南記粉麵 (元朗千色匯)

Open Now

Now Closed

最近我喺南記粉麵享用了佢哋嘅早餐，呢間係一家以粉麵聞名的小店，早上嘅選擇令我期待已久。首先，煮得恰到好處，滑順而不黏。沙嗲醬嘅味道濃郁，仲帶有微微嘅香辣感，令牛肉嘅鮮美更加突出。牛肥牛切得厚薄適中，肉質鮮嫩，口感非常滿足。整體嚟講，呢道菜嘅味道層次豐富，真係一試成主顧。再講下牛角包，外皮鬆脆，內裡柔軟，散發住淡淡嘅奶香味。每一口都令我感受到烘焙嘅用心，真係一個完美嘅早餐搭配。至於炒蛋嘅蛋味十足，口感滑嫩，完全冇過多嘅調味，讓人感受到最純粹嘅蛋香。

見出面落大雨，最後行去千色廣場裡面間南記買外賣返屋企食，見餐牌介紹招牌春卷，記點了南記招牌春卷、辣豬肉試試。個湯底揀了酸辣米線，本身湯裏面有碎豬肉、腐皮、酸菜和芽菜，份量都算多，酸菜食落有甜酸幾開胃。米線軟硬度剛剛好，湯底又唔會太咸。辣豬肉，薄薄一片片好味但又不鞋，我覺得幾好味。炸春卷有點似腐皮包着魚肉來炸，脆脆地幾有口感，都幾好味。炸豬扒，估唔到炸出來外脆內軟，算有水準。可以一試！餐廳環境大多數是卡座位，坐著等外賣店員也不會趕人走，而且禮貌友善，等餐十分鐘內有得取。

今天與友人到千色店之際發現南記已進駐元朗，那便要試一試啦！填飽肚子才繼續行程吧！～招牌米線招牌米線配料豐富，有招牌魚春卷、牛丸和魚蛋各兩件。魚春卷是我的至愛、炸得金黃色的腐皮包裹著魚蓉，吃起來有咬口，味道又不會過鹹。牛丸鮮味十足，魚蛋亦算彈牙。圓圓米線入口既有點煙韌又口感順滑。招牌米線湯底較清淡，喜歡吃辣的，可加入豆瓣醬，喜歡吃較鹹味的，可加入魚露。各適其適，任君選擇。～四寶紫菜河配豆漿四寶紫菜河粉除了有招牌河的配料外，還加入了紫菜和兩粒墨魚丸，材料更豐富。墨魚丸爽口彈牙。河粉入口順滑。清湯加入了紫菜，味道層次又豐富了，感覺亦健康了！豆漿豆味香濃，不錯呀！整體而言，這連鎖式的粉麵店出品當然有一定的保證，怪不得食客絡繹不絕。

芫茜蓉湯米線 $58配爽豬肉 芫茜丸 皮蛋配芫茜「可口可樂」好味指數 4/5 🍭🍭🍭🍭{嘩...全部都好綠呀 連可樂都係綠色 雖然可樂都好綠 但芫茜既味唔算好濃 淡淡既芫茜味唔會蓋過可樂味 米線湯底好濃 表面還灑了芫茜 芫茜丸有三粒 不太特別 有點像平時食既貢丸 皮蛋有一大粒 配上這湯都很合襯 爽豬肉爽口感較少}

南記粉麵喺元朗千色滙小店，最近嘗試咗佢哋嘅大雜錦河同埋單拼河，兩款都好抵食，但個滋味都有啲平淡，唔會太過咸。餐廳環境唔錯，好舒適，員工都好友善，咁多嘅人都咁鐘意嚟，就話咁多。總括而言，南記粉麵係一個抵食，環境舒適嘅街坊小店。今晚同班友去左元朗食南記粉麵，試咗佢地嘅大雜錦河同單拼河，感覺唔錯。雖然味道平淡啲，但係啲食材新鮮，河都唔會太膩口，加上環境舒適，抵食又啱晚飯。總括而言，南記粉麵係一個抵食，環境舒適嘅街坊小店。

間中行過都會心思思想食南記嘅春卷。餐牌上見到有春卷Shake脆，又叫嚟試吓。其實就係炸過嘅春卷切成粒，大小就有如燒賣。再有包味粉俾你灑落啲春卷粒度，shake勻嚟食。好似食shake shake薯條咁。😂😂幾好食嘅，春卷面係脆口兼食到啲味粉，咸少少，令到呢個春卷粒小食更加惹味。同碗米線一齊食係好夾。😋😋

南記終於開到元朗啦🎊🎊🎉🎉自從冇喺港島區做嘢之後就好耐冇啦🥹好掛住所以佢一開咗元朗之後，我已經係第二次幫襯啦✌🏻✌🏻✌🏻每次去都係腩肉春卷酸辣米線🍜絕配😋😋😋

南記粉麵在元朗千色開了一段日子，今日終於有機會去試試。餐廳推出限定懷舊大地魚湯底艇仔粉套餐，真係好懷舊，二話不說就選定這個，另外再叫個牛魔王小窩套餐。艇仔粉套餐艇仔粉改河粉，有幾款指定配料，招牌春卷、爽口豬肉、白飯魚乾都不錯，唯獨紅腸無什麼特別，河粉滲透了湯汁都幾好味。跟餐還有炸魚皮，提供紙袋和香辣粉自行shake shake 。牛魔王小窩套餐有肥牛、牛腩和牛丸，份量都幾多。選擇了微辣，入口味道尚可，麻辣感覺不會在口中停留太久，對不太能吃辣但又想試麻辣口味，是個不錯選擇。店舖不會主動供應飲管，所以飲芒果冷泡鐵觀音時，沒留意要搞勻杯飲品，飲了幾口發覺點解只有茶味，才發現杯底的糖漿沒搞勻，但搞勻後味道就太甜了。

今次小編去車仔麵，聽講呢間車仔麵都幾出名嘅！所以小編決定去試一試！不過呢間餐廳令小編好失望嘅！首先價錢唔係特別平，所以要求都會比較高！不過質素反映唔到價錢到！首先個麵鹼水味都頗為重！麵既質地都係比較硬！口感都唔係太好！而且啲墨丸冇墨魚味！唔夠彈牙！湯底都冇味！附近某間老麵店，佢哋嘅湯底至少會有魚味！而且紫菜預咗唔會係野生紫菜！但係質素方面比起其他舖頭唔太理想！好容易鬆散！服務方面就真係麻麻哋！大部份都要自己攞！環境舒適度一般！

南記終於開黎元朗，唔使再專登出去食🤣食物保持水準，店員服務態度好好，特別係男經理，今日同朋友去食，嗌錯左米線，想改番，點知已經整好左，男經理聽到後，就直接問我想改咩，跟手就送多碗河粉比我，又唔使我再加錢，而其他店員亦都好好咁，完全冇唔高興👍🏿👍🏿👍🏿👍🏿服務態度非常之好，極力推薦元朗店

南記粉麵喺元朗已經開咗一段時間，前排見到聽人講話排好耐隊，有啲嚇親唔敢去食，上個星期終於鼓起勇氣，去咗千色排隊，好彩前邊只有兩枱客，排咗5分鐘就到我啦！我嗌咗招牌春卷（四條）加一份招牌辣豬肉，麻酸辣湯底，走韭芽，飲品方面要單嗌，所以硬着頭皮點了一杯凍檸茶，有點貴呢😅講返碗麵，麻酸辣湯底有肉碎同酸菜，酸菜份量都幾多幾好食，招牌辣豬肉脂肪唔算多都幾滑同好入味，春卷就一如以往嘅好，係魚肉加墨魚丸嘅質地，但食四條其實都有啲飽，下次可以嗌返兩條，米線口感煙韌，配埋湯底一流。我耐唔耐就會去南記度食碗麵，今次唔需要特登出九龍食，實在太好啦！

對芫茜並不抗拒，但又不是狂熱愛好者，既然不是太多餐廳以此為主題，南記這期推這套餐，連飲品可樂也加芫茜，好奇心下，就試吓！自助醬料區~芫茜蓉米線套餐~$55皮蛋，芫茜丸，炸豬扒，豆卜，芫茜可樂驟眼一望似佈滿清苔的湯底，亦是大量芫茜攪拌而成的湯，濃濃的芫茜味，加上皮蛋，有清熱下火的功效，好食又對身體好芫茜丸口感微彈，豬扒醃製後也很入味，再番炸過的豆卜，有些似油炸鬼，整體味道也不錯。可樂放芫茜非常有創意，味道出期地匹配，感覺非常清熱

掛8號風球既前夕，3號風球等緊轉8號，好多餐廳都早閂門或者已經閂咗門六點幾去到千色店嘅南記仲有得堂食一於試吓呢間新開嘅，對上一次食南記已經係好多年前嘅事地方都幾大都幾多枱，由於真係就轉8號風球所以已經冇乜人，大多數人都係買外賣返屋企食。芫荽蓉湯底米線套餐轉河粉$55，跟餐有埋芫荽可樂。唔知係咪打風個個趕住收工返屋企，個湯底好似勁少咁，感覺有啲似倒瀉咗咁因為好多芫荽蓉都係個碗邊。河粉份量都多不過好碎，過淋。芫荽丸幾好食唔算重芫荽味，有3粒，塊豬扒唔算好大塊但係好好味，幾有咬口啖啖肉。果幾粒豆卜有炸過都幾脆。整體黎講芫荽湯底嘅套餐都幾好食，不過要多少少湯，嚟到已經係小湯仲要俾河粉索走左d湯，好快就冇晒湯。芫荽可樂，有啲五青汁嘅感覺，可樂味比較淡，老實講如果芫荽可樂同普通可樂比較我會揀返普通嘅可樂。清湯大雜錦轉河粉$52，唔知食乜好乜都想試吓最好就食呢一個大雜錦，因為真係好多餸，由於清湯嘅關係建議可以加啲魚露去提鮮，三粒墨魚丸都幾多墨魚丸好好食，都彈牙，春卷有兩條好好味，其他餸都係正常水平唔係差嘅。個河粉份量多到好驚人，冇嗌加底，但係係超級碎。睇圖就知食食吓個河粉都已經索晒啲湯。食到最尾一滴