水木日本料理 (Moved) New Location

以前都嚟過食幾次都幾好，今日初四開工諗住食好啲就嚟呢到，點知失望唔單止，仲好嬲。服務唔講啦，初四人多服務唔到我理解，但係我叫咗個碎魚生飯食，嚟到睇到真係忍唔住講咗句粗口。188蚊，見到d蟹柳碎已經o咗咀，然後再望真的，除咗個一細份海膽，其他個d料，三文魚碎加埋都唔知有無5粒，吞拿魚就用最cheap個d，爭鮮都靚過佢，其他大部分係章紅魚，蛋同青瓜粒。認真，我求其去間偽日本料理叫碗角切都靚過呢碗嘢。我同事個壽司刺身set仲離譜(好後悔無影相)，完全圖文不附到一個點，帶子刺身無咗，比d唔太靚嘅魚換咗，2件軍艦都變咗半份軍艦，加2件cheap到爆嘅吞拿魚三文魚壽司，total，4件壽司仔加8塊刺身(我記得無靚嘢)，睇到實物真係孤寒到你唔信，咁就228。我前幾次嚟真係唔係咁，點解而家會可以惡劣成咁？真係當人係水魚咁嚟呃，好差。

第二次去食，主要貪佢冇乜人可以靜靜地傾計。我哋兩個人坐低點左壽司、汁煮東風螺，鱈魚乾、銀鱈魚同埋少少刺身。坦白講嘢食係可接受，壽司刺身都唔錯，銀鱈魚係最好食，但個汁煮東風螺就咸到我哋要叫師傅重新整過。但是可怕係食食下見到隻勁大曱甴由幢牆上面爬落嚟，仲差啲爬咗入我朋友個手袋。我本人係唔怕曱甴嘅，但我朋友就嚇到大叫。老闆行過嚟，二話不說徒手拍落隻曱甴度，呢下我就驚起上嚟啦。話你拍完有冇消毒洗手整嘢食㗎！！！老闆解釋係樓下酒吧引左好多曱甴嚟，但呢下都已經嚇到我朋友想嘔，我哋野都未食完就即刻走咗了。埋單差不多$1100，搞成咁老細少少discount都冇俾。咁我都冇多問啦，你俾啲優惠券我唔通我下次又來咩。清潔同衛生真係對食肆來講係最重要㗎！

有同事想慶祝升職，所以預訂左八個位。餐廳環境唔錯，八人枱安排左係一間房，所以我地傾偈都好方便。餐廳有lunch set menu ，set 種類都幾多，魚生定熟食定食都有。我叫左個燒銀雪魚定食。佢前菜有沙律，蒸蛋和腌菜。個蒸蛋好食，蛋無老亦都有味。至於個銀雪魚本身都唔差，不過個汁就甜左少少。個餐份量係足夠。同事叫左滑蛋豬扒飯就好一般，無驚喜。反而有同事叫在個限量set , 有齊天婦羅，銀雪魚同魚生。雖然個價錢係貴啲，但如果整體黎講反而仲抵食。慶祝食呢度係唔錯

経「食家」上司極力推薦下，雖然路途稍遙遠，但她誠意拳拳的相伴...餐廳很小型，枱與枱之間很近，人客很多，幸好訂了位...揀選午餐 - 和牛定食先上沙律，菜新鮮爽脆，沙律汁好味道，兩者好夾蒸旦，很嫩滑可口主菜 - 和牛份量不少，入囗即溶，甘香肥美...意想不到甘好味呀薯蓉，夠香，冇肥膩感覺麵豉湯，不咸，夠熱，飲落好順喉甜品 - 紅桑子布甸，非常可囗非常満足的一餐

今日一大班同事約埋出街食午餐，左諗右諗都唔知食乜，最後由我决定食日本菜，揾咗一輪就訂位。由於我們9個人，就安排咗人坐入房，所以都好幽静，但稍嫌冷氣不足要加風扇。點餐後，食物逐一上枱所有食物都好好味

本人其實都係灣仔區工作有好幾年時間但一直都留意唔到位於萬利大廈二樓嘅水木早前上網搵下公司附近有咩日本餐廳最後選擇試一試水木點左自選三款迷你飯雜錦切粒魚生飯, 蔥吞拿魚飯 + 天婦羅套餐包沙律, 前菜, 茶碗蒸, 甜品沙律嘅蔬菜新鮮加埋微酸沙律醋好開胃前菜係海哲, 好爽同好香麻油味茶碗蒸好香鰹魚味, 下面有蟹棒, 魚糕同蝦好香好滑~主菜終於到忘記左影友人碗燒肉丼, 佢碗燒肉丼夠哂份量雜錦切粒魚生飯, 有三文魚, 鯛魚, 八爪魚, 蟹籽, 蛋粒同青瓜粒蔥吞拿魚蓉飯, 魚生非常新鮮吞拿魚蓉帶有魚油香加埋蔥好配由於魚生夠新鮮, 其實唔駛點加豉油或生磨Wasabi天婦羅脆漿夠薄, 天婦羅有蕃薯, 青椒, 粟米仔同蝦所有蔬菜都好鮮甜, 一向抗拒粟米仔嘅我都覺得好好味最後甜品係抹茶奶凍, 好濃抹茶味唔會太甜仲要好好好滑! 真係好想再Encore 

之前試過dinner 好滿意今日帶老公慶生 點知無人招呼 茶都沒有refill店員完全沒有表情 無service可言叫極人都唔得閒招呼我地壽司超細粒仲散開 勁嬲呀本來想再點菜 怕左唔夠飽都走了No next time

餐廳晚飯時間都幾多人，大家最好book位啦！不過咁都證明好食先滿人 哈哈😄餐廳裝潢十分雅緻，微暗既黃燈下十分有情調!叫完野食，侍應比左個前菜仔我地咬住先，有牛蒡絲，生八爪魚粒、同山藥，我就食唔停口個山藥啦，帶點芥末味，好滋味！日本蕃茄沙律, 我其實唔太好生蕃茄既人，不過呢個蕃茄令我中意左蕃茄😂 超級鮮甜，同港產既極大分別，只有好微既蕃茄酸，蔬菜亦十分新鮮，十分不錯呢串燒拼盤, 串燒拼盤都好大盤，而我最中意食既係雞軟骨串，調味非常夠味，雞軟骨燒得剛好 唔乾仲有肉汁！免治雞肉串燒, 雞脾肉有彈性又肉嫩多汁, 口感非常, 手羽串燒, 口感類似有脆度的雞皮，不過更有嚼勁且酥香不油膩，讓人吃完會迷戀的美味

放假，朋友去左灣仔比賽；比賽完之後我地兩個人見餓就周圍搵野食。經上網搵搵發現一間叫水木日本料理，是日本菜的。餐廳不算好大，但也坐得好舒服的；佈置充滿了日本式的風格啊！水上極上丼 $268：作為刺身控，當然不少得刺身丼。這個水上極上丼當中包括有多類不同種類既刺身，例如：海膽、甜蝦、油甘魚、吞拿魚、八爪魚、帆立貝、三文魚籽等等。。。一聽到甘多刺身就覺得一個價錢可以食就甘多刺身，真的不錯啊！我最愛既海膽完全沒帶腥臭既味道，而是香而甘，入口即溶。甜蝦鮮甜無比，帶點點爽口。油甘魚十分之香口，食落充滿了魚油香口味道啊！吞拿魚佈滿左整個丼飯之上，令我食一啖飯就有一啖吞拿魚，果然好正啊！帆立貝同樣地鮮味啊！另外，可加錢有濃郁味噌湯。

難得放假出咗去銅鑼灣同個friend食lunch， 佢話要請客豪番一次畀我， 我話老朋友冇計啦最緊要有好嘢食。 餐廳喺譚臣道近修頓球場的樓上舖。 餐廳氣氛優雅寧靜， 木式裝潢 突顯和式嘅味道。 近窗邊還有VIP 房間隔方便傾密偈或重要會議。 中午嘅set lunch都有幾多選擇。水木弁當$290由於每日限售10 set，非常期待。店員介紹此套餐有三層， 有熟食有刺身。  先來的是味噌湯。 夠熱唔會過鹹。前菜係沙律， 沙律菜爽脆， 沙律汁大少少酸， 很開胃。丼上檯嘅時候就好似一個倒轉嘅金字塔不過唔係尖底。先吃上層， 係雜錦天婦羅和刺身。 有蝦 青色椒，番薯。 炸醬比較厚， 不過材料吃出鮮味。 天婦羅蝦尤其鮮甜。刺身包括 厚厚的三文魚， 肥美鮮甜。 新鮮的赤貝甜度亦毫不遜色， 很爽甜又冇腥味。同時间叫了一些串燒， 款款都即烤美味， 尤其日本豬腩肉， 肥瘦相間， 肥肉部份油份已被迫出， 又爽又彈， 醃得入味。 雞腎也 醃製得入味又唔會太乾。 套餐少不了的茶碗蒸， 蒸蛋又滑又香， 菇絲蝦肉同蒸， 特別豐富美味。第二層是燒青魚， 感覺比較普通， 魚肉較亁， 但附設的醬油可帶出魚的鮮味。最底層就

山藥有輕微的wasabi 味，有薄膜黏液在上面，黏黏地口感又好爽，爽中有少少汁液，特別清新。牛蒡甘甘甜甜又爽口，有香濃的芝麻在面，更添香氣。茶碗蒸蛋蛋好滑，好香，濃濃滿滿的黑松露醬，再夾雜住雞肉同蟹柳，口感豐富。柚子醋沙律有羅馬生菜、蕃茄本身已醃到甜甜，重好juicy，柚子味少少酸非常開胃。免治雞肉棒外層焦香，內裡唔乾，滿滿肉汁，棒上的日式燒汁， 甜甜地，將鮮味提升，更具風味！燒雞腎入口爽脆，內裡唔乾，送酒食一流！燒豬肉咬落juicy，肉質鬆軟，豬肉的脂香領到整體味道更上一層樓。綠茶奶凍綠茶的比例較多，綠茶味濃，好滑，用鐵匙輕輕筆起，已感到非常細滑。

約咗客兼老友記食飯，想靜少少較為高檔的餐廳不過都有budget限制 。同事介紹灣仔譚臣道有間樓上日式料理唔錯。 入到裏面果然裝修雅緻， 仲有不少lunch set可供選擇唔洗頭痛單點叫咩食。蒲燒鰻魚飯$178 好耐冇食鰻魚飯， 食物圖畫好似好美味。 先來味噌湯， 濃得來有麵豉香。 有滑滑豆腐粒和小香菇。沙律菜也很爽脆， 開胃前菜好緊要。前菜仲有爽脆嘅海蜇 同醃蘿蔔， 同樣美味。鰻魚煮得比較腍身， 但外皮烤得香口， 肉質肥美度超高， 魚油豐盛， 啖啖滿足， 鰻魚醬汁有層次， 唔會偏咸， 趁個飯仲熱快快下隻生雞蛋， 再蓋上飯蓋焗一會。 打開時聞到陣陣鰻魚飯香， 和蛋汁一同拌勻， 味道層次進一步提升， 飯香蛋香和鰻魚肉融會一起， 令人回味。 我們還點了一些串燒。 雞翼外皮烤得香脆， 雞肉無被烤得太乾。 簡單用鹽 便能顯出其鮮味。茶碗蒸， 蛋味香濃幼滑， 隻茶碗 size唔細喎!跟餐飲品選了可樂， 冰凍解渴。套餐還包括甜品， 芝麻雪糕少少甜， 勁解暑!餐廳環境唔算擠迫， 唔算太嘈，可以靜靜地傾下偈 嘅好地方。

今次來到隱身於灣仔舊式大廈的日本料理店。餐廳職員會推介時令菜式，仲會幫你配埋合適的酒。食材選料認真，食物出品有質素，廚師認真，服務友善，絕對是物有所值。 酒盜芝士 香港唔係好多地方有得食。酒盜獨特的鹹鮮味道加芝士餅香脆可口，絕配。雞泡魚乾 烤軟的雞泡魚乾油脂清香，佐酒一流。枝豆毫不起眼的外貌，但就係有種獨特的吸引力，令人食唔停口。北海道薯仔沙律薯蓉香軟綿密。好開胃的前菜，仲有點住家feel。東星斑天婦羅將東星斑起肉加上粉漿生炸，原條魚上碟，唔止賣相滿分，食落香脆，肉質結實味道鮮甜，連魚骨都炸到脆卜卜，真係連骨都食埋。吞拿魚蓉飯吞拿魚蓉肥美，入口即溶，配香綿軟糯的日本米一流。京都抹茶布丁甘香的抹茶🍵味，在口中久久不散。質地介乎於啫喱與慕絲之間，入口順滑。

今日同同事食farewell lunch, 如果唔係有另一同事提起, 都唔知原來水木日本料理搬左去比較入既商廈入面。係Openrice上見到唔少dinner既comment, 原來每日12點開始至2:30都有lunch-set供應~Lunch-set平均二百蚊左右, 雖然價錢偏貴, 但每個set都幾豐富, 包括前菜沙律、主食、茶壺蒸, 整個份量對於lunch黎講係幾豐盛。每個lunch set既前菜: 沙律中既醋稍為加重手左少少, 有d過酸主食【自選三款迷你飯】HK$198我就揀左雜錦魚生飯、蔥吞拿魚腩飯、天婦羅天婦羅: 即叫即炸, 包括有青椒、蝦、南瓜、蕃薯炸皮表面唔會太油, 而且很薄、極為鬆化, 蝦肉很爽口,  南瓜同埋蕃薯都幾清甜兩個迷你飯既飯量雖少, 但材料幾足, 岩哂我地d唔太好飯又怕肥既OL食雜錦魚生飯: 刺身包括有三文魚、赤蝦、八爪魚, 加上唔少蟹籽, 令口感層次更為豐富蔥吞拿魚腩飯: 吞拿魚腩份量比例很多, 吞拿魚蓉有淡淡既魚油, 加上少少香蔥, 啖啖既吞拿魚比飯量更多, 很滿足!而同事就揀左【吉列黑豚定食】HK$178豚肉SIZE有如手掌般大, 沾上炸漿炸, 外皮鬆脆

灣仔向來多好野食，今日去完動漫節就順便係灣仔食埋飯，醒起上次朋友同我講修頓前面有間好唔錯既日本餐廳，行左咁多路, 要食番D PROTEIN補一補, 黑松露蒸蛋, 一打開已經聞到好香既黑松露味，蛋非常滑嫩，感覺一食落口已經滑左入喉嚨👍🏻 燒魚鮫炙燒過後魚肉更香口,烤好的魚肉入味鮮甜。最後想食面就叫左碗麵，呢種麵係我第一次食，好有咬口，清湯感覺好特別，望落無乜調味，但食落又唔覺，好快就清哂！好好味是日甜品係紅豆抹茶奶凍，個奶凍十分柔滑！！有驚喜到我，又唔會死甜，食到奶香同濃濃既抹茶味！呢度既食物又新鮮又好味，下次絕對會同朋友再黎