名果店

Open Now

Now Closed

早前帶著小朋友來到坑口逛商場，影聖誕裝飾，感受一下商場的聖誕氣氛路過連理街基本上商店內有3成會經常轉變，這間名果店仍然屹立不倒，是一間專賣多款名貴水果的店鋪諗住中午食太多買一杯五青汁清清腸胃等好消化一下一杯$26 苦苦澀澀的，西芹味太重，苦瓜的苦味後勁追上，但因不是凍飲變相難入口結果需要帶回家雪住要凍先入到口，除非好愛苦苦澀澀的人，成杯係常溫應該要提提顧客吧其他款果汁其他都不是太貴下次可以試不同飲品味道賣相衞生服務抵食推薦

身為懶鬼嘅我其實好少有恒心就出街市買生果而且樓下有名果店呢間高質水果舖頭雖然價錢唔算平但係買咗咁多次都冇試過中伏所以每次都好安心喺呢度買講真平時買生果就唔會無啦啦影相所以冇乜靚相分享俾大家，但係因為佢普遍都好高質　，今次專登上嚟俾返個好評佢！有睇開我食評應該知道，我本身有啲貧血所以平時經過口渴都會喺名果店叫一杯紅菜頭蘋果汁，好過嗌珍珠奶茶，解渴之餘又健康仲可以幫我補血添！平時買生果已經好新鮮，所以基本上係佢哋都叫果汁係冇試過中伏嘅，就連紅菜頭呢啲咁難入口嘅蔬果，加埋佢好香甜嘅蘋果，係完全中和左嗰浸草腥味，養生之餘又飲得開心

身為懶鬼嘅我，住樓上覺得行去街市太遠，就會幫襯樓下連理街呢間水果店，普遍生果質素都係新鮮同靚，不過價錢就唔平，普遍都貴過街市今次同佢買金奇異果，$100有4個，價錢唔算太平，但當做生果難得，未見過咁大粒金奇異果，所以忍唔住買咗一箱，返到黎粒粒都好靚，開咗個黎食非常甜好味，如果擺多幾日食熟啲，會更加好總結如果住樓上又唔想行街市買到靚嘅生果，就一定會幫襯佢，最少返到去唔會有爛嘅生果，但就一定係貴啲，街市就真係撞手神，成日都買到一啲爛嘅嘢返嚟，今次買到呢隻黃金奇異果好滿意

甘岩見佢今日有賣椰青，我又想飲，咪買囉。點知佢有以下服務。。。佢都唔肯開個椰青俾我食到d肉。。正常你買個椰青叫佢開埋都唔會只係飲d水唔食d肉啦！佢點都話唔得，佢只係開到個小口俾我飲d水。。我話：甘你可唔可以開大d個口？我想食d肉。點知佢話：你飲d水咪得囉！我話：吓？我想食d肉喎！佢話：我哋無工具開喎。。。你自己返屋企用把刀整開佢。。。吓？！原來你哋連開生果嘅刀都無架？真係好unbelievable 囉！！試問間連所水果店點會甘唔專業到連開大d個口都唔得！？我真係覺得你哋呢間嘢太‘利害’啦！無下次！！！

唔係係咪心情太緊張、定係突然轉天氣🤔 #小秘書 嘅 #皮膚敏感 又發作👉🏻👈🏻 可惜 #余醫師 早幾日無返，我唯有食住 #西藥 頂住先，不過就搞到個人渾渾噩噩😴 為免有差池，我今日專登請假去比醫師把把脈😅 攞得藥嚟，已經差唔多一點... 成朝未食嘢嘅 #小秘書，個肚餓到咕嚕咕嚕咁響... 真失禮🤦🏻‍♀️為免亂食嘢又搞出事，只好走去 #名果店 飲杯 #果汁 頂住先。我聽 #店員 介紹，揀咗「是日優惠」#台灣釋迦(店員話即係 #番鬼佬荔枝) 配 #雪梨，飲咗有咩好我就唔知，不過味道甜甜地、好舒服順喉。雖然$30係有啲貴，不過材料都係 #全天然水果，絕對無加水、糖，就當幫我呢個懶人將生果執肉嚟食，都係一個健康之選嘅👍🏻

之前一直有幫襯開寶琳分店，今日因為見到寶琳個間分店啲紅菜頭十分不新鮮，好像放了很久一樣，沒有幫襯，咁逛過將軍澳個間分店，就試下。一樣點返我飲開既紅菜頭甘荀，成杯都係黃色，連紅菜頭本身紅色都無，亦無紅菜頭味道……同我之前飲既好大分別，有欺騙顧客之嫌，唔會再幫襯!

我一如平日的做法，在將軍澳坑口港鐵站上蓋商場「連理街」裡面購買「咖喱牛腩飯」之後，在準備坐小巴返回西貢墟之前，在商場裡面購買水果茶，作為晚餐裡面的飲品。我在「咖喱牛腩飯」店旁邊的水果兼飲品店「名果店」裡面，嘗試購買以蜜桃作為材料的水果茶飲品。「名果店」裡面的沒有正宗的「水蜜桃紅茶」或者「水蜜桃綠茶」飲品。相反地，「名果店」裡面的「水蜜桃果茶」，原來是「名果店」裡面的姨姨店員，在廚房裡面親手切水蜜桃，然後加入紅茶在攪拌機裡面攪拌，製作完成的「百香蜜桃蘋果茶」。暫且不評論「百香蜜桃蘋果茶」實際製成品的味道，先講一下「名果店」裡面的姨姨店員服務態度，「名果店」裡面的姨姨店員態度其實很好，而且很健談，讓我等候飲品的過程不算很漫長。由於我當時跟「名果店」廚房裡面的店員姨姨說，我擔心自己喝得太多紅茶，紅茶會對我晚上的睡眠質素構成負面影響，幸好「名果店」店員姨姨聽到我的要求，都有所調整處理。所以我的「名果店」「百香蜜桃蘋果茶」飲品裡面的實際紅茶濃度，其實不算非常強烈，至少未有對我的實際睡眠質素，構成任何影響。但是由於「名果店」的人手製作「百香蜜桃蘋果茶」飲品，是名副其實使用了新鮮水蜜桃製作的紅茶飲品

每日行過水果店都會睇下佢既today special係咩, 見到今日有波子提同埋梨所以真係忍唔住買左!因為都冇咩人所以好快就開始整我杯果汁, 見到佢真係將好多提子同埋梨放入搾汁機, 1分鐘左右就整完啦!好好飲同埋新鮮, 亦都唔係好甜, 又冇渣。 20蚊左右可以飲到咁新鮮既果汁真係好正! 不過如果份量再多啲就好啦

This shop is really popular in HH because there isn't a competitor for fresh juices.Anyway, ordered the cherry and apple juice.I was pretty annoyed as she ran out of apples and put Asian pears instead which I hate because they are sweet and syrupy.I couldn't quite taste the apple or cherries and it was rather syrupy sweet so I didn't like it.

天文台成日都話就嚟凍，究竟個天要熱到幾時㗎？ #小秘書就最怕入秋冬之前嘅氣候，體溫成日都好似好滾咁，但係天氣又忽冷忽熱，搞到啲人好易病🥴 唯有飲多啲水補充吓🤩 #小秘書 好鍾意飲啲新鮮果汁，貪佢健康得嚟又唔會太甜，最重要係「火龍果、蘋果、雪梨」呢款果汁今日做特價，只係賣緊$20杯咋🥰 店員仲好誠實咁對我講咗兩次呢個係白肉火龍果，唔好誤以為係紅肉火龍果嚟㗎👍🏻 除咗個果肉顏色，咁其實又有咩分別吖？最緊要佢係百份百鮮搾同新鮮生果啫！

因為自己懶，在家中較少執刀開水果。如果想吃水果，可以購買現成切好的水果盤，方便快捷。今天來到坑口，想買個健康小食，剛好看到這家水果店門有色彩繽紛的水果杯，就被吸引過來。櫃內紅的綠的，黃的橙的水果杯／水果盤，樣樣都想要。　發現雪櫃內有整盤的菠蘿片，於是馬上付款，再到附近公園，慢慢享用。原隻菠蘿，自己不會下刀，亦懶得動手，所以在櫃內多款水果組合，獨愛菠蘿。在這九月，是結婚週年紀念，又是妹妹生日，另外中秋家族團圓，朋友聚會，經歷三個自助餐，几場酒席，還要面對眾多的月餅，食到肚子脹卜卜。而菠蘿有特別的蛋白質分解酶，可以幫助消化。　在這充滿大自然氣息的公園，菠蘿，我來也！    第一件的菠蘿，酸中帶甜，果肉纖維很實在！咬呀咬，味蕾完全感受菠蘿天然的甜味。　其實水果是需要咀嚼，才可完成第一步消化程序：口水的酶跟食物初步混合，才吞到胃裡作第二道程序。  第二件的菠蘿，都係甜的，開始比多少少牙力，咬呀咬！咀嚼那實在的菠蘿纖維。   第三件的菠蘿，依然是甜的，但舌頭開始有刺刺的感覺。就是那菠蘿的消化酵素開始產生作用。不過菠蘿真的很美味，忍著那微微的刺痛，繼續食！　  聽講菠蘿要先浸鹽水，可防止＜拮脷＞。

響太古買過巨蜂同香帥提子們, 印象唔錯... 呢幾日見佢開到過嚟, 忍唔住要飲返杯我心愛嘅士多啤梨奶昔~新開後, 人潮幾乎無間斷~現場水果們都好吸引呀~之前買過 3次團購, 都要特地過太古 (戲院隔離呢) 拎~btw, 團購哥幾次拎時發現 同現場買個價又唔爭得遠囉其實...以後就方便得多喇!!!一直見佢咁多人 而我哋又唔想排隊, 所以都未幫趁呢間新鋪!係去完蒸身, 叫我地一個鐘內唔好食野, 因為會超級吸收, 而我哋又真係口痕, 所以就決定飲番杯 creamy d 嘅天然野~罪疚感無咁大丫嗎~ 士多啤梨 士多啤梨 士多啤梨啊~(忍唔住心心眼... >///< 因為係我最鍾意嘅水果)好多小朋友 都鍾意望住色彩繽紛嘅水果~見到小朋友鍾意食水果, 係件好開心既事!!!(依家嘅教育真係好, 水果日等等嘅活動真係好值得推廣支持~)其實最想飲係草莓果肉牛奶, 但係又見要打開蓋黎食會論䀆, 所以 o麻...我嘅 草莓香蕉奶昔 ($28/ 14oz);佢嘅 粒粒芒果木瓜牛奶 ($32/ 14oz)~奶昔入杯後, 會再加一匙草莓肉 添口感啊~ 冰凍 香滑滑, 順喉 creamy 即時有份滿

新店開張, 當然要試試各類果汁名字很吸引最後買了水蜜桃+果汁 $22 (幾款可選 (蘋果/梨/石榴..., 店主推介蘋果) 好, 就要蘋果點知店員話無晒水蜜桃店主即刻在售賣櫃了取了盒水蜜桃 (標價$39/ 2個)心想: 嘩, 咁正 ,用他們的貴價水果做?眼見店員立即去皮之後放了約5塊入個膠杯內, 就去榨點知, 原來那5塊 (應有4塊是蘋果, 1塊是水蜜桃吧)因到手時, 只有頭一啖有水蜜核味之後全是蘋果味如果$22 買一杯蘋果汁有點貴啊平時一杯都是$14-16只能說他們這很有營商有之道水蜜桃+果汁 (名子很吸引, 只是你永遠不知2種水果的比例)再看他們的餐目 (9成都是混合果汁來的)單純一種果汁的只有3-5款我想我會再試試他們的smoothie但果汁就.....應該不會了另一遺憾是他們沒有我最喜歡的甘荀汁有呢