明明車仔麵專門店 (德華大廈)

Open Now

Now Closed

今日黎到灣仔呢邊工作 一個人行過入左去食 叫左大雜面加底 加腩汁 辣汁 2分鐘就上了 我食左兩注面 之後發現有碗面有烏蠅 叫左店員黎 佢都即刻叫廚房整過碗比我 服務算係幾好 豬紅 咬落無咩味 魚蛋都無咩味 湯底 係得個辣字 無咩特色 豬腸算係最ok 有口感 配個汁幾好食 蘿蔔 唔係超甜蘿蔔 唔太甜 花菇就幾好食 甜甜地 ok的 面就普普通通 加埋底$60 性價比唔高 下次都唔會再食 想食好食車仔面可睇我其他食評，會搵到一間適合你，本人食評中肯，全部真金白銀比錢食！！

想食麵,就近近地叫車仔麵,之前有人提過我明明啲牛筋有毛,今次叫牛筋真係有毛😅點解唔可以清潔得乾淨啲🤧影響胃口...啲通菜都無咁新鮮,有啲出咗芽😕魚蛋同菇就ok, 烏冬都係我嘅favorite 🤪

之前試過用openrice叫外賣lunch, 不過等到寫住夠鐘但仍然未拎得,個印象有啲唔係幾好,但當時覺得嘢食味道係ok嘅,可能係繁忙時段（自我安慰）今次我差唔多點半後先到堂食,唔算好多人有位坐而且唔迫叫左大什烏冬麵（走豬腸）滷汁,啲蘿蔔超甜咁入味嘅,豬紅都好味,可能太耐冇食車仔麵感覺今次幾好😆豬皮同花菇（比較細粒）可以再淋啲更好,可能有埋咖哩魚蛋湯底整體食時都覺得辣咗少少,不過配烏冬又幾好味🙈 同行人食左四餸轉菜底唔使額外加錢,都幾好👍

明明想去食點心，落雨，唔行lu，經過呢間車仔麵就入去啦。好既一餐唔好既一餐，肚餓食咗先算。發覺成日去灣仔都有股唔知食乜既感覺😂座低圈餸我叫左墨丸、豬紅、魚腐、牛腩、腩汁+咖喱汁粗麵。所有野都ok, 豬紅同牛腩比較出色😏湯底食唔出有咖喱汁。個粗麵唔係平時食開啲粗麵，都唔粗同唔夠薄😅似扁身意粉，呢度就扣左少少分。老公叫左墨丸、牛丸、豬紅、肥牛、蒜辣雞翼尖、腩汁+沙爹汁河粉。老公鐘意個湯底喎，我比個蒜辣雞翼尖辣到食乜都食唔到味😂另外叫左個炸魚皮同腐乳通菜，都正常！店員都會提下，支紙飲管吉落去支可樂會喪標泡甘，總括嚟講，正常會再去食😀

我和媽媽趁非繁忙時間2：30後準備入內進食，因為媽媽要坐輪椅，所以我就先安排我媽媽入坐進路口座位，我就打算將輪椅接疊好就放入餐廳最後面。因為之前已經入過餐廳食過幾次，我就將個輪椅放去之前員工要求我放在餐廳較後位置。當時餐廳無客，只有3-4張枱根本唔滿，餐廳都大把位置給其他食客坐。當我準備放輪椅時候，其中一個明明的員工（短髮應該做廚房的中年女士）就喝止我，態度囂張要求我將輪椅拿走唔好阻住。我照她意願去做搬到另外一個角落，我話你哋之前都經常叫我放原本位置我點知道你想我將輪椅放邊度。她更再說：【你唔想做就唔好做囉！無人叫你過黎架，你唔想推（輪椅）咪唔好推囉！】此人懷疑已經觸犯殘疾歧視條例，我也打算去平等機會委員會投訴該員工的言論。我和媽媽非常氣氛所以都立刻離開該餐廳，另外打算以後都不再幫襯此餐廳。

外賣10分鐘內食，但個米線成餅野，咁都上得台，比得客食，真係好好好好超難食！東菇細粒，魚片頭普通，羅白無渣，但個米線又淋又盛，個湯又無腩汁味！無下次，完全無水準！$44，3個送黎講，唔平唔貴，但咁既質素好趕客！外賣會送一盒茶，叫做慳返野飲錢！

｛明明車仔麵｝喺灣仔有幾間分店，如果想簡簡單單快食碗麵，佢係一個幾好嘅選擇～✴️招牌麵✴️腩汁湯底加沙嗲汁，唔算好濃味沙嗲醬化咗落湯後唔係太食得出🙃配料份量足夠，6樣餸每樣都啱食，男仔食完一碗麵都夠飽😙✴️4餸1麵✴️滷水汁湯底食到最後有少少甜，比較膩口～牛筋同冬菇都麻麻地，牛筋細條啲食落少咗份柔軟Q彈嘅口感，冬菇個汁又係太甜，好似食緊糖咁🫠✴️腐乳通菜✴️大碟紥實！腐乳鹹度適中，絕對收貨🤟🏻

次次lunch time 經過都見到好多人排隊等堂食/外賣，今次聖誕假後同友人一齊去唔洗等位就入到去食 即刻試吓係咪咁神先，一坐低枱面上已經有點餐紙同筆俾我地order 車仔麵。初嚟甫到，叫個三餸試試先，叫咁米線配沙爹汁配豬紅、蘿蔔同埋蠔皇花菇沙爹醬撈勻成碗麵之後，成碗米線都充滿濃濃既沙爹味，米線煮得夠淋，掛得起啲沙爹醬三餸份量一啲都唔馬虎，每樣餸都有好幾件，包你一定飽，值得一提既係，蠔皇花菇好juicy, 成粒都充斥着蠔油味總結，下次會再試吓佢其他餸

做野經過 又見到排晒隊估計應該好好味所以咪試下如果趕時間唔建議😅一碗麵等成20分鐘左右碗面黎到有啲失望 揀辣汁點知其實係加一大舊辣椒油 唔覺係有特色另外 加$2韮菜餃 原來得2粒🥲

本人係一個超級鍾意食車仔麵，牛腩麵既人個湯底係麵既精華 第一次食明明叫左個普通腩汁無乜太特別之後男朋友叫我加埋個蒜辣汁從此我就愛上呢個湯底🤪個配方係腩汁+蒜辣汁然後自己要加紅醋同埋辣椒油男朋友食完都愛上呢個湯底 一去不復返🤣佢既豬紅索曬湯汁 都係十分推薦仲有豬軟骨都好入味🤭同埋明明好似開到12點 有時候放工經過無餐廳既時候 佢可以消除我果日既疲勞😂 小小誇張 但真係車仔麵值得推介既一間～ 如果大家都對車仔麵有興趣 都可以去試試佢～

明明明明同白白去食明明車仔麵 但明明唔明白白唔同明明去食明明車仔麵 明的會明白(˶‾᷄ ⁻̫ ‾᷅˵)作為九龍仔既我 甚少出港島食野 咁岩個次行過灣仔見到有車仔麵就走左入去食 根據非正式統計(即是我） 明明車仔麵既價位唔算高 以呢個平民價錢 可以食到咁高質既車仔麵 可以encore 🚩三餸麵 加樽仔奶茶食車仔麵 想知師傅既手勢一定要試蘿蔔 佢個蘿蔔處理得好出色 冇渣 仲吸晒啲湯 蘿蔔已經煮到好淋 一咬即斷 yummy 必叫！推介！至於其他嗰兩個餸 我係亂咁叫 魚蛋不過不失 可以試其他野 糖心蛋 佢又真係做到流心效果 都好食 都最後河粉 都幾新鮮 唔會癡埋一舊舊 係好食既河 到飲品，貪得意試左樽仔奶茶 偏甜 可能一早pack定 入雪櫃 茶味𣎴夠 但overall 佢係成個奶茶好濃 好厚既口感 題外話 我嗰日係叫左沙嗲汁 但店員睇漏咗 佢之後不左一碗沙嗲醬俾我 好香既沙嗲醬 偏甜 自己想加幾多就幾多 *^o^*分量嚟講唔算太大 女仔啱啱夠 男仔就可能抆水啲 唯有加啲小食

#20230727 🤍📍 明明車仔麵專門店 灣仔軒尼詩道296號德華大廈地舖 🍽️灣仔軒尼斯道89號地舖灣仔皇后大道東94號地舖➖➖➖➖➖➖➖➖➖➖➖➖➖➖➖➖➖➖#三餸一麵 $42 🫧 #米粉 #咖喱汁 🫧 #蒜辣雞翼尖 #豬紅 🫧 #咖喱魷魚 +$2💭 依家先知原來呢間野已經係同區有三間分店，足以證明佢幾受歡迎😏咖喱醬絕對唔孤寒，成羹比好夠味👍🏼咖喱魷魚口感爽嫩，一啲都唔韌🦑豬紅有質地，咬落會咇汁，甜甜地會想係咁食，最正係個雞翼尖，有啲蒜辣汁溝埋咖喱汁好惹味，一次過食到兩個汁感覺賺左🤑.#四餸一麵 $47 🫧 #河粉 #蒜辣汁 🫧 #甜酸齋 🫧 #柱侯牛腩 #雲吞 #牛筋 +$2💭 蒜辣汁其實真係佢一大賣點，甜甜地又重蒜頭味🧄蒜香控應該要尼試下，做湯底都唔會話淡，粒雲吞索晒啲蒜辣汁仲正🤤酸齋同牛腩正常發揮，牛筋炆到非常之淋，淋得尼又帶少少彈牙😋最欣賞佢呢度啲餸大部分都劃一同一個價錢，就算加都係加$2，唔會叫下叫下兜麵貴左成倍🥶.#腐乳通菜 $16#枝裝忌廉 $9💭 腐乳醬同通菜分開上都幾少見😅岩晒啲鐘意少醬既朋友，味道唔錯既👅但🐷本身鐘意多醬就覺得硬係差啲，汽水可以揀枝裝定罐

今日嚟到灣仔食車仔麵就係位於灣仔軒尼詩道嘅明明車仔麵～唔知大家心目中嘅車仔麵應該有咩餸呢？車仔麵最常見嘅餸分別有魚蛋、豬紅、豬皮、豬大腸、雞中翼、蘿蔔、紅腸、豆卜麵底分別有油麵、米粉、米線、河粉我就揀左我最愛嘅配搭豆卜、雞中翼、魚蛋米粉米粉超爽口、湯底都好消甜，味道同裝修都充滿香港情懷人均$45份量好足夠～食完超夠飽～平民指數：🌟🌟🌟🌟🌟好食指數：🌟🌟🌟🌟———————————————————-明明車仔麵🥘營業時間：星期一至日10:30am-9:00pm地址：灣仔軒尼詩道290號德華大廈地下#將軍麵館 #湯麵 #上海麵 #京式湯麵 #京式美食 #京式菜 #香港美食 #美食 #天水圍 #hkig #hkfood #hkfoodie #hongkong #hkfoodblogger #hkfoodlover #天水圍美食 #元朗美食

收夜諗住外賣回家 叫左2個車仔麵 分開湯 個店員 放到好明顯歪晒 由店家到車站唔到5分鐘 已經見到啲湯瀉晒 一打開蓋 用黎分開嘅紙皮濕晒 飲品都濕埋 店員求其放 完全冇諗到客人拎時會倒瀉

自從疫情之後經常在家煮麵食之後，我對於出街食車仔麵的意慾絕對是比以前低了，哈哈。所以每一次食車仔麵，我都會專挑些自己平時比較少食的！而這兒的款式都幾多。我有諗過叫大什麵，不過覺得蘿蔔和魚蛋不夠特別，所以最後選了甜酸齋、豬紅和牛根，全部都是平時自己不會煮的，食完之後也非常滿意，特別是牛根，好入味！整體來說，想快速找地方醫肚、價錢又平的，這也是一個不錯的選擇！灣仔其實有太多餐廳選擇，所以生意真的不易做🫢，所以大家都支持下啦！☺️