Video
1-min walk from Exit C, Hong Kong MTR Station
continue reading
Opening Hours
Mon - Sat
06:30 - 21:00
Sun
07:00 - 21:00
Public Holiday
07:00 - 21:00
Above information is for reference only. Please check details with the restaurant.
間唔中都好想食下港式快餐店早餐😛耐冇食發現原來都幾多選擇不過由細到大都係中意食脆魚柳😍早餐原來做到11點半左右，等我仲以為11點就完趕住過黎😅平日中環呢間美心MX都冇乜人，大把枱可以坐🍞脆嫩魚柳配火腿多士（$33）魚柳即叫即整，好香脆，而且魚肉嫩滑😋真係做到外脆內軟🤩而多士亦都係岩岩烘起，仲熱辣辣😍🍲火腿通粉（+$6）另外再加左碗通粉，食完晏晝都唔洗再食野😆通粉個湯底都幾濃，亦唔會熟到太林👍通粉個人都係中意食有坑紋既款多啲😛☕早餐配埋杯熱鴛鴦，暖粒粒/😋食物質素：7/10🍽️用餐環境：6/10💰性價比：7.5/10👣回頭率：7/10
continue reading
中環lunch時間真係好多人，有時想食個快飯，都係去連鎖快餐店🤭。呢間 MX都真係好耐歷史，其實我自己覺得連鎖快餐店之中，MX既燒味同中式飯係比較出色😚。所以我多數黎都係食燒味飯，今次又order 左個叉燒炒蛋飯 $45同埋 叉燒油雞飯 $46😋。不過有D奇怪明明都係叉燒，叉燒炒蛋飯D叉燒乾好多，無咩脂肪😅，炒蛋就唔錯，炒得啱啱好，加左菜甫同葱，所以增加左香味😍。叉燒油雞飯，D叉燒可能係燒味部出既，好食好多，帶少少肥，好甘香😆，油雞都好味，好滑同埋淡淡豉油香，真係唔錯。有時唔知食咩，簡簡單單食個快飯，MX都係幾好既選擇。
continue reading
一杯咖啡加火腿炒蛋麵包，大家對$32元一份外賣早餐有何期望？其實以早餐來說，以上價錢不算便宜！但在MX美心烘焙就是個大伏，麵包單叫$19，見到整齊的排列在一個玻璃箱內，心想新鮮製造還keep warm，有誠意啦，加杯即磨咖啡$13，若味道合理是可以接受的。怎料回到公司取出麵包，由饀料至包均是凍的，完全不是放在玻璃箱内的產品，加上那杯比清茶好一點的咖啡，完全是中伏的一餐。
continue reading
中環美心MX裝修後重開，諗住有張coupon，順便用埋，點知中伏。於早餐時段，都預咗人多，但時間仲早諗住試吓，落order要排長龍，試吓用自助機，點知scan 唔到張coupon，職員幫手都scan唔到，最終都要去cashier 先攪掂。到買咗飛又要排隊攞餐（人哋麥記、大x樂都出no. 等，使乜排隊，仲可用Apps預先落order，免排)，落order到攞餐都前後攪咗15-20分鐘，如果趕返工真係諗清楚！
continue reading
原本想食譚仔嘅早餐（三文治🥪），但時間計得好近又加埋唔識路搵咗一陣，去到剛好11點， 截咗單冇得食囉😞😞，咁睇吓附近餐廳仲有買早餐，就係隔幾間舖嘅MX🤩🤩～～～脆嫩魚柳煎蛋餐+火腿絲通粉+凍檸茶～～～脆魚柳炸得都幾靚仔，算叫做幾大塊，肉質就未去到話超滑，，不過已經唔錯😚😚！會有兩隻太陽蛋，蛋白幾厚，口感唔錯！ 蛋味一般🙂🙂火腿通粉就屬正常水平😗😗～～～雞扒.腸仔+榨菜肉絲米粉+凍檸水～～～雞扒同腸仔就嫌鹹咗少少🤏🏻🤏🏻！肉絲米粉就普通咗啲😉😉另外多士有另一個食法，就係塗完牛油上面再加層薄薄砂糖，會中和返牛油🧈嘅油膩感仲帶少少甜味，不防一試🤗🤗
continue reading