Natural Chiffon (Moved) New Location

同事喜事近想派餅，由於要買幾十件想體面得黎唔太貴，事前已經好頭痕。 俾佢搵到呢間cup cake，有分regular、mini同set裝，計過regular $20一件都負擔得起就決定呢間。藍莓 ($20)首先要讚下造型好靚，好似有隻小蜜蜂飛到花叢中咁，好有童真。　本身對cup cake冇乜好感，覺得得個甜字，點知味道好天然清新。 睇左網站介紹話用左法國藍莓果蓉，靚料果然唔同d。大家同事食完都讚不絕口，散水餅又多個選擇。

cupcake象徵感激。五顏六色，滿足饞咀很「的骰」，又不妨胃納的cupcake。價格合理，表達無限感激。我可以設計不同花式。萬聖節時，準備小食物，表達一點心意。因緣際會，找到此店，只是7.5元售價，便有一個迷你杯戟。造型可愛，鬼馬有趣。一盒有25個。存在冰箱，半小時前拿出來，一啖一個，如風，如花，如雪。標準裝杯戟是38元一個。我嚐的南瓜頭和三眼仔都很標緻。入口清淡，女士多喜歡。食杯戟，是相機食，心裏嚐，口和胃只是閒角。我們男人此終不明白杯戟的吸引力。不算很甜膩，比傳統蛋糕少糖。據悉，忌廉加入法國果茸，以調配出紅，黃，綠，紫多色，入口更覺輕盈。無香精，夠健康。另有一套是10個裝，一個標準裝杯戟。平常日子的杯戟不太吸引，多是花朶而已。味道卻有數十種，芒果，咖啡，花生，茘枝，開心果……你想到的，都有供應。但訂製的小蛋糕則十分稱心，有女孩，兔子，龜，熊貓，貓頭鷹……造型。好處是重量，色彩，圖案，擺放陣營都有自創空間。我可以拼湊花海，字母串字，疊起成塔，為你的生日，婚禮，百日宴，節日慶典，紀念日子，「散水」……添歡加彩。不用200元，我可以設計天然色彩和味道的「天作之盒」:🌹🌸🌻🥀🌼C a n

散水餅好推介！上網搵到呢間cupcake店，見到價錢合理，賣相又幾好，最重要係標榜天然食材，無人造色素/添加劑，就膽粗粗一口氣買左幾十個做散水餅！結果完全無失望😘款式多之餘，仲款款都好精緻，完全唔捨得食！大個同細個裝都一樣咁多款揀，揀揀味道都唔錯，唔會好甜，個味都唔假（有d 顏色鮮豔既cupcake味道好假）上層既cream都唔會太膩太甜，下層蛋糕帶點牛油香，整體幾好最抵讚係有mini size同regular size，mini岩哂唔鍾意食甜既同事揀～

同事last day 請大家食gei竟然唔係XX西餅出品,而係精美外表gei cupcake,其實我自己對cupcake無太大好感,之前食過gei都係又乾D cream又漏,所以我唔太敢試但試過呢個vanilla之後我真係驚為天人!!上面D cream唔算甜又唔係無味肥膩cream,淡淡gei雲呢拿香好好味~~蛋糕身好鬆軟而且唔乾.食完一件會想再食多件~~後尾先知道佢係用天然食材比較健康,所以之後我自己都有去買黎食,綠茶味都好好食~鐘意cupcake gei朋友一定要試呀~

我個人就唔係太鍾意食cup cake ge, 覺得佢又甜又膩，topping d味又假，個餅底又難食。但係見公司有人請下午茶cupcake ，就勉為其難食一食。揀左個bite size ge 紅桑子試下，貪佢就算難食都好細件點知食落口，堅。係。好。好。味個topping 一d都唔甜，冇好假嗰隻糖霜味，質地係滑溜既，又好食，食完會忍唔住吮手指。餅底細件又鬆軟，好岩一啖一件。我食完紅桑子，又啪件芝麻味，再食開心果味，前前後後食左十件。。。。。。好推介用黎請同事或者做散水餅，佢上面仲可以唧字，整心思野都得，真係食得，睇得，送禮見得人。P.s. 最好食係紅桑子同芝麻

正所謂天下無不散之筵席，每次有同事升遷離職，公司都會出現精美的散水餅。今天，pantry就放了幾盒賣相精緻可愛，而且聲稱是無添加人造色素及香精的cupcake。每個cupcake size不算大，而且有顏色淡淡的裝飾，有些還有可愛的小動物裝飾。我們幾個人share一起吃，試了好幾款味道。cupcake 口感不會很乾和硬，而且沒有太甜或太重牛油味我最愛咖啡朱古力，味道比較濃；其他都是不錯的（不過有些水果味道不太突出，不看介紹就吃不出來了）好同事，謝謝你的餅祝福你

我最喜歡的melody 想不到melody 公仔不是用糖做都係蛋糕Cream 不太甜，清香撲鼻蛋糕又軟，我食不停每一個裝飾都好味完全那些品牌餅店全用糖牌貴少少都值得下次去店試其他

公司party想開心d，特登order cupcake!順便慶祝大老闆生日同埋同事添丁！ 我好怕啲鬼佬蛋糕實的的勁甜勁漏，不過呢間有啲驚喜！食落感覺輕盈唔太甜，有蛋糕芳香，面層忌廉亦light!仲有勁多不同口味選擇，造型亦選擇多同可愛！個人最中意血橙同芒果味！因為order得多，仲有得安排借架同送貨服務，又有獨立盒跟埋方便食唔唒pack好俾賓客打包，照顧幾周到！

除咗食自助餐、放題可以一次過食到幾十樣嘢之外，仲有咩機會可以會咁？就喺老婆教會一年搞兩次嘅感恩愛筵，以家庭為單位，每個家庭帶一款食物嚟，冷盤、熱食、甜品、生果……乜都得，自家製當然無任歡迎，買現成嘅亦無問題，小弟近年都懶咗，都喺買現成嘅多，甚少落手落腳整 。始終喺食評，所以，個聚會要提嘅喺咁多，而今次想介紹嘅喺專賣杯子蛋糕嘅Natural Chiffon。因為晌個愛筵上，雖然有唔少甜品，不過，較為吸晴嘅就喺有人帶嚟依間店嘅迷你杯子蛋糕，由於有分店晌中環，小弟就專誠走過去一趟望望，故此，店面相片及其展示嘅產品都喺愛筵之後幾日補拍，讓個食評全面少少 。因為走去唔喺幫襯，淨喺想補影啲相，都擔心人家唔鍾意，但去到問准店員，佢話無任歡迎，隨便影，咁就影得放心好多。店舖設晌萬宜大廈商場2樓個通道上，寧寧舍舍晌中間位，一眼就望到。凍櫃內擺咗近20款杯子蛋糕，琳瑯滿目，個個造型可愛，亦見其唧花細緻 。不過，唔見上次晌教會食到嗰款，原來迷你杯子蛋糕喺唔會擺出嚟賣，喺屬於禮盒型嘅預訂產品，亦都分為幾個系列：雜綿（$178）、字母（$198）、優惠裝（$640）及節日版（$248），全部都要最少3天前

This was a gift from interns at my company before they left. The blueberry cupcake is cute and small, with a little bee sitting on top of the buttercream frosting. In terms of the frosting, this was not too sweet which was good, but it would definitely melt in Hong Kong's summer even if just exposed to outdoor temperatures for about 15 minutes. As for blueberry flavor, I'm not sure it is obvious in any way from the creamy frosting, but the cupcake base definitely had more pronounced blueberry no