房，即比佢話我大鄉里，說依家食飯點止咁簡單，呢度仲可以唱歌🎤同打牌架🫢，真係啱晒一班朋友黎暢聚一番。佢話之前食過覺得小炒質素幾好，於是便點了佢嘅至愛嘅煎焗骨，上枱時己聞到好香， 用上大量紫洋蔥跟秘製醬汁煎焗，食落味道濃郁惹味😋。西蘭花炒蝦仁🍤，蝦仁爽彈，西蘭花🥦不硬不淋爽口，調味剛剛好😚。 清蒸黃花魚，魚肉新鮮夠晒熱辣辣，魚肉非常嫩滑，用上魚汁送飯很正。 餐廳位置便利方便，環境舒適又乾淨，待應服務夠貼心。

今日跟老公同朋友去左佐敦打卓球，再一齊食飯我都係第一次去雀會食野，完來係咁高質素，完全估吾到，地方又大又新淨，仲有獨立房間，真係好岩同朋友聚會，私隱度又高，自己一間房，仲安全過去中菜館同酒樓，仲要抵食夾大份冰鎮咕嚕肉超好食，夏天食真係一流，皮又脆，甜度適中，又多又大份沙嗲牛肉粉絲煲，都好正，超香又多牛肉，牛肉又嫩，粉絲夠晒入味欖角骨，又係份量又大又多，炸得好香口，啖啖肉，加上欖角香味，好好味菜遠排骨炒河，排骨大大粒又夠多汁，河粉吾會又散又亂，賣相味道都好出色

我雖然唔打麻雀🀄️，但朋友仔推介呢間雀局桌球🎱餐廳嘅小菜🥢十分之高質，而且食飯唔打麻雀🀄️都有包廂👍，用餐環境舒適私隱度高！一入到去就🤩見到兩張大桌球🎱檯，因為呢度除咗雀局之外仲可以打桌球👍。我哋只係食飯唔打麻雀🀄️都有獨立包廂👍，而且有啲包廂入面仲有獨立洗手間🚻，餐廳係莊士倫敦廣場13樓，景色都唔錯👍。呢度嘅食物🧆款式比一般嘅雀局🀄️餐廳多，而且雀局🀄️小菜套餐都好抵食，中午仲有 lunch 碟頭飯👍。呢度啲 staffs 招呼好👍周到又殷勤，佢哋嘅例湯🥣味道亦都唔錯，幾濃郁。而且入面有好多湯渣🤤，十分之足料有誠意🥰。餐廳推介呢個🧊冰鎮咕嚕肉🐖果然冇介紹錯👍，一上檯好吸睛🤩，一大盤冰🧊鎮咕嚕肉🐖份量唔少🤤！重點係咬落去🤩十分之有層次感，佢哋個皮勁😍鬆脆，🐖肉質好香好鬆化🤤，裡面仲有少少🤏暖暖哋，冰火🔥二重奏感覺好特別😋又好食，喺呢度嘅必食👍之選呀！魚香茄子🍆煲好夠火候，味道香濃🤤，茄子🍆腍滑入味🥰，餸飯🍚一流！沙爹🍜粉絲🐂肥牛煲🍲份量十足，沙爹好惹味🤤，而且有少少🤏菠蘿🍍肉平衡返個肥膩感好有心思🥰，肥牛片香滑有🐂牛肉味，啲🍜粉絲吸晒啲沙嗲肥牛嘅精華十分之好味😋！

經朋友介紹來呢間有得唱k、有得篤波、有得獨立包房食飯既地方，來開莊士倫敦廣場，無留意樓上原來新開左新場所，一開𨋢眼見兩張大篤波🎱枱，有客人玩緊，服務員好好禮貌+熱情❤️逐個地方同我地簡單介紹一下再帶左我地入房開始飯局，獨立房傾計幾嘈都唔怕影響到其他食客/場客，入面又有電視睇波或睇劇集，每間房都有獨立廁所，方便系唔使成日出出入入，飲多兩杯都幾方便😂🤭，來得中菜，飲飲食食一定要啦🤣設計得真夠細心房入面既枱四方形正宗系電動麻雀枱尼，見到有set專為麻雀發燒友而設，幾個柴娃娃打麻雀可揀麻雀套餐，打緊時段任點餐服務，而且選擇仲多到爆，原本以為打麻雀都系頹食幾味炒粉麵飯，點知唔少小炒菜式都包左系裡面，不概朋友話燒時間最好地方🧐通常主打消閒場所唔太講夠食品質素，不過經服務員介紹之後，留意到佢地都幾著重飲食質素，師傅既要求都好高，介紹左幾味餸俾我地，叫左幾味菜色來探下味♥️冰鎮咕嚕肉♥️呢味系佢地招牌菜色之一，話說好多客都大讚，平時的確食開即炒出來咕嚕肉，而唔系冰鎮涼快既口感，一上枱見到冰粒遮蓋左咕嚕肉，另外仲有3色椒花做擺設，系冰入面夾起既咕嚕肉已經令人流口水🥳岩岩食落外凍內暖，耐些少食就成塊都夠冰爽、酸

原來呢間中菜係一間集麻雀桌球於一身既悠閒娛樂場所😍😍一入門口就可以見到兩張超級巨型嘅桌球枱佢哋嘅麻雀套餐真係好抵，四餸一湯最低消費都係$598，而且食物質素可以媲美酒樓既級數🥰仲可以打足八個鐘頭麻雀🀄️認真吸引👍佢哋lunch嘅小菜都係$50，仲可以有房坐👏👏店員好細心咁帶我哋去房，見到麻雀枱即刻手癢癢間房好乾淨簡潔，但都應有盡有坐低即刻睇吓有啲咩可以食下先☺️我哋叫咗啫啫雞煲😋😋佢呢個雞煲仲有豬頸肉，好足料，而且好香，餸飯一流喺1間私隱度咁高，又可以由高處望到街景，別有一番風味同朋友傾心事都好relax呢碟豉汁帶子蒸豆腐，豆腐超級滑，加埋豆鼓清新得來又夠味道我哋仲叫咗一個水煮魚，但係估唔到係勁大碗！最後我哋係食唔曬

疫情終於緩和，我哋可以約埋朋友仔去食晚飯喇！但淨係食晚飯又好似單調咗啲，所以我哋嚟到佐敦名峻會，呢度除咗可以督波，仲可以打吓麻雀，一舉三得。而且名峻會仲有好多獨立嘅房間，私隱度非常高，講吓八掛嘢都唔拍嘈到人啦！至於晚餐方面，名峻會以中菜為主，食物選擇都唔少。涼拌雲耳前菜就揀咗涼拌雲耳，雲耳充滿陳醋嘅酸甜味，口感爽脆，係夏天開胃菜首選！粟米魚肚羹粟米魚肚羹係小朋友最愛，但其實香甜粟米含維他命E同抗養化物，再配上含豐富膠原蛋白嘅魚肚，湯羹美味又養顏，啱晒我哋呢啲日夜癲倒又長期吹冷氣嘅都市人啦！姜蔥魚腩煲魚腩份量好多，魚肉非常嫩滑，加上薑蔥調味，味道非常有層次。但略嫌魚骨較多，食嘅時候要小心。沙嗲肥牛煲沙嗲肥牛煲夠晒熱辣辣，送飯一流！我就鍾意肥牛唔會太大塊，食嘅時候夠晒方便，十分細心！至於，精華所在當然係煲入面嘅粉絲，索晒沙嗲汁，好正！

今日發現左一間高質小菜餐廳，初初以為雀會正係有得打麻雀，結果食完啲小炒感覺有哂大排檔既風格，夠哂鑊氣之餘價錢又合理！仲有全部都係包廂，可以食飯、打麻雀、高談闊論，私隱度因此勁高！最緊要食物質素高、鑊氣夠哂火喉先係重最要，性價比勁高😆！名峻小炒王 $108大排檔名物，送酒一流🍺。每次見到有小炒王都一定嗌，最鍾意佢一道餸有好多野食，腰果香脆，白飯魚同蝦乾好有口感，配埋韮菜同韮黃，正！啫啫雞煲 $108一上碟咋咋聲，好香，雞肉同其他配料好似冬菇都超級入味，大滿足。椒鹽豆腐 $58豆腐即叫即炸，表皮香脆而入面既豆腐好滑捋捋。椒鹽雞軟骨 $58同樣都係即叫即炸，熱辣辣勁脆口，送酒小食一流！餐廳好好人仲送個湯比我地飲😆夠哂老火湯好好飲最特別仲有啲雀局小菜套餐，4餸1湯既選擇真係適合過黎食野打埋麻雀 聚會傾計好地方😆📸 Credit to Instagram: @mroolong

久未能聚的香港人,時刻盼能望能爭取與友人共聚的機會,食得一餐得一餐,見得一次得一次,一直知道莊士倫敦多嘢食揀,便上0penrice看看,看食評後決定去一間完全沒有任何負評,且食評一至好評的地方,13樓的名峻會,減少舔野的機會,始終難得共聚食餐飯,又驚野食唔得,又驚服務唔掂,取得各友人一人一票支持下,抱著搏搏的心態試試,未到13樓,遠遠已轉傳來興高彩烈的粗口聲,𨋢門打口開,完全感受到桌球手熱情投入地進行比賽時,得到chance而卻又Miss的不忿與無奈,粗口絕對是少不免,但同行友人被此嚇一嚇亦無可厚非,不竟以為是去酒樓食晚飯,卻迎來不一樣的氛圍,在千分之一秒間閃過今次舔嘢的念頭,正猶豫轉身離開之際,一位熱情的女接待及時撲出安頓我們差點被愣呆的神情,並詢問是否X小姐訂咗位?霎時被她的熱情溶化,帶我們回到當下的多元宇宙,個心即刻定番D,接待迅即然情介紹豪華的VlP房,有雀局唱K,可由1600盡情玩到0000!目測房間可容納廿人或以上,最低消費$5000,並提供精選套餐!了解完便帶我們進入私人房間用餐!我們6人點了小炒皇,雞煲,粟米羹,冰鎮咕嚕肉,蒜蓉白菜,千葉豆腐, 由於第五波疫情影響復業不

食得西餐、韓國嘢、泰國嘢多， 當然會想念下中菜既美食。所以我就約左個朋友一齊去食下呢間新開既中菜。 相比起大排檔， 室內嘅中菜館就相對乾淨企理。 食物方面，我第一眼見到就忍唔住要揀個蝦仁炒蛋先，太耐冇食！ 蛋好滑，蝦仁好爽口調味都好正欖角骨我就未食過， 朋友就好推薦， 聞落好香， 食落好濃味， 都幾夾。 嘟嘟芥蘭煲， 肉粒同鹹香味十足， 餸飯食一流呀！ 仲有一碟就蜜糖雞翼和椒鹽雞軟骨，兩樣都係小食既份量，但味道十分正。最重要係調味岩岩好

聽名以為係中菜館, 黎到先發現係好乾淨又好服務既雀會一入到去有大大張桌球檯, 再入去就係好多間房仔, 可以打麻雀, 唔打既話裡面都有電視, 其實當成4人小包廂都幾舒服, 有D房仲有埋獨立洗手間。 呢到仲有間大少少, 十幾人左右既K房, 黎到呢日咁岩有人唱緊。小菜全部都好大份, 味道唔錯㗎!!  就算上晒菜, 樓面D姐姐都會間中入黎問下我地有冇其他需要, 好細心。生炒糯米飯 $88比想像中好食呀, 唔會太痴, 散散地咁, 炒得好香水煮魚片 $168有骨, 食要小心D, 不過整體幾香, 夠辣粟米魚肚羹 $98超大份, 6個人都夠食!!魚香茄子煲 $98好香~~一整個小熱鍋上

佐敦莊士敦廣場層層食肆林立，以前火煱為主，原來新開左間雀局菜，提供中菜小炒。以獨立房間形式用膳，私隱度高，可以4人聚餐加雀局耍樂，又有電視撈飯！大廳有兩張桌球檯，以時租租用，約埋班friend篤波同聚餐就啱晒，旁邊仲有酒吧位可以摸下杯底。欖角骨外層炸得好香口，蜜汁既焦香仲有脆皮感。欖角剁碎後加埋醬汁香味，渗透係肉之中，唔會黏骨。西蘭花炒蝦仁西蘭花色澤翠綠，無草青味，味道清甜嫩身蝦仁大隻爽口，加埋蒜香薑片幾惹味薑蔥霸王雞雞件鮮嫩肉滑，脂肪薄連皮食一流。食前先放蔥油薑絲係面層，沾少少調製過既豉油，感受純鮮雞香。生炒臘味糯米飯冬天特別愛糯米飯，感覺特別暖胃飽肚～ 豉油老抽着色均勻，香脆咸咸地花生粒、加埋香噴噴臘腸碎粒臘肉味，口感軟糯又豐富

想要私隱度高但係又唔想太貴嘅餐廳，呢間就啱啦！餐廳屬於簡約裝修，環境乾淨，即使兩個人都可以坐房，可以放心同朋友暢所欲言...服務員全程態度都好好，細心，會介紹房內設施，又好好笑容 👍🏻手拍青瓜微辣爽口，唔錯嘅開胃菜，細細碟，但疊得幾高下，份量唔小。咕嚕肉味道偏甜，新鮮炸起，外脆內軟，食落啖啖肉，好適合食肉獸，而且送飯一流，如果用新鮮菠蘿就更一流。金薯蜜椒牛柳粒味道濃郁，牛柳粒炒得剛剛好，薯仔亦入味，好味，下次會再叫。椒鹽雞軟骨份量唔小，炸得啱啱好，上面有少少椒鹽粉，好食福建炒飯好好食，又唔會太咸，如果唔想食太乾嘅飯，福建炒飯就啱你，分量十足，抵食臨走嘅時候，服務員仲同我哋介紹，佢哋有一個大房，可以容納10幾人。可以唱K,打麻雀。約齊三五知己一齊去玩下食下都唔錯。或者家庭聚會都可以選擇。

入到去，職員先帶我哋入房，原來陣間中菜廳分成很多房，私隱度極高，包括有娛樂設施，例如桌球，卡拉OK等。打開餐牌，有多款不同中菜的款式，價錢大概70至$140不等。翡翠炒帶子 $148西蘭花帶子都大大塊，鮮甜多肉，份量多。非常抵食。西芹炒鮮魷 $118鮮魷爽口彈牙，份量多。西芹亦非常爽脆。咕嚕肉 $108外脆內嫩，咕嚕肉汁味香濃。撈飯一流👍🏼👍🏼椒鹽豆腐 $58即叫即做，外面非常鬆脆，內裏熱騰騰的總括而言，如果同朋友玩，大笑傾偈，都可以不用擔心騷擾到其他客人，有空間感。

朋友話同我去個新地方嘆中菜一上到黎就見到兩大張卓球檯，仲以為自己去錯地方原來呢度係可以book場玩卓球同打麻雀，同時提供各款精美小菜我地小食同小菜同有點到，打算一齊分享先要左雞翼同牛柳兩款都岩岩整起就黎到，冒煙之餘熱辣辣～兩款都好惹味！！！特別係個雞翼，外脆內嫩又大隻之後要左咕嚕肉同魚腩煲呢兩款小菜咕嚕肉味道酸甜開胃，佐飯一流我地仲要左一份干炒牛河齊齊share!!!呢度既干炒牛河好有驚喜，足料得黎好夠鑊氣除咗啤酒汽水，仲有得飲港式既檸茶檸水，咖啡奶茶添

發現新地標😍有得打麻將有得篤波🎱仲可以有埋晚飯食直落地點仲要超方便包箱食飯～～私隱度高又有電視睇小炒價格相宜～味味都係大概$98薑蔥炆魚腩煲上檯時芝芝聲熱辣辣啲薑蔥蒜全部都爆到好香口魚腩啖啖肉乾炒牛河都好有鑊氣落咗勁多九黃～～香口得嚟放心唔會勁多油響底密椒雞翼隻隻勁飽滿個汁較得好好味雞翼香口得來又juicy大概有5-6隻一碟雜菜煲勁巨型～～啲什菌輕微走過油勁香口煎焗骨～～呢味相對地清淡初初以為會係乾身嘅～唔算好食得出個汁係咩味兩個人食五樣有少少過分😂