摩登士丹里

Open Now

Now Closed

聽聞屯門龍門居的夜市好正，果度間〈摩登史丹理〉又好評如潮，我就走來試下，其實我係為左吃芋圓而來。佢開4:30pm, 我就4:25pm 企定定等佢開門。我叫左個「有得揀芋圓系列」，揀左凍豆腐花底+仙草、紅豆及小丸子(已包一份三色芋圓)($32)，等左幾分鐘就拎得。豆腐花及其他配料用一個盒裝，芋圓就用另一個盒分開放，好細心。另外再買左一杯黑糖珍珠小芋圓牛乳($34)，滿足我呢個芋圓控的慾望。碗甜品好得，超大碗，D芋圓超大粒，仲每粒都有味，好容易分辨到自己食緊咩味的芋圓。個豆腐花底好滑，最欣賞佢D仙草係一大塊，真係台灣果D仙草，而不是俾D港式粒粒涼粉你。我衰，我見到碗甜品失晒控，明知要食晚飯都唔理，食左甜品先講。結果，食完碗野已飽到上心口，食唔落晚飯了。所以我奉勸各位唔好學我，同埋最好揾人share，因為真係好大碗。晏D再飲埋杯黑糖珍珠小芋圓牛乳，感覺上杯野D芋圓係細粒過果碗甜品D芋圓，可能係因為要放得入飲管啜，但也不失其好味道，一樣咁正! 好味過果D要排長龍既舖頭多多聲！下次再來！

飲品及甜品種類繁多， 價錢平宜，大眾平民首選的臺式飲料。喜歡飲它的黑糖珍珠小芋圓牛乳， 小芋圓+珍珠好煙韌，可配奶綠茶/奶烏龍。甜品臺灣芋圓紫薯仙草，紫薯既粉嫩滑，芋圓有咬勁。推介王牌的D24榴槤, 可配涼粉/豆腐花/紫米露/紅豆沙/仙草, 還有傳統中式糖水, 喜歡吃它的腐竹雞蛋糖水，薑汁湯丸。還有懷舊菠蘿冰，清香菠蘿味。值得一試再試。

龍門居係屯門食宵夜都幾出名而我就最鍾意食呢間既芋圓系列糖水選擇多又可以自行配搭今次食返最常食既紫薯2號紫薯2號(凍)個底係仙草凍 有一球紫薯泥&紫薯芋圓之前試過食熱 芋圓變得好腍所以都係食返凍好D芋圓好煙韌 食到入面仲包住芋泥紫薯泥都幾大球成碗份量都唔少 食完真係勁飽建議兩個人SHARE怕肥就走咗花奶 但就咁食好似好淡味於是自己係屋企加少少鮮奶落去健康得黎又好味如果屋企冇鮮奶又唔想專登買盒奶有3.6牛乳系列既芋圓可以選價錢實惠而且又真材實料大大碗先$30食芋圓糖水的話呢間真係唔錯

食到飽飽地，見到佢有珍珠奶茶就一於買杯。一路等既時候都見到5少學生會買一碗碗甜品走，不過我就已經食得太飽所以無買。但見到佢介紹同相就真係好吸引，希望有機會試。珍珠奶茶飲左啖之後，茶底就飲港式奶茶，珍珠就應該係太耐，淋得就尼變糊啦，雖然我自己偏向鐘意淋珍珠，但尼個程度就多左啦，感覺好似煮過左龍咁，雖然佢主打係賣芋圓，但我覺得既然出得台式飲品，最少珍珠都應該要有基本水平，茶底反而真係有5同都5緊要。希望只係咁岩尼輪珍珠係咁啦，如果5係可想而知煲珍珠放左幾耐.......

本身係隔離鋪買左串燒, 等緊既時候俾佢menu上既芋圓吸引左, 就叫左一個外賣。menu上有太多選擇令人花多眼亂, 所以直接叫左最喜愛top 1 - 牛乳3號。呢間鋪個名好有創意, 中英文名都明顯有花心思諗過, 值得一讚。落單時店員表示可以揀冷/熱, 因為自己食芋圓鐘意比較有咬口, 熱既話怕d芋圓會太淋, 所以天氣咁凍都係揀左凍。等左大約10分鐘就有, 芋圓同牛乳係分開兩個兜裝。食左一半先記得影下d芋圓。碗野$43真係唔算平, 但芋圓出奇地好食, 質感煙韌, 配埋口感相對較淋既小丸子同珍珠剛剛好。呢碗野絕對有驚喜。

我係住係將軍澳的，有朋友住係屯門，成日係度講話龍門居有條小食街好多好野食，今日星期六就同老公渣車遠征龍門居食宵夜我一向都好鐘意食芋圓，所以見到依間台式小店就比佢吸引左佢個店名都好攪笑，唔知老闆係咪就係依間公司出黎架呢依間店有好多芋圓既選擇，最無死梗無簡Top 1, 就係牛乳3 號喇～ 叫左凍既，因為之前係其他店食熱既，珍珠同芋圓有機會會煮得爛等左10 分鐘左右先有，其實無咩人等緊唔知點解要等甘耐原來依度芋圓係分開裝，甘就唔會有我頭先講會煮得爛既問題，好細心！早知就叫熱啦因為只得外賣，所以只好拎返上車食。芋圓份量好多又大粒又煙韌！係我食過最好味既芋圓如果佢可以係其他地方開分店，又有得堂食就好喇！好期待你地開分店呀！

最近香港多左好多地方賣芋圓，但暫時食過最好食既就係呢間。紫薯芋圓好夠紫薯味，好有咬口好好味。加埋好夠滑好有豆味既豆腐花，兩樣野好夾。同埋d飲品都好正，最鐘意係細路仔鴛鴦！

最鍾意飲佢嘅細路仔鴛鴦 係柯華田溝好立克 其他地方飲唔到 試過自己沖 個比例都冇佢咁啱 兩種味道融合一齊唔會某一隻太濃味 另外佢嘅芋圓同其他配料都好新鮮 尤其是番薯圓 可以加珍珠同埋夜果兩個配料都好甜🤤

龍門居小食街呢排越嚟越出名，好多唔係住喺屯門嘅人都特登揸車入嚟食嘢住係呢到真係好幸福啊！我住得係附近就當然係龍門小食街大大小小嘅鋪頭嘅常客啦其中我最鍾意嘅珍珠奶茶店就係呢間摩登士丹里啦佢嘅鋪頭裝飾得好有香港嘅風味，仲有好多款港式飲品比我地揀，例如紅豆冰、鴛鴦、奶茶等等，我一如以往叫咗最鍾意嘅珍珠奶茶，佢有得比你揀要台式奶茶定士丹里奶茶，即係港式奶茶，滿足唔同人嘅需要，非常貼心啊！除咗飲品之外，仲有好多款糖水揀，總括來講係一間好高質嘅糖水店

男小編終於考完試，可以陪我輕輕鬆鬆去拍拖食嘢😍本來打算食熱狗，點知已經閂咗門😢平時掃街都會去呢度買嘢飲，今次就試下佢地嘅芋圓啦😆款式有好多咖，有紅豆沙、仙草、豆腐花、薑汁同榴槤等等嘅配撘😚#牛乳3號 ($42)😋好味指數：(7/10)·澳洲3.6牛乳·三色芋圓 (雙份)·小丸子·珍珠冇晒地瓜圓，所以比多啲芋圓同紫薯圓我😭其實份量都幾多🤔食落去都幾Q彈😙係呢到形容唔到味道比大家知，因為牛乳太甜喇，遮咗咗芋圓同紫薯園既味道☹珍珠都幾有咬口，小丸子就比較偏淋帶點煙靭😚如果下次再嚟食應該會揀其他口味😆咁就可以試真啲芋圓嘅味道啦😙.⭐溫馨小提示📌係做外賣，冇得堂食咖😚

龍門居出名多掃街小食今天就來到這間「士丹利」試試近來人氣大熱的台灣甜品：芋圓可能時間尚早，購買的人不算多，等侯時間只需約5分鐘。圖中為自選芋圓組合，完全適合心大心細的人士我選了豆腐花作為底，再選3樣配料：蘆薈、仙草、芒果魔豆（一吃，恍然大悟，原來即是芒果爆珠）。豆腐花頗滑，浸在這碗糖水裡已有一定甜度，不用刻意再加黃糖。3項配料中，以芒果魔豆最吸引。咬的時候既有口感之餘，亦有很香芒果味。主角芋圓也很煙韌。但略賺味道太淡，被糖水浸過後，不太吃得出芋圓和地瓜圓的不同味道。最後，我特意為這個黃糖拍了一張照片。事關本人和朋友拿了食品後就調頭走，突然被一位小妹妹叫停。原來她忘記給我黃糖，於是由街尾追到街頭。雖然到最後，我沒有下黃糖送豆腐花。但她的服務態度實在值得表揚一下

芋圓1號🥣Hkd 27Rating🌕🌑🌑🌑🌑-大家一定要拉去第二福圖睇！！！！！！🔥🔥 睇下個分別幾大🤮 張圖明明係超級足料 啲料多到就瀉咁 但真實食個陣就變到咁 感覺好可憐🤧😭🤷🏻‍♀️ 啲糖水好稀 紅豆呀丸子呀芋圓呀同埋珍珠都好少 少到真係好想數下佢得幾多粒🤷🏻‍♀️🙄 同埋芋圓番薯圓個啲味道麻麻 當然冇番薯🍠味 丸子又唔煙un 睇圖就覺得佢只係一碗湯🤨🤨很差！呢間野都係專賣返珍珠奶茶☕️好過啦 其他野真係要練下整好啲先拎出來賣😊-

龍門居宵夜街是屯門人氣的宵夜街，由於食店都是入鋪的關係，不像吃小販檔般要賭運氣，所有的食店是全年無休的。龍門居齊集各式地道街頭小食，有蠔餅、串燒、雞蛋仔、糖水、手抓餅、魚蛋、狗仔粉、雞蛋仔.....當中有不少是人氣熱店，鎖定大排長籠的熱店為目標準是沒錯的。眾多食店當中，對芋圓店「摩登士丹利」最情有獨鍾，到宵夜街十居其九都是為芋圓而來，不過這家的豆花奶茶同樣是吸引。「摩登士丹利」有個吸睛響亮的名字，從外觀上其實跟一般台茶店沒兩樣，但在裝潢方面確是下了一番心思，起碼店名確是讓人印象深刻的。店員們都十分年輕，出單快捷利落。由於每次光顧的人客總是很多，要吃上他的出品便要有排隊等候的心理準備。這家除了芋圓甜品之外，飲品也是店方的強項，一杯皇家奶茶打響了名堂，還有聲稱是全港獨有的豆花奶茶，奶茶也可以搭配仙草珍珠等等。芋圓方面選擇更多，除了配料多多的芋圓一號外，也有紫薯系列、仙草系列等等，可以按喜好自由配搭配料，如珍珠、芋圓、豆花、仙草、小丸子、爆珠、紫薯等等。芋圓甜品定價未算太貴，基本就是由二十多元起跳，若然是大碗的芋圓甜品約需三十元左右，但份量已足兩人享用，此外也有榴槤煎餅和紫薯煎餅等咸食供應。

我本身有芋頭敏感，但又很喜歡芋圓qq的口感，所以只可以吃蕃薯圓，每次都要小心分來吃，有次多口問了句可否只要蕃薯圓，職員竟然很樂意幫忙分開來，十分貼心！這裡不但人情味濃，而且食物很有質素，紅豆沙超起沙綿滑，又可自由選擇配撘，新加入的紫蕃系列味道也很濃！很不錯！自己不是住附近，但專登入來買過好幾次，每次都開心而回，覺得撘車入來買也值得呢！除此之外，飲品也很特別，起了很多不同的名吸引人，也很有特色，下次來再試試！

呢個豆腐花奶茶，間鋪頭話係全港首創，價錢係 $21 。佢既豆腐花好多，夾埋奶茶冇諗過會咁夾。味道上奶茶係偏多奶，所以相對地會甜d。而d豆腐花唔會話中間有雜質，又或者會食到個口好鞋。飲落都算幾滑。不過杯野太多冰，變咗會覺得唔夠喉，冰佔左四份三杯，所以好似飲得好小咁。如果下次黎幫襯，睇黎要叫小冰 or 走冰!整體來說，呢個豆腐花奶茶好特別，值得大家一試。特別係鐘意食豆腐花的朋友，一定要黎試下，相信你們會一試難忘，好鐘意!!