名苑酒家 (Closed)

當晚是去飲宴, 有朋友結婚, 包場.每位賓客都讚好好味道.雞煲翅湯底好好, 煲了3天.龍蝦: 好滑, 又多肉XO醬帶子炒西芹: 好野味侍應: 服務好好, 叫他們做咩, 都馬上回應和TAKE ACTION! 為一感到可惜...地方細.

昨晚媽咪65歲大壽, 我又負責訂位, 因上次做冬響新世紀上海菜館食到一肚氣, 今次特別小心, 見咁多好評, 一於試下, 訂左4388全包宴。金湯雞煲翅：好濃，魚翅可以夾起，好味！小朋友都鐘意。上湯龍蝦伊麪：有兩隻龍蝦，第一次蝦多過麪，不錯！吊燒雞：好滑、略咸。鮑魚：席上個個話硬，咁啱我食個兩隻又好淋！蒸魚：成條魚起骨加上百合、雲耳、紅棗蒸，嫩滑易食。其餘餸菜都ok，大大碟！仲包一支紅酒8罐汽水，夠晒食有餘。重點推介：生磨蛋白杏仁茶：本來想唔要，但侍應生一再推介，又滑又正！有d似腐竹雞蛋糖水，老公同細佬只覺可以，但連最怕杏仁味既家姐都飲左兩碗，媽咪更飲左三大碗！桂花糕：我地好怕桂花太濃味，但與榔汁糕合併，很易入口，唔鐘意甜品既男士都好欣賞，因太飽關係，只好打包回家再吃！

見都幾多好評，真係唔錯，地方唔迫，服務仲好好。本來散叫，後來見到個二人套餐$108，有點心，冇揀錯，又好食又抵。燉湯好好飲，係唯一蝦餃賣相麻麻，都幾肉酸，雖然味道ok.炒面唔錯，油菜都大碟，最正係蛋白杏汁糖水，千萬不可錯過。PS：唔識用iphone4 upload d 相呀！

前晚同媽去左名苑酒家食,都唔算差,比我想像中的好好多了!!!裝飾非常普通,和其他酒家沒有太大分別,不過尚算整潔至於整餐來說,最好食的一味是魚湯雞煲翅!!!!d魚湯好好飲,充滿鮮甜味道,魚翅亦都不錯,唯獨隻雞唔夠嫰,確實是美中不足的一點!西施龍蝦肉泡飯亦都係必食次選!!!味道濃郁!!!亦都有口感~水準相高!!!確實係值得一試ge酒家!!!

為媽媽慶祝生日，訂了雞煲翅海鮮全包宴，吃過太多全包宴沒有什麼期望。晚上七點左右到，開始上菜。http://www.minggarden.com.hk/ProductListShow.aspx?mId=58以下推介有吃菜色:清宮明火雞煲翅(湯很濃，味道很好) 鮑汁遼參扣玉掌(玉掌很稔，遼參有少許彈牙) 福祿臨門大海斑(起了肉，沒有骨，唔駛驚有骨) 生磨蛋白杏仁茶(有一點杏仁味，不會太濃，感覺唔錯) 感覺比較差菜色:頭抽生煎大老虎蝦(個人感覺太乾身，沒什麼蝦味)貓耳朵鮮竹泡菜苗(湯鹹左影響整體印象)整體都滿意，下次會再食，不過星期一至四平$400，感覺抵好多。不過沒有車位，最近泊AUSTIN TOWER，每小時$24。

呢間酒樓個位唔係咁突出, 都係經朋友介紹先知呢到有間酒樓。星期日既早上都好冷清, 我地6 人安排左嚮個角位到, 無咩人出出入入, 好寧靜, 幾好。呢到唔算貴, 茶芥8蚊位, 小點$9.9, 中點12.8, 大點$15.8, 特點$18.8。呢到d 野食應該係即叫即蒸嫁, 因為我地落左order，等左起碼15分鍾先有野上台, 熱la la 嫁~正。我地叫左好多點心呀, 逐樣介紹下:1) 牛肉腸, 夠熱, 夠滑, 料夠多, 好味。2) 頂級流沙包, 真係好流, 一咬, d 汁已經標出黎, 好熱, 燙口, 所以大家食個陣要小心。3) 蜆芥鯪魚球, 好似小丸子一樣, 新鮮炸起, 正! 4) 古法馬拉糕, 係深啡色嫁, 係我至愛呀, 蒸得唔濕, 好軟熟, 值得我地再encore。5) 炒伊麵, 炒得唔多油, 有海參同蝦子, 感覺高級, 好睇好食。6) 小籠包, 算係失色的一樣, 皮厚, 唔多汁, 可以唔食。7) 粟米餃, 類似素菜餃, 有粟米粒,冬姑粒, 岩素食者。8) 上湯鮮竹卷, 普通啦, 但d 湯好好飲, 平時我食呢個點心係唔會飲佢d 湯, 今次忍唔住呀, 係魚湯, 好味。9) 仲有担担麵

小弟生日在即， 家人這晚決定扶老攜幼，一起品嘗一頓豐富的鮑魚餐。香港其實有不少餐廳供應鮑魚餐，價錢由百多元到數千都有。當中名苑以『Best Value』見稱，二百多元便有一份五頭鮑魚套餐。 清宮明火雞煲翅先來個清宮明火雞煲翅，當然不是頂級魚翅，但有足料的湯底搭夠，湯底有很濃郁的魚湯味但絕對不覺魚腥。 古法炆五頭鮑魚伴玉掌這是整晚的焦點，侍應們拿來刀叉，我們戰戰兢兢地狠狠一切，hm...果然好冧，鮑魚非常入味！ 紐西蘭烤羊鞍整晚最有pleasant surprise 的一道菜。一向不喜歡吃羊因其"蘇"味很難下嚥。想不到這個紐西蘭羊鞍肉質幼嫩，加以香草烤得更加出色。 頭抽生煎蝦頭抽香濃令海蝦煎得更香，但每人只得一隻？有點兒寒酸吧。。。 生磨蛋白杏仁茶熱的糖水，已是成功的一半。名苑的生磨杏仁茶還加入了蛋白，多了蛋白香味之餘，質感更香更軟更滑，還有生磨杏仁微細的口感。 宮廷桂花糕桂花糕像千層糕般，每層都帶出不同的口感。一頓豐富的鮑魚餐隨著兩道出色的甜品而完滿結束，總括魚翅、鮑魚等都造得不錯，但其他菜式如菜、炒飯等份量卻比較遜色，食量較大的朋友可能回家要補個公仔麵。

親戚番到黎香港，我地成家人ＢＯＯＫ左名酒家食野晚～原本對食中餐沒太大期望ＧＥ我來講，Ｄ間真係唔錯酒家內在環境不錯！！！整整齊齊至於菜色方面，前菜併盤，魚湯蛋白浸時蔬，西施龍蝦肉泡飯都好好前菜併盤香辣酸甜，好開胃！魚湯蛋白浸時蔬的魚湯同時蔬都配合得幾好，只係蛋白唔夠散。。。至於西施龍蝦肉泡飯不弱於龍王！最唔掂係飽魚。。。。。。太硬，明顯煮唔夠時間總括而言，值得一試

相約太座一家吃頓晚飯。外父大人愛好中菜，想起了在柯士甸道有這一間"名苑"。多年前跟朋友吃過一頓午飯，吃的只是尋常午市套餐的普通貨色，未吃過她的鮑參翅肚，似乎應還未見其真章矣....雖則是夜吃的不是甚麼頂級上翅及鮑魚，一部份點的還算是每晚指定的特價東西，但萬料不到做出來卻是令人愜意的....第一味"特價嘢"便是每夜限量的明火雞煲翅。湯入口甚膠口，味濃不膩；牙揀翅份量甚足，能用筷子一梳梳放進口，可見用料不欺場；翅本身沒甚鹼水味且甚彈牙。一大煲也只收二百多大洋，每人就喝足兩大碗，實在滿足....陳皮蒸鮑魚所用的鮑魚仔大大隻的肥大肉厚，是我們最初全然預料不到的。由於火喉控制恰當的關係，蒸出來的肉一點也不韌，仍保持着爽彈的質感。陳皮絲是少了一點，令肉缺少了陳皮帶來的那咲幽香，但同樣只是二十多來元便有一大隻，實在已是超額完成了....京燒葱爆日本遼参甚夠"煲氣"，端上枱時還是冒煙的。遼参一點也不過韌，絕不會找到一塊橡皮膠，入口爽爽脆脆；粗段的京葱經爆炒後帶微焦，葱香撲鼻，咬落亦算爽甜，好吃。唯一失色的便是油下得太多，甚膩口....這兒對鮑參翅的菜式處理甚到家，相反普通小菜就差了一皮。宮廷醬烤骨用的

有親戚到訪,所以一定到出去食選擇了附近的名苑這間酒樓,覺得比較抵食門面又不錯但地方不算大,環境不錯人流都幾多人服務員選左近電視的位比我地叫左個套餐紐西蘭烤羊鞍樣貌有點不好,沒有羶味,肉質感覺有點乾身蒜茸開邊蝦好正,好香蒜茸味,蝦肉質唔算太差,雖然細細隻,唔多夠候,但味道很好飽魚扣玉掌好淋,味道濃郁,飽魚煮得很好,可惜份量太少清宮明火雞煲翅味道有少少甜,雞湯濃,翅的份量很足料.老虎斑平時都唔鐘意食酒樓的魚,味道有點清啖,肉質不錯,賣相很好上菜時已經切好晒,好快就凍晒,不喜歡這樣,但幾大條,幾抵食!荷葉飯味道有點咸,飯有點實,有少少的飽魚香宮廷桂花糕賣相很好,很精緻,不算太甜,中間個層最喜歡杏仁茶份量雖少,但很香濃的味道,很滑,溫度適中,值得一試呢餐當然我地做東主,價錢很合理,服務員不錯可是上菜時間,時快時慢

食店外觀不錯，裡面除了稍嫌溫暖了點其餘都不錯。今次是第三次光顧覺得值得推荐一下佢地個二人套餐真係抵食。上一次是下午茶時段食，己經覺得好好，今次食午餐，居然都可以$98元食依個套餐，真係相當超值。每人一個花旗參炖雞和瘦肉，味道唔錯。一個青菜，任選兩個點心，我地選左蝦蛟同燒賣，再選一個主食，我地叫個鴛鴦炒飯，再送甜品杏仁露。埋單$98元加一。我認為以地區和品質都算超值，無其他名堂收費，當然再加茶錢，都好抵食啦。

幾個要好的小學同學聚會,要攜眷出席= =有結左婚戴老婆仔女的,我呢D未婚就戴女友,至于未有女友的一支公來食羅；成班人分左兩張大臺,吹水一陣後菜就上臺了！鮑魚伴鵝掌鮑魚爽口,本人覺得鵝掌過淋,失了應有的膠質和煙韌,蠔汁及上湯也很濃,味道正!!紐西蘭烤羊鞍賣相不錯,很有西餐風味,青瓜墊底是多餘的!羊鞍味道沒有蘇味黃金雞很香賣相很吸引,熱量十足,皮脆,缺點是十分熱氣,在場女士都係食完一塊就止步^^"煎海中蝦金黃色,賣相OK,但本人覺得蝦肉沒有原本應有的鮮味,要扣分杏仁茶用為最後上的甜品,非常成功,濃郁的杏仁味,質感幼滑較杰身,有點像喝花奶,喝後有點黏著喉嚨的感覺,feel出真材實料食物味道無問題,服務差小小,客人多侍應服務有時跟不上,不過總體都算滿意!!

前排去尖沙嘴參加公司活動,完了活動後和幾位同事去了這裡開飯黃金雞來了~炸得皮極脆又不失嫩滑的肉質,貪心的我挑了外皮較多的雞翼部份,外皮炸得好脆,差點連翼尖都吞了花菇扣鵝掌煲,花菇燜得好入味,鵝掌熟得剛剛好,好味到吃剩下來的只有骨頭,汁也吃完了黑木耳百合炒勝瓜,炒得夠火候,落油不會太多,爽口！上湯焗龍蝦伊麵底,龍蝦勁多肉,彈牙爽甜,伊面索味不錯！^^b 杏仁茶,杏味香濃,甜度適中,兩個字“好滑”

星期日趁休息集齊班friend去名苑雞煲翅宴，有人放飛機，12 人宴我們11人食，仲好呢`可以食多D 侍應招呼好，好有禮貌，不過上菜比較慢，無法啦，慢工出細貨，好野係要等既!紅酒、汽水都不能少`清宮雞煲翅賣相靚，用料仲正，翅爽雞湯濃郁又香，無得彈`鮑魚汁扣花膠扒花膠食落沾口，搭配鮑魚汁好鮮美`脆皮雞不用多說，皮脆肉嫩，不錯`四喜拼盤有點失望，原來四喜指的是叉燒：肥瘦適中、海蜇：清爽好味、雲耳：口感爽，沒什么味道、青瓜：外皮清辣，里 面也是沒味道的`碧綠炒雙蚌火候欠缺，加上賣相不大吸引，味道一般`清蒸海斑，海斑好新鮮，應該是精選上等靚斑 , 蒸得時間剛 剛好，嫰滑鮮甜，連豉油也好好味，完全帶出條海斑嘅鮮味而不會過甜`蝦籽干燒伊面賣相不錯，蝦籽只有三四只，伊面味道相當不錯 `頭抽煎大虎蝦，頭抽的味道偏甜,蝦吃起來是新鮮,如果蝦殼能再脆一點會更好`甜品有桂花糕和杏仁茶，杞子桂花糕 甜、香、滑 口感十足 ！杏仁茶不夠甜，很有杏仁香`價錢都不少，不過一分錢一分貨，吃得開心，值得！！！

經"Openrice" 食評介紹,三個老表們約埋一齊到該酒家品嘗美食,菜式不錯!咖哩牛根腩煲--咖哩汁很香而且只有少少辣,牛根炆得夠火候,入味且腍,但牛腩就略韌,整體仍有水準!花菇扣玉掌：花菇以蠔汁扣原隻鵝掌，花菇及鵝掌燜得夠淋夠 入味,絕不比翅遜色!西蘭花炒帶子--帶子鮮味十足,口感亦然,爽口而具彈性!脆盞酒焗珍寶蠔--老表指定菜式,有一人話唔吃,只要了幾隻,幾好味.清蒸東星斑--肉厚嫩滑鮮美,火侯恰到好處!食物大致上滿意!服務合格!