牛一 (形薈)

Open Now

Now Closed

今次第一次去形薈呢間牛一打邊爐，中午放題價錢非常之抵玩， 見到好多人一人一個大鍋， 落嚟食都唔怕現場見到就算一個人落嚟食都唔會尷尬😂食物方面選擇種類都幾多，丸號種類比較齊，蔬菜亦都有好多選擇，最正係有甜品同埋餐前小食，例如炸物同埋飯等等。最後仲有雪糕同埋frozen yogurt做甜品。豬同牛都幾好食，服務員態度正常，上菜速度亦都幾快，以呢個價錢嚟講算幾抵玩，建議大家可以試吓。下次有機會試埋夜晚，但見價錢較貴，所以都係會推介午餐。

行完龍脊&鶴咀，諗住食番多d補補😂😂，點知預到職員態度唔太好，兼食物有問題，真係唔好的食物體驗。新一年估唔到係咁，先係餐廳職員態度唔好，當時叫幫手執野反白眼，仲有食到有問題豆腐，係酸酸地既，我諗住無事都照食左，結果果晚就出事，搞到番屋企又屙又嘔🤮🤮三個人食左 $768.9， 人均消費 $256.3，咁既飲食經驗，簡直了……呢間餐廳搞到我下次見到牛一其他分店都驚驚，關聯到今次咁既飲食經驗，絕對無下次幫襯😂😂

前兩日見到新店開張有優惠咪諗住同朋友去試下，就去打電話book位，一開始聽電話個女人就好聲好氣咁話預約滿咗要walk-in ，咁咪諗住約另一日啦，佢聽完就話：「你唔洗諗㗎喇，全部都full晒，要walk-in 。」然後再問優惠最後一日，佢連聽都未聽完我講咩就不斷話要walk-in walk-in walk-in….」最後仲要cut線，搞到即刻唔想去幫襯

新開業加上是筲箕灣第一間Sabusabu當然要試下我們星期日約11:40到達,當然是無咩人啦,不用等位店員好好問我想座什麼位置Storellet會員有一份魚滑或蝦滑送午市90分鐘放題我們選了最平那款有牛肉的放題-美國特選級穀飼牛肉,可享用豚肉及雞肉,和hotpot buffet bar items $148假日+$10+10%服務費湯底是一枱一個大鍋,不是一人一鍋,可選:昆布清湯,干貝清湯,木瓜海底椰魚湯,黑蒜油雞白湯,姬松茸地雞湯,中華麻辣湯,蕃茄豚骨湯,壽喜燒,季節限定湯底混合湯底+$20我們選了季節限定湯底-喇沙,不辣的,好味hotpot buffet bar 有菜,丸,響鈴,炸魚皮,麵食,醬料多選擇,醬油也有幾款飲品有咖啡機,茶包,紙包或罐裝飲品,多選舉,我很喜歡不是汽水機乳酪有原味和士多啤梨味,可加配料,芒果爆珠幾好味Sabusabu當然要講主角牛肉,同一款牛肉拿出來有下面2碟不同的樣貌,牛味不算重,薄薄一片也算不錯豚肉和雞肉也不錯,有肉味,雞肉滑有日本葛絲和蕎麥麵這些平日不常見的放題麵食店員服務態度好好,不停主動收拾,自動加湯,餐廳沿用之前餐廳的裝修依然新淨,食物也不錯