MOONKOK (K11 Art Mall) (Closed)

香港60年代主題餐廳餐廳設計風格好有特色吞拿魚他他配西瓜本身想像唔到個組合會係點佢上面有埋wasabi 口感有層次 食落又幾夾呢!松露薯條配松露醬薯條勁大份! 仲要係厚切薯條鮮蟹肉龍蝦汁意大利飯Risotto 軟硬度適中 味道好濃郁鮮海膽汁意粉個醬汁係用泡沫形式整 食落去好滑本身想嗌cocktails 店員介紹左佢地新出既自家酒廠LUNAQUA甜酒Total 有8款 我地飲左6款 有紅棗 柚子蜜糖 菊花 茉莉花 烏龍茶 龍眼味香甜清新好易入口 每隻味道都好出呀!!我就最中意飲紅棗味 係用功夫茶壺擺盤都好有feel佢有咖啡味既甜酒 好似cold brew 味咁lunch 飲都唔怕個雪糕我地加左少少咖啡味既酒落去 好似 affocato 咁 幾好味另外仲有6款香港懷舊Cocktail系列今次就無試到 睇落都幾吸引下次試下先!

六十年代懷舊風格打卡餐廳最大嘅特點就係仲有自家酒廠😋主要係唔同味道嘅甜酒🍸有一系列以功夫茶盤設計嘅LUNAQUA包括有： 烏龍酒 ；茉莉酒；菊花酒；蜜糖柚子酒；紅棗酒；龍眼酒每一隻味都各具特色，帶着本身自身味加上酒香，滑身嘅口感，帶出清爽嘅味道，飲得出絕對冇加化學糖個人口味最鍾意飲蜜糖柚子味，清甜可口，聞落仲有好香而唔會過膩嘅清新柚子香🍊另外值得一點嘅係紅棗同龍眼味特別係啱晒一班養生人士，容易入口帶出自身果香味烏龍酒就啱晒一班鍾意strong d 嘅男士 或者用嚟飯後解膩飲至於茉莉、菊花味都各有千秋ORANGE ERA酸酸甜甜嘅熱情果汁、橙汁、檸檬汁, 加刺烈嘅vodka ，配上一粒話梅金箔作為點綴由佢黎作開胃酒，絕對唔失禮GARDEN IN THE SKY Raspberry + Lemon juice 酸酸甜甜的感覺加埋薄荷葉， 豐富味蕾吞拿魚他他配西瓜前菜小食唔只味道，佢嘅擺盤都令我忍唔住點嚟打卡法式牛油汁燴田螺肉配雜菌支豆配法飽先唔好評論田螺同雜菌我最欣賞佢嘅法包，用牛油煎香，外脆內軟口感煙靭法國新鮮黑松露薄餅滿滿濃郁嘅芝士配上一片片嘅黑松露皮薄餡重不過記得一定要趁熱食芝士先會

好適合成班朋友食飯野～ 裝修以60年代香港做主題環境有特色～d Cocktail好飲之餘重好靚～Memories 花樽造型同Garden in the sky造型好特別～打卡一流～佢地重有自家釀酒廠 @lunaqua_hk ,有好多唔同味道既甜酒～紅棗、柚子蜜糖、菊花、茉莉花、烏龍茶、龍眼～我最鍾意紅棗味～感覺好養生～香甜清新好易入口～好啱女仔飲～ 除咗Cocktail同自家釀甜酒好特別～d野食都一流～我哋成個menu既菜式都食晒🤣有啲重Encore左🤤其中最鍾意係海膽意粉，唔止賣相靚味道都一流～海膽夠新鮮，意粉軟硬啱啱好～西瓜吞拿魚他他，都好正。估唔到西瓜同吞拿魚可以咁match ～另外黑松露pizza有好多芝士～配合埋即刨新鮮原粒黑松露口感好豐富😍

上個禮拜路過見到新開嘅餐廳好似幾靚咁，咁啱過兩日約咗朋友食生日飯，所以就決定嚟呢度試吓，尼度真係好靚好有60年代嘅感覺，建議可以著古典啲去打卡🌹而且嘢食都好好味，價錢又唔貴😋特別想講吓吞拿魚他他西瓜尼個配搭好清新，我都係第一次試鮮海膽汁意粉🍝，淨係睇個樣你就知道佢係好好味😋因為我好鍾意松露，所以我覺得個松露薯條🍟同pizza🍕好香好好味😋另外想講個盤功夫茶，原來係佢自家酒廠LUNAQUA甜酒，有紅棗、柚子蜜糖、菊花、茉莉花、烏龍茶、龍眼😂香甜清新好易入口～好啱女仔飲～ 功夫茶擺盤，飯後飲一流，可以解膩

同朋友行街，竟然喺附近搵到一間新開嘅餐廳，餐單上嘅酒類選擇好多，每一款都好有特色因為我哋有幾個人，所以每人都叫咗唔同款式試吓我就叫咗呢一款Cocktail因為賣相好靚Garden in the sky飲落去甜甜地有花香味左：iconic life 佢係有咖啡味嘅Cocktail中：mango hot呢一款係Orange era，佢係用綠寶橙汁製造嘅Cocktail，中間有粒話梅，酸酸甜甜好開胃頭盤小食就叫咗松露薯條配松露醬，薯條炸得好香脆，配上松露醬食到停唔到口，黑松露多士內有乾坤，中間有松露醬之餘仲有一小片ham，吞拿魚他他配西瓜味道很合配，主菜就叫咗脆炸德國咸豬手配酸椰菜同埋黑松露pizza，豬手個豬皮好香脆，肉質很滑，唔會好鞋口，鮮蝦肉龍蝦汁意大利飯個龍蝦汁味重，但唔會好滯，我最鍾意食嘅就係鮮海膽汁意粉，意粉口感彈牙，極力推介澳洲M5和牛肉眼扒好香牛味，肉質都好滑，黑松露牛油焗法國黄油春雞佢連雞胸肉都唔鞋口，切開仲有好多汁鎖係雞肉入邊最重要嘅佢係好多款自家酒廠啤酒選擇下次真係要慢慢試晒佢咁多款啤酒丫

今日試咗K11的一家新店，食物質素唔錯，悠閒飲野好地方，叫咗4樣野食，分別係︰吞拿魚沙律、英式炸雞配韓式辣椒醬、西班牙伊比利亞豬胺架同埋和牛漢堡配薯條。吞拿魚沙律嘅沙律菜好Fresh，少少汁唔會太濕，吞拿魚正常野唔太乾身咁啦。英式炸雞配韓式辣椒醬其實即係炸雞啦，不過D雞都算幾Juicy，個醬好食唔怪得知要Highlight啦。西班牙伊比利亞豬胺架都唔錯，個汁配得好好，如果份量多返少少就更開心。和牛漢堡做得好靚仔，Size唔算太大，因為有時D Burger太大真係會Handle唔到，成手都係汁，呢個OK。呢隻生啤係德國黎嘅，唔太苦，仲有少少甜味，印象中出面好少見。House Wine算唔錯，呢度飲吓野傾下計真心唔錯。

位於K11,係商場外面。坐位唔會太迫，傾計食飯都一流。我地一行5大1小，叫咗豬手，雞軟骨，pizza,，松露薯條x2, 香茅雞翼x2 ,英式炸雞仲有個田螺，連埋啤酒，人均＄400