摩豆 (Closed)

香港人勇於創新，在飲食上，時時造出了千奇百趣，標新立異的美食。更有一些人，以傳統的小食/菜式做藍本，加一點新鮮而又冇乜人會諗到的配搭，食客看起來，一定會感覺都不可思議。那天在旺角街頭買小食，發現了一間雞蛋仔店出售比不一樣的雞蛋仔更不一樣的出品，店面很西式的《Modos》雞蛋仔店，做出來的新派雞蛋仔同夾餅，有部份我更可以用邪惡來形容。 太太落 order 買的，是宇治金時口味的夾餅。夾餅的漿粉加入了抹茶。中間，就夾了日本的超甜紅豆，邪惡感充足。不過，這並不是此店最邪最惡之物，最邪最惡是什麼? 是他們的金沙朱古力夾餅，邪惡到令我們連試的勇氣都沒有。 不說沒有吃的了，說就說回我國的宇治金時夾餅吧。夾餅本身已夾有抹茶，有茶香，也有夾餅本身的甜味。中間，再厚厚地塞入加那甜到入心的紅豆，令咬入口，吃入口的每一啖，都甜美得非常，嗜甜的朋友，一定會喜歡。 越新派越邪惡，《Modos》的雞蛋仔同夾餅，的確令雞蛋仔同夾餅呢兩個傳統香港美食，進化了，而且進化得有板有眼。

一直對班蘭味嘅嘢都好有興趣， 好耐之前已經聽到朋友講太子有一間班蘭雞蛋仔食， 但係因為一直忙都冇機會去試，見今日放假一於約朋友去太子行街順便試食雞蛋仔， 去到門口就聞到好香班蘭味，於是諗都冇諗就即刻衝去買咗一份，可能因為晏就所以無人排隊，但係因為即叫即整，所以都要等一段時間， 等咗一輪終於有得食啦， 一搣開粒雞蛋仔發覺成粒雞蛋仔都係綠色好期待， 點知一放入口就發現完全一啲班蘭味都冇， 文樂個未到就聞到班拿美但係食就完全食唔到班蘭味所以真係好失望而且如果以原來雞蛋仔黎計唔算平亦唔算特別好食

食雞蛋仔越黎越多新花款, 你up 得出既都會有人整到出黎,鳳梨酥, 羅宋湯, 綠茶紅豆, 讓人花多眼亂, 又唔知邊間好味。今日朋友帶我去旺角街頭呢間摩豆, 話好多人食, 就試下好唔好味。摩豆係花園街弼街中間, 新世紀天橋一落就到,總之好多人圍住果間就係。我地叫左個jacob 朱固力橙餅味,雖然當時已經九點幾十點, 但都等左1X分鐘左右, 即叫即整, 明白的。這個雞蛋仔都算外脆內軟, 呈橙色, jacob 朱固力橙餅味都算濃,間中會食到朱固力, 要預左比平時原味要甜, 始終係加左朱固力橙餅總括黎講, 23蚊, 即叫即整, 都可以接受的, 係旺角黎講。不過無讓我覺得好驚為天人就是了~

雞蛋仔呢……小人吃的不算多，但每逢見到心儀的必不會錯過。是晚走在旺角的街頭，見到一間似乎是人氣店的雞蛋仔舖，小人焉能按捺得住，怎擁都擁到一餅雞蛋仔！小人滿心歡喜的大咬一啖，索索聲的好脆好脆，吃多兩啖亦同時的吃到好甜好甜，幸未似馬卡龍般差點到要吐。感覺是焗得太過份了，雞仔中間的輕糯軟感全然欠奉，被風吹多兩吹，香氣全散。若然只追求脆口的還可以，若然要香味的話可能要另找他處。徒具脆形，蛋香勁欠，本掃街某就不太欣賞。

一食完個唔好食ge日本野就過左黎食雞蛋仔 太耐冇食啦之前要排晒隊 今日過黎竟然冇人呢度賣點係即叫即製 以要等一陣仔雞蛋仔口味選擇都幾多原味 流心蜂蜜 宇治金時 羅宋湯等等ge味價錢一d都唔平 由$17至$23不等睇左一陣 左諗右諗決定要左斑蘭味叫左之後 佢地即刻整 我地企埋一邊等斑蘭雞蛋仔（$19）一上手熱辣辣 綠色ge斑蘭 好吸睛咬開一半好明顯就係外脆內軟 美中不足係但斑蘭味一d都唔重但好重蛋香味 冇粉感味 呢個做得好好👍🏻👍🏻

新年假期開始了旺角太子照樣老是常的人多中午4時去買時 剛叫到419號叫了一個金莎朱古力格仔餅432號 等了大概15分鐘就到我了超多朱古力醬的 朱古力醬中夾了很多脆脆的東西 吃起來超有口感的ps- 作為一個女客仔表示被黑髮收銀員的女中音瞬間電死了☺️

一路都好鐘意食雞蛋仔, 有試過北角雞蛋仔, 紅磡雞蛋仔, 媽咪雞蛋仔今日終於有機會試呢間, 就試下個土鳳梨酥雞蛋仔啦盛惠$28menu張圖就咁既一咬落去呢..........得4分1係有鳳梨酥餡真係 "理想與現實"啦雖然我都知圖片只供參考, 但個餡真係太少啦, 最起碼都應該要有一半鳳梨酥餡啦本身仲諗住下次試伯爵雞蛋仔, 依家唔會再食呢間野啦寧願食返另外出名果兩間題外話: 買緊雞蛋仔果陣, 有客人想加盟呢間店店員叫佢留電話, 但個客又唔想留, 最後就冇留電話啦

一直中意食雞蛋仔同夾餅，之前呢間好多雜誌介紹過好多特別口味，晏晝路過冇乜人就去試下喇！之後等ge期間愈來愈多人排，等左5分鐘左右。揀左蘋果肉桂格仔餅，$28，都幾多蘋果粒，但係蘋果filling係凍ge，格仔餅係好香肉桂味，咬開見到入面肉桂粉，外皮微脆。overall都唔錯ge，但個皮淋得好快，唔夠鬆軟，同埋貴左d。相比下，中意大埔中心地下間格仔餅多d，厚實d又冇咁快淋晒。下次可能試下earl grey雞蛋仔

千祈唔好開門第一個幫襯，去到我以為未開門，個小姐仲放左手袋係枱面整理私人物品，我問佢開門未，咁我就做咗佢第一個客嘅生意，佢部夾餅機唔知係咪未洗乾淨，咁就做了白老鼠。我買的是格仔餅，成塊餅一點點黑色，嗰啲係燒焦咗嘅黑色一點點，點食呀，於是同服務員講，佢話部機係咁㗎，再整都係咁㗎。咁無辦法啦，我唯有把黑色搣咗佢啦，食咗幾啖，我都冇食晒唔敢食掉咗，我覺得呢位小姐啲態度非常之差，唔係你食你梗係咁講啦。係上星期六發生，啱啱心血來潮先至寫呢篇文章所以沒有影相。

今日要去金魚街幫隻龜龜買野食，果陣就大約5點鐘左右啦，行行下就覺得肚仔又開始餓啦，但係夜晚又約左人食飯wor!為免食得太飽，咁早唯有搵下d小食啦！望下個openrice,發覺左e間人氣小食店係附近，咁就去試下啦！去到果陣都見到有幾個人客係度等緊啦！生意都唔錯，咁我就望下個餐牌先!咁佢d款式都好多呀！而且就非常創新，有咸有甜，最特別係見到個羅宋湯雞蛋仔同埋個肉鬆蝦乾雞蛋仔，其實都唸住試下呀！不過自己當時就想試下d甜野，基本上佢銷量頭三名我都好想試，流心蜂蜜，宇治金時同埋積及橙朱古力都ok，最後由於後面有其他客人等緊落單，我就極速選左宇治金時味同埋點左杯桂圓紅棗茶啦！咁佢係即叫即整呀，等左大約十分鐘左右，有得食啦！雞蛋仔顏色好靚，溝左d綠茶顏色，咁就拿拿聲襯熱食啦，食落去果下外面非常脆，唔會話係好硬，可能係即叫即整嘅關係啦！另外粒雞蛋仔個心係好足料，好多同好濃抹茶味，另外有大部分雞蛋仔重會有d紅豆粒粒，非常有口感，感覺上佢地由設計到出品都係落左唔小心機同功夫呀！抵讚!桂圓紅棗茶，個杯設計都好細心，有杯墊，而佢都好足料，入面都有好多紅棗肉，但係講真就真係偏甜啦！唔解渴!下次會再試下其他味道。

一見到Earlgrey味就一定會食嘅小編！市面見過好多唔同鋪頭都有嘗試加入伯爵茶元素，不過都帶不出茶的味道～這一間比之前食的有更濃伯爵茶味！雞蛋仔的口感也不錯，如果外皮再脆一點就更好😋

雞蛋仔、格仔餅，都係我由細到大嘅至愛，可惜嘅係，衣家無幾多地方可以做出水準。平時經過弼街，都好想試下呢間，但佢長期都好多人，怕排隊嘅我，一直都無試過。直到今日，可能係weekdays，排隊嘅人唔多，即本一試不論係雞蛋仔定格仔餅，款式都好多又新奇怕選擇困難？唔洗驚，佢有個超大輪盤，轉一轉，得左全部都即叫即做，所以都要等得耐少少，我揀左個金莎朱古力格仔餅，等左10分鐘。賣相比我想像差，不過唔重要，重點係:佢啲餡料真係超多。。。係就係貴左啲，但食三份一已飽到上心口，同人share啱啱好。

🍯流心蜂蜜雞蛋仔 ($23)作為雞蛋仔既big fan，食完飯幾飽經過見少人排隊都要試下呢間新式雞蛋仔，但係我有啲失望😥每粒雞蛋仔都有裝住流心蜂蜜既爆珠，可惜蜂蜜味唔夠蜂蜜，反而蓋過左雞蛋仔應有既蛋香。其實熱辣辣出爐，口感做到外脆內煙韌，都未至於唔好食，但的確只係中規中舉，以呢個價錢可以食到2底蛋味濃郁既雞蛋仔嚕🐥味道 ⭐️⭐️1/2服務 ⭐️⭐️⭐️環境 ⭐️價錢 ⭐️⭐️⭐️ 1/2地址: 旺角花園街174號A1舖

就是一直經過，想吃很久！但有時就太多人等，有時自己一個不好吃~~這一天可以了！YEAHHH！返學前去吃一下！ 買完就要等等。但都貴... 這次選擇第一位的~流心蜂蜜雞蛋仔！ 有少少期待！ 應該是即叫即整，拿上手還是熱的！但不似一般剛弄好的軟軟的，這個很脆，很香，是很有手感。 咬到中間，OH！爆珠了！原來內裡放了一粒粒的爆汁珠，是因為不夠熱所以溶不爆？那做不到流心的效果哦~~ 但不爆易吃很多！甜甜的汁溶入雞蛋仔中，味道是不錯，蜂蜜令這個雞蛋仔比平時的甜，但叫得這個就有這個心理準備吧！雞蛋仔不是空心，肉很多，沒有偷工減料。 的確不錯~~我會再試其他的味！

呢間店出名雞蛋仔多口味(夾餅都係),不過我最愛的都唔係佢最好賣的,哈哈 諗左一輪我最後選擇了伯爵茶口味,因為我好鍾意茶味產品~由於你落order佢即叫即整,所以要等大約10分鐘~唔多人gei時候都可以gei~我鍾意佢個袋有窿之餘裡面係有層膠,咁個雞蛋仔無論有幾熱,D蒸氣都唔會搞到自己變"林",個袋都唔會爛話到明係茶 佢裡面真係好多茶葉(碎) 所以一開始你未必會聞到茶味,但一搣開D茶味就會湧曬出來~~雖然有少少油油地gei感覺,但外皮真係仲係脆而裡面以然非常軟熟~~加上濃濃茶味,你唔會覺得佢油,好味~~~~~~我仲買左蘋果玉桂格仔餅,我只能說,驚為天人!!!實在太~~~~~~~好食啦!!我絕對可以講係最好食gei蘋果玉桂格仔餅.首先格仔餅本身夠厚,蛋味好出,仲keep到外脆內軟的口感,加上D蘋果玉桂醬非~~~~常豐富,D蘋果粒漏曬出黎,個口真係細D都咬唔曬!一個人食的話其實好飽~~不過如果你本身怕好甜,你可能會覺得佢太甜,因為有太多醬,如果唔係的話,聽我講一定要試!另外有一次我都有食過斑蘭味雞蛋仔(忘記影相),都一樣好好味~如果喜歡斑蘭gei朋友一定要試~因為佢味道唔會太假,keep到斑