滿泰小廚

Open Now

Now Closed

以前住西貢,大住個肚都日日去買食送,都忍唔住想去整碗咸豬肉雞粉,到阿女3-4歲,已經可以食晒一大碗(平時去其他地方,半碗都食唔晒)。e家搬到好遠,阿女都十幾歲la,佢成日放學都問「不如去西貢食雞粉lor」,所以每個月都會駕車去食3幾次,真係食到上左引。阿女近來更愛上左佢個咸豬肉雞飯,食完粉重要打包個飯夜d食。(佢平時食飯好似喂雀咁,3份1都食唔晒)重話最好包多個第2日食wor,真係發狂。(咁佢又真係食晒ga wor)所以我地一家去西貢食飯,一定唔係食海鮮。如果唔好食又點會由一間做到幾間舖wor..... 其實佢其他d泰菜都做得唔錯,但其他好多地方都有得食.但係其他地方真係食唔倒佢咁正ga雞粉&雞飯,連d外國朋友食過都一試難忙呢!如果喜歡酸辣,就記得落佢地d蒜香酸辣醋,好鬼野味ga..

細細個就好中意,差唔多一個禮拜食好幾次,而家搬左去葵涌住,成日都諗起佢個咸豬肉粉,成日都想返去食...所以我一返去,就會去幫襯,而家連我對仔女一話返西貢就會要去食佢既雞飯,佢地都話好好味~真係話咁快間野都開左十幾年,記得以前只係得湯粉同碟頭飯食,黎到今時今日多左好多正野食,越黎越多人食,同越開越大間....haha~

搬入西貢的第一日，執完屋又又餓，到左滿泰諗住食碗粉，點知一食就食上隠，本身泰國已經好鐘意食泰國粉，但香港果d餐廳一d泰國味道都無，全味精湯底，簡宜食魚蛋粉好過~~但滿泰既粉同湯底都似足泰國食既粉一樣，係size大左~ 好好味~~10個good ~再食生蝦身，又爽又甜，尤其係d汁醬，簡直無得頂~!!旺角一碟要$80-90，但呢度只係$56，好鬼好食又抵~後來再不斷幫襯，waiter的service都ok~>海南雞飯，唔係滑雞，一般啦~>咖哩蟹會好味過咖哩大頭蝦，good~>蒜蓉包唔會跟咖哩送，要$12，好味~>串燒，乾身d，一般啦~>柚子沙律，泰國地道好味~>冬陰功，泰國地道好味~>菠蘿炒飯，一般啦~整體講>>> 好好味~

難得地捉到朋友仔陪我黎西貢一場黎到當然要食出名既食店我要左招牌雞飯($27)雞飯有雞油香雞肉雖然唔算好嫩口但有雞味個汁反而無其他人讚得咁正但都ok例湯幾好飲份量夠兩個人share朋友仔要左炸魚餅湯檬($20)炸魚餅好薄身又無乜魚味所以只屬一般檬粉份量亦偏少朋友仔食完都唔夠飽服務ok快手快腳禮貌一般

同女友老遠走來try 一下,點了生虾刺身,好似虾乾冇乜水份!又細隻,再叫左皇牌"雞飯"~雞飯一來時,女友的面黑了~.~ 我就知今晚會食得好飽,她吃完一口後,結果真係我清曬,過程中"媽聲"四起,點解咁都叫好食!?最後走左去對面旺x 再食過,好大分別好好多!

希望沒有記錯店名吧? 事緣我friend帶我去, 左穿右插小行找到了他的心水店, 我只記得位置唔記得店名與地址,西貢的確多泰菜店, 佢話呢間的咸雞燒肉飯最掂。好多人只點雞飯, 其實咸雞燒肉飯仲正。燒肉皮脆卜卜,雞與燒肉的咸度適中, 肉味豐富,與混了雞油的飯吃,配上秘製醬汁,的確一流。份量雖不算多, 但已很滿足。其他的點了粉麵及泰式青檸冰,正常水準。

早陣子特意到西貢去散心，知道這條小巷有不少隱世美食，所以便試了這家店子。首先，這條巷子中的食店特多，而其中泰國食店都有兩三家。只是聽說兩家店子的雞飯都好吃，所以便試了這家罷。雞飯真的很好吃，只是雞肉可能是手撕的吧，所以是一條條的‧‧‧但計及價錢只是二十多元，我覺得是超值的。另外也買了串燒，感覺一般，沒有特別的好。(我不太愛吃乾肉)結論：會再來這兒吃。"性價比"高。

見到網上唔少人話呢間既雞飯好食於是走去試下兩個人叫左個雞飯，同一碗魚餅粉雞飯的確唔錯，D飯好香，個汁又酸又辣，好開胃個粉就普普通通啦

星期日同男朋友去食晚飯, 泊得車黎都差不多9點. 唔駛等辣椒炒螺: 唔夠入味.. 都係之前係布袋澳食既辣花油煮螺好味好多冬蔭公: 唔算辣, d 蝦好’梅’雞飯: 好味, 唔油蝦醬通菜: 好味, 唔油蝦刺身: ok.. d 醬好味, 但食左3件之後有d heavy椰青: 好飲食左二佰幾, 幾抵!整體幾好, 都會再去!

上星期六(4/8)遊完船河, 美極帶左我地成班人去食西貢依間咁正既泰國菜慶祝小妹生日. 叫左:1. 生蝦: 不算肥大, 但鮮甜.2. 青木瓜沙律: 青甜爽口, 食左佢立即開胃.3. 豬, 牛, 雞串燒: 有炭燒味, 能保留肉汁.4. 燒魷魚: 個汁酸酸甜甜, 真係好正. 5. 辣椒蝦膏炒大頭蝦: 大頭蝦超多膏, 個汁有好濃烈蝦膏味.6. 蝦醬通菜: 好惹味.7. 青咖哩雞: 啲雞好嫩滑, 個咖哩好香椰汁味, 撈飯一流.8. 豬頸肉雞絲油飯: 依個就係嗰個好出名既飯, 啲油飯果然唔係油淋淋呀.9. 青檸梳打: 一般10.椰青: 清甜P.S. 於此多謝一班好友為我慶祝生日.

一班人去完露營，睡眼惺忪的國寶兄弟帶左我地去呢間食一食泰國菜醒一醒……叫左蝦刺身、炭燒豬頸肉同柚子沙津，仲有人人有份的椰青。老闆好好人，都有介紹食d咩好，而且我地叫野食麻麻煩煩老闆都忍我地，好~蝦刺身好好味，好鮮味，而且真係幾辣ga wor~~~一個椰青正好幫大家解一解辣~柚子沙津同豬頸肉都好好味，不過都係蝦最搶~~~一班人去完露營又或者去完游水，都可以黎食下啦~

呢排同朋友不停係咁食，終於決定尋日走到入西貢開餐﹗之前聽朋友講呢間泰式雞飯好好味，一個人可以食到兩碟呢…果然冇錯﹗我地兩個女仔入到去第一時間叫咗一碟雞飯﹑蠔仔炒蛋﹑泰式炒聖子﹑咖哩煎倉魚﹑蒜蓉飽﹗雞飯–面頭一層雞絲，飯唔係平時既海南雞飯咁油膩，好似有啲蒜一齊煮，另外跟一碟醬，辣辣地好開胃﹗（只係26蚊呢^^）蠔仔炒蛋–同平時既蠔餅唔一樣﹗佢真係炒到散開，底下放滿芽菜同生菜，加埋一碟辣醬，撈埋一齊食唔太油膩，好味道﹗（唔太記得價錢，50蚊左右吧﹗呵…優惠﹗）泰式炒聖子–味道普通，不過係我食咁多次聖子第一次有食到沙的，或者今日行運掛﹗咖哩煎倉魚–煎得香口，但係咖哩味將倉魚味道蓋住…蒜蓉飽–只有一面有蒜蓉油，所以冇乜蒜蓉香味﹗另外叫了一罐荔枝玉露同椰青﹗所有食物連飲品兩個女仔食晒，侍應都有啲嚇呆呢﹗嘩哈哈…

3月17日晚上同3位友人食飯，有兩個就第一次食，而另一朋友同我就已經係第四次食喇，因為覺得好正，所以介紹朋友o黎！晚上9:30先去到，因為夜，所以客唔多，唔駛等位！見到有一對外籍人士食得好開心！馬拉盞炒通菜：非常美味，好香又夠味，但又唔會太咸炒螺：都ok，略嫌唔夠味咖喱蟹：呢個比之前退步o左少少，咖喱味唔夠香濃，好大碟！不過個蟹蓋超級多膏，$158食到呢隻咁正o既蟹真係算抵！蒜蓉包：其實佢o既蒜蓉包唔算好好食，不過有咖喱冇理由唔食蒜蓉包！如果多o的蒜蓉牛油就好喇！黃金脆皮蛋：呢個好正，唔膩泰式炒金邊粉：每次o黎都有叫，因為真係太好味串燒牛& 雞：個沙嗲汁好好味，o的肉都好嫩相比第一次食，雖然退步o左少少，但係都仲係"正"！邊個話去西貢淨係食海鮮出名架？！

係全記食到一肚氣~ 同honey o黎o左呢間下一場咸豬肉魚旦粉- 個湯底無隔離間o甘正宗(呢度無味精 )~ 咸豬肉夠味、魚旦彈牙，可能我唔要芽菜o既關係，俾o左勁多粉燒魷魚鬚- 魷魚彈牙，個汁酸酸辣辣好好味串燒半打(雞/豬) - 好味道(剛剛叮番食剩o個三串味道都無走樣)啤酒一枝

係西貢玩完水又唔想去第二度食，我就鍾意呢間。講真的雞飯唔係特別出眾，但勝在有碟辣汁俾你點，的飯又係雞油飯，26蚊一個飯送碗湯(雖然好細碗，但都ok啦)，同埋咁様既味道，都算合理，但雙拼要32蚊，就嫌貴的。今日試左咸豬肉飯，係少少腌過既連皮豬腩肉再油炸，夠香脆，但我就覺得漏左的！