南島

Open Now

Now Closed

西灣河要搵坐得舒服的餐廳係有d難度😞南島是不錯的選擇😗又近西灣河地鐵站環境舒適乾淨👍座位闊落價錢合理上菜速度亦相當快侍應服務態度都唔錯如果想同朋友食下野傾下偈都可以😌感覺唔會係趕人走既餐廳蝦喇沙😋😋😋一上枱已經聞到好香的喇沙湯味☺️份量正常材料有蝦數隻、半隻蛋、豆卜、魚片、通菜麵底係米線豆卜索晒啲湯好入味甘香XO醬炒貴妃苗（唔鍾意XO醬既可改蒜蓉）火喉剛剛好醬汁鹹鹹地好惹味份量足夠泰國椰青椰青水不嬲都好夾食喇沙椰青好大個入面d椰肉亦好厚食到好飽☺️滿足的晚餐😋餐牌𥚃還有好多其他選擇眼見隔離枱食泰式肉碎生菜包都吸引😙肉骨茶同海南雞油飯就上網好多人讚一間經營企理的餐廳可以返兜既餐廳😄

🎈餐牌.下午茶餐牌選擇算多，有喇沙、貴刁、金邊粉、肉骨茶、飯、酥餅等，也包飲品如薏米水，由四十幾蚊起，至六十零蚊都有。.🎈香茅豬扒喇沙米線下午茶餐 $58⭐️⭐️⭐️💫3.5分包熱薏米水.米線過淋，喇沙湯不夠香濃，同時都算ok，多魚片，無蝦，香茅豬扒也算可以。.薏米水頗足料，不太甜，只是細杯了一點。.環境坐得舒服，有大餐廳感覺，賣相也不錯了。

今日去開東區，被我無意之中發掘咗一間出色嘅肉骨茶。呢間「南島」提供星、馬、泰菜式。例如：喇沙、炒金邊粉都有供應。入去用手機落單，打算試吓最愛嘅海南雞飯，見到隔籬枱個肉骨茶非常之香，就叫多一碗暖下身。肉骨茶如其名，是以帶肉的骨配合中藥煲成的湯。但入面無茶葉成份。係星馬當地嘅地道美食。肉骨茶又分三派，潮汕派嘅胡椒味重嘅白湯，閩南派、廣東派藥材味重嘅黑湯。呢度主要係閩南派風格香料豉油味重。上枱已經見到，原粒蒜頭係面，藥材仲有杞子、龍眼肉，味道濃厚。排骨肉咗一字骨，啖啖肉又好味。飲完啲湯成個人暖晒。佢啲海南雞起晒骨，肉質嫩滑，拍得住啲海南雞專門店。都係必食之選。

最近，有朋友帶我去西灣河，原來呢度不但止有太安樓，仲有好多美食相當吸引，就咁好似呢間茶餐廳咁，裝修明亮整潔，服務態度親切有禮。😆😆首先，我覺得招牌海南雞飯幾好食，雞肉鮮嫩多汁，搭埋香氣四溢嘅油飯，簡直係一種極致嘅享受，而醬油、薑汁同辣椒醬更加添風味，令口感更豐富。🍚🐥然後，朋友佢點嘅新加坡肉骨茶也不錯，湯底香濃郁，肉骨經過悶煮，入口即化，湯中嘅香料混合得宜，風味濃厚，同時帶點微微藥材味。🍲🫶🏻呢度嘅椰香咖央多士配半熟蛋實在出色，多士烤得酥脆，一口咬落，椰香四溢，再加埋半熟蛋嘅滑嫩口感，兩者好夾。🍞🍳至於飲品方面，龍眼冰係佢地嘅招牌之一，冰涼嘅龍眼冰清新怡人。🍧 另外，朋友嘅青檸梳打酸酸甜甜，非常開胃。🍹✨

呢度嘅無骨海南雞喇沙超級好味！ 海南雞好大件，同埋全部都係無骨㗎，俾小朋友食就啱晒啦！ 佢嘅喇沙湯底都係好惹味，成碗食晒係有原因㗎🤣 而且佢哋嘅環境都好乾淨企理，店員嘅服務態度又好，推介👍

餐廳門面幾大，行過好快就留意到餐廳乾淨企理，枱同枱之間嘅距離唔會太窄坐得舒服😌餐廳食物種類都幾多🇹🇭🇸🇬🇲🇾我叫咗海南雞飯，串燒同泰國椰青⭐️海南雞飯，配冬瓜雞湯 ⭐海南雞係無骨，啖啖肉😋有幾件雞係雞髀位置，有幾舊係雞胸位置，加半隻雞翼整體肉質嫩滑，唔會嚡👍🏻雞皮唔算厚，不過我都會自己去雞皮，健康啲☺️呢個餐本身係配油飯，我轉左白飯，少飯海南雞飯配上三款醬汁，薑蓉，黑醬油，辣椒醬，份量好充足☺️ 冬瓜雞湯唔會太鹹，味道幾好岩哂夏天清熱⭐️串燒⭐️串燒有四串，配上沙嗲汁可以係雞，牛，豬到揀兩款我就揀咗雞同豬串燒夠熱，一上枱就聞到香味🤤有微微嘅焦香，調味啱啱好👍🏻⭐️泰國椰青⭐️夏天好岩飲椰青水可以清熱，營養又豐富😍呢個椰青，啲椰肉好厚😋

經西灣河出差早了收工，到附近覓食，之前聽朋友講話南島的馬拉菜不錯就試。下午茶時間不用等位侍應有禮地安排座位入座。下午餐牌有十多個選擇，有粉、湯粉、撈麵、飯、咖多。決定點一個香茅豬扒撈板麵及一杯熱薑茶。等了五分鐘，熱辣辣的撈板麵送到，先試一口香茅豬扒，口感外脆內軟，鬆香的豬扒炸得十分有水準，香茅味剛好，再吃一口撈板麵，甜豉油汁加軟滑的板麵味道可口，麵的份量足夠，加了配菜粟米蟹柳絲青瓜絲，感覺十分清新。整體食物質素滿意，會再幫襯。

喺西灣河港鐵站附近，容易搵👍地方明亮整潔，坐得舒服😌（走時才知原來有2層的，今日坐左係上面，下次再來時要坐下面😄）店員主動而且有禮貌招呼👍叫左精選午餐加$3轉飲凍桔仔話梅水生牛肉板面～賣相一流，香氣四溢，牛肉很薄，浸入熱湯內很快就變色，而且非常嫩滑👍蒜蓉炒貴妃苗～份量足夠，賣相吸引🤩火喉啱啱好，清脆爽口，蒜蓉炒感覺非常惹味😋串燒（雞、牛）～各2串，香噴噴每串的size都唔小，啖啖肉非常🈵️足，配埋沙嗲醬更加香口😋

古有紅豆壽司，現有米線喇沙話說今日去呢度食個晚飯，咁就order咗個喇沙嚟食，佢一嚟到嘅時候我見到佢係米線，我係接近討厭呢個食材，但我又點會諗到一個喇沙裏面，會係得米線出現，並唔係油麵或者米粉！跟住我就問個侍應，因為我唔食米線，餐牌又冇寫個喇沙係米線，我可唔可以退咗佢，佢個回覆，令我覺得我係一個未食過喇沙嘅人😑😑😑侍應嘅回覆：正統喇沙裏面喺米線嚟㗎喎，如果你唔食米線要出聲，我哋會幫你轉其他麵我直程感覺到係一個食神，同緊一個凡人講緊嘢咁🫠（佢爭在未叫我咬咗煙頭，企喺側邊，講好好味，講到滿意為止）係香港呢個社會，小市民係冇乜伸張正義嘅權利，最尾都係俾啲強權欺壓，嘢冇得你食，錢要照俾😥😥員工對自己嘅自信心非常龐大，佢哋唔會錯，錯嘅只會係客人你自己無知⋯⋯

午市12前入座 只係兩個人店員安排入座窗邊四人卡位作為香港人覺得勁震驚以為間餐廳無乜人食所以要擺曬啲客近窗邊🤣🤣🤣其實晏多少少十二點半都坐爆全場唔知點解店員會比我地坐窗邊咁好間餐廳好應聲 又好多家長接完幼稚園小朋友過嚟食成餐飯都幾嘈下 有小小辛苦😿野食方面炒金邊粉非常麻麻雖然份量好足 味道真係搞唔掂非常淡味 只係得茄汁嘅酸甜 啲配菜亦少 唔推薦另一個午餐老鼠粉超好食惹味 香口 又熱辣辣超級開口 食東南亞食物就係想食呢啲味推薦大家可以試下！野飲叫咗即磨咖啡冷熱各一杯係普通餐廳水準以上！ 不過凍飲個杯正常甜度超甜叫佢少甜會仲好啲👍🏻

約左朋友過嚟西灣河搵食，本身諗住去太安樓，因為久仰大名，但行左一個圈之後我接受唔到呢度嘅環境，太熱了。。。。。決定去附近搵野食。。。南島離遠已經見到個大招牌，加上食物吸引，價錢又相宜，環境仲要坐得好舒服，一於就食佢啦🤤午餐勁多選擇，真係揀唔落手，樣樣都好想試下。海南雞喇沙米線海南雞份量勁多！真係同幅相賣相係一樣㗎。啲雞真係大讚！食入口一啲都唔柴，好滑，雞皮唔油，個醬汁啲薑蓉好好食，加埋個辣汁，食到停唔到口㗎。。喇沙湯勁香濃椰漿味，就咁飲都覺得正！入面仲有芽菜，魚片，豆卜添，啲米線索哂啲湯汁，唔覺意就食哂成碗㗎啦。香茅豬扒撈板麵其實板麵我覺得類似伊麵咁，但食入口好煙un好特別嘅口感，大家可以試下。撈麵配埋蟹柳絲，青瓜絲同粟米。豬扒好大塊！食入口好香夠入味唔係超薄㗎。咖吔多士配溫泉蛋呢個大家嚟到可以試下，餐廳個多士好特別，並不是一般係麵包店買嘅多士。口感有小小實，粗糙，但好香麵包味，入面咖吔煉奶牛油，真係perfect match!!!!!不是一般啲咖吔多士。溫泉蛋滑漏，但其實係咪夾住食呢？我都唔知😆馬來烤酥餅配咖哩一份有4件酥餅，酥脆好味，沾上咖哩汁，正😄啲咖哩汁份量好多，可以食多碗飯🤣

餐廳環境幾靚，座位闊落，坐得舒服，擺盤都幾靚，食物選擇都好多元化，晚餐時間都幾多人食🐟泰式明爐烏頭烏頭處理得好乾淨，無咩鱗片，湯汁酸得黎好惹味，同烏頭好夾，重點係食完並唔口渴，唔錯，輕鬆補P🦐大蝦米紙卷包左多種菜，口感豐富有層次，加埋個芒果汁好搭，清爽開胃，唔錯

同朋友嚟食dinner 叫咗一份海南雞飯同埋肉骨茶 海南雞無骨食落好滑 雞嘅份量都幾多 雞油飯亦都好香 好夠味👍🏻肉骨茶好香送飯唔錯 成碗俾我飲唒 飲完唔覺得頸渴 真材實料

「南島」喺西灣河比較四正嘅星馬菜餐廳，假日晏晝多數都要排隊，而且價錢公道，味道都非常之唔錯。🥢星洲肉骨茶（一字骨）配油飯+油條：試一口肉骨茶，藥材味超濃；蒜頭吸晒所有嘅湯汁，入味又入口即溶，好正；湯料好豐富，排骨、冬菇、腐竹…；油飯有雞油味，配骨茶好正宗、和味👍🏻🥢無骨海南雞喇沙米線：海南雞肉好嫩，有雞味；喇沙湯底花生味好香；配料又多有豐富，很能滿足口福😋🥢香茅豬扒喇沙米線：豬扒好香香茅味，又燒得燶燶哋好惹味😋☕️熱文冬薑茶(左)：薑薑地，幾好飲☕️熱桔仔話梅水(右)：酸酸甜甜好好飲，正👍🏻☕️南洋海南咖啡：正宗嘅海南咖啡應該係似香港嘅鴛鴦，不過呢個唔似，唔可以話唔好飲，不過唔係我想要嘅嘢。

海南雞飯喺呢度嘅招牌菜，啲雞好嫩口，同埋肉質係比較滑㗎。飯係用咗雞油嚟撈飯嘅，但係啲飯一啲都唔會話好油膩，啲飯係會有雞油嘅香味，幾好食㗎，醬汁都有齊三款醬汁，個人覺得左邊嗰個豉油汁甜甜地，係最好味。新加坡肉骨茶，肉骨大約有四舊左右啦，肉骨嗰啲肉會同埋筋嗰啲部位一齊嘅，變咗咬落去會比較爽口啲。飯可以揀雞油撈飯或者係白飯都可以，另外兩條油炸鬼系包埋。呢間餐廳係新裝修嘅，所以個環境都係比較乾淨同埋整潔㗎。餐廳位置，喺西灣河地鐵站行過嚟，大約兩分鐘就到喇。