Video
Opening Hours
Today
07:30 - 20:30
Mon - Sun
07:30 - 20:30
*Last Order: 20:00
Above information is for reference only. Please check details with the restaurant.
居然第一次食米線陣，平時想食米線都係去譚，咁金鐘廊無咩選擇，見到米線陣menu竟然有我最鍾意嘅擔擔湯底，即刻去試下，估唔到連鎖質素都幾高。擔擔湯底夠香，麻香味花生味都夠，湯底比我想像中辣，不過個名叫大汗豬排擔擔米線，做到佢個名嘅效果。豬排份量足，有幾大塊，厚肉，唔會淨係得炸粉，炸得香脆，面頭仲有啲辣粉。overall係幾驚喜，會想再食。
continue reading
下午茶時間去幫襯貪佢無咁多人，打算可以快啲食完返去做野。今次叫咗：麻辣番茄湯嫩雞豆卜米線 (辣)配-凍檸蜜加小食-香辣花甲木耳（辣）+$10單點-大汗豬扒（辣）+$25麻辣番茄湯嫩雞豆卜米線 7.5/10這碗米線的湯底結合了麻辣與番茄的雙重風味，沒三小辣的程度，不嗆、反而配合番茄的酸甜則恰好令到湯頭有層次但偏甜。嫩雞是用上雞腿，所以能稱得上嫩滑，不過偏多碎骨，跟湯底不太搭。豆卜吸滿湯汁，一口咬下去，汁液濃郁而香辣，讓人欲罷不能，很搭無得輸。凍檸蜜 6/10本來是一個非常適合搭配麻辣菜品的選擇，但不知道為何帶點微苦、有點怪，是菜蜜的問題嗎？香辣花甲木耳 N/A小食但吃完所有食物都還沒來，中間找了店員去催，但就是沒來，所以最後已經來的都吃完了便取消這項目，感覺店員及廚房在下午茶時段會突然傭懶唔憂做。大汗豬扒（辣） 4/10幾年前在同一層的舊位置（大概KFC個位)幫襯米線陣幾乎必點，但新位置不知道換了廚，越賣越差，炸粉唔均勻，風沙底量少而黏唔到塊豬扒，算了、下次不會再點了……整體而言，當大汗豬扒劣質到一個點既時候，譚仔會好過佢。
continue reading
2024-12-6 下午四點十五分至三十分左右 金鐘海富店職員因為要拖地 唔俾客人想坐個啲位置 而當時想坐的位置旁邊兩枱均坐了其他客人同埋該座位區域沒有封鎖 仲要大聲呼喝 搞到其他食客望住我 我好似做咗賊咁 可能我阻住佢收工啦 或者貴店賺夠了 要趕客走唔做生意 所以我成全你地嘅職員 寧願餓住肚都唔食了 之前都有幫襯過 平時都係快食快走 都已經冇乜特別要求 估唔到我第一個食評係俾貴店 仲要係劣評🤬🤬🤬另外我想請問點解另外兩枱客人可以坐或繼續坐 而我就不能？真係趕客 以後唔會再幫襯
continue reading
一位黑衫服務員扮見唔到，一位就回覆求其回應我用手機點左兩個相同走芽菜米線，一個先到而走左芽菜，而一個之後到沒有走芽菜，我當然找服務員，有一黑衫見到但扮見唔到，然後我叫另一個，我同佢講左個情況，佢竟然冇禮貌同我講比個碗我攞起d芽菜，然後比個碗後走左，完全冇打算道歉或其他解決方案😾😾😾
continue reading
自己喜歡食米線，外出用餐時，都時常選擇食米線。是日平日，晚餐時段都幾乎滿坐。看看餐牌，有新出品嘅米線，於是試吓。🍜自由配搭冬菇，午餐肉，蕃茄湯底兩餸嘅自由配搭，冬菇腍，厚切嘅午餐肉係吸引嘅，蕃茄湯味濃。🍜自由配搭豬軟骨，擔擔麵湯底豬軟骨滲出淡淡又陣陣嘅黑醋味，肉質軟化唔韌，好味，擔擔麵湯底濃得來開胃，有爽口嘅炸菜，口感豐富。🍜胡椒花甲豬肚雞米線胡椒味淡，豬肚，雞肉都唔算有味，有啲失望。🍜擔擔麵配大汗豬扒大汗豬扒肉質外脆內軟，幾乎每次都必點嘅食物。與家人食米線次數甚多，亦都珍惜當下嘅時刻。
continue reading