多莉餅店

Open Now

Now Closed

店家有告示 周末 3點至4點有凍餅賣我就2點45分黎到睇當時約有三組顧客排隊 大家距離都好鬆 有守聚令店員出黎同我地講 3點半先賣 叫我地 3點3先黎排於是我就返左屋企坐左一陣又落返去準時3點3落到去店員居然話今日無餅賣其實如果無餅賣 可以一早就話無餅賣 唔洗人地天寒地凍行黎行去有人話佢地怕比人告限聚 其實店家派籌又得 不定時賣又得 分散賣都得 叫人排鬆啲都得但叫個客轉頭黎排 但就唔賣餅（唔係賣晒喎，佢係有都唔賣喎）點都講唔通囉

想返璞歸真，食番兒時風味嘅港式忌廉蛋糕➡️咁就可以試吓呢間元朗小店啦除咗忌廉蛋糕，佢仲有唔同嘅西式蛋糕可以選擇🌟😋食咗乜：鹽味焦糖切餅 HKD$15😊蛋糕面嘅焦糖漿質地濃厚，即使打開左包裝膠，都仲可以穩陣咁掛喺蛋糕上面👍🏽加埋個包裝盒👍🏽賣相一流切餅以層層忌廉同埋海綿蛋糕為主，忌廉質感綿滑唔會太膩。但蛋糕就好似空氣感太重，如果實淨小小會更好。整體嚟講：包裝+焦糖漿+脆米+忌廉+蛋糕➡️都好出色

今年生日蛋糕放棄咗買酒店蛋糕，因為想支持下黃店。千揀萬揀揀咗呢一間，因為佢啲士多啤梨造型非常之特別😂我揀咗黑森林蛋糕，夾層入面有啫喱，整體唔係好甜。啲士多啤梨雖然造型一百分，但好可惜係唔甜嘅😅

元朗人氣餅店-多莉餅店出名空氣櫃～緣份到了就買到！輪到我嘅時候，已經所剩無己，但有哂心理準備嘅我一早已經抱住「有咩買就買」嘅心態排隊🙆🏻‍♀️最後成功買到-雪媚娘、黑森林蛋糕同Tiramisù~我一直都對雪媚娘心心眼😍皮好薄有Q彈有嚼勁～入面充滿住滑滑的cream同生果～但又一啲甜膩都無～令人想接住再食另一個😍😍食完黑森林蛋糕～終於明白點解會叫空氣櫃～除咗雪櫃長期吉吉～就係蛋糕都充斥住空氣咁～好鬆軟～唔係硬掘掘🙃同埋港式黑森林蛋糕入面一定要配啫喱🙆🏻‍♀️食完兒時味道返哂嚟😋

每次經過多莉餅店都好想買件裝蛋糕試試!! 但每次去到都沒有蛋糕買, 要不還未到出爐時間, 要不已賣完....這次終於給我等到蛋糕出來, 買得到了!!!要買蛋糕都要排隊等侯, 來買蛋糕的人好像都知道要提早一點來排隊買, 才有機會買得到...等了大約10分鐘便買到了!款式大約有4-6款, 而每款大約有10件, 所以量其實好少, 難怪這麼快便賣完...難得買到, 這次一次過買哂4款蛋糕, 包括: 海鹽焦糖蛋糕, 黑森林, 藍莓芝士蛋糕和tiramisu!!每件大約$15-$20, 都算抵食!海鹽焦糖蛋糕不會太甜, 味道調較得不錯!黑森林跟一般做法差不多, 味道正常!藍莓芝士蛋糕芝士味香濃, 是傳統比較實的芝士蛋糕!tiramisu咖啡味不會很濃, 幾好食!

«928»happy birthday to me 🎂🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷鹽味焦糖蛋糕 $96 (需預訂)嘩！我問完個價錢萬分驚訝，竟然仲會有$100樓下嘅蛋糕😲 仲要係好食嘅高質蛋糕黎🍰←發現同粒emoji係一樣樣嘅😂個cream打得好好，輕盈又唔膩，有微微海鹽味，好想瘋狂食啲cream😙 配埋海棉蛋糕同埋焦糖糖漿，甜度都啱啱好～食完一舊有想再encore嘅衝動！🥰重點要講再講多次：真係好抵食好平，性價比極高，大西北朋友要bookmark🤞🏻﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣多莉餅店 (元朗)元朗鳳攸東街9號好順意大廈地下18號舖

人哋劉備三顧草蘆..我就五顧餅店為凍餅...之前買5到凍餅, 就試過蛋卷、芒果糯米糍、紙包蛋糕同核桃蛋糕以上四樣都覺得5錯, 所以成日想買佢D凍餅嚟試...但每次都失而回而家知道佢每日出凍餅時間(星期一至五17:00-18:00 ; 星期六、日及公眾假期15:00-16:00)所以今日星期日突登番港毛區前嚟買..15:00到門口, 未有得賣, 大概15:20開始賣每人限買6件, 每款不多於兩件,但芝士餅只可以買一件要左芒果卷、草莓卷、栗子卷($11/件)、鹽味焦糖、特濃朱古力($15/件)各一件最鍾意鹽味焦糖>芒果卷>特濃朱古力>草莓卷>栗子卷因為本身5鐘意栗子味嘅野..所以先排最尾..鹽味焦糖係有驚喜嘅總括嚟講, D 餅係多cream, 所以好滑同香鍾意cream多就覺得正(好似我咁, 哈哈!)5 like cream 應該會覺得漏下次幫襯應該成個買喇!!

某天洗車時有人介紹我去試下，話自己都成日食開好味道，但多數要排隊先買到。我去買果時的確要排隊，等左幾個字終於買左半打，西餅雖外貌平平，但食落的確好味。入口餅底軟綿，味道清甜不膩，連我平時不愛好食甜品，都會想一口氣食哂半打0既衝動。當晚約左人食飯，食左兩三件，剩低0既西餅，隔左夜第二晚再食，令我更驚喜，竟然隔左咁耐時間，口感同味道仍然保留到，完全冇隔夜餅感覺，keep到新鮮好味！下次朋友生日，都打算去呢間訂蛋糕，好野值得推薦比朋友！

🔎多莉餅店(元朗) 💛📍元朗鳳攸東街9號好順意大廈地下18號舖-多莉嘅甜品、切餅都係一出就秒清 #緣份到了自然買到 又平又好味 味道同款式都夠實在 黃色小店一定要支持🔹藍莓芝士蛋糕 $93/半磅芝士味好濃 都係實淨型 亦都唔會太甜 ＋$8可以寫朱古力牌 手字仲幾靚 🔹Oreo卷 $10Oreo都幾多 成個Cream都好重oreo味 仲要咁平 真心抵食🔹藍莓芝士切餅 $18🔹鹽味焦糖切餅 $13

終於有機會試到此店出品！小店製作不多，做的是街坊生意，常常經過都賣得七七八八，接近大家放工時間餅櫃更是空空如也！要食到都要講緣分呢！試了芒果卷（$10）和芒果雪媚娘（$13)，芒果很當造，生熟度也是剛好，甜！特別一提是餅底，超級新鮮香軟，也不太甜，質素遠勝一般連鎖餅店！雪媚娘外面是糯米皮，煙煙靭靭的！裏面有大大塊芒果，略嫌芒果cream比較膩，但整體亦不錯！相比之下芒果卷更是我杯茶❤食過小店，回不去了！下次一定要試試其他口味！

爸爸生日要買蛋糕，在Instagram 看到這家蛋糕評價不錯，決定一試。先網上預訂一磅的鹽味焦糖蛋糕，店主溫馨的提醒，如果人數少，是可以訂半磅。但我有7人食，一磅剛好。蛋糕外觀很漂亮，很高級的感覺。士多啤梨很大粒，但不知是否不是當做，不算很甜。鹽味焦糖很特別，其實也不會很明顯的咸味 (如果有反而會很奇怪吧) 焦糖燶澀味，即使雪過入家中雪櫃，焦糖仍然沒有變硬外層的cream不會很厚，亦不太甜，吃上去沒有太大的罪惡感

其實之前已經有幫襯過呢間小店🧏🏻‍♀️佢唔係大路附近所以可能有啲難搵🙈我住附近會成日幫襯🤣試過佢地好多嘢食 曲奇蛋糕都試過個人嚟講曲奇有啲厚 但味道係唔錯嘅蛋糕覺得還可以但麻糬波波真係令我上癮🤩🤩🤩幾乎日日幫襯今次去一買就買左二十粒麻糬波波！兩蚊一粒超抵(6粒11蚊）佢有芝士同朱古力味揀～最緊要煙煙韌韌口感好好又好香🤩仲要係黃店真係冇得輸💛之前都試過佢哋嘅曲奇同蛋糕大家經過都不妨買嚟試下！

落開元朗，梗係要幫襯小店！我喺千色店嗰邊行過雞鳳悠街嗰邊，唔係好熟路，搵咗一陣。買嗰陣，見到個凍櫃有好多野揀。最後揀咗以下2樣。芒果雪媚娘 15蚊第一口咬到的是糯米皮，軟軟的。因為雪凍咗，就好似冰皮月餅咁，細軟又涼涼地。然後咬到厚厚的cream，有淡芒果味。一層鮮芒果，有芒果的甜味。蛋糕鬆軟。一件切開4份，都未能一下放哂入口。幾大件。芒果糯米滋 12蚊3粒煙韌的糯米皮，鮮香甜美的芒果。因為喺雪櫃拎出黎，冰冰涼涼。

早幾日入咗元朗探親戚，食完飯之後拎咗盒甜品出嚟，話係附近新開咗間野，叫我地一齊試下，當飯後甜品！點知一試新野就出事喇，最慘係我又唔好意思唔食，格硬食咗⋯聽佢講啲蛋糕都幾平下⋯但無諗過會咁差⋯其實個樣都已經好一般⋯個芒果雪菓子入面啲芒果熟得制，啲粒粒黑黑地都算，最慘係出水⋯搞到食落濕立立⋯個木糠布甸好似食忌廉咁⋯好漏又無香味⋯木糠唔夠乾身，上面有啲係一粒粒⋯木糠溝埋啲忌廉好似食糊仔咁⋯希望佢下次唔好再買⋯