南島

Open Now

Now Closed

星期日早上8am已經熱到出汁，做完運動想好好嘆個早餐。路過南島多次都無入去食，今日見人唔多，一於入去食啦。價錢：大眾化，早餐平均$40左右服務：員工全部都友善，有朝氣環境：光線充足，坐近水吧廚房沒有太大油煙食物：完全超出我想像，同一樣早餐在那些打咭cafe，要賣$70-80，但呢度$38/另凍飲加$3，就有呢個視覺享受。味道：沙律菜新鮮。炒蛋唔會太老太熟，口感好滑。咖吔多士香脆。白咖啡濃郁的烘焙味，口感絲滑。

喺西灣河老香港風大街穿梭，被 <南島> 光猛鮮明嘅門面吸引，就決定喺度解決晚餐🤗職員帶我哋坐餐廳底層雅座，餐廳環境好新淨光猛，有圓枱、有卡位，配合自然風嘅裝飾，令人坐得好舒服😙😙 入鋪頭冇耐就隱約聽見廚房通往堂食區小窗傳嚟師傅炒嘢嘅聲，聽都聽得出鑊氣十足，但餐廳嘅空氣質素出奇地管理得非常好，堂食區完全冇油煙味，值得一讚👍🏻 一行二人唔算肚餓，共 order 主食海南雞飯、泰式肉碎生菜包同泰式炸蝦餅(四件)🍽️  海南雞飯($72)海南雞飯賣相好精美🤩 一碟擺放得整齊嘅海南雞、裝得滿滿嘅雞油香飯，仲有醬汁3款😇 非常欣賞海南雞肉質鮮嫩，有肉味兼多肉汁😋😋 配上3 款醬汁，變奏3 種不同滋味💞 配薑油食好清新，配酸甜汁食好惹味，配甜醬油食就齒頰留香❣️ 更令人驚喜嘅係望落實而不華嘅油飯😮 <南島> 個雞油香飯經過秘製，散發獨特嘅米香😍泰式肉碎生菜包 ($68)肉碎生菜包肉碎份量十足🤗🤗 肉碎帶有濃烈泰式風味，配料繁多，好滋味😆😆 食得出大廚嘅心思同功架👨🏻‍🍳🫶🏻泰式炸蝦餅(四件) ($68)蝦餅亦係今餐另一亮點🌟 蝦餅好有內涵，充滿真正蝦肉好飽滿🥰🥰 仲炸到熱

今日約左朋友食飯 想試下新野朋友就揀左呢間「南島」新開既餐廳 見到裝修都幾靚 又企理 又乾淨位置闊落 坐得唔會好迫 啱哂係度傾偈！先黎一個椰香咖央多士配半熟蛋 $38個多士裏面有啲牛油 椰香咖央醬又唔會好甜 感覺又唔會好肥 又好食另，加隻蛋落去又啱啱好感覺如果下午茶食呢個再加杯野飲都夠另 再黎一個 串燒 $68我地叫左牛同雞 加埋D醬好有味 都覺得好好食 香茅豬扒星洲喇沙 $72湯底有少少辣，但又唔會食唔到個隻唔知點解會有上癮既感覺 會想飲左佢豬扒有好多舊好食 唔會好硬 mix埋一齊其實頗正 中意食喇沙可試試 $72好值！龍眼冰 $28唔會好甜 好飲！總括黎講，坐得舒服又好食！物有所值！

係康怡睇完戲之後 沿途一直行過去西灣河 睇吓有啲乜嘢食最後我地揀左南島食晚飯🥰餐廳有兩層 當日上層滿左 我哋就去樓下果層😆好彩只有兩三枱 比上層較為安靜😙食物方面就不過不失啦😯不過份量都算多- 軟殼蟹星洲喇沙個喇沙湯底都算濃郁 聞落去都幾香軟殼蟹方面 仲會幫你分開幾件- 泰式炒金邊粉因為每次食金邊粉都幾多芽菜所以我今次有走到芽菜金邊粉嘅側邊有三種調味料個辣粉撈咗少少都已經幾辣😆- 椰香咖央多上配半熟蛋咖央多士入面舊牛油都幾大嚿反而啲咖央醬就比較少 如果多啲會好啲😆

今晚去左位於西灣河嘅南島食晚餐。餐廳都幾大，地下一層同一樓都係。裝修新派而且好簡潔，我就叫左一個海南雞配油飯，一個小食叫左泰式蓮藕餅，飲品就叫左原個椰青。位置坐得好舒服，大大隻玻璃窗，一路食飯一路望住街景好舍意~海南雞配油飯，連一碗雞湯+3種醬雞湯清而香濃油飯望落色水較暗，但食落有油香又保持到乾爽，唔錯我仲撈埋薑蓉一齊食，食落好香，更有層次。海南雞去哂骨，份量都幾多，肉質都嫰滑，醬嘅份量都好夠。整體質素都幾高！小食 泰式蓮藕餅，蓮藕中間夾左蝦膠，食落好夾蓮藕爽脆，帶少少藕絲。蝦膠就幾彈牙。份量有三大件，每件切半，都幾抵食。外面都比較少見到蓮藕餅，值得一試。飲品就叫左原個椰青，大大個，椰青水好鮮甜，仲比埋隻勺，想食埋果肉都冇難度。南島選擇多，坐得舒服，適合慢慢食個飯~

朋友住附近一直都推介呢間性價比極高嘅東南亞菜-南島，今次終於輪到我試吓😍餐廳環境好闊落同光猛，坐得好舒服😌我哋叫咗三樣嘢食椰香咖央多士配半熟蛋 $38多士表面酥脆得嚟夾埋椰香咖央醬汁同微溶牛油，口感香濃😍夾埋半熟蛋一齊食口感豐富多樣～覺得咁樣食更加昇華左牛油嘅香味！砂煲老鼠粉 $72老鼠粉煮得好入味，配埋煲入邊嘅櫻花蝦、菜圃、肉碎、魚乾，食落口感除咗更加豐富之外又提升咗呢道菜嘅風味😋檳城炒貴刁 $72貴刁炒得有鑊氣，但食落一啲都唔油膩👍🏻中間夾雜着啲芽菜令到口感更加有層次😋份量又多，推介！整體覺得價錢大眾化，嘢食高質，重點係服務態度好又唔收加一😘朋友真係冇介紹錯，抵食推介👍🏻

同媽咪覆完診都已經過左11點， 但見南島仲有早餐食，就入去試下。開左咁耐，我地都係第1次去食，因為要上落樓梯不太方便，地方闊落坐得幾舒服。早餐種類頗多， 有三文治、粉麵及西式早餐等，我同媽咪一人叫左一份西式早餐香煎雞扒配炒滑蛋.直布羅陀腸.丹麥多士 $48香煎豬扒配炒滑蛋.直布羅陀腸.丹麥多士 $48早餐份量十足， 雞扒及豬扒厚度適中，煎得好香口，滑蛋炒得嫩滑，食完飽到唔駛再食lunch/tea。最後加左$3要杯凍飲。

之前睇Youtube介紹西灣河「南島」的星馬泰美食做得出色，趁住放假就過海帶埋媽咪去潮聖一下落地玻璃窗加上東南亞風情裝修，感覺典雅舒適；餐廳分上下兩層，座位充足又寬敞==========🔹無骨海南雞喇沙米線 $72 (精選午餐配飲品)雞皮滑溜，雞肉軟嫩帶淡淡雞香，脂肪比例不高喇沙配料豐富，芽菜、通菜、豆卜、魚片、雞蛋及紫洋蔥等蔬菜新鮮爽嫩，豆卜吸湯後非常滋味米線煮得偏軟腍；喇沙湯底鮮甜味佳，蝦醬及椰漿味道尤其明顯，酸辣比例平衡，層次感豐富，非常出色飲品熱薏米水含大量薏米及一件糖冬瓜，飲落清甜順喉，消暑去濕又解膩推介指數：8.5/10==========🔹星洲肉骨茶 (一字骨) 配白飯/油飯+油條 $72 (精選午餐配飲品)肉骨茶非常足料，4大件一字骨配以一整個蒜頭、冬菇、枝竹及杞子一字排肉質細嫩腍滑而肉香出眾，連豬骨都肉味十足；冬菇爽滑；枝竹入味肉骨茶味道濃郁，飲到較重的當歸及黨參味，味道甚佳，補身一流油飯粒粒分明，調味及油份恰好飲品檳城白咖啡醇厚香滑，奶啡比例平衡，喜歡！推介指數：9.5/10==========🔹甘香XO醬炒通菜 $58通菜翠綠爽嫩，鹹度得宜，配以甘香XO醬令美味感

—— 南島 ——西灣河筲箕灣道143-145號大來大廈地下B號舖及地庫新加坡 馬來西亞 泰國 星馬泰三大東南菜餚裡面環境幾好 上幾級樓梯 有一種架高既感覺 落地大玻璃 採用自然光 舒服又望到出面既景觀落幾層樓梯 下面原來有basement海鮮喇沙米線＄82馬來西亞——以微辣味濃郁的喇沙湯為基礎蝦肉 花甲 章魚仔 帆立貝 喇沙醬、椰漿、蝦醬、檸檬葉、大蔥、辣椒、豆芽 米線既有喇沙湯的濃郁口感，又有各種海鮮和米線的豐富口感，喜歡食海鮮的人試試燒沙巴軟殼蝦 ＄68一道常見馬來西亞燒烤 馬來西亞沙爹醬由青檸汁、大蒜、薑、辣椒和糖等配料組成。軟殼蝦在烤制過程中保持了其鮮美的口感，而沙爹醬則賦蝦蝦濃郁香辣味道口感鮮美、香辣適中，連軟殼一齊食用順便補充calcium！椰香咖央多士配半熟蛋 ＄38深啡色既多士 內有一層牛油 椰香咖央醬甜得尼唔會濟兩隻半熟蛋點綴 落點老抽調一調味

諗住經過試下個馬拉早餐，點知。。。食個肉骨茶麵諗住加錢or散叫個咖咉多士。點知間餐廳係無得散叫既，要試既。唔該叫兩個餐！結果我真係叫兩個餐，諗住食唔晒打包。講真要是一間舖頭唔係一個餐可以試佢嘢好唔好食，馬拉嘢最重要就係肉骨茶同咖咉多。點知質素都係一般到最後諗住食唔晒打包拎走，從來未試過咁貴嘅外賣盒，仲要逐樣收費一個外賣盒$3杯嘢飲加多$1即係前前後後再加收你$4外賣合理咩？人哋正常一個餐外賣都係+$1都未見過一個餐外賣加$4

今日約左朋友係西灣河見面，一行三人聚下舊，行到咁上下，諗住搵下野食，就發現地鐵站附近有間別樹一格既餐廳：「南島NAM DOU」，舖面係落地大玻璃，晚上８點幾，座位都差不多坐滿；睇完餐牌，發覺有齊星馬泰既特色食物，於是我地就入去開餐啦 🤓入到餐廳，環境乾淨衛生，坐位舒適闊落，光線又充足舒服，而且店員服務態度好好；話明餐廳有齊星馬泰既食物，當然要試試，叫左泰式生菜包，馬六甲燒春雞，新加坡肉骨茶，同埋泰式炒金邊粉；４款菜，最後埋單都只係三百幾，十分抵食上菜既速度都好快，而且份量十足，特別係馬六甲椰糖燒春雞同埋新加坡肉骨茶，唔單止大份，而且都好入味，口感亦都岩岩好，肉骨茶既豬肉入口鬆軟，茶湯味都好濃郁；而燒春雞就好足料，原隻燒烤上，椰糖鋪滿成隻雞整體非常滿意，可以再黎試試唔同既食品🥰🥰

今日午餐時間同朋友經過西灣河，見呢間黎南島餐廳間面新裝修十分時尚，吸引了我既興趣～一入去感覺很好，室外自然光線照入去很明亮舒服，室內既裝橫及員工服飾都俾人很開朗既感覺。雖然我唔鍾意夏威夷風，但佢哋著既花俏t-shirt是同個環境嘅感覺好夾😂食品價錢好合理，見到好多人食海南雞飯。最後試左午市餐-香茅豬扒喇沙米線，豬扒味道十足很香口，喇沙米線味道都足夠，唔會好清淡～-馬拉戔甘香蒜蓉，蒜蓉香又爽口，唔會覺得成口油。

今日去到西灣河同媽咪試試南島下午茶🥢店內環境令人坐得幾舒適香矛豬扒喇沙米線份量都幾多下喎 賣相都唔差喇沙配料有半隻蛋，有啲豆、豆卜同木耳絲個喇沙湯整得好好味豬扒都大大塊 幾唔錯

南島呢一間餐廳都幾唔近地鐵站，不過之前一直都俾佢個裝修吸引左，一直都會想試試佢！見佢個大落地玻璃既門面，東南亞、泰國既渡假風裝修設計，入到門口都覺得好唔錯。入來既時候員工都好有禮貌、好熱情咁。我2點幾來到一心想試下個lunch set！ordered左個咖喱雞扒飯：咖哩汁好唔錯，佢個味好明顯香料比較多，係唔算好辣，但係好香。入口既感覺都好惹味，撈飯一流！個雞扒就好明顯有炸過、煎過，個皮好脆，肉質都好嫩，算juicy，不過係細塊d個汁我覺得有d少，所以我問佢再俾多少少少非常好人既waitress姨姨都好好地俾多一碗汁我不過講到杯凍奶茶走甜就真係一般，唔夠滑，茶味都有啲苦，有待改進一下

之前經過，一直無試過，今日過黎試下。餐廳落地玻璃窗，通透明亮，坐得尚算舒適。來到星馬泰餐廳，點返個肉骨茶金沙骨，肉骨茶有藥材味，偏淡了一點，我個人鍾意濃郁一啲，但是正因為藥材味淡啲，就適合小朋友的口味了，金沙骨軟淋入味，唔痴牙。小食拼盤，蝦餅，串燒，春卷，蓮藕餅都有齊，每款都唔錯，香口惹味。金邊粉份量可以，用料足，配有辣椒粉，白砂糖，花生碎，微辣，味道不錯。香茅炸鱸魚配青木瓜沙律，鱸魚去骨，不油膩，青木瓜沙律唔知點解我好似食到是生洋蔥的感覺肉碎包生菜，味道好清新，肉碎加了香茅，好泰國的感覺。