Video
1-min walk from Exit D2, Mong Kok MTR Station
continue reading
Opening Hours
Today
14:00 - 22:00
Mon - Sun
14:00 - 22:00
Public Holiday
14:00 - 22:00
Public Holiday Eve
14:00 - 22:00
Above information is for reference only. Please check details with the restaurant.
旺角 📌【 🩷 Miss Tira 】邊個唔想食甜品 0 負擔吖？🩷 Miss Tira 實現 「0 負擔」如同「食極都唔肥」的一大願望。 【 🩷 Miss Tira 】所有的甜品系列，無論蛋糕或貝果，內層夾住的都並不是一般的奶油，而是該店的招牌提拉米蘇，全是 0 卡糖製作，低脂、低膽固醇、健康、0負擔，食甜品即刻冇曬罪惡感 🤭 絕對係我呢個甜品控嘅一大福音 💌【 🩷 Miss Tira 】每件貝果都好吸引，而且仲有造型得意嘅動物公仔，揀咗下列 6 款：🐼 小熊貓豆乳白丸玉子厚醬貝果 $28🐾 貓貓肉墊草莓奶酪燕麥脆脆厚醬貝果$28🐤 港式檸檬茶鴨仔厚醬貝果 $28🍓 草莓厚醬貝果 $32🥇 微醺提拉米蘇麻薯厚醬夾心貝果 💲23🧀️ 焦糖芝士爵茶脆餅厚醬夾心貝果 💲28私 🩷 推介 • 港式檸檬茶鴨仔厚醬貝果估唔到呢個係最有驚喜。貝果面鋪滿檸檬茶味啫哩，相當清新。 而見到造型 cutie 🐤 小外甥都表現得好興奮，有得食有得玩，小朋友就最開心嘞 💙⊹⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊰⊹⊰⊹⊰⊹⊰⊰⊹⊰⊹⊰⊹⊰⊹⊹⊰⊹⊰⊹⊰甜品🧁【 🩷 Miss Tira 】地點 📍 旺角彌敦道688號旺角中心第一座地下G19A號舖#愛吃miniの旺角⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰
continue reading
上年做咗會員買咗佢哋嘅現金券用咗現金券換完個大蛋糕我訂咗 青提冷萃茶提拉米蘇 6吋但係入邊一啲提拉米蘇嘅元素都冇只係cream，生果，同海綿蛋糕但係同平時買切件嘅蛋糕口感味道完全不一樣蛋糕底一啲都唔濕潤，乾爭爭我買俾屋企人做生日蛋糕屋企人第一啖都話唔好食個蛋糕只係一層cream一層生果同一層海綿蛋糕海綿蛋糕真係好乾，口感好差雖然有層茶味嘅cream，但係白色嘅cream係完全冇味又唔甜又冇味難聽啲講，同美心嗰啲唔好味嘅cream差唔多所以建議大家都係買佢嘅切件好啲啲至少佢有濕潤蛋糕底
continue reading
帶咗好多色彩繽紛又好味的tiramisu帶去聖誕party😉同大家開心share 🥳🥳🐻熊仔水果軟糖提拉米蘇呢款Tiramisu換上聖誕裝，加咗聖誕環，多添色彩繽紛熊仔軟糖同糖粒🌈 份外有氣氛🎄聖誕外裝下，是大家都喜歡的水果蛋糕🍐🍎🍇 剛剛好的微甜蛋糕鬆軟得黎又有熊仔糖的煙韌，多重口感😝🎅🏻迪拜開心果巧克力提拉米蘇一整片綠綠的千層絲絲，好似聖誕樹🤣🤣其實係開心果朱古力🍫好香的開心果味，配上香滑柔軟芝士奶凍🧀里面的咖啡香沾上少許酒嘩～ 齒頰留香🤤🤤不禁多食2口🫢🥥椰汁紫米露麻糬提拉米蘇呢款係小編長期棒場的tiramisu 😝上面係2粒眼碌碌的紫糯米波波👀👀 好可愛🥰紫米軟糕面下有軟軟而煙煙韌韌的麻薯，外軟內有嚼口，多層口感加埋滴管內椰汁Um~~ double滿足❤️
continue reading
#happybirthdaytome老公買咗個😻 𝙢𝙞𝙨𝙨 𝙩𝙞𝙧𝙖 1 2月聖誕限定嘅零卡糖聖誕樹戚風蛋糕Tiramisu🎄俾我做今年嘅生日蛋糕🎂 內層tiramisu老公選擇咗我最鍾意嘅士多啤梨🍓口味而且入面有煙煙韌韌嘅麻薯，而且用上我喜歡的紫色和粉紅色雙色設計嘅聖誕樹🎄加上閃閃爍爍嘅金箔做裝飾🎍真係份外名貴💜大愛呀！ 𝙢𝙞𝙨𝙨 𝙩𝙞𝙧𝙖 係香港首家現切提拉米蘇專門店——零卡糖使用，入口不會過甜而且配上鮮果感覺非常清新‼️ #yummy
continue reading
成日經過旺角中心行街，發現原來呢度開左一間Miss Tira。佢地專賣現切Tiramisu，而d口味都幾有特色。最近12月佢地推出左限定口味既蛋糕，賣相都幾得意。［迪拜開心果巧克力提拉米蘇］🇭🇰HKD68表層鋪滿口感酥脆既開心果巧克力，睇落好似草皮地😆，食落口感幾特別。內裡手指餅乾吸收左Baileys 同咖啡酒香氣，又配埋咖啡奶凍粒，口感豐富。［熊仔水果軟糖提拉米蘇］🇭🇰HKD68其實佢係一款水蜜桃草莓口味蛋糕，內裡蛋糕食落係傳統既水果蛋糕🍰，感覺較實在。入面仲放左朱古力脆豆、糖針、熊仔軟糖，色彩繽紛，賣相都幾靚。依家仲會免費送可愛熊仔蠟燭同聖誕🎄草球，夠哂聖誕氣氛。［辛辣麵提拉米蘇 ］🇭🇰HKD68蛋糕竟然加左辛辣粉😂忌廉食落鹹鹹地，帶少少辣。裡面既Tiramisu係傳統手指餅加左Bailey同咖啡酒，而滴管係裝左辛辣麵湯底，加埋落蛋糕都更鹹香！表層辛辣麵用左牛油烤過，口味都幾創新😂。［韓式栗子提拉米蘇］🇭🇰HKD68表頭有一大粒栗子🌰，而內裡係係傳統Tiramisu口味，中間仲夾左低糖栗子粒，幾有口感👍🏻。［青提冷萃茶提拉米蘇］🇭🇰HKD68青提子配冷萃茶食落味道較清新，蛋糕係海綿蛋糕，夾層都放左滿滿青提粒，呢款都唔錯😌。［椰汁紫米露麻薯提拉米蘇］🇭🇰HKD68呢款口味口感好特別，表面用左軟糯香甜紫米夾心。滴管裝左椰汁 🥥，加埋一齊食就更香甜🙂。表頭仲放左兩舊幾可愛既紫糯米。切開中間，原來入面放左麻薯，煙煙韌韌咁，好有口感。
continue reading