八月茶室 (新港中心)

Open Now

Now Closed

新港中心見到呢間以月亮為主題嘅茶室 價錢都幾親民乾鍋椰菜花 $78 本身以為呢個只會得椰菜花 點知豬腩肉嘅份量同椰菜花係一半一半 非常香口惹味椰香荔芋滑雞 $84 屋企人鍾意食芋頭 所以特別叫咗呢個秋冬推介嘅芋頭滑雞 個汁醬都幾香芋頭味 幾好送飯蜜椒薯仔牛柳粒 $84 個蜜椒汁做得幾香口 甜甜地又辣辣地 牛柳粒唔會韌 容易咬開雞中翼伴薯角 $42 份量都幾大 三隻脹卜卜嘅炸雞翼 仲有超級有薯味嘅薯角另外飲品menu有特飲選擇 不過店員就話當日未有特飲提供 所以我哋就叫咗凍檸茶走甜 凍柚子蜜

今日天氣寒冷，市區只有六度，忽然想起暖笠笠的“羊腩煲”。和朋友經過廣東道新港中心地面新開的“八月茶室”分店，門前正推廣合時的“羊腩煲”，正合我意。餐廳門面廣闊，燈光亮麗，座位寬敞舒適。除了羊腩煲外，餐牌上還有多款中西美食，川粤小菜可供選擇。「枝竹羊腩煲」配油麥菜，羊腩煲用不繡鋼鍋盛載，下面用火滾住，是個羊肉火鍋，而且羊肉份量不少，夠二人食用。羊肉肥瘦適中，肉質爽口兼無羶味，配菜有竹筍、枝竹、馬蹄、薑片、冬菇、秀珍菇......等。香濃的羊肉湯底浸油麥菜，味道一流。「椰香荔芋滑雞煲」，椰汁香濃，雞肉嫩滑而入味，芋頭腍軟入味，雞肉配椰汁是最佳拍擋。「芝麻黑糖醋骨」，酸甜口感，份外醒胃，上面灑上芝麻，加強口感，醬汁稍為比較濃味。「瑤柱蝦米浸時菜」，材料有瑤柱、蝦米、粉絲、白菜仔等，雖然比較清淡，但湯底有意想不到的味道，也相當惹味。惠顧小菜加$12有白飯、例湯。例湯是南北杏青紅蘿蔔煲豬骨老火湯，不容錯過。遊客區的平民食肆，環境、食物質素都有水準，性價比還很高。

平日在尖沙咀上班，午飯時都會到這間新開的八月茶室午膳，剛到十二點就已經有人排隊，無非因為性價比高，食物質素不錯，菜式選擇多，而且價錢在尖沙咀區亦算便宜，加上地方寬敞，容納大量客人亦不會覺得擠迫。今晚與友人到這裏試試晚飯菜式，適逢天氣轉冷，而餐牌上亦有川菜以及冬季時令菜式選擇，淺嘗一點辣亦有助暖身。❤XO醬豬頸肉炒河味道其實近似乾炒牛河，但加上XO醬就更惹味，豬頸肉肉質爽口彈牙，而河粉滑口，炒得亦比較乾身，不會過份油膩，整道小炒亦頗有鑊氣。❤️三色蒸水蛋三色蛋指雞蛋、鹹蛋以及皮蛋，本身水蛋蛋味濃鬱，質地頗滑口但較為實淨，雞蛋比例較多，絕對真材實料，加入鹹蛋及皮蛋令到味道層次提升，再在上面灑上少許豉油及蔥花就更能提升鮮味。❤️清炒白菜仔簡簡單單的一道炒菜，白菜仔清新，味道鮮甜，即使不加蒜蓉 亦已經夠滋味，與家中炒菜不同，在茶餐廳食到的除了新鮮更有鑊氣。❤️四川回鍋肉回鍋肉用上薄切豬腩肉片，份量頗多，肉片質地爽口，肥肉位 香口惹味，加上蘿蔔片、椰菜、乾辣椒、洋蔥等配料，味道豐富，另外四川風味帶有少少麻辣，令人食得過癮。❤️川辣辣子雞丁份量頗多的一道菜式，顏色紅紅綠綠，非常吸引。大碗中有滿滿的乾辣椒、

「八月茶室」喺尖沙咀新港中心開咗新分店，之前同朋友喺長沙灣店食過，晚飯小菜價錢合理，見今日凍冰冰，唔想煮飯，專登同屋企人過嚟開餐。餐廳主打川粵菜，裝修以月亮為主題，場內設有卡位和散座，擺檯闊落，佈置時尚，坐得好舒服。先嚟一客小食炸小饅頭 ($38)  金黃色澤，極之誘人，入口熱辣辣、脆卜卜，配煉奶吃，絕對無得輸。天氣寒冷，最啱就係食返個雙冬黑草羊腩煲 ($138)，附唐生菜一份，加多一碟亦只須+$20。羊腩選用了黑草羊，肉質飽滿，肥美肉嫩，入口羊羶味唔會太重。配料有冬菇、馬蹄同冬筍，夾埋索晒汁嘅枝竹同生菜一齊食，夠晒惹味。芝麻黑糖醋骨 ($80)  糖醋骨賣相好吸引，面頭灑上了少許白芝麻，入口甜甜地又帶點黑醋酸香，而且最正就係外層仲保持住炸過嘅香口，但食落又唔會油冧冧。黃金脆皮蝦球 ($96)  鹹蛋黃包裹住大大隻蝦，外層粉漿好薄，內裡蝦肉爽彈，入口香噴噴，滋味咸鮮，超讚。點小菜 +$12 可配白飯及例湯，今日嘅例湯係南瓜粟米紅蘿蔔煲豬骨，真材實料，清甜味美，營養豐富，非常適合一家大細飲用。

喺尖沙咀海港城行完街 過咗對面新港中心搵嘢食 貪呢度d餐廳價錢比較親民招牌酸菜魚（小）酸菜魚個湯底都幾惹味 但我個人口味就覺得可以再酸啲 魚肉好滑而且無骨啖啖肉 而且仲有大豆芽/萵筍/菇/酸菜/薯粉等等做配料 鐵板茄子班腩炒麵 麵底係炸麵底 所以好香脆 面頭淋上茄子斑腩 茄子走過油 所以喺屋企好難食到呢種好香口嘅茄子 班腩就啖啖肉八月小炒王 小炒王有韭黃/魚/蝦/魷魚 幾種不同既口感 味道都幾夾小菜可以加12蚊變成套餐會跟埋白飯同例湯 其實呢度仲有好多其他選擇 譬如係晚市套餐/炒粉麵飯/小菜/小食 而且價錢相宜 比喺喺對面海港城食真係平足一倍

天氣凍凍地，想食羊腩煲暖下胃，同老公行尖沙咀，見到八月茶室有羊腩煲，仲有川菜，見到價錢幾經濟，一於入去試下。餐廳環境闊落，裝修時尚，我哋坐到卡位好闊落，餐廳一角仲有自助茶水間，夠哂方便。雙冬黑華羊腩煲：有火爐煲住暖笠笠，羊腩好大件份量多而且肉質鮮嫩多汁，一啲都唔騷，仲有好多配料，枝竹吸收晒羊腩汁好正，馬蹄又爽又甜，跟餐仲有一碟唐生菜，吸收晒羊腩汁超正。招牌酸菜魚:魚湯酸酸辣辣好惹味，魚肉嫩滑冇骨，配上酸菜薯粉同埋萵筍好惹味，跟餐嘅熱檸水都唔錯，檸檬唔會苦。沙茶芥蘭炒牛肉:沙茶醬好香，牛肉嫩滑多汁，芥蘭清甜爽脆，送飯一流，跟餐嘅凍檸水茶味香唔會太甜。金銀蛋浸白菜仔：白菜仔分量多而且夠爽甜，配上皮蛋鹹蛋嘅上湯味道一流。呢間餐廳除咗價錢經濟實惠，款式選擇仲好多，而且質素好好，值得推介👍🏻

收工黎左呢度食晚餐，見到新開🤩食物種類又多選擇，唔只係茶餐廳既野，超讚👍🏻黑椒雞扒炒意粉食得出炒得好夠火喉，雞扒好入味又嫩滑，意粉夠爽口彈牙，雞扒份量都多，大大嚿啖啖肉，而且再配埋黑椒，微辣，更香口惹味招牌酸菜魚呢個真係估佢唔到，一間茶餐廳黎講聽係做得幾出色，味道唔差幾好味，湯底濃郁，魚肉夠滑，而且份量唔少，我哋叫既係小size，但都好夠2人食，仲要有超級多酸菜同寛粉添，呢個值得推介川辣辣子雞丁呢個雞丁既雞肉係比較大粒，一直出面食既都較細粒，易入口唔會好辣，再加埋腰果一齊炒，好香好惹味

同朋友在尖沙咀食下野，本身諗住去新港中心地下個food court，貪佢可以坐耐啲，望一望見有間幾企理嘅茶仔，就轉場去八月先。晚上得幾枱客，店員示意隨便坐。餐牌好多野揀，睇左好耐先決定食咩😂⭐例湯揀左一中一西餐湯，中湯係粉葛豬骨湯，幾清甜。西湯係羅宋湯，呢個偏酸同偏鹹😅中湯好飲啲。⭐雙冬黑草羊腩煲見有羊腩煲就試一個先，一人份量都有六件羊腩，調味不錯。仲有碟唐生菜送，但菜太長個煲太細，淥啲有啲難。⭐干鍋福花臘味沒有鍋的干鍋福花，小麻小辣炒得香口幾好味，臘味落得多🤤⭐手撕包菜酸酸辣辣椰菜爽口，唔錯。⭐椒鹽鮮魷份量唔少，炸得香口唔油膩，唯炸粉厚左啲。⭐白飯超大碗白飯，勁飽呀😆份量比想像中大碟，環境唔錯幾好坐，又無加一，幾抵食呀😋

八月茶室在尖沙咀新港中心新開，除地點方便，餐廳夠大又舒適，最重要是食物選擇眾多，有一般的常餐、炒粉麵、小菜、鐵扒餐等，連川菜也有。點了晚市精選 招牌酸菜魚 $101人數小點這個正好。碗內最少有十多塊魚肉，嫩滑彈牙又無骨，湯底味道酸中帶辣夠開胃。內裡更有彈牙滑溜的薯粉。炸小饅頭 $38入口香脆，配煉奶味道一流。秋冬時常會食到的小菜，椰香荔芋滑雞 $84芋頭肉夠軟腍好香，雞件炸過仍保持嫩滑，椰香汁黃金脆皮蝦球 $96香口的鹹蛋黃包著蝦肉，香濃惹味又啖啖肉。

我和家人在尖沙咀看聖誕燈飾，來到新港中心揾地方吃晚飯，原來地下「八月茶室」開了新舖！我們的豐富晚餐，先嘗小吃：炸小饅頭~炸小饅頭與練奶是最佳配搭，兼備香、甜、脆！兩款川粵小菜：椰香芋頭滑雞煲~椰香撲鼻而至，鬆化的粉糯芋頭蘸滿滿的椰醬汁吃，美味沒法擋，還有那煎香再炆的雞件、金蒜及香芹，十分好餸飯。芝麻黑糖醋骨~是我每次必選，走過油的肉排外脆肉軟，糖醋骨用黑糖、話梅佐料，甜酸味道得宜，醒胃不油膩。兩款炒粉麵：鐵板燒雞炒烏冬~那些年很喜歡吃上海粗炒，但太油膩，祇會偶然吃一次，現在的炒烏冬有很香濃的鑊氣而且不油膩，大家都吃得很愜意。豉椒鮮魷炒河~同樣都是有很鑊氣的炒河，味道得宜，鮮魷口感也不賴，祇是畧嫌豆豉太少。開胃解膩凍飲：咸檸七凍、菜蜜、檸樂！

自通關以來，香港更見熱鬧，晚飯時間人潮處處，看到有一間中餐廳，小炒据扒什麼也有，還不設加一呢！餐廳有太多太多的選項了，花了好一會才鎖定目標😌鐵板T骨扒餐湯點了大愛的羅宋湯，蕃茄酸香中帶豐富的蔬菜在内，喝得出的菜甜，營養滿分。氣勢十足，五成熟的牛扒超大件🥩熱騰騰的冒煙，厚切卻肉嫩，外面唧唧煎得微脆，入面帶有些少肉汁。炸薯條厚切薯味濃，金黃香脆，時蔬亦很碧綠新鮮，蕃茄仔還爆汁。凍奶茶大杯且甜度適中，完全無苦澀味，喜歡奶和茶比例正確的感覺。這個餐吃完好飽，大男人都肯定夠食。藤椒魚 酸菜魚吃得多，藤椒魚卻是第一次食。上台好大一鍋，灑上芫荽芝麻，賣相似模似樣，雖然價錢不便宜，但口味蠻對版的。魚肉大片少骨也滑溜，且要了個小，份量還真多，帶有些少香辣，入口柔和，魚肉細嫩。底下有彈牙的薯粉、菇菌萵筍和豆芽，三個人分享剛剛好，有麻椒的麻味，下飯一流。孜然牛肉有一點點的孜然味，牛肉相當鬆軟大塊，肉塊保留到水份，做得不乾身，和洋蔥辣椒🌶️香蔥爆炒，基本上是不辣的，惹味居多。食後感：沒有加一，坐得舒服，裝修新淨光亮，冷氣適中，餐廳未到高峰食飯時間已滿七成客人。

尖沙咀新港中心一向都有多家食店進駐，月初更見這港式茶餐廳品牌新張營業，今晚决定探店👏此店採開放式木系佈局，内外一目了然，光亮透澈，十分開揚👏菜牌内種類繁多，常見港式口味外，更有廣東小炒及川味地道菜👏天氣轉涼故首先點了禦寒佳品: 枝竹羊腩煲配唐生菜，熱煱烹著羊肉和配菜，富和暖感，肉質嫩滑，份量充足，配上唐生菜，更覺味道😋再嘗滑蛋炒蝦仁，蝦仁大隻爽口，蛋炒得绵滑，伴白米飯佳選😋北菇金針蒸滑雞，即叫即蒸， 雞肉醃得惹味，肉質富咬感😋瑤柱蝦米浸時蔬，來得清淡，菜蔬加上瑤柱蝦米上湯，甘甜非常😋檸檬水之後完結了一頓港式地道美味👏

菜遠牛肉炒河 $61茶餐廳嘅炒野最睇到廚師嘅功力同間餐廳喺我心入面嘅排名，即係值唔值得黎食同性價比係濕炒河，河粉唔會碎晒，好有彈性，汁嘅分佈都好平均，始終濕炒都唔會炒到好燶，炒得幾好！牛肉片同菜芯都幾多 炸小饅頭$38好少地方有得食，茶餐廳更少見有呢樣甜品！細細粒唔會太飽，仲可以點到好多煉奶！招牌酸菜魚餐 跟湯同餐飲 $101紅湯羅宋湯，偏酸無辣味，唔咸，好多蔬菜喺入面。稍微嫌佢唔夠熱，平時自己飲開偏熱嘅湯~好飲招牌酸菜魚好大兜啊~專登叫佢最少最少辣，食落都唔會好咸，因為好多時走辣就平衡唔到味道，呢個完全唔會。本身以為跟餐會得好少，呢度一個人食晒會太飽！入面好多塊魚，肉質滑到傻咗，仲有寬粉喺底！應有嘅配料都有齊，撈飯食超級正！西蘭花腰果蝦仁 $90呢個抵喎，蝦仁好多又好大隻又彈牙~腰果好食，煮過都唔會淋晒，好有咬口好香！