名苑酒家 (Closed)

多次在尖沙咀見到今次有機會進去品嚐一進門就能感受到很濃厚的香港家庭氛圍，食客多是家庭一起來食嘢，一起傾計，有小小吵但感覺很親切 之前聽聞很多特色好食的點心，抱有期待想嘗試下，第一份上來是桂花糕，很清涼爽口，非常適合夏天食，剛剛上桌有小小冰，放多一陣就啱啱好，健康同外形好靚勝左好多甜品超鍾意蝦餃同腐皮卷！！！雖然外形看上去有些普通，但是咬下第一口就兩眼放光，味道跟裡面的餡都超棒！！！還有排骨，彈力勁道，味道很好，都是好食到爆！！！跟住總有食左流沙奶黃包，皮比較薄，奶黃好香，味道也不錯〜^_^涼瓜牛肉炆米，油有小小多，但是很香，因為好食的太多所以沒食完，打包晚上食發覺味道更加棒！下次還要點昵個:-)最後都係招牌甜品杏仁茶，營養健康的蛋白，同美味的清甜很好的去除了杏仁刺鼻的味道，好飲以後會多多光臨這家店，嘗試每種點心，因為食物能感覺到做菜人的認真同心意，名苑的食物就能讓人感覺得到〜〜〜

整體一般，無甚特色，不是食評所說的好。地方較嘈雜、擠迫，服務非常一般 (不會提供意見)如無甚特色，這些粵菜很難與其他菜式比併，香港人有太多選擇 - buffer, hot pot, vietnamese, korean, japanese, and even high-end italian cuisine

好友介紹下o黎到<名苑>...哩間分店位於佐敦同尖沙咀分界線o既柯士甸路…處於路上較深入靜少少o既位置…玻璃落地外牆清徹可見館內情況…內部裝修企理簡潔…為一般中式小館子格局…清明假期前哩個晚上, 7點多到來, 客人仍未滿…負責服務我地哩枱位服務員大姐熱情到不得了…起首覺得大姐性格豪情又落力招呼客人 推介菜式, 可值得欣賞!!...後來席間大姐不斷穿插埋黎問哩樣好吾好果樣又點又答下咀”好老友”咁, 數度打斷我地, 開始變成騷擾我地食飯…差D要加張椅比佢坐埋黎, 加上大聲大氣為人粗線條, 幫我地換骨碟仲”點”我地遞埋俾佢, 由初時印象ok到有D生厭…令我感想到有時做人做事”適可而止”o既重要性…但點都好啦!! 佢o既出發點係好o既…懶人最享受吾駛用腦o既時候…點菜哩D傷腦筋的可以交托俾人就交托俾人o勒, 全權交由好友發版, 哈哈…先來兩個冷點醒醒胃…海蜇…太多辣油, 吾係話辣而係肥膩感好重…但又有醋, 酸酸的…味道麻麻地咋!!鎮江肴肉…一般切長條型, 哩個就袖珍D切方粒…味道就比較咸左少少咁啦…翠盞砵酒珍寶蠔…以為係濕焗? 估吾到係炸脆皮面喎!!...隻蠔夠晒肥大肉厚, 如

年廿九的中午, 入座時不算多人, 但坐低不久即見多群人來排隊了.晚上幫襯多次, 據聞港島區的分店比較有名, 菜色做得比九龍店好, 但食過幾次九龍店, 水準也不差, 感覺良好, 中午飲茶是第一次.荀尖鮮蝦餃, 十分攪笑, 第一次上檯時, 籠內只有兩隻, 放在檯面不足兩秒, 一位部長急急腳走過來說: “攪錯了, 攪錯了, 應該是四隻的…”, 把它拿走了. 只一笑, 絕無不滿, 攪錯事, 人之常情, 換過便好. 事隔十五分鐘後再上檯, 一籠四隻了, 賣相不太出眾, 可見到外皮頗厚, 尤其是摺位部份更是小舊, 但咬落又不是太差, 皮雖厚, 但仍然煙韌咬落有嚼勁, 而餡料則略欠色彩, 些少荀但不爽口, 蝦肉彈牙但欠蝦味, 值六十分.碧綠牛肉球, 與名稱不太相乎, 不應稱為”碧綠”, 而是”點點綠”才對. 一片十分細少的菜碎薦底, 牛肉顏色比一般的淺, 可見牛肉內有三兩點綠色菜的小點, 夠熱, 軟熟, 牛肉味尚可, 如果用回腐竹更好.鮑魚瑤柱珍珠雞, 一籠三件, 又是學某樓家, 長方型款式, 但師傅略欠手工, 打開後, 不太方型, 似圓柱型. 真有一小片飽魚, 彈牙但無味, 一小塊蛋黃質素差, 淡

近排公務繁忙，加上飲宴頻繁，連大掃除、洗邋遢都要推遲到過年前最後一天，但無論多忙，都要和家人齊齊整整吃頓團年飯。今年就由姐夫拍板，選了位於尖沙咀柯士甸道的「名苑酒家」作開飯地點。其實筆者大約於兩年前，也和圍內好友嚟過這間「名苑」吃晚飯，印象中食物水準不俗，招呼亦算周到，唯獨是環境較為擠廹。至於這晚的年夜飯，由於離農曆新年不遠，所以店裡亦十分旺場，以座無虛席來形容，簡直最貼切不過。人齊也是時候盡快開餐了，免得愈夜愈人多，更大有可能影響上菜速度。菜式方面，由於姐夫已預訂了一席 $3488 金湯翅龍躉全包宴，所以大家亦樂得清閑，只須坐定定等食就是了。先送上來的招財五福臨門，內裡包括有口感煙韌的鎮江餚肉、清新醒胃的手拍青瓜、爽脆嫩滑的百合雲耳、蜜味濃厚的叉燒及以麻油調味、嚼勁十足的海哲，各款味道都不俗。XO醬爆南美遼參花枝，配上翠肉瓜同炒的花枝及遼參，前者花枝，入口鮮甜爽脆，而遼參亦夠厚身兼彈牙爽滑，再加埋 XO 醬吊味，入口微辣中更帶出花枝的新鮮及遼參的清爽，食味著實不俗。原隻鮑魚金錢伴翡翠，一睇就知係賀年菜式，鮑魚雖然比較的骰、細細隻咁，不過燜煮得非常入味，咬落軟腍兼帶點煙韌，口感不

家姐又發起一家人食晚飯, 仲要叻到選埋地點.今次一家4人就來名苑食飯, 家姐點菜明知老豆喜歡食海鮮佢就叫左炆龍躉翅, 龍蝦肉泡飯, 花膠, 蛋白蒸蟹及聖子皇先講炆龍躉翅, 這個魚既部位用先炸後炆既方法烹調令到魚肉肉質仍然保持嫩滑多汁, 再配上豆腐, 支竹, 荀, 冬姑等材料完全吸受魚肉既精華味道.龍躉厚厚既魚皮充滿骨膠原咬時有點煙韌沾口, 對皮膚好既食物我又點會錯過.再來既花膠鵝掌煲, 二者都係又一膠質豐富既食材, 炆得淋身入味而鵝掌夾起時已經骨肉分離吸受醬汁既味道.聖子皇及蛋白蒸蟹同樣出色, 海鮮夠新鮮,特別係蒸蟹, 往往蒸海鮮最吸引大家食既并非海鮮而係海鮮旁邊既配角, 今次既蒸蟹同樣最吸引我就係個蛋白, 蛋白蒸得滑流之外每一啖都有蟹肉既清甜味道.其實大家都已經好飽, 但最後來既龍蝦泡飯亦令到每人忍不住口, 湯底用龍蝦肉, 蝦干, 元貝等製作出既海鮮湯底十分清甜再加上半脆既飯焦有點似上海既鍋巴, 這樣既泡飯又點可以令到我唔食多2碗先收口.食完後真係覺得自己好幸福.

某年某月的某一天, 一個星期日下午同太座想飲個下午茶, 但唔想去太多人嘅飯店喎, 諗返起之前食過的”名苑” , 其實這個名字有點怪, 用名字嘅”名”再加一個”苑”字 意思上唔太清晰? 我開頭只諗到”明苑”但可能因為已經被那粉麵茶餐廳用得過濫的關係而唔用啦, 我只諗到係咁樣, 言歸正傳, 當日下午一如所料客人並不多,這裡旁邊就有一間投注站, 所以好明顯有些枱嘅客人亦是為了這理由而來的,我們點了點心如下:田園蒸粉米菓- 這點心做型同其他酒樓做的不一樣, 外型似一頂帽, 餃皮晶瑩通透內餡完全透視於皮外, 口感帶少許嚼勁春卷- 皮夠脆但這個比較多油, 牛肉球- 普通的一般馬拉糕- 鬆軟好味星洲炒米- 雖說是下午茶貨色, 但用料,份量都交足功課, 蝦係原隻開邊, 义燒絲, 青椒絲,洋蔥絲, 芽菜, 蛋絲, 芝麻, 芫茜雖然跌咗在碟邊但都算是有呀,叫一個小炒雖然是$45但亦少食幾個點心, 抵食嘅小炒

今天走到佐敦的街上，由我太太發板，二話不說便訂了佐敦的名苑。 名苑 - 已經有好一段時間在香港經營了，但名氣始終不及於我們常掛在口邊的酒樓，先因為其取價和服務對象為中中產人士，從來不做一蚊雞的生意，所以低檔去不了，而高檔也輪不到它，要吃鮑、參、刺、肚當然有阿一，也有電視明星總廚，但沒有名苑的份兒。 其實名苑的總廚也是身經百戰，做得一手好鮑魚之外，還有上過亞視飲食節目，但往往都不夠友台的多人注視吧。名苑多做鮑、參、刺、肚的套餐，由每位二百多元起。 因此很多人也沒有試就走了，但我們會用數百元一位去吃西餐，又會去吃不值錢的自助餐，但就不願花多於一百元來吃廣東菜，是歧視嗎？ 其實是有點說不過來。今天本想又食套餐，但太太還是喜愛點菜，也可能是經濟一點，就點選了幾個小菜了。 待應的招呼也甚得體，畢竟這樣一眼開得完整個酒樓，待應的工作質數自然高一點吧。她們還告知有大生劏大龍躉，而龍躉翅位的地方還有一件，二話不說就指令預留了。 要知道龍躉肉韌而翅位嫩，且膠質甚豐，是最叫價的位置。 今次的煮法是先將龍躉翅位全條炸得又香又脆，再而放入已淆製好的煲內吸引濃郁的汁液。 單說煲來的汁已可送三碗白碗，用了上乘且分

賀'老豆'生辰 大家三選一 選了這裡作生日飯老豆係傳統人 正一"中菜份子"無飯不歡 總喜歡人多圍埋食餐飯果隻 熱熱鬧鬧開心一下由姐姐一手訂檯,點菜 不用我們粗心成餐飯 慢慢一道道菜跟住上 幾好 嫌服務OVER左 無呈呈又換碟隻碟明明乾淨既 唔BUY食物賣相確實精美 菜式味道偏向清淡 說來只係值70分 一般水準雞湯翅夠火喉 四色燒味拼盤味道比較好脆炸蠔做得麻麻 炸粉唔香又唔脆 個配汁同隻蠔 完全唔夾椰汁桂花糕 唔香無味 糖水'生磨蛋白杏仁茶 唔甜 應該係'淡' 無乜杏仁味 唔得

之前曾在這裡飲茶，晚飯就未試過，但見到如此多好評，舊同學派帖，約了在尖沙咀區，一想就想到來這裡！今晚叫了以下菜式：1) 花膠響螺燉雞湯 -- 好清、好足料2) 叉燒 -- 不錯3) 梅子排骨 -- 正4) 蟹粉炒蛋白 -- 一般5) 肉碎四季豆 -- 沒有食，朋友食過評語唔錯6) 濃湯娃娃菜素千層 -- 素千層唔錯7) 蕃茄翠玉瓜8) 椒鹽骨 -- 麻麻地9) 海參蝦煲10) 甜品: 蛋白杏仁茶 -- 唔錯, 芒果布丁, 千層糕** 整體都唔錯，服務亦幾好，如果唔食餐同翅個D，價錢都OK！

星期日的下午,友人K相約飲茶, 來這一間相對好評較多嘅食肆, 友人K話之前已經來過,而我們只是第一次, 是日茶客不多, 這也是我們選這裡嘅原因之一,由於發現午市有套餐供應, 二百幾蚊有可選點心/小菜/飯等等,我們要了一個套餐, 套餐食物如下:燒味雙拼- 這個是沒有得楝,一來就是一邊雞一邊鴨,雞好明顯係下欄野再用鑊加鼓油爆一下等佢熱熱地上菜, 鹵水鴨亦是下欄野不過就係室溫, 兩個都係味道咸嘅餸尤其個雞真的好咸下,可能因為雞本身唔知係油雞定乜雞,在有味雞上加鼓油爆香味只有咸上加咸囉,咁樣嘅雙拼不如俾一碟义燒嚟會少D寃氣喎义燒腸- 呢個OK嘞,餡料都是充足鮮蝦燒賣- 呢個賣相精美, 豬肉餡口感極佳, 調味剛剛好,要挑剔的話可以講面頭嘅假蟹籽放得唔太平均有多有少囉,不過呢D只係好少嘅負分唔影響整件事嘅牛肉球- 本身無問題但又係而家一般嘅通病,個色好淺,同鯪魚球無分別芋茸春捲- 個形狀扁扁的似以前茶居賣那種不過因為都係新鮮炸出來自然好味梅菜蒸排骨- 調味稍稍咸咗D之外,排骨OK, 或者叫碗白飯會效果好D嘅飽汁海參炒飯- 友人K嘅至愛, 其實他是喜愛蠔油那陣味, 所以我估計就咁用蠔油炒飯俾佢食,佢

能在異鄉與鄉里海闊天空、共享佳饌，總是一件樂事。是日就約了兩位大才女，來到位置就腳、口碑也不錯的名苑品嚐粵菜。難得小才女喜歡鳳爪，即點了份蒜蓉豆豉鳳爪，鳳爪蒸得軟嫩入味，豆豉與蒜香都十分突出，唯不足是有少許油膩女士們少不得青菜，也來份蠔油生菜，這裡的菜選材精細，菜葉幼嫩青翠，配上甜咸交加、份量適度而不膩的蠔油汁，健康也不失美味這裡的馬拉糕倒是一般，雖有陣陣甘香的黃糖甜味，包身也較鬆軟，卻不夠熱度煎蘿蔔糕外皮香脆金黃，內裡綿軟細膩，帶著白蘿蔔的鮮甜，再配上火腿粒的咸香不用蘸任何醬已經十分好吃當然重頭戲要屬這裡的招牌菜雞煲翅，雞湯濃郁鮮甜，湯頭泛白，略帶油光，飽收雞肉之精華。翅也用的是輕易可以夾起來的排翅，融合雞湯的鮮甜味道上是無可挑剔，只是小才女說的也對，這雞翅卻是不環保亦極殘忍之物，電話預訂的時候也沒有想太多，現在想起還很後悔，以後還是忍忍口吧西施龍蝦肉泡飯端上來的時候，大家已經都差不多飽了，好在這泡飯味道真的很棒，湯底用上碎龍蝦肉、干貝等去煮，鮮甜香濃；泡飯一半軟熟一半焦脆，鍋巴的部分不會因為倒入湯中即刻就變軟身，連湯送入口中依然不失焦脆口感，比之前在南海一號吃到更美味埋單應該不便宜

男友生日, 食中餐慶祝叫左雞煲翅, 砵酒蠔, 波士頓龍蝦伊麵雞煲翅有四人分量, 鷄湯味濃, 頗多翅, 値得推介一隻砵酒蠔炸起有女士手掌大外脆内多汁, 配合甜酸汁可除腥味波士頓龍蝦伊麵較差, 龍蝦無肉, 伊麵太散但下次會再試其他小炒

自從上次帶過太座一家到來吃過一餐便飯後，便覺得這裡是值得斬多四両的，原因固之然在於那抵吃又美味的雞煲翅。故此今趟適逢慶賀外父的生辰，馬上便想起了在這兒擺局的念頭....此處有一系列的套餐供應，價錢是十分的相宜。要了一個有雞煲翅在內的，每人除勻也花不過三百大洋，甚抵吃。就算之後要再encore加餸，也不會貴得太離譜....全晚的焦點當然仍是在那一大罉雞煲翅。熱騰騰的端上桌來，已甚有勢頭。湯頭帶少許起膠之餘亦頗鮮甜，翅雖只是牙揀貨色但量甚多的，一梳梳的夾起來放入口，感到有彈牙的觸感。雖只是套餐內的貨色但也做得一點也不馬虎，實屬難能可貴...雲耳蘭度炒螺片蝦球就相對的較普通。雲耳份量可以多一些，螺片亦帶偏韌，但蝦球就夠爽夠甜，蘭度亦然....鮑汁扣花膠扒是十分的美味的 --- 花膠夠厚身亦見爽淰；鮑汁不會杰撻撻的，味不死鹹之餘亦頗鮮甜，用之來燴扣本來沒甚味的花膠，是天作之合也....斤餘許的青班是最適合用來清蒸的。若火喉控制得宜的話，吃起來既嫩且鮮。雖然現在差不多全是養班，本應有的"魚味"已消失得蕩然無存，但如果能吃着一些不會有如在食柴皮的貨色，已是謝天謝地。幸好是晚在此地遇到的這尾，算是過

這晚約了三位朋友聚會，朋友提議去名苑。這是第一次在這裡吃飯，進門後見到裝修很雅緻，枱與枱相隔也不太近，頗有不錯的感覺。大家決定吃魚翅鮑魚燕，另再叫每人一隻太湖閘蟹（六両半）這個餐包括：宮廷皇燒翅、四頭南非鮑魚伴玉掌、澳洲大花蝦、蒸海龍躉球、日本金瓜泡田園蔬、珍珠雞、生磨蛋白杏仁茶、燕窩流沙包 （$268/位）先上蟹，己用了二十分鐘吃，OK啦！這裡只有二種大小的蟹,5両半是$68@，6両半是$128@。我們吃的算是大隻的，但真沒有大這感覺。本人最鍾意吃大蝦和翅。這店服務很親切，又常來看我們有甚麼需要，很體貼呀！還介紹我們店內的中午點心餐，聼起來也不錯，反正常在區活動，可以試試！