明棧燒味餐廳 (Closed)

朋友看到我寫的食評，便要求我帶他來試試，約了幾次後，今午終於成行。他本來想試燒味套餐，但見到常餐A($42)也有叉燒皇粉麵，還配了多士和火腿奄列，只比下午茶燒味套餐多$6，於是便點了常餐A。而我則點了下午茶套餐的椒鹽豬扒飯($45)，因為上次見到鄰檯那碟十分吸引。我們共享兩個餐。常餐A先到，叉燒米粉頗大碗，配了蕃茄薯仔湯底，還有些紅蘿蔔粒，味道清甜亦不油膩，不錯。但叉燒可能放湯時間稍長，味道沒有燒味套餐另上那麼鮮味。多士烘得不錯，但火腿奄列就太多油了，我用了兩張紙巾墊底，也索滿了油。蛋亦做得過了火，味道一般。幸好，椒鹽豬扒飯很出色，上檯時已香氣撲鼻。整碟飯有五、六件豬扒，雖然是切成條狀，不過肉質頗厚，送飯一流，伴碟也有些蔬菜。椒鹽混入了大量蒜蓉、紅椒粒和蔥粒，極之惹味又不太辣，朋友讚口不絕。熱飲分別是奶茶和檸檬水，朋友也覺得奶茶比較好喝。朋友多謝我的介紹，最後還搶著結賬！

很久沒來明棧，趁下午茶時間有特價，當然要食皇牌叉燒了！我喜歡以河粉配叉燒，因二者味道甚夾，且大碗飽肚。河粉滑滑的很好吃，湯底有點似魚蛋河的味道，河粉面那幾粒蔥花，更增加了香味。至於主角叉燒，厚切帶少少肥，但即使是全瘦那幾件，入口亦很鬆化，完全不韌也不乾硬，難怪是皇牌了。餐飲我叫了奶茶，茶味和奶味均很濃，但稍嫌淡奶太多有點膩。最特別的，是杯和碟印了店名「明」和「棧」，配成一套，頗有特色呢！

佐敦一向多野食 今次試左呢間茶餐廳一向燒味都係我的至愛呢間主打燒味 有興趣的朋友一定要試試乳豬四寶飯 $90 配例湯晚餐食豪點都問題 難得一場黎到梗係要食最特別果款份量大小適中 白飯一食就知係靚米 粒粒完整雪白分明 有𡁻口乳豬好細心咁起左皮 皮夠薄 脂肪適中 一咬脆入心 入口甘香乳豬肉不會過咸 十分滿意叉燒皇肥瘦適中 大大件 入口鬆化脂肪甘香 個人最愛肥叉 略嫌唔夠肥咸旦半隻 唔算太油 一般貨色紅腸 薄皮 經典味道菜心大大條夠嫩 佳例湯 唔算太咸 飲完唔會口渴不次經過要一試小菜！

今天好得閒天氣超好行到明棧身為這條街早餐專家竟從未來過明記實在說不過去⋯⋯至平早25$超強好好吃當堂覺25$ 不算太貴精明的看埋開飯食記多數劣評女孩侍應說今天星期六無咁人多我恍然大悟可能平日太忙招呼失分這方面就沒什麼辦法解決美女極力推薦他們早餐豬排Check 過約34$豬排粉/面早可以下回分解不介意幫忙中小茶餐廳做做宣傳家下搵食艱難租金超現實人人在捱世界只要他沒有得罪我D 野幾可以接受貨真價實沒有欺壓人民都會為之報導一下

12點lunch時間步入明棧 唔算多人waiter帶位入去 望左下是日午餐餐牌 即刻點左三寶燒味飯 加杯凍奶茶少少冰少甜奶茶黎先 估無到真係做到好少冰 平時d茶記叫少少冰結果出黎同少冰的冰量差無幾 飲返啖先 um...奶好似少左d燒味飯上場喇 三寶有燒鴨 燒肉 紅腸紅腸-普通紅腸 無乜特別燒肉-皮係脆ge 肉唔會死鹹 但唔係太有肉味 燒鴨-皮唔太肥 不過不失 鴨有鴨味咁啦 總結 呢個三寶飯唔係出色 下次試埋其他燒味再評

差唔多每個星期六都係佐敦,最鐘意明棧既下午茶,又好坐又平雖然唔起眼但食物都OK下午茶有好多款芝士吞拿魚多士,烘得好脆芝士同吞拿魚溶埋一齊,好味2大件先係$32,價錢合理好正奶醬厚多士,又甜又脆我既至愛,食完唔夠喉,每次我食下午茶既首選

一入到去某似是老細的女職員就指定我坐邊，我們不理他便不高興，不準我坐某個枱，要我和家人屈質喺張滿貨的枱，我們不肯就範，之後又在背後用錯口鬧我，但對某些似老粗的顧客，卻不敢指定他坐邊，睇客嚟蝦，最初幫襯時，客人甚多，連澳洲牛奶公司的職員都嚟，現在生意大不如前，更要在各大厦派傳單，但即使食物是好，服務是差，都不會改善生意，你估自己是澳洲牛奶公司呀？唔憂客，要人坐邊就坐邊咩？以後不會去。

今日有外地朋友係佐敦住酒店，我們一行四個人加一個小孩和一個BB係佐敦(明棧)燒味餐廳，叫服務員攞杯水攞多對筷子，已經甚為不滿。食物味道好一般，無咩特別菜式，等候時間還可以接受，服務態度差到冇人有，只可以說可一不可再。還有一個幾個月大的BB，碰跌個碗已經說了sorry幾次，D服務員好晦氣說叫我好好睇住個BB，好似要佢做好多野咁！我都唔明白今時今日既香港咁樣都仲可以生存到，真係咁既服務態度我真係接受唔到。試過一次永遠都唔會過去。

係九龍公園游完水咁肚餓 去食番個小菜先晚上九點半開始有宵夜時段以佐敦地區來講價錢唔算貴揀咗蠔餅食 跟餐仲有中湯同白飯估唔到個中湯幾好飲 個晚食完完全冇頸渴嘅感覺等左10分鐘到就有得食 超大碟頭仲抵食過深水埗小菜 重點地方環境乾淨好多而且超足料成個蠔餅唔係粉皮而係好多一粒粒蠔肉 表層炸到外脆來源配返個白飯同一罐可樂超滿足

星期五走到公司附近這間多人茶餐廳食飯，以為人多都應該唔差，點知大失所望佢呢度定左星期一至星期五的指定午餐跟熱飲一杯，每日有四至五款，如果唔岩食就只可以散叫。拿破崙豬扒意粉（HK$46)原本無打算特別記低，但食左幾啖開始覺得唔對路，立即影低！所謂拿破崙汁原來只是平時食至的紅汁底，味道濃又偏咸，只係普通意粉再倒汁上去，意粉應該沒有炒底，一Pat Pat連汁咁食落口，口感好差到豬扒就好大塊，但唔明豬扒好似雞咁有皮，再者，豬扒根本醃過龍，咸得好交關，可以用超重口味黎形容就算附送兩片簡單的紅腸都非常之咸！餐叫了好難會唔好飲的熱檸水，檸檬竟然有苦澀味其他同事食其他的都異口同聲叫咸又重口味，難道廚師心情唔好重手左？Anyways, 以為都唔洗旨意我再幫襯

今日6點幾已經食咗晚餐，11點又係時候醫一醫肚，佐敦餐廳多係人都知，但開到咁夜就得返火鍋、放題、大排檔同茶記聽講呢度有好食嘅燒味，見到仲開緊就即刻入去醫肚啦！餐廳座位算多，應有七八十座位叉燒瀨粉$48今日呢份叉燒都算瘦，雖然明知半肥瘦正啲，但本著女孩子怕肥嘅心態，覺得都瘦有瘦好嘅！肉質唔乾所以都淋身，調味適中瀨粉反而係加分位，我最討厭又粗又淋的漱粉，呢碗粉口感有彈牙質地，份量算係夠食。凍檸茶(+$3)正常茶記出品服務方面，無乜交流，不作評分~反正平平地食快餐，適合做飯堂

本來預算到尖沙咀其中一間餐廳食晚飯，可是卻臨時取消，唯有走去佐敦看看有甚麼好食。路經白加士街，有一餐廳吸引著，於是走了入去。明棧是一間有燒味食的茶記，裝修不錯，又幾光猛的。看過餐牌，就略知食甚麼東西了。叉燒煎蛋飯是今晚晚飯，簡簡單單，只有軟腍而略有鬆化的叉燒，兩隻煎蛋。煎蛋乃荷包蛋，但仍有蛋汁在內，可沾在米飯之上一同吃掉。凍奶茶依舊是小甜，擁有茶香和順滑，亦有醇厚的茶味。還記得在跑馬地曾有一食店，賣同一的食物，雖然沒到過那跑馬地的食店，但是現今卻沒有這食店的踪影。

食午餐黎茶餐廳基本上係港人既最常選擇。今日想食清少少，叫左份三色蒸水蛋。賣相都正路，水蛋上面已經淋滿鼔油，呢個三色水蛋係由雞蛋，咸蛋同皮蛋組成，咸蛋同皮蛋粒少少地，數量已經足夠。水蛋黎講就唔算好滑，而且味道普通，唔叫做好味，份量黎講男士係夠飽肚既，整體不過不失。

趁重有半個鐘先上堂 盡快食少少野見到明棧有奶油豬 $20一個 試下先等左5分鐘左右 香噴噴嘅脆豬馬上送到周邊被烤至金黃色 十分香脆中間揸上大量牛油 香味十足加上甜甜唧練奶 更加令我不能自拔 一口接一口👍🏼

本來普通一個早餐, 不算太好或不算太差, 都不打算再講, 但這間炸魚早餐, 真是差得離譜, 食到一半, 都係忍唔住, 影翻幅相, 用來訴說不滿. 尤其是那位收錢阿姐, 我先付款, 準備出門口之際, 先同佢講 "早餐的炸魚有酸味...", 佢表情, 隻咀向上寂一寂, 然後便繼續做自己嘢, 愛理不理的樣子, 真係把火!!炸魚, 無蘸任何沙律醬, 入口有酸味, 所謂的炸野菌, 凍的, 其實除了那件煎蛋之外, 多士也凍的, 午餐肉也是凍的, 其實預先整定無問題, 但出菜前都應該求其整暖一點吧. 見微知著, 這間餐廳的其他食物質素, 可想而知.咖啡反而不差, 夠熱, 又夠啡味, 奶味適中.