MOS Burger

Open Now

Now Closed

Mos Burger來自日本的漢堡連鎖店，早已聽聞，今日為咗佢嘅漢堡一於探店試吓💪🏻［食後感］📝❤️漢堡有多種風味選擇，好鍾意佢嘅特製的醬料和新鮮的蔬菜，讓每一口都充滿驚喜。🧡佢哋使用新鮮的食材，這點在漢堡的口感上表現得很明顯，肉質鮮嫩，蔬菜脆爽。🩵很環保，在包裝和餐具上採取可持續材料，讓人吃得安心。🩶份量不會過於龐大，非常適合輕食或搭配其他小吃。💛店內的氛圍舒適，開心與朋友聚餐或獨自享受。總的來說，Mos Burger 是一個值得嘗試的選擇，特別是新鮮、美味的漢堡！

唔知道大家鍾意食美🇺🇸式漢堡多啲，定係日🇯🇵式漢堡多啲？我就覺得各有千秋😬。今日就試吓日式漢堡，轉轉口味👍👍其實日式漢堡都會結合日式料理風格和西方元素，廚師精心炮製日式漢堡，令漢堡口感和味道更上一層樓😉【食後感】📝吉列蝦漢堡✔️特製沙律✨醬惹味可口，將甜沙律醬滲入炸蝦✔️蝦🦐堡炸得好香脆，食起嚟難忘✔️加上椰菜🥬絲，更增添口感層次✔️啖啖肉，一啖咬落去大滿足😌讓人一試愛😍上💥餐廳內更有多款小食及飲品，如果唔夠的話仲可以試埋🫶🏻😋

炸雞包，雞扒新鮮炸出嚟生菜絲好鮮鮮有汁水配上酸甜嘅醬汁好惹味雞塊～總共五件口感偏滑～新鮮炸出嚟熱辣辣無糖可樂加大：好大杯好有氣，唔錯唔錯，照燒雞扒包，入面嘅生菜一片片好新鮮有汁水成個口感咬落去好飽滿：雞扒有少少甜甜地的醬汁

章魚肉餅包食落去口感有一粒粒嘅爽口，有啲口感，好似係八周年限量版？貪得意嘅都可以試吓嘅。，辛辣熱狗呢就我覺得好辣囉，仲其他熱狗都差唔多樣啦，除咗辣之外哈哈哈，午餐就會吃的，環境方面呢都比較OK可以接受唔太污糟，不過呢晏晝好多學生哥所以佢大家食嘅話呢都要注意吓時間，堂食嘅位置就稀有啦

中午的套餐比較抵食，食咗個照燒雞漢堡包好味😋雞扒嗰啲汁都幾好食，套餐嘅話加沙律平啲，另外我仲加咗一個炸南瓜餅沙律係芝麻醬口味，山菜為主，嗰啲菜都新鮮，仲有粟米蕃茄喺入邊點綴。南瓜餅揸到啱啱好金黃色，甜到啱啱好唔會好甜，南瓜餅好味

今日工作後黎到mosburger想食番個漢堡，叫左一份辣味mos雙層芝士漢堡，漢堡算幾好味，但略嫌醬有d多，少番d會更好。追加左薯條同埋炸雞，覺得mos既薯條較粗，食落較有薯味。

MOS Burger📍 天水圍天恩路12-18號+WOO嘉湖二期地下G51&G87B號舖 💰$14吉列蝦漢堡 (他他醬)呢個吉列蝦漢堡係MOS其中一款熱賣包款，唔講你可能唔知日本人好鍾意食蝦堡，好似每年某啲連鎖店嘅秋天都會推期間限定嘅蝦堡咁。MOS嘅呢款哈寶真係做得好出色，外面層炸醬就算凍咗先食都好脆口，裏面嘅蝦肉好彈牙，他他醬同椰菜絲令到個包唔會好油膩，多咗一份清新感覺，而且而家只係半價$14 ，正到爆！如果miss咗呢個優惠都唔使唔開心，因為今名兩日到吉列魷魚漢堡做特價，每個只係$14咋，仲唔快啲去買？

小編去完銀行，見時間差唔多要食晏晝！咁買返屋企食啊！小編叫咗個單層芝士漢堡！買返屋企食，由取餐返到屋企大約都係10分鐘！正常仲有少少熱，返到去已經凍哂！另外個漢堡個包唔夠鬆化！咬落去有啲實，之後包入邊茄醬同埋芝士，融化咗、變到個味有啲酸，似酸瓜味，同埋茄汁有啲酸！之後有薯條食，薯條都係唔夠熱！而且冇落到鹽。變到好dry，而且都有啲林，唔係好夠脆。早排都食過其他分店嘅Mos Burger ，叫同一個餐，同一款嘢食，味道都唔會太差！嘢飲就叫咗可樂，都OK嘅！希望可以改善下！

好耐冇食過MOS Burger，見今日經過商場有得食，就買咗個包同一包細薯條食吓。我買咗一個炸南瓜餅既漢堡，好似健康啲，冇咁肥膩！ MOS Burger啲漢堡賣相確係唔錯依。對過漢堡非常滿意，但係個細薯條就好失望。MOS Burger嘅薯條出名好食，但今次食落去啲薯條林嘅，一啲都唔新鮮，食咗半包就放低咗。

已經唔知幾多年冇食過MosBurger啦 ～今次撞啱試到新嘅夏日期間限定🌿🍴盛夏特級和牛漢堡 HKD34見到POSTER 個樣咁吸引 諗都冇諗就嗌咗😆漢堡最頂個層夾咗炸洋蔥 雖然炸洋蔥唔係啱啱炸起有啲遜色 但保持到外脆內軟 不過我都係覺得生洋蔥好食啲🙊（不過應該幾唔match呢個包😂）塊漢堡扒聲稱用咗和牛um...冇咩肉汁不過食落去比普通漢堡扒紮實 重點之一就係有塊鮮菠蘿!平時食burger 都好少見會夾鮮菠蘿 多數都係用罐頭菠蘿片 鮮菠蘿嘅優勢就係唔會有浸過糖水嗰隻死甜 反而有少少酸味 可能因為係漢堡扒下面 食落更加juicy ✨成個包即刻生色不少👏🏻💬作為夏日限定 今次呢個配撘確實有驚喜 值得一試啊~跟餐仲嗌左炸雞塊 新鮮熱辣炸起超級juicy 🤤🚩MOS BURGER (全線有售)

呢間係我自己好鍾意嘅漢堡包店 ❗⭐ Katsu Burger(Wasabi)＄28 蝦堡－－－－－芥末醬蝦堡嘅蝦爽口彈牙配埋芥末醬 真係好開胃呀🤩椰菜亦都爽脆新鮮 ❗喺大家食漢堡包嘅另一個選擇👍推薦指數：⭐⭐⭐⭐⭐🔸️加＄23 粗薯條口感厚實👍🔸️加＄16 南瓜餅滿滿南瓜蓉 炸粉脆口📍總括而言， 想食平價啲漢堡包嘅朋友仔，MOS BURGER係一個唔錯嘅選擇❗MOS Burger天水圍天恩路12-18號置富嘉湖二期地下G51&G87B號舖

自己一個食晚餐天氣又咁熱唔想食飯就去左食mosburger，主要原因係係天水圍區可以選擇既漢堡包店其實唔多。所以就揀左一間性價比較高既mosburger，雖然份量唔算多但係個質素就可以講得上係都幾好食。加上我之前又有換到個金會員，全單又有折都幾抵。今次我就叫左一個雙層芝士漢堡，配雞塊。個漢堡就一如既往咁樣大大份，要用力去壓到佢扁先可以放得入口。個漢堡肉既肉味都幾濃，個番茄醬有配上洋蔥，令個風味提升唔小，但係個芝士味就出較唔突出。

去日本食過一次mos burger, 感覺同香港唔差太遠。魚柳包炸得唔錯，啲油唔會好臭。包亦都無一陣油味，而係香甜，面頭滑淨🤭🤭。雞塊好抵食，熱辣辣，感覺雞嘅成份比較多，唔會好粉咁😝😝。不過成日都無湯買🤔🤔

2021年3月13日(六)早上十時來到MOS Burger試新野吉列吞拿魚珍珠堡$28暖暖綿綿的珍珠堡夾住新鮮炸好嘅吉列吞拿魚圈加秘製辣醬外軟內脆，好味道叫多份早餐煙雞肉牛角包及飲品一杯$30要左杯即磨咖啡大滿足

今日午餐到天水圍置富嘉湖MOS Burger 買外賣套餐，加了$3要了一支野菜果汁，回家後發現那支果汁已經被人開了蓋及只剩下1/3.究竟誰人把已飲過的果汁放在雪櫃？然後其他同事不小心給了食客.