MOS Cafe

Open Now

Now Closed

久違嘅早餐日，歐陸風日式早餐Mos Burger～今日我叫咗：芝士火腿多士配凍咖啡同埋摩斯魚柳早餐配熱奶茶☕️熱奶茶係用Twinings English Breakfast Tea底所以同平時飲開嘅港式奶茶會有分別,茶味會淡一點～我自己就飲慣咗港式奶茶喜歡比較濃茶啲嘅茶底！記得以前讀大學嘅時候～有8點半早堂就會去Mos Burger買埋早餐加杯咖啡返學校食😋最鍾意食佢個芝士火腿多士，雖然好似好普通，Mos Burger 係即買即整（當然所以個拎餐時間係要耐啲嘅），整好之後喺留待係學校先食嘅過程當中，d芝士慢慢咁樣溶化，好味😋😋到而家再食嘅時候，味道都冇點變～唯一嘅係個價錢😅😅記得當時$21😂😂

去開mos burger 必定食burger, 經過呢間mos cafe 居然有意粉食，比門口呢個精選套餐張相吸左，$61 有迷你意粉，burger 同埋沙律好似幾抵食。黎到原來係個飛機餐xD, 真係好難食得飽，$61 仲要無野飲。 意粉講真係好食既，個忌廉汁唔錯意粉又夠煙un, 煙雞肉有兩片，蘆荀就四條有兩條老到有渣吞唔落。迷你漢堡揀左和牛款，burger 無得輸，肉唔會太乾，生菜芝士加茄乾夠新鮮。不過個沙律見到都唔想食，醬又無，得幾粒蕃茄碎同幾塊葉。 睇錯粟米湯以為加$3, 原來要加$13, 最後埋單呢個餐就七十幾，感覺有d 笨柒， 下次都係食番burger 好過。呢個餐份量真心係兒童餐，搵笨

終於到左萬眾期待嘅星期五 Happy Friday!💜經過見到一個包咁平 就即刻決定要買佢🤤🌟 吉列帆立貝漢堡 🌟漢堡包唔係特別大個 但佢啲料都幾豐富🤤帆立貝炸得唔錯 入面都食到一絲絲嘅感覺個汁少少酸 有啲似醋味 食一啖即刻好開胃😋重點係 好難得Mos Burger嘅包有芝士 作為芝士控嘅我真係好滿足😚$13 呢個價錢 食到咁豐富嘅漢堡包仲可以要求啲咩？💜好肚餓嘅我 最後食左兩個 飽晒🤪今晚嘅大胃王仲唔係我？😆本身想出酒post 但見佢期間限定 決定比呢個post打尖😎🤑 吉列帆立貝漢堡 $13

Mos Cafe Special Set $62田園沙律+ 日本和牛迷你漢堡 + 香草番茄磨菇迷你意粉諗住依個餐會令我自我感覺良好，因為全部都係迷你姐，做tea都唔會好heavy呀☺️點知個意粉都唔算迷你，有圖有真相，份量都算多😂仲意外地幾好味，番茄味好濃郁呀🍅值得一提和牛迷你漢堡認真幾高質，以為咁細塊漢堡都唔慌好食，點知勁juicy，牛肉味都好濃😍依個Mos Cafe Special Set性價比係幾高👍

行開黃大仙，想食漢堡包咁食咩好啊？好在黃大仙中心有間Mos Cafe姐，咁岩八爪魚漢堡做緊買一送一喎，我去試吓先！佢個八爪魚漢堡好好食呀， 10分鬆脆，不過如果入邊多汁啲就更加好啦。當然，佢個雞塊永遠都唔會令我失望，間間都咁好食！啊！順帶一提，佢哋個凍檸檬茶都幾好味，唔係好甜，建議大家經過黃大仙嘅時候，又想食漢堡包，真係入去食下。叫咗一個餐，一個包，散嗌凍檸茶，都唔過$80 ，抵到爛！不過嗰度嘅冷氣唔係好夠，建議去食呢就一定要嗌凍飲，如果唔係會流汗！

突然好想食薯條，唔幫襯老麥係想食質素稍為好少少既，所以專誠去買左個餐。等候其間店員仲俾錯餐我，雖然我買外賣，預左點都唔夠堂食好食，但我拎到後即時食左兩條就知大獲，油淋淋，完全唔脆～返到去拎出後睇，成包薯條就係油浸咁，難食到死，有啲仲要有雪味，成包熱，但又有啲未熟，有啲油浸咁。其實都唔明都只係加薯條落啲油用機炸，你跟返個時間就ok,點解員工都可以整到咁難食～我都等左好耐，不如起碼炸熟左先俾我，個時段又唔係多客呢～

與友人2人行完街, 找了Mos Café醫下肚, 本人仍是第一次食, 因為覺得如果要食飽不如食M記好似抵食D.我地分別叫左:1.     Mos Café Special Set ($61)有田園沙律: 少少菜,減低罪惡感, 無咩特別蕃茄磨菇意粉: 醬汁多, 但好咸呀超級迷你既和牛小漢堡:和牛太咸了, 醃料太重手, 蓋左牛肉既味2.     和牛漢堡($38)+炸薯條($24)係超級迷你既和牛小漢堡既放大版, 都係D醃料太重手, 蓋左牛肉既味炸薯條,幾好食,卜卜脆,係我中意既口感,又唔太咸佢地點完餐後, 俾個牌你放係位, 然後佢地送餐,但呢樣嘢就麻麻地, 太唔先進.依加人地果d 送餐牌都有感應器感應你所坐既位置,但佢地就靠員工的肉眼去搜索個牌同客人坐既位置, 我就係眼白白睇住個員工送餐行左2個圈先搵到個客人.

叫了摩斯漢堡，配有芝士的，是單層的，內裹有一塊蕃茹，洋蔥，肉醬，漢堡扒，麵包經過烤，十分的脆而且內里柔軟，配B餐即是大薯條以及飲品，薯條是粗薯條，十分有口感，十分好的連鎖漢堡店

這天和家人到位於黃大仙的呢間MOS Cafe吃午餐，人流不算多，座位都頗足夠，而且有洗手位置供食客吃前和吃後作清潔雙手之用這點很讚！我們排隊去點餐，我點了吉列蝦漢堡（芥末味）配凍抹茶鮮奶，跟餐選了細薯條，家人點了雙重芝士和牛漢堡（辣味）增量版的，配上凍奶茶，跟餐選了炸雞塊。特別喜歡MOS 家的薯條，非常好味，薯條比較厚身加上炸得香脆，配合茄汁實在是非草正～吉列蝦漢堡的吉列蝦亦炸得恰好，香脆美味，包內醬汁選了較刺激的芥末味，認真説芥末味是比較重的，不能吃辣的可選取另外囗味。抹茶鮮奶味濃冰凍，很不錯呢！稍為要説的是凍奶茶味道比較淡，可以稍調濃一點點呢。

第二次吃mos burger 這次點嘅餐 沒有之前食的另一種漢堡嘅味道香濃 法式和牛漢堡賣相可以 吃起來一般 主要吃不出和牛的味 道 而且價錢是真的頗貴 。抹茶飲品的味道到是可以 但是有點小杯

MOS Burger嘅MOS Café限定推出龍蝦忌廉薯餅$19/2塊，全港得幾間有得食，仲要即叫即炸。色澤唔錯，以可樂餅嚟講體積標準，就係薄咗啲。薄薄炸皮，剛好咬落覺得脆口唔會硬，流出龍蝦忌廉湯熱辣辣，無錯，就係湯，濃度同味道完全係湯！不過真係滑，完全感受唔到有薯仔之類饀料，飯前食感覺剛好，優惠做到8月27日。

今日黎左試mos burger嘅新套餐，迷你漢堡配意粉。我地叫左三文魚漢堡同鮮茄雜菌意粉，個漢堡真係好迷你，兩啖就食曬，有d孤寒，個意粉都有d油，同埋鐵板上但鐵板又唔熱，令人不明所以。另外重叫左牛肉珍珠堡，味道唔錯，保持一貫水準，呢個用米飯做嘅漢堡用珍珠米，唔同以前麥當勞嘅飯tastic ，好軟好好口感，同牛肉會夾d。之外重叫左咖哩吉烈豬排飯，味道就一般，不過配菜種類多，有白蘿蔔、紅蘿蔔、薯仔等等，幾新鮮。

MOS burger的蝦堡一向是我的最愛，蝦堡的蝦肉厚，多汁，而醬汁也配得剛剛好。粗薯條也是新鮮即炸的。而和牛特級漢堡的味道則一般，牛肉味雖然比一般的快餐店濃，但價錢與味道上則有輕微差異。飲品方面，香橙紅茶的橙汁太淡，反而橙皮味濃，加上太過濃的紅茶令飲品的味道太澀。

食物 : Demi- glacé burger ，特級和牛漢堡賣相 : 食物賣相唔錯味道 : 和牛味道不錯，有肉汁，啲醬汁幾特別環境 : 9/10，人流比較少，環境寧靜價錢 hkd 76 /人性價比 : 6/10 ，如果一個包係買30幾蚊其實可以接受，但係一個餐嘅話平均都要$60有點貴

今天逛街經過很久沒食的mos cafe 就進去拉，點了看起來好吃的法式和牛漢堡，薯條，凍奶茶，薯條炸的酥酥的好吃，主角漢堡肉醬汁有點鹹，還算好吃囉！餐後這裡屬自助式的自己收，還不錯囉！