南山谷韓國居食屋 (Closed)

我以後都唔會再黎... 叫左石頭飯,牛肉火鍋??,海鮮煎餅、飲品石頭飯都ok既,無乜特別.個牛肉火鍋最可憐...超迷你,得一住金姑,有點菜同唔知咩、牛肉得四小塊,慘過屋企食凈既野,我見倒果陣係呆左.海鮮煎餅細細個,唔係特別好食,好似聰油餅換左d餡.至於果杯30蚊既飲品,根本就係一杯橙汁,加左少少唔知咩.食完都唔係太飽~

今日同以前的同學仔提早團年，一行八人7點半繁忙時間，等了起碼半個鐘先有位。入座後，侍應端上幾碟泡菜(黃芽白和類似波菜的綠色菜)，味道不俗，黃芽白好辣。叫左好多野食，所以唔係好記得菜名，抱歉，1. 炆牛仔骨，最好食的一個，牛肉好淋，但有口感，配菜的紅蘿蔔更是非常入味，超正，叫了兩碟。2. 三文魚炸蝦卷，三文魚不太香，較薄，但塊炸蝦很好，好鬆脆，30幾四件值得叫。3. 生牛肉壽司，原來生牛肉係無乜味，入面的料無乜特別。4. 生蛋牛肉石頭鍋飯，配飯的甜麵醬幾好食，但整個飯的味道就普通。5. 煎蛋肉碎石頭鍋飯，配的汁酸酸地，混埋落個飯度，就令到過濕，味道正正係煎蛋肉碎的碟頭飯。6. 韓式薄餅，係紅色的，甜甜咸咸，有少少泡菜味，同埋黏黏地，唔知食緊乜，不過都係試下嘖7. 韓式炒粉絲，好大陣麻油味加一些青草味，怪怪的。其他印象不深，但值得一提是他們的茶，好香，好似係玄米茶，但比它深色。店內decor不俗，氣氛不俗，如果三五知己去食，應該感受多點，而坐位亦算寬落。整體來說，這間應該係香港色的韓國菜。

第一次去食呀，ｄ服務幾好，滿意呀。我叫左個ｌｕｎｃｈ，係石鍋飯餐，勁香勁熱呀，賣相真係一流！但個味就麻麻地啦，都算合格既，都算大鍋。泡菜都幾好味，只係甜品失望ｄ，先得果一小粒雪米滋，等我仲咁期待會係ｄ咩。其他野都合格，都算唔錯啦總括黎講。我特別鍾意佢個環境，都幾舒服，暗暗地咁樣仲好呀，我見到個地方同餐具都幾乾淨，第一次算係咁啦！如果叫我去食多次，我都肯。都唔係咁貴，加埋一個餐都係５５蚊，都ｏｋ架。

我地兩個女仔琴晚去左試呢間韓國餐\,叫左四個菜:1) 石頭飯- $682) 韓式炒粉絲-$483) 牛肋骨- $684) 牛肉火鍋- $68開初仲驚食唔哂.點知當所有野黎齊後,發現每樣野都超級細碟.石頭飯平均一人一碗.韓式炒粉絲個碟好細,同平時食一碟碟壽司個D碟差不多SIZE.牛肋骨又係細細碗一人只有兩三件,牛肉火鍋同樣分量少.總結係我地食完都唔係好飽..... 至於味道就~~~ 普通無特別,服務都一般.因為光線太暗,佢\地成日都睇唔到你既手..... 如果以呢個價錢係完全唔抵食.我寧原去打邊爐好過.

經朋友介紹下來了南山谷，晚市，兩個人，不用等位。印象最深刻的要數環境，其次是侍應生的服務。店內環境異常昏暗，除了照著餐桌的石英燈外，幾乎沒有其他燈光，氣氛一流。一流的氣氛，除了燈光外，也與佈局有關。店內座位闊落，頗有私人空間。要偷聽隔鄰食客的談話，就得豎起耳朵，或又者對方高談闊論才行。　　侍應生的服務則表現在他們的提點之上。店內的地台升高了，那一級樓梯隨時成為死亡陷阱，再加上昏暗的環境，若非侍應生的提點，我應該早已跌到了。　　食物方便，點了年糕，芝士雞和石頭飯。年糕微辣，但卻有豐富的麻香，值得一讚。芝士雞的雞肉很爽，想必是選料時下了功夫。石頭飯稍嫌飯焦不夠多。聞說以往飯是在石頭窩中煮熟的，現已不復再了。把煮熟的飯放進燒熱的石頭窩中，幸好石頭窩燒得很熱，算是挽回一點失地。　　埋單每位八十大元，還可以。

尋日同朋友去沙田o既南山谷食夜晚飯。石頭窩飯夠熱但係就冇飯焦!!!!ORDER左兩杯飲品因為買一送一。人蔘雞湯值八十分,因為得半隻雞喳。辣椒芒果大蝦沙律就好失望,一啲都唔辣,芒果汁太甜, 隻蝦唔夠新鮮。

周六早上又要在體院加課，雨下得很大，跑完個人散晒。約了朋友在沙田吃飯，想試試這裡，見不用等位，又試下。這裡裝修幾好，卡位好坐，出面的幾張四人檯也有間隔，幾有私人空間，十分不錯。研究了一輪，就吃最常見的，要了牛肋骨肉及石頭飯的午市定食。前菜只兩碟，泡菜及青瓜。泡菜夠辣不夠酸，泡青瓜卻又過甜，但朋友卻對辣泡菜有點興趣，所以追加了兩碟，盛惠10蚊。牛肋骨肉並非平日見到的牛肋骨，而是廉價的牛仔骨去骨。醃得還算入味，但多筋，當然非真正牛肋骨可比。韓式米飯則又乾又硬，幸好我嗜吃硬飯，也不介意；朋友的石頭窩飯賣相一流，有齊五色，加入麻油及韓式辣醬去撈，也滋滋有聲的。不過吃落有點怪怪地味，希望不是石頭窩清洗不太乾淨所至。除此以外，份量夠又配料足，也吃得過的。還有芒果雪米滋作甜品及飲品，侍應服務不錯，幾快手。埋單一百三十蚊有找，論食物質數，以午市而言，都不及傳統的韓式店，不過勝在環境夠好就是真的。

2 個人dinner, 叫左一份蛋卷, 一碟炒炒絲&一個石頭鍋飯......個石頭飯唔好食~~~ 太濕~~~~~ 其他食物都唔似係正宗韓國菜~~~食物款式太少, 份量又少~~~前菜又少......雖然佢會主動添茶....但係果頭食完, 果頭就同你執走晒所有餐具......好似好趕咁~~~~~埋單連加一要一百五十幾蚊 如果想"快".....呢度係幾好既選擇.....如果想食正宗的korean food... 就唔好唻喇~~~

之前未去過南山谷, 昨晚跟朋友到咪去試下lor,我們點了:1.海鮮煎餅2.溫泉蛋雞肉石頭飯3.炆牛肋骨4.牛肉鐵板燒其實味道真係唔錯,但食物的份量少得驚人, 就珍得可憐,我們2人食完之後都唔飽肚,但價錢唔平gar wor, $300+埋單真係覺得有d 搵笨!!!佢又冇set dinner,石頭鍋飯的選擇又少, 坦白說,我們就係驚唔夠飽先揀個石頭鍋飯,點知食完之後都係唔飽,總之就去食韓國自助燒烤好過!!!仲有半個鐘就食完餐飯,我仲食緊, 但我個fd已經食晒,個waiter 就收左我fd 份餐具,suppose我地唔會再order食物,而且仲好似想趕我地走咁,唉...這個做法肯定係管理層有問題,too bad!!

星期六中午一點多，正值白領的下班搵食時間，為免行得酸軟的雙腿再等，先致電查問過有位子才來。站於門前等候帶位之時，巳見一女侍應穿著傳統朝服，帶著笑容走出來迎接我們，一路還跟我們說：〔小心梯級〕；待客有禮，細心，可加分。 步進店內，出乎意料之外地少人，當中還有不少位子，這裡空間感充足，部份座位還有屏風隔著，坐得舒服之際也可獨佔一角，食相不易被隣檯食客窺見。 兩個人點了一個連餐飲及甜品的雞肉石頭鍋飯餐及海鮮煎餅，先上檯的是帶有麥味的香茶及兩款前菜；分別是波菜及泡菜，味道不錯，有點辣椒香味，不過菜質較老。 石頭鍋飯內的雪雞件尚算滑口有彈性，整個飯連肉也是甜甜的，飯內也伴有菠菜，明顯較為幼嫩，而最重要是鍋底夠焦，吃了半碗再添飯時也可以找到飯焦的，鍾情於飯焦的話，這裡弄的應會感到滿意。 再來的海鮮煎餅，約為６吋，份量不算大，獨自吃掉了半個，餅邊很鬆脆，又不會很油膩，確實煎得不錯；但論到餡料，蔥不香，料沒味，枉費了師傅的炸功。 侍應有問必答，自動添茶，服務不錯。

不好辣者唔洗唸。特別推薦肥牛鍋同石頭飯，但態度麻麻。PS：消費滿HK$200，DBS credit card可有九折。

之前已經去過一次, 覺得好好食再來試過. 今次叫了:1. 正宗石頭鍋- 好多飯焦, 加埋甜甜地辣辣地既醬, 幾好味.2. 酒煮蜆- 好香酒味, 好大份, 抵食.3. 炸高麗人參+蜂蜜- 把人參切到幼條再炸, 幾新鮮. 蜂蜜無加水, 羅杯水開蜜糖水飲都正呀!4. 炸豚肉- 豚肉應該用東波肉的做法, 再切片炸. 好肥, 2個人食唔曬.5. 黑芝麻焦糖奶凍- 唔係好甜, 好味, 但$28一杯真係幾貴, 幾細杯.服務幾好. 環境都幾好. 因剛剛非吸煙區無曬位, 門口個女仔都揀個無人食煙既吸煙區俾我地. 食得舒服, 值得推介既地方.

出了糧，想請男友食飯。男友唔想我用咁多錢，於是來了這裡食lunch就算。叫了兩個set lunch，一個是豚肉石頭飯，一個是烤豚肉飯。泡菜幾好食，石頭飯都好味，份量也ok。而個烤豚肉飯就好普通，湯也好普通。甜品是雪米糍，餐飲夠大杯。出餐比較慢，好彩我地唔趕時間。service麻麻地，唔夠勤力添茶。d茶好似係玄米茶，唔係好岩我口味^^"

上星期平日, 有一晚約了成家人去此店吃晚飯, order 了:燒鯖魚炆牛筋條海鮮煎餅海鮮石頭鍋飯炸醬麵雞翼三文魚魚生五人共花了四百元.價錢不太貴, 最緊要的還是大家都中意d 食物.

今日睇番d相，先記得前排去南山谷食，叫左d乜唔係太記得。淨係記得有一個溫泉蛋雞肉石頭飯，有飯焦，味道好；一個肥牛XX鍋，印象最深係一個好可愛的甜品（如圖）好似係炸年糕(sorry, really forget the name), 每一個中間都有少少柚子，甜甜的，味道清新，不油膩，仲有一個雪糕球tim, 一個很特別的甜品，見到好似其他食家都未提到呢個，所以o係呢度推介下^^