星嵐

Open Now

Now Closed

1. 日本滑蛋牛丼丼 $76牛肉份量好多，牛肉都好香好腍，配埋滑蛋，，半生熟蛋非常滑溜，多蛋汁浸透到蛋飯層，味醂既甜同滑溜既蛋加埋圓渾日本米非常好食。🌟 評分: 8/102. 星嵐雞肉咖喱湯鳥冬 $98湯底濃味，系甜咖喱汁，滿滿咖喱汁掛住烏冬一流，烏冬彈牙有咬口，仲好掛汁，而雞肉嫩滑好有雞味，而且一個隔離執做到食完都唔會覺得太膩同埋口渴。🌟 評分: 8/10🎖️整體評分🎖️❤️ 味道: 8/10🧡 環境: 8/10💛 服務: 9/10💙 性價比: 8/10 📍星嵐 (天后)天后清風街1A-1B號美城花園大廈地下KL-3號舖

係公司附近有一間日本料理餐廳叫做星嵐𝗠𝗶𝘀𝘁𝘆𝘀𝘁𝗮𝗿🌟每日既午餐時間都排哂隊，今次我揀左tea time二訪🤤隔左一段時間再黎，食物依然保持質素👍🏻餐牌設計有心思，係有好多既插畫同埋少女字體，門口既設計好似日式小屋咁，平民既價錢而且仿效日本既小店，一律不收加一架✨🫧招牌黃金黑豚豬排丼 $98今次試左招牌黃金黑豚豬排丼，黑豚豬排用煎pan上碟，係即叫即整架💕餐廳貼心咁製作左卡片，仔細介紹最佳食用方法💭一直麻麻地豬扒既我都覺得好食🤤炸豬排係正常厚度，肉質唔好鞋口，炸衣即使淋上蛋汁都無變淋，食落依然脆口🥹🫧星嵐雞肉咖哩湯烏冬 $98朋友揀左個星嵐雞肉咖哩湯烏冬🍜烏冬口感彈牙又有嚼感，湯底濃稠麵條掛汁🌟咖喱既香味又突出，雞肉吸左湯底既精華，好惹味👏🏻星嵐 𝗠𝗶𝘀𝘁𝘆𝘀𝘁𝗮𝗿📍天后清風街1A-1B號美城花園大廈地下KL-3號舖(🚇港鐵天后站A2出口，步行約4分鐘)

在天后街角處有間充滿日式情懐家庭的小店，位置比較隱世但店員非常親民，木系裝修好有九洲和風味道。最值得一提貫徹日本免加一文化，希望顧客可以食到物超所值的食物。店主推介人氣必食的「招牌黑豚豬扒Pan 丼」，食材採用來自福崗，以福崗傳統滑蛋丼烹煮做啟法，滑蛋黑豚豬扒用日本飛鳥鍋上，蛋汁仍然在熱鍋中流動，要趁熱倒入飯上面，厚切豬扒好鬆化完全沒有好厚炸漿，日本米粒粒分明，配合濕潤一齊食口感豐富 ，另外配埋麵豉湯餐，及前菜，好好享受滿足的一餐。

今日經過唔係繁忙時段，見唔算多人，所以食咗個early dinner 。餐廳日本風格裝修，落地玻璃望住維多利亞公園，感覺好relax~!⭐️黃金黑豚豬扒pan 丼⭐️招牌菜式真係冇得輸，用左福岡吉列豬扒蛋嘅煮法，飯同滑蛋吉列豬扒分開上枱，可以食到原汁原味嘅吉列豬扒😍😍😍黑豚豬扒炸到金黃香脆，肉質肥美軟嫩，咬落夠juicy 。厚厚嘅吉列豬扒底有滑嘟嘟嘅半生熟洋蔥炒日本蛋，感覺自己飛咗一轉日本，CP值極高。👍👍👍⭐️星嵐肥牛咖喱湯烏冬⭐️日本嘅咖喱汁裏充斥着洋蔥同埋紅蘿蔔嘅香味，一啲都唔辣。上面放咗香蔥絲，份外加左一點香蔥嘅香氣。香濃嘅咖喱湯汁加上日本烏冬，日本烏冬口感爽滑，加上肥牛脂肪少，牛肉味濃，肉質鮮嫩而不油膩，柔軟可口。

知道呢一間嘢都開咗一段時間，位置上叫做比較唔係人來人往嘅大街。好食評，枕住都會記得，咁啱嗰日真係記得，又係附近，所以特登行出去，滿心期待嘅心情…咁試佢個招牌啦，佢有張卡仔教你個食法，係將成個豬扒連蛋放喺飯上面，點解冇影相呢？因為賣相差，個豬扒炸到深啡色，蛋少，水撈撈，所以冇食前相🙁咁好啦，水到咁樣樣，又點樣放上個飯度啊諗住個樣伏，味道都應該伏。但係又諗起點解咁多好評呢，會唔會都可能好食呢？算吧啦，豬扒唔得，蛋液根本唔夠，所以水撈撈。麵豉湯直程係水咁，我飲完第一啖，回返落去，因為我冇諗過係水一般幾乎無味道，即刻第一下下意識反應，唔好吞落肚咁嘅意思其他幾個朋友嗌嗰啲就算唔係招牌，賣相味道都唔應該係嗰個咁嘅價錢，至少平返二十蚊啦，都冇咁難受，搞到大家都記得唔好再去，其實應該可以做得好啲，點解搞成咁呢？

餐廳：星嵐地點：天后清風街菜式：日本菜地表最強親子丼 $76地表最強親子丼熱辣辣大大碗，材料有好多連皮雞肉，好滑溜，配有冬菇片，洋蔥絲，滑蛋，加上紫菜同蔥花。味道剛好，唔會太鹹，口感好滑溜。地表最強親子丼跟有日本麵豉湯同前菜，前菜係味付螺肉。星嵐肥牛咖喱湯烏冬 $98星嵐肥牛咖喱湯烏冬有8塊肥牛，配菜有洋蔥、蔥絲和金菇。濃郁的日本咖喱湯，分量十足。一樣跟有日本麵豉湯同前菜。小店食物質素可以，價錢唔貴。

趁星期日經過天后黎到一間隱世日式小店食晚飯。睇介紹星嵐受福崗傳統滑蛋丼烹煮做法所啟法，主打各種日式丼飯，仲有鍋物同燒魚定食。黎到呢度必試嘅一定係黃金黑豚豬扒PAN丼，吉列豬扒係即叫即製的，而且每日限量供應，想食到最好早少少到。吉列豬扒放喺軟綿綿嘅滑蛋上面，用一個PAN另上，黑豚豬扒勁厚身又好彈牙。我哋仲試咗日本滑蛋鰻魚丼，鰻魚口感軟滑，調味剛好，唔會搶晒整碗丼飯嘅味道。簡單得黎有層次。丼飯嘅調味好正宗日本嘅感覺。

在香港都能體驗日本文化！餐廳走日式街頭風格，裝潢簡單自然，仲有好多日式擺設，及好多玩具俾客人玩最破格是～日本免收加一小費的文化！ 招牌黃金黑豚豬扒PAN丼 $98小店主打飯丼！ 每日限定！ 人氣之選！這款日本滑蛋丼，與別不同！ 滑蛋豬扒是放在熱騰騰🔥的日本飛鳥鍋上，雞蛋仲好流動🌊要快啲再倒入飯上面，蛋汁就會流入飯中，令飽滿嘅飯更滑溜😋 豬扒炸至金黃色，外層酥脆，豬扒軟腍多汁，口感好豐富。星嵐肥牛咖喱湯烏冬 $98烏冬上佈滿肥牛，份量十足，肥牛半脂半肉，牛肉味濃郁又嫩滑，咖喱汁濃稠帶甜，沾滿每條口感嘅Q彈烏冬😌

天后不嬲都有好多隱世嘅小餐廳值得推薦. 今日又試咗間唔錯既日式小店-星嵐. 係間專門食豬扒蛋丼飯嘅專門店.黃金黑豚豬扒Pan丼呢個Pan丼每日限量供應, 雖丼飯仲包左麵豉湯/前菜. 要自己人手將豬扒同蛋漿由鐵Pan倒落飯入邊, 影相打卡效果唔錯. 炸豬扒酥脆中混合咗蛋漿帶一半軟腍, 據餐廳介紹係福岡嘅特色煮法. 珍珠米配上香濃嫩滑嘅蛋漿由係另一層口感, 果然值得一試👍🏻日式秋葵冷烏冬係星嵐嘅季節性麵食, 天氣炎熱絕對值得一試! 清新嘅冷烏冬配上秋葵,口感特別. 另外冷面湯汁酸酸甜甜,仲帶有輕微柚子同芝麻香氣,令人食慾俱增🤤星嵐價錢親民, 幾款丼飯定食都不過百元！ 絕對得上係高CP值🤗

今次嚟到天后搵食 呢間餐廳嘅主打係日式丼飯🍱而家飲食業冰河時代竟然咁高人氣全院滿座試吓佢咩咁吸引先👀==============================𝐅𝐨𝐨𝐝 𝐋𝐢𝐬𝐭📌🍱超人氣地表最強親子丼+日本麵豉湯+前菜最欣賞丼飯上面個滑蛋 嫩滑蛋汁 撈飯係一流 好直到可以添飯嗰種 包住肉質嫩滑嘅雞肉 每啖都食到有洋蔥 非常正宗嘅日本傳統滑蛋飯🍳🍛星嵐肥牛咖喱湯烏冬+日本麵豉湯+前菜咖喱唔辣 小朋友都食得 烏冬細滑 掛滿咖喱汁 份量超多 前菜係青瓜絲海蜇🥰==============================一試難忘 無論食物質素 環境以至服務都不負所望 完全沒有扣分位💯

今日帶埋🐧🐧 朋友仔，黎到依間位於天后，裝修雅緻嘅日本菜餐廳😋 一入去就俾佢無處不在嘅雞仔裝飾吸引住🤣 牆上嘅雞仔情景圖真係好有意思🤭 一場黎到，梗係要試下佢哋嘅特色pan 丼飯❤️ 㨂咗佢哋招牌嘅黃金黑豚豬扒pan 丼🥰 豬扒新鮮炸起，超級香噴噴😍🤤 表面淋滿美味嘅滑蛋汁🤤 伴隨潵滿飯素嘅珍珠米飯一齊食，真係勁滿足😋 🐧❣️ 餐廳特地製作卡片，仔細介紹pan 丼嘅最佳食用方法😍 真係好有心❤️ 🐧🐧 朋友仔就㨂咗個星嵐肥牛咖喱湯烏冬🐮 烏冬湯底質地成濃稠，食落咖喱嘅香味好出眾，充滿著經典嘅日式咖喱滋味😋 烏冬超級彈牙有嚼感，唔會太軟太爛😋 肥牛吸納了咖喱湯底嘅精華🤩 又濃郁又惹味，真係好高質❣️

一間主打福崗日式丼飯既小店~😋係香港好小見既餐廳~就係星嵐✨一入到去裝修好日式，俾人感覺好舒服🇯🇵仲有以木製傢俬為主佢哋個Menu寫左用福岡傳統滑蛋丼烹煮法仲採用日本產米，同埋嚴選食材🤩店員話佢哋用返福岡烹調做法食落去會比較濕潤啲~鍾意食日式丼飯既朋友千祈唔好錯過依間小店😉除咗福岡日式丼飯，仲有極上烏冬系列滿足晒鍾意食飯同埋烏冬嘅朋友😋⭐️值得一提: 星嵐貫徹日本免收小費文化免加一同埋冇小費😍😋 日本滑蛋鰻魚丼 $98日本滑蛋好香，入仲有洋蔥🧅同香菇鰻魚好厚身🤩份量好多，食落去好香～😋 星嵐雞肉咖哩湯烏冬 $98日式咖哩🍛比較甜～容易入口入面有好多雞肉，有洋蔥同紅蘿蔔😍加埋烏冬索哂d咖哩汁～好惹味🤤

-星嵐🍽️-黃金黑豚豬扒Pan丼 $98呢個Pan丼每日限量食唔食到就靠運氣喇🤣本身每個餐都包左麵豉湯/前菜係銅鑼灣地段$100都唔洗真係好親民🥹Pan丼非常威成大個煎丼傻你自己倒落飯度食打卡影相一流📸😌豬排雖然浸左係蛋汁度但炸粉食落口感唔會好似漿糊咁👍個滑蛋仲要係超滑加埋飯素飯真係食唔停口😋-星嵐肥牛咖哩湯烏冬 $98唔好睇間鋪細細間佢除左丼飯其實仲有好多唔同野食例如湯烏冬/壽喜燒/鍋物等等😍平時去日本都好鐘意食咖哩🍛呢個咖哩烏冬建議大家都加芝士🧀！烏冬好掛汁加埋芝士勁好味😋連入面既紅蘿蔔都連汁清哂🤣-🌟評分:🏅🏅🏅🏅🏅📍地址: 天后清風街1A-1B號美城花園大廈地下KL-3號舖-

今次想介紹間好有心思嘅天后小店比大家，相信大家去日本都食過吉列豬扒丼飯，店主好有心機咁樣將起福岡食到呢個飯嘅感覺呈現比大家，不論係食物嘅質素、環境、用餐體驗，同店主傾計，知道佢細心到將食具器皿等等都喺日本帶番黎。知道佢哋嚟緊仲會有新產品，大家都可以留意吓黃金黑豚豬扒Pan丼 $98我諗嚟呢度嘅每一個人都係想食呢個，佢最特別係連埋成個鐵pan上，等你影完相再倒落個飯度慢慢食，為咗營造一個超級滑蛋嘅感覺，偏向多汁水潤。不過最難得係個炸豬扒，炸到金黃鬆化，放喺滑溜蛋汁上面都唔會變腍星嵐雞肉咖喱湯烏冬 $$98重口味人士之選！ ！嫌親子丼太清淡嘅朋友仔，一定要試呢個烏冬，烏冬扁而淋身，係超級掛到個湯，連埋啲咖喱，濃到似醬汁多過似個湯，勁惹味

今日喺維園打完波, 同朋友去咗出名多嘢食嘅天后覓食我哋今次就揀咗呢間出名食吉列滑蛋豬扒飯嘅休閒和食<黃金黑豚豬扒Pan丼>同一般嘅滑蛋豬扒丼好唔同, 飯餸係分開上嘅滑蛋豬扒用Pan上, 等客人想食嘅時候先跣落去個飯度, 好食又好玩米飯保持粒粒分明嘅同時, 炸豬扒依然脆卜卜黃金黑豚豬扒非常厚切, 炸粉嘅厚度都啱啱好, 配搭濕潤而且甜甜地嘅滑蛋, 送飯食一流<星嵐雞肉咖喱湯烏冬>雞肉咖喱湯烏冬味道濃郁, 又唔會太heavy, 烏冬彈牙, 雞肉嫩滑餐廳裏面仲有唔少可愛嘅裝飾同玩具, 非常推介大家嚟呢間溫馨嘅小店