能記飯店

Open Now

Now Closed

放假到深井探朋友，深井街坊推薦能記飯店，咁我哋就試下新餐廳。因為多人食飯，我哋叫咗好多餸😆可以試多幾款菜式。炭燒燒鵝真係大推，皮脆肉嫩，香氣撲鼻，而且係熱上，真係有即叫即燒番熱的感覺，而且燒鵝皮仲脆脆地，讚👍🏻叉燒就普普通通偏瘦，個人鍾意半肥瘦，口感會更好。黃金煎藕餅，可能煎得過火，食落有點乾。豉椒鵝腸，鵝腸爽脆，豉椒的香辣味好惹味可口。😋至於咕嚕肉，酸甜適中，送飯一流。苦瓜炒蛋，苦瓜清爽，但煎蛋有點乾。勝瓜蝦乾粉絲煲，勝瓜清甜，蝦乾味道濃郁，粉絲吸收了所有湯汁，我好鍾意❤️

落雨濕濕，因為友人有揸車，同行有人聽到就好認真話要去呢間食燒鵝……第一次去，因為通常都會去出名果幾間；睇一睇食評，見到係一般，唔係特別出色，但有人好「認真」咁就跟大隊。去到，順利泊好車（最後一部剛滿），點菜，都係叫咗個4人餐：燉湯、燒鵝半隻、鵝腸、海皇豆腐、青菜，我地再加一個叉燒、瀨粉。燉湯：正常水準、飲落係實料，4大1小每人都有1碗半，份量都足燒鵝半隻：強烈推薦！(可能係我好耐無食過真係有水準嘅燒鵝？) 本來預係肥膏厚皮又可能柴嘅燒鵝（畢竟上次去名店係咁）上到枱，個樣好OK，砌到返個原形。夾落去脾位，皮香唔靭唔柴小小脆，肥瘦適中，肥膏係薄一層，肉厚而且係實，骨係酥香，醬料其實偏淡少少但正正就係無搶到燒鵝真味！好耐無試過會追燒鵝食，成碟鵝好快俾人夾哂！！夾埋瀨粉食，真係童年回憶返哂嚟！！咁先係深井嘅燒鵝瀨！！鵝腸：份量足！鵝腸洗得好乾淨，爽脆，友人覺得可以再鹹些少，略嫌未夠入味，腸掛唔到汁；我就覺得已經合格。海皇豆腐：中規中矩，單點唔會叫，有豆味、有蟹肉絲有帶子仔，落咗雜菜令成個餸失咗色。上菜絲瓜：無特別，都係碟頭夠，正常發揮。叉燒：有少少驚喜，有機會係俾燒鵝蓋過咗，友人係讚好食，有些

一家人特登黎深井食燒鵝，支持下小店唔食大牌子野。😀小店裝修係舊左小小但係都無影響野食既質素。😊叫左半隻燒鵝，有半肥瘦既效果，皮脆！多汁！肉嫩！深井既燒鵝果然名不虛傳👍配埋碗瀨粉簡直係絕配👍啲燒鵝汁都好正之後叫左啲小菜，腐乳炒通菜，潮州豆腐，煎蓮藕餅☺️蓮藕餅有啲失望，有小小怪味，因為佢係剁碎左啲蓮藕然後再釀啲肉😖豆腐炸得幾脆😋下次可以再黎食，唔洗同人迫又唔使等咁耐位，啲燒鵝質素又唔差👍

早上睇完影片分享平台介紹即刻去試試！叫了二人套餐大失所望😭發覺燒鵝的皮柴到咬唔開！波蘿生炒骨唔夠乾身香口, 味道口感當然同中環一樂燒鵝冇得比啦🤮！雖然招呼唔錯, 廁所都算乾淨接受到, 但係就一定唔會再去啦😪

行完圓墩效遊徑 落山落到深井經深井人推介 嚟能記食燒鵝lunch 雖然自小已聽深井燒鵝 但都未食過 一行9人食 叫左燒鵝好大隻 加瀨粉 仲有小菜老闆親切好客 🤟🏼👍🏻👍🏻 推薦大家行山 加 燒鵝lunch既行程 雖然天氣凍 但心裡暖暖的

上週末點了幾樣地道香港美食大快朵頤！😋 燒鵝香脆得嚟唔膩口，真係咬落去「卡卡」聲，皮薄肉嫩，果然冇令我失望。而家好多燒鵝都好肥，但呢度嘅燒鵝就啱啱好，啖啖肉，食落去唔覺得罪惡感。翡翠豆腐真係勁平衡，軟滑而且解膩。可能一部份原因係我哋已經飽嗝嗝啦，但還是要讚佢啲豆腐清新爽口。通菜炒得有滋有味，滿滿嘅腐乳香氣，配飯一流！🥢最後，忍唔住再多叫咗個椒鹽鮮魷，外皮炸到金黃又酥脆，啲椒鹽味道嗆鼻，啱晒我嗜辣嘅口味。總之，食喺呢間店，感覺就係實在嗌醒，無係咁長氣，但係每一啖都滿足到五臟廟。🍽 下次同三五知己一齊，又會選擇嚟呢度，好好嘆回一頓！

行完山清快塘經過哩間燒鵝店，平時都冇專登係深井食燒鵝！正午時分落山就諗住簡單食個lunch，經過時老闆熱情介紹，但我話我哋只係諗住食碗粉咋喎！老闆話冇所謂，有燒鵝瀨、米粉果啲架！轉眼望向同行朋友見佢哋冇異議，一行四人就入咗哩間老鋪試佢一試😌入到去坐底老闆叫我哋點個二人餐加飯瀨粉都夠食架喇！難得我哋四個人老闆都唔介意我哋點二人餐，咁緊係聽老闆主義點二人餐啦！印象中二人餐有四個菜例牌燒鵝鹽水炸豆腐咕嚕肉自選時菜味道都唔錯👍🏻有啲驚喜老闆最後仲請咗我哋飲咖啡有時出街食飯除左食味道，人情味都好重要架！

今天跟朋友爬山，下山后看到这家，就坐进去吃。说烧鹅烧了几十年，上来的烧鹅也不热不新鲜，皮不脆，还有几块是鹅屁股，全是肥膏，算是+1服务费180多块的一份烧鹅，不如街市买的。这价格在街市可以买半只了。点的另外两个菜，一个粉丝干虾节瓜煲一个蒸豆腐，这俩菜都不错，但价格真是偏贵，其他茶餐厅基本都88，好家伙这家算上加一服务费一个108 一个140。味道虽然OK，但是也没见的比其他茶楼好到哪里去，总之不值得。最让人恶心反胃的是，连吃饭前放在餐桌上的一碟花生都要收11块，跟酱料碟放在一起，给你一种不收钱的感觉。总共20粒花生，等买单的时候竟然要收11块，真想问老板怎么不去抢钱。重点是，当我提出拒绝付这11块的时候，老板竟然开始教我做人。歪理一大堆说我都吃了，就要付钱；说摆在桌上的就要付钱，我当时问说那你的酱料碟也收钱的嘛？老板当下无话可说。我跟老板讲的好清楚，你要是收钱就要跟客人讲清楚，不然我怎么知道坐你的桌子、用你的筷子收不收钱。然后精彩的来了，老板说，我们香港都是这样的，你这样太赖皮了，我们香港人不会这么赖皮。我当即火大，我说一不用你教我做人，我来吃饭的不是来找妈的，你要教别人做人回去教你小

野食普通但價錢比其他同行偏貴即使係茶水都要成$15/位放喺枱面嘅花生以為免費，點知都要收你$10 埋單既時候同佢地講無叫花生唔應該收我$10，佢地就話香港好多餐廳都咁，心諗當我無係香港食過飯咩！佢餐牌又無講喺枱面啲花生要錢，咁樣屈錢合唔合理先？咁假如佢話呢幾粒花生要$50既埋單先同我講我係咪又要比？咁樣屈錢生意好咩？ 最後都退返$10，但邊退邊駡，話我地無禮貌+未見過呢啲咁既人。做生意咁對啲客嘅？有個客人都話我地係合理，佢地餐廳既員工就一直追住同個客講我地唔好，我諗佢哋先係最冇禮貌嗰個。 未收錢嘅時候態度很好，收咗錢後態度180度轉變，一直鬧到我哋出門口走，大家如果唔想咁樣對待就真係唔好再去。

深井燒鵝聽就聽得多，但原來真正嚟食係未試過，四條傻佬即興來左深井，唔知邊間好食下就隨機入左能記🤣翻查資料原來能記係一間已經有60多年歷史嘅老字號，亦係少數仍然持有炭爐牌照嘅店鋪，令燒出嚟嘅燒鵝更加出色。慶幸坐低吹左陣水就有燒鵝出爐，二話不說order返隻，出爐鵝未見其形先聞其香，首先要讚嘅係火候控制得非常好，外皮燒得焦脆帶點荔枝木嘅煙熏味道，肉質鬆軟保持著淡淡嘅粉嫩顏色，燒多一刻、少一分時間都未必做到呢個效果，而鵝肉脂肪分佈均勻，令肉汁爆發嘅鵝肉滲透住陣陣鵝油香味。另外幾款小菜就不過不失，係椒鹽鮮魷比較差啲，調味欠奉只算是普通炸魷魚，不過無所謂吧畢竟燒鵝先係主角，最後多謝姐姐推介我地整返碗瀨粉，雖然瀨粉只是簡單地配上清湯冬菜，但真正作用係減低淨食燒鵝嘅油膩感，絕配絕配。

只叫了二個道菜1. 燒鵝太差，全部都是肥胖2. 蓮藕餅沒有味道之後不想再叫其他食物！不用付錢都不會再去！永遠不會再去食！貼錢買難受！員工服務很勁差！沒有禮貌餐廳老闆不付責任所有出品，不接受消費者的投訴！環境差

去完附近清快塘行完山，剛好落山係中午時間，一早同屋企人講好會黎衣間食午餐，入到黎深井，最主要當然係食燒鵝啦～衣間燒鵝店已多年經營，係老字號，光睇塊牌匾就知道有一定嘅歷史我地一行五人叫左炒蜆、小炒王、椒鹽鮮魷、滷水掌翼同兩碗瀨粉，當然唔少得就係出名嘅炭燒燒鵝唔係好有印象呢碟係咩炒蜆，不過依個炒法令蜆肉更加提鮮小炒王正常冇咩可圈可點之處椒鹽鮮魷走油唔夠乾身，椒鹽味道不夠滷水掌翼，滷水汁偏甜，同埋皮同肉質口感偏韌最好食係燒鵝，開頭我哋只叫咗半隻，但因為真係太好食所以再叫多左半隻，大家記得要趁熱食，凍咗嘅燒鵝就冇咁脆同埋冇咁香服務：侍應同老闆都殷勤招待環境：舊式飯店嘅格局，保留左餐廳多年經營嘅痕跡

今日嚟咗深井食炭燒燒鵝，聽老細講原來剩係得佢哋有炭燒牌㗎咋，所以只此一間，其他地方都食唔到。炭燒燒鵝望落去會比其他燒鵝黑，但係食落去就多咗一陣炭燒嘅味道。燒鵝燒得好脆，鵝皮油香都好正，點埋梅子醬撈飯係一流呀😋😋今次三個人嗌咗個二人餐加多兩道菜，每一道菜都好大碟，真係抵食又好食。成餐飯加埋三個人都係六百零蚊，性價比好高。老細服務仲要好好，食飯嘅時候不停去每一台同啲人傾偈，所以好多黎嘅客人都係熟客嚟㗎 ！

香港美食種類繁多，廣東式燒味林林總總不能或缺，而在一個小區中，以一類燒味，達至世界馳名，其實是一種榮耀。《 能記燒鵝飯店 》屹立在荃灣區的深井一段長時間， 選用鵝的品種和大小重量有着獨特的見解，也迎合着不同顧客的要求。燒鵝 :《能記》選用了胸肉較厚的鵝，部分位置需要點嚼勁，所以肉味也突出來了。鵝是大體形的一種，在鵝髀皮下會留有脂肪，有着精心燒烤的香氣。皮下脂肪使得鵝肉與鵝皮在烤爐内產生微妙變化，也表現了廚師之手藝及經驗。造成鵝皮會透光和近似油炸的香脆口感。豉油皇鵝腸 : 腸管是用來輸送與消化食物的，大腸與小腸相當好辨認，也齊集在碟上，其中特別的是粉腸，它是在小腸的最前端與胃連結，相當於人身體中的「十二指腸」。一片帶點淺粉紅色、 略似肝臟和口感軟滑，就是鵝的粉腸部位了。溫馨提示 : 《 能記燒鵝飯店 》設有外賣，而燒鵝是不定時新鮮出爐的，敬請留意 !

深井 絕對係美食沙漠 因為選擇少 得果幾間獨巿茶餐廳 泰菜店 住係呢度附近的居民 冇乜好揀如果你專登黎深井 黎到能記食飯 一定會想講粗口 除非你冇要求 店家咁樣製作食物 就係對自己冇要求菜式“香煎蓮藕餅“ 可以改叫做 粉餅如果冇心做，就不如取消呢個菜式好嗎？1. 咬落去 全口油冧冧 睇落去 8成透明 成口只食到係粉 蓮藕好貴咩？2. 要煎到咁樣衰嗎？酒家菜式，可以咁既賣相？如果我不是外賣，我一定會叫你食返啖。我另外order兩款菜式： 彩椒牛柳粒 － 算正常的，但牛柳似係拾熟咁，毫無鑊氣/香煎的感覺 脆皮豆腐 － 冇調味的豆腐 跟一兜很咸的水 會好食嗎？當天我5點半左右來貴店，堂食6點即將停，只得我一份外賣等我取，可見生意不忙，出品卻是這等質素。