南島

Open Now

Now Closed

西灣河近近地裝修環境唔錯既星馬泰餐廳食下午茶，價錢一般，不是最平一間，味道及熱度接受！熱辣辣的喇沙湯底，飲一口暖入心，又濃濃的海鮮椰子奶味，又有蝦既鹹香味，好好味！至於另一碟肉骨茶，濃濃的藥材味，排骨易咬開，整體來講唔錯，座位闊落！

南島以多元的亞洲風味為賣點，提供星、馬、泰菜，而且餐廳有兩層，環境乾淨整潔，坐得舒服。《海南雞撈撈板面（非油炸）》$72海南雞一般都是配油飯的，這里除了配油飯，可以配撈板面，相當特別。面條口感稍帶彈性，沒有油炸過的重口感味，配上特製的醬料、炸蒜片、粟米粒、青瓜絲和蟹柳絲，份量相當充足，而海南雞肉質鮮嫩，雞皮似jelly，配搭海南雞三種醬汁，其中酸辣醬最惹味。《泰式炒金邊粉》$72金邊粉是泰國的名菜，除了金邊粉，還有蛋絲、蝦仁、豆芽等配料，口感相當豐富，而且粉條不會黏在一起，每一口都能感受到濃濃的泰式醬料味，帶點酸辣，非常開胃。《龍眼冰》$14 《熱薏米水》$14龍眼冰是典型的泰式飲品，清甜解渴。薏米水有足夠的薏米，淡淡的米香，非常之暖胃。

一直有幫襯開，見住佢由初開張充滿熱情的招待到後來黑口黑面。食物份量少左又加左價，但都繼續去貪佢坐得舒服。但個別店員態度惡劣，呼喝D客人，大把空枱叫人二人坐一邊卡位。近日生意已差左好多，仲咁對D客，真係冇言。

西灣河地鐵附近有間幾出名嘅星馬泰餐廳，成日見到都有好多人幫襯，身為一個鍾意食星馬泰美食嘅人當然都要過嚟試吓啦😍 佢有好多午餐嘅選擇，包一個主食同埋飲品，全部都好吸引😛泰式蓮藕餅 🫓平時好少見有蓮藕餅，每次見到都一定會叫，佢真係用咗兩片蓮藕入邊夾住啲蝦膠，仲有甜酸醬點添，好惹味👍無骨海南雞喇沙米線 🐥 食星馬美食一定要食海南雞，再加上喇沙米線，喇沙湯底好香濃，海南雞好入味，唔錯🤭青咖哩雞配印度酥餅 🍛 泰國代表美食就係青咖喱雞，青咖喱少少甜甜地好開胃，唔辣嘅，可以揀配白飯或者印度酥餅都得，我就揀咗印度酥餅啦，因為好鍾意佢脆脆哋好好食🤩檳城白咖啡 ☕️ 飲品就當然要試吓馬來西亞檳城白咖啡啦，咖啡味好香濃，好飲😌凍檸茶 🍋 另一杯就揀咗凍檸茶啦，最近天氣比較熱一定要飲返杯凍飲解渴😂

最近好想食星馬泰菜，見佢幾平又多選擇，於是約埋媽咪一齊食，估唔到又幾好食喎😍1️⃣新加坡肉骨茶配白飯（💰72)個肉骨茶超級足料！有原粒蒜頭🧄、枸杞、龍眼肉、冬菇、腐竹同肉排等等。冬菇同腐竹好索湯汁；肉排係一字骨嚟、大大舊，啲肉炆得好腍、入口即融😍個湯嘅醬油味好濃，帶有淡淡嘅當歸同黨參味，配飯同油炸鬼都好夾，淨飲飲完都唔會頸渴😋2️⃣招牌海南雞飯(💰72)係無骨海南雞嚟，雞肉好嫩滑、雞皮好薄、雞皮同雞肉之間有層啫喱，雞肉質素好好👍醬汁係經典三款醬汁：鹹香嘅蔥蓉、甜甜嘅黑醬油同酸酸辣辣嘅酸辣汁，三者完美咁帶出雞肉嘅鮮甜，亦都帶嚟唔同味覺享受、夠哂好開胃🤤油飯亦都煮得好香，粒粒分明，唔錯👍3️⃣馬來蔗蝦（💰68）熱辣辣，舊蝦肉好彈牙多汁，蝦嘅鮮同甘蔗嘅甜味互相配合，意外地好食👍

店名/Shop Name：南島(西灣河)地址/ Adresss: 西灣河筲箕灣道143-145號大來大廈地下B號舖及地庫種類/Type:串燒/多國菜推介/Recommend：海南雞飯， 泰式燒豬頸肉 ， 泰式肉碎生菜包，人均價錢：$100店舖環境:裝修簡潔乾淨座位舒服交通:西灣河地鐵站行5分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️海南雞飯$72海南雞飯做得好好，海南雞嫩滑有雞味，配上特色的醬汁非常惹味，海南雞飯嘅飯都非常好，飯粒爽口，唔太油膩泰式燒豬頸肉$68 泰式豬頸肉燒到金黃金黃，配上特別的醬汁，非常香口泰式肉碎生菜包$68泰式肉碎調味得剛剛好，酸甜香辣，令到個肉碎非常惹味，配上清新爽口嘅生菜，最鍾意這一個

鋪頭有上下兩層，餐廳座位舒服，而且寬敞店員服務態度好好，上菜速度好快菜單款式好多選擇新加坡肉骨茶（白飯）$72一放上枱已經聞到好香藥材味，飲落去好濃郁！肉排大約4件，炆到好淋，啖啖肉之餘，內有一整舊大蒜，腐竹，可選擇油飯或白飯配有一條短油條，卜卜脆好香口巴東牛肉$78牛肉炆到好淋，好軟滑又入味，呢款巴東牛肉偏多汁，醬汁好好食又惹味，唔會太重口味，啱晒香港人胃口，撈飯一流香茅豬扒星洲喇沙米線$72香茅豬扒超大塊，煎到金黃色，湯底都好出色，湯底嘅微辣同椰香味混合平衡，個湯好好飲，仲愈飲愈開胃。豆卜索晒湯，每啖都有湯。魚蛋都好彈牙，有魚香味，又唔會太咸。成個米線都好好味整體份量都好多好大份龍眼冰$28

位於西灣河嘅「南島」星馬泰餐廳,為食客帶來一個別具特色嘅味蕾之旅。我地喺下午茶時段黎，點左「星洲肉骨茶配油飯油條」。濃郁醇厚嘅肉骨茶湯底, 茶湯好滋補，唔會過重藥材味，肉質亦軟淋，吸哂啲湯汁好惹味！配合軟糯香甜嘅油飯以及酥脆可口嘅油條,每一個元素都恰到好處,百吃不厭。而「招牌海南雞飯」亦相當出色,雞肉嫩滑多汁,加上清新爽口嘅醬汁,吃落十分開胃。最後必試嘅「椰香咖央多士配半熟蛋」,可謂集星馬特色於一身。香濃似絲嘅椰漿,配合酥脆松軟嘅多士,再配上半熟蛋,實在是一道絕妙無倫嘅異國美食。每一口都帶來豐富複雜嘅味覺體驗,彷彿置身於東南亞街頭小販間。總括而言,「南島」不但環境衛生明亮，食物質素亦優質，推介可以黎試一試呢！

海鮮喇沙米線 $82可以改河粉底， 河粉吸晒湯汁既風味.海鮮都算多， 有蝦，帶子，墨魚！ 唔算辣， 所以岩我食🤣🤣 大大碗 一個人食夠晒飽！ 招牌海南雞飯 $78雞肉嫩滑多汁， 唔會乾柴. 油飯有雞油既香味！ 粒粒分明既飯呀！ 湯唔會太咸. 有3種醬汁掂～酸辣去骨鳳爪 $58鳳瓜去左骨真係食得爽勁多！ 啖啖肉 ！ 熱奶茶 - 有茶餐廳既香味； 想飲特色野飲，可以揀熱薏米水 - 都多料係裡面嫁. 幫助去濕👍🏻推介指數： ⭐️⭐️⭐️⭐️/5

夜晚九點很多餐廳都已關門或準備關門，附近只剩下南記、麥記，好彩呢間餐廳開到10pm小編本想叫一個海南雞飯，可惜已售罄，因此叫了一個巴東牛肉飯及新加坡肉骨茶餐新加坡肉骨茶餐 $72 (不包飲品)雖然餐牌稱該肉骨茶是新加坡風味，可小編認為它更似馬來西亞風味。肉骨茶的醬油味濃，比香料味濃。肉排大概有4件，炆到好淋、離骨。👍🏻內有一整舊大蒜🧄，食落雖然好入味但仍有蒜蓉的辛辣。油飯有油光，粒粒分明，有咬口。配有一條短油條，油炸鬼就普普通通啦。巴東牛肉飯 $72 (不包飲品）巴東牛肉略嫌香料同椰奶味不足🤨，見到店家有落月桂葉🍃，但辣椒、荳蔻、蒜、薑等香料可以再加強。但牛肉算係淋嘅兩款相比底下，肉骨茶抵食啲～（肉骨茶有得揀油飯，巴東只配白飯）最後，職員服務態度抵讚！！！😘😘😘餐廳收10點，儘管當時我們入坐是九時許，但餐廳職員仍十分友善有禮地招呼我們。儘管我們吃完後大約9:45，職員亦沒有心急趕我們離去，仍然有笑容有禮貌，值得一讚！

泰式蓮藕餅泰式蓮藕餅以蓮藕為主料，外層裹上酥脆的麵衣，每口咬下去，外酥內軟，入口即化。蓮藕的清甜與香脆，搭配泰式特有的香料，風味獨特。雖然油炸，但不會感到油膩，反而帶有清爽口感，值得推薦。😋海南雞星洲喇沙海南雞星洲喇沙湯底濃郁，以椰奶和香料熬製而成，帶有椰香和微辣的味道，令人回味無窮，加入新鮮的海南雞肉和米粉，口感豐富，層次分明。😋香草炒肉碎煎蛋配白飯香草炒肉碎煎蛋配白飯簡單而美味，肉碎經過香草的調味，口感鮮嫩多汁，與蛋一同煎熟，營造出香氣撲鼻的味道，搭配著熱騰騰的白飯，香味俱佳，入口酥軟可口，讓人回味無窮。😋

餐廳提供多款星馬泰美食，包括肉骨茶、海南雞、喇沙、咖喱、串燒；仲有多款具備東南亞特色既飲品和甜品，選擇多不勝數。泰式豬手飯：以泰式滷水汁炆既豬手，肉質軟腍入味，仲要係無骨啖啖肉，豬皮充滿骨膠原，加上泰式辣醬，令味道更上一層樓。雞絲,雞卷撈板麵：馬來西亞雞絲雞卷係將雞肉、豬肉、洋蔥等材料包在腐皮裡，再炸成長條狀，配半手工非油炸麵，麵條Q彈，順滑口感，風味十足。芒果糯米飯：芒果香甜多汁，糯米飯軟綿綿，切成五小塊，上面鋪滿椰漿，超級好食。檳城白咖啡：馬來西亞白咖啡，加入糖和煉奶，入口奶香味濃郁，跟住苦澀既感覺慢慢在口中擴散，層次感豐富。桔仔話梅水：馬來西亞地道飲品，酸酸甜甜，特別醒胃。總結，食物正宗，份量十足，價錢合理，真材實料。

喺附近返工，由同事帶路下嚟南島試試星馬菜鋪頭雖然有上下兩層，座位唔算好多由於正值午飯時間，好彩等咗一陣就有位餐廳座位舒服，而且寬敞店員服務態度好好，上菜速度好快而且食物溫度熱辣辣的大家都叫咗招牌無骨海南雞喇沙米線 ($72)等咗10分鐘就上菜了，喇沙米線大大碗，有陣椰香嘅味道，完全唔辣，份量亦好足料，完全足夠男士嘅食量大食嘅男士亦可選擇多粉，免費的喇沙米線，配料相當充足內有蝦、豆卜、半隻雞蛋、魚片配料完全索哂喇沙湯汁，好食好食而海南雞都相當出色，肉質嫩滑，唔會嚡口份量一啲都唔孤寒食完先知，原來店員俾漏咗海南雞醬汁😅可想而知，南島嘅海南雞就算唔需要醬汁，都好美味

下午茶時間，搵間坐得幾舒服嘅，靜靜地，幾好。叫了生牛河同肉骨茶。生牛河個湯底，勁濃，勁正，朋友話有小小騷，但我喜歡濃。河粉有小實，唔夠滑。得3塊牛肉。肉骨茶個湯就一般，唔重藥材味，唔重豉油味，肉有3條，都算多，有一個蒜頭，好在湯份量都多。一條完條迷你版油炸鬼。包熱飲，叫咗柑桔話梅水同文冬薑茶，真心比較細杯。衣度都有海南雞，之前試過就一般般。坐窗口位最大特色係對住個廁所。開揚。背境音樂好柔和。唔係好多客人。

聽朋友講西灣河開咗間星馬菜，性價比高又好食，今晚就去試吓啦叫咗三樣嘢：椰香咖央多士配半熟蛋、軟殼蝦星洲喇沙、海南雞飯自從之前去新加坡食過阿坤之後，就一直對咖央多士念念不忘，估唔到喺香港都可以食到咁高質嘅咖央多士，多士入面嘅咖央醬好濃郁，加埋邪惡嘅牛油，再沾上半熟蛋漿，真係舔舔脷至於星洲喇沙熱辣辣，惹味得來少少辣，唔會太辣，加上炸豆腐卜、魚片、雞蛋、軟殼蝦，大大碗開胃又好味海南雞飯用咗雞腿肉，所以非常之嫩滑，而且雞肉嘅份量都好慷慨，唔會好似出面有啲舖頭淨係比少量海南雞，即使係成年男性都一定夠飽總括嚟講呢間餐廳地點方便，而且裝修舒適新淨，食物價錢相宜份量足夠又高質，值得推薦#南島