喜運來點心專門店

Open Now

Now Closed

今次一行人有7個大人1個小朋友，諗住食點心既地方，一向枱會比較大，所以就去了附近這間飲茶😃 我們叫了鵪鶉蛋燒賣 x2 蝦餃 x1 鮮蝦腸x1 蝦多士x1 姜汁奶x2 鳳爪排骨飯 x2 等等，埋單每人8x 差不多90蚊，人不算多，好處是容易有位，食物不過不失，最緊要都地方整潔，因為新開張不太久，比起後面街那間食點心來說，這一家比較有禮貌，後面街那間新開時很好吃，很多人排隊，現在已經不怎麼樣好吃了，也沒有人排隊了，所以我們都叫做試新野，來了這一家，味道是正常無特別好或差的一間點心店，因為價錢不貴，所以要求也不高了

今天經過北角，家人想飲茶，見到喜運來點心店，所以決定一試。我哋三個人，等咗10至15分鐘就有位。店內面積不算大，但座位卻坐得舒服。我哋點咗蝦餃、腸粉、春卷、排骨同蝦多士。呢度有一個特色，就係點心一蒸起即刻俾客人，所以每碟點心都熱辣辣，值得一讚。除此以外，呢度啲茶亦都係相當熱，正所謂水滾茶靚，所以喺呢兩個部份有分加。整體感覺滿意，特別推介蝦多士，因為唔係度度食到，佢比想像中大塊，而且每塊都鋪滿芝麻， 十分好味。喜歡蝦多士嘅朋友可以嚟呢度試吓。

試吓新嘅茶樓地點都好方便就喺巴士站隔離，所以搭車過去落車已經到唔會好難搵。試咗好幾款點心，覺得比較好食嘅就有黑椒牛肚同埋炸鮮奶🫶🏻黑椒牛肚好夠味，炸鮮奶亦都唔會係太厚嘅炸粉，味道都係啱啱好👍🏻相反燒賣同腸粉嘅表現就比較一般，個人覺得燒賣個味有少少奇怪。屋企人話肉餅飯嘅味道都唔錯，試咗鳳爪排骨飯亦都係OK，可以一試。整體嚟講都不錯，價錢亦都好合理，食物水準大部份都可以，但係衛生方面可以改善一下。

呢間大家真係唔好去幫襯話說琴日九點幾過嚟買外賣個姐姐話啲嘢好快 即刻要即刻有咁我就叫咗七樣點心跟住佢就話要等20分鐘咁我話趕時間喎，可唔可以轉啲快啲嘅嘢跟住我話，你又話識叫，即有嘅🥲跟住佢就話除咗鵪鶉蛋燒賣其他嘢都好快咁我就話cancel咗個鵪鶉蛋燒賣（跟住我去咗第二間買鵪鶉蛋燒賣）跟住返轉頭拎嘅時候，聽到廚房有人叫出嚟 「哎呀，流沙包整錯咗叉燒包」咁我已經睇吓佢係咪整錯咗我個流沙包跟住個阿姐同我講齊晒㗎喇，你走得㗎啦，啱㗎啦跟住我返到去睇吓，真係變咗叉燒包跟住我即刻打電話去問點解你哋明知錯咗都照俾我？跟住佢就話今日退返錢俾我另外仲要嗰個蟲草花鮮竹卷變酸左跟住我今日去同佢講，佢問我點解唔拎返去俾佢我話我已經即刻掉落垃圾桶不過我有打電話過嚟諗住同你地講聲 你哋個嘢食變咗味不過冇人聽電話，應該收咗工你咁大間舖頭真係咁驚俾人呃你20幾蚊咩？你可以唔賠錢俾我嘅不過唔使唔認啲嘢食變壞咗！ 真係祝佢好運，應該都做唔長 ！

水滾茶靚👍🏻 欣賞姐姐們的細心，叫攞公筷，姐姐用熱水幫我哋洗咗先拎嚟👍🏻 我們兩人下午茶時段點了四個點心。炸鯪魚球鬆脆嫩滑，腸粉和燒賣不過不失，潮州粉正👍🏻 點心都係叫即蒸👍🏻 下午茶時段有八五折😁 要注意佢哋有限時90分鐘

今日見佢新開，今日放假特登同屋企老人家去飲茶試下，一早拎左飛等位，一直企係門口等，聽住佢叫號，點知安排入座既員工竟然無啦啦安排左兩位內地客打尖，佢地連飛都無拎，最後要拎住張飛入去問佢，佢先知衰，道歉話下張俾返我地，如果唔問，可能佢根本唔會理繼續入佢想入既人，入座後完全無人招呼，叫極加水都唔加，問佢拎辣椒醬，拎左3次都拎唔到 而且枱面既餐具全部好似無洗過咁，衛生情況惡劣，野食只係一般點心質素，無特別，咁既服務態度同衛生情況 以後唔會再幫襯！

平時經過見到間舖頭好多人排隊覺得會好好食，今日入到去坐低叫咗幾樣嘢發現味道偏鹹另外叉燒腸粉有部份未煮熟嘅情況，有啲份仲係生 而且入邊啲肉都唔係叉燒 糯米飯入邊得幾隻蝦米，仲要好似米粒咁大花生同埋臘腸都一隻手數得晒雖然糯米飯味道係OK但係難免令人感到失望唔會考慮再次惠顧

知道呢度開咗間食點心嘅舖已一段間，今午放假即管嚟試一下……正值差不多下午茶時間，好彩有卡位，吾錯，可以坐得舒服啲……因為有幾樣食都想試，所以兩人居然tick咗八樣食品1.剁椒魚頭腩（＄45）～有啲辣，都多肉食，味道ok2.蝦餃（兩隻）＄20～一般3.黑松露北茹燒賣（兩隻）＄18～黑松露很少，吃起來跟普通燒賣差不多4.脆炸北海道牛奶（＄28）～好夠熱，夠脆，甜了少少，有啲似鍊奶的甜5.叉燒腸（＄30）～腸粉都薄，ok的6.蝦多士（＄40）～好油吓，蝦膠部份很薄7.鹹水角（＄20 ）～熱辣辣，ok的8.南翔小籠包（＄30）～皮太厚吾太好食整體食物質素ok，茶錢8元一位，沒有加一，我覺得每樣點心價格已包了加一價錢……服務ok……今餐食得好包，叫多咗炸嘢，所以都覺得有點熱氣，食物中規中矩……

單上寫明用餐50分鐘，我們11:50就座，12點正下單，到12:38，當時吃完了點心，仍在閒談，亦準備離開，女侍應走過來，二話不說清理枱面，連茶壺也拿走了，之後有另一個女侍應來擺放新的碗筷，過程中沒有詢問我們是否離開，非常離譜。後來走的時候，聽到他們叫一個熟客轉枱來我們剛離開的卡位。這種粗暴又對待生客的態度，讓人無語。奉勸餐廳員工一句，沒有今天的生客，哪來明天的熟客，況且這世界沒有永遠的熟客，好好對待每個客人吧！

呢間點心店最正係個燉湯，飲到冇味精而且足料，燉湯加一個蒸飯都係$76，算係好抵食。點心方面都係即叫即蒸，熱辣辣。點心不太鹹，味精食到係有既，但唔太多。蝦餃好大粒，蝦肉都好足。蘿蔔糕新鮮煎，仲有臘味粒。座位只有係卡位比較寬闊，其他位置既枱相對較細，店面都大，應該大部分時間都不用等位，但店員不足，要加茶或者揾人幫手，要耐心等等，但態度都尚算可以及熱情。平日一至五都有85折，即係當免加一咁，性價比都幾高。

呢間點心舖總店喺新蒲崗，而家炮台山呢間啱啱開咗冇耐，喺星期日下午茶時間嚟醫肚，睇下有冇伏。嗌咗6款點心加個燉湯，蝦餃算收貨，個皮有咬口，但略為蒸得太耐，變到透晒明，蝦都算爽口濕潤，不過包得太大舊，唔夠精緻，好易同隔離嗰舊黐埋，整穿啲皮。蝦腸已經預先裁剪咗，夾上手有啲散，腸粉皮合格，不過蝦肉唔係原隻，放入口散散收收咁。小籠包個皮太厚，但優點係冇咁易穿，保護到裡面啲湯汁，整體嚟講係抵食，咁嘅價我唔會對佢太挑剔。糯米飯煙韌亦好爽身，臘味都幾足料，呢個價位相當滿意。鐵板棉花雞用錫紙包住，有防止倒汗水嘅效果，魚肚同滑雞好入味，份量還可以，值得推介。比較失色係個燒賣，黑松露完全畫蛇添足，建議拎走佢，收返街坊點心價錢好過。試咗螺片燉雞湯，叫做幾足料，湯濃郁，唔太油，對得住價錢。總結：同區餐廳林立，不過除咗酒樓，似樣嘅點心舖唔太多，呢間其實整體質素唔太差，環境都企理，如果係街坊，或者喺附近做嘢，嚟試下新嘢都唔錯。

北角英皇道，最近新開了一間點心專門店。今日同老公去探一探。舖面尚算寬躺，新開張環境衛生乾淨。樓面服務也不錯👍🏻招呼熱情。食物上枱夠熱，老實以這個訂價食物水準不過不失。蝦餃、燒賣可以點兩粒或四粒，適合倆公婆又或者人少去飲茶🫖可以叫多啲其他嘢食吖嘛。鳳爪排骨飯，飯夠乾身，排骨和鳯爪都幾好味。蟲草花棉花雞，以鐵板錫紙上枱，溫度非常熱小心燙親，薑味比較重。香煎蘿蔔糕，比較淡口而且容易散開。白灼菜心一般啦。