NeNe Chicken (形點 I) (Closed)

本來食物已是一般，但個位態度像老細一般的員工，態度極差，黑口黑面，不知所謂，以後不會再去，而且食物味道一般，最令人不快是該位不知所謂的女待應，令顧客非常不滿，簡直不知所謂！

係yoho見到間炸雞 咁就決定食炸雞 入到店 5張空台 但個帶位生帶左我去兩張台中間 同其中一張係痴埋既要我搭枱 我要求左2-3次佢先比我坐入面d空台 坐低後冇水叫先有 落單後 我見台台都有前菜 但我冇 叫先有 之後有兩位入左 唔知有心定無意 佢帶去我依台 但佢加左句「搭台呀」以上主要係一位員工 其他都好好人 不過 一個害全舖但炸雞好食

NENE chicken 炸雞之旅話說元朗開左NENE chicken之後食左兩三次可以講下d炸雞既味道比大家知首先NENE chicken既炸雞醬汁係做得唔錯我試過白裙主，初雪（即係芝士），甜辣，蒜香本人最鍾意蒜（好香，甜咸適中），甜辣就正正常常，芝士意想不到地好味.以為係放d芝士粉係面。點知佢地芝士粉竟然比我想像中好太多。唔會太乾身。（比起kfx新出既芝士粉炸雞好太多）而且芝士味好香最後到白裙主，出其地恐怖。 本人好鍾意食蔥但係佢有好多蔥得黎全部蔥都係好腥難食到食唔晒。好恐怖。以後唔會再叫白裙主明太子蛋都幾好食。不過不失出面有蟹子，裡面有明太子芝士雖然NENE chicken既炸雞個醬唔錯。不過唔知大家試過既話會唔會都同我一樣覺得其實佢既炸雞唔juicy. 炸雞裡面其實唔多肉汁唯一一點有d失望不過價錢唔貴。質素都可以接受嫁喇下次再去一定會再食初雪😍😍😍😍😍😍

After watching movie, we went to Nene chicken for dinner. We ordered two different flavour including the curry taste and sweet taste. The curry flavour is so good!! And the chicken meat is soft and tasty too!!! The quality is good with the acceptable price, and the quantity is good enough for two of us. My boyfriend is full too. So I think it is okay for boy too!

試個好幾間炸雞，依間暫時來說不錯而且有水準的一間，而且金大人串燒拼盤給你不同口感，有糯米的，有椰汁的，有辣的等等口味大班人去就最好，四人點了半份初雪，半份蒜香醬油炸雞，再添個大的金大人拼盤已經好滿足，飽飽結脹回家～炸雞方面可選擇有骨同無骨⋯⋯我當然要無骨啦～小弟食過泰式甜辣，蒜香醬油同初雪～後者比較好味而炸雞係韓國劇一定要配啤酒架啦⋯⋯韓國啤酒同真露配炸雞真係一流，不喜歡可選擇其他飲品的，看顏色都好吸引⋯都係個句～會再來的

今日同兩個好朋友見面 因為出面落大雨就選擇喺yoho入面揀嘢食 揀嚟揀去都揀唔到見到呢間餐廳午餐都幾吸引就決定試下呢間餐廳一入到嚟覺得餐廳環境都幾靚 有少少好似園林嘅設計好多植物擺設 有文青風一坐低侍應就好快攞咗啲韓式小食過嚟包括有泡菜同粟米沙律我哋三個人就決下呢度嘅炸雞所以就決定嗌少一個套餐 就總共叫咗以下三款食物午市套餐 脆炸紫菜蝦卷($58) 內有: 炸雞 雞蛋 菠菜 紅蘿蔔 份量多 約有10件 有配沙律醬 口感好豐富 芝士蛋伴泡菜炒飯($68)分量超級大 都唔係一人份量 兩個人分都會食得好飽 熱辣辣用鐵板送上蛋仲係少少液體狀態 中間嘅泡菜炒飯都好多 幾好味 不過如果佢加多啲芝士相信會更加好味雙重滋味炸雞(無骨) ($188) 初雪口味&甜辣口味見隔離檯揀左初雪口味 見好好味咁就跟 其實係炸雞表面加芝士粉 真係幾好味 個皮又脆 d芝士粉沾滿口腔 而甜辣口味就我地自己想試 入面雞肉好嫩滑 選擇得非常好 加埋杯熱情果梳打作完美的句號估唔到呢間連鎖餐廳食物可以咁好味 埋單每人百幾蚊連埋飲品

我不嬲係呢間連鎖炸雞嘅粉絲 之前已經食過旺角,葵芳同埋將軍澳店 今次嚟元朗搵朋友亦都決定同佢食呢一間炸雞店 初雪口味一直都係我最鍾意嘅口味 今次朋友就話揀多款一齊試 咁就揀咗另一款比較典型嘅甜辣口味永遠唔會令人失望嘅炸雞好快就準備好 初雪就係炸雞表面加左一層芝士粉 非常好味 入面雞肉好嫩滑又夠juicy 而甜辣口味都非常唔錯 韓式炸雞就係咁有魅力 而且份量好多 2個人食4件 5件 雖然好飽但又忍唔住要繼續食另外我哋亦都點左午市套餐 因為套餐價錢非常實惠 仲包咗飲品 點左一份脆炸紫菜蝦卷($58) 入面包有幾款材料: 炸雞 雞蛋 菠菜 紅蘿蔔 等 切出黎有超過10件 再伴有唔少沙律菜 我地兩個真係食到非常滿足呢到員工都好有禮貌 問我覺得食物點我話我真係好鐘意食呢度炸雞 雖然有新口味但未有太多新款菜式 佢就話原來黎緊7月會有幾樣新食物推出 例如溶岩芝士豬肋骨 同蒟蒻冷麵 叫我有興趣可以黎試下

星期日同男朋友去元朗行街，元朗實在太多人，間間食野都要等位，呢間最快有位就食炸雞啦，係旺角食過都覺得ok！🤣🤣🤣一人叫左一個set lunch ，一份炸雞拼盤一份炸蝦卷，夾埋都係百幾蚊，有野飲仲要勁大份🤫🤫炸蝦卷靚過張相好多，大份到呢，炸得好脆，簡單黎講就係炸左既韓式飯卷，好香麻油味，好味！👍🏿另外炸雞有7粒，唔好覺得好少，因為每舊都唔細舊，我就每樣食左一半，最鐘意芝士&甜辣，炸得好好食，唔怪得枱枱都叫，我覺得好食過旺角分店好多😂

今日去左元朗行街，行到攰就搵食，見到nene chicken唔太多人，weekend仲有lunch set，抵呀！見到menu有個金大人串燒拼盤有好多野食，仲有我至愛芝士醬農夫包，叫左個細size，另外加左個人參雞湯set lunch ，跟熱柚子蜜人參雞湯滾住咁上枱，有成隻雞，湯比較淡，不過配埋拼盤可以balance下。個拼盤上枱真係嚇一嚇，我地以為上錯size，原來細份都咁大份！入面有4件原味炸雞，同埋幾款燒雞翼/釀雞翼，同埋熱辣辣粗薯條！炸得好好食，芝士醬唔太漏，連個包都食埋好滿足

星期六想搵好野食，近近地去左Yoho食韓式野，點左兩樣，芝士炒年糕同炸蝦紫菜卷，我本身係唔食到辣，芝士炒年糕少少d辣，因為「午餐精選」有配飲品，飲左凍野飲，所以辣度都很適中，份量都很夠兩人份量，下次再試其他唔同菜式👍🏻

閒日得閒去試一大一小午餐試下聽說出名既韓國炸雞店，閒日set lunch好多選擇，睇睇下餐牌發現左原來閒日一至五set lunch買三送一真係抵，問埋職員唔只唔限堂食，仲可以外賣!但一大一細叫左兩個餐首先黎左前菜，韓國例牌餐餐都會見到既泡菜。芝士薄餅三重奏，好好味呀一個薄餅三重味有齊，有韓式牛肉，雞肉芝士同埋煙肉薯條，餅底薄同脆加以上配料認真新奇好味道！雞肉芝士雞肉係炸雞黎架明太子忌廉意大利粉，d忌廉都好濃好有平時出某餐廳卡幫忌意粉既感覺，不過呢多左好多蟹籽，格外口感唔同呢！一大一小之下叫左兩set實在太飽食唔晒啊！想試埋其他set睇黎要叫多點朋友一齊食，可惜未試到出名既炸雞

今日係假期，食飯時間度度都要等位，見呢間炸雞店都唔算好多人等，今晚就決定食個韓式炸雞🍗夜啦餐廳餐牌既炸雞款式唔算太多，都係大路既醬油、大蔥等等。今次就叫左雙拼炸雞，可以選擇兩款口味同埋有骨/ 無骨雞。今次就試左韓國甜辣炸雞同初雪炸雞（即係芝士炸雞）。甜辣炸雞就甜度同辣度都岩岩好，唔食得辣既朋友都唔洗擔心，唔會好辣。芝士炸雞就炸得比較乾，芝士味就一般般，唔算太濃。總括而言，今次試既炸雞都炸得比較乾，味道唔算太突出，但近近地又想解下炸雞癮都可以一試既。

之前都有食過 《NENE Checken》但係果次去食炸雞今次都係第一次食lunch set 《NENE Checken》 芝士蛋伴炮菜抄飯芝士蛋香而不膩泡菜炒飯夠味又唔辣炒飯味道好夠，加埋紫菜味道更加提升。而且雖然係泡菜炒飯相對平時食開嘅唔算辣，就算唔係好食得辣嘅都可以一試。相反芝士蛋芝士味道唔算濃，蛋亦都冇咩調味。但只要將佢撈埋落炒飯都一齊食，就會令到成個炒飯更加好食

nene chicken 係元朗一開張時候，排隊需要等很久，現在熱潮過去，下午茶時段不用等位可以直入呢，而且店內有很多空位。繼續韓國炸雞之旅，要吃遍香港的韓國炸雞！因為只有兩個人，根據過往經驗全份太多一定吃不光，所以點了半份無骨韓式蒜香炸雞。點餐後很快就送到炸雞，應是預先弄好的，醬汁很濃，夠邪惡！但是一點蒜味也沒有，一直也在懷疑是否給錯甜味炸雞。半份份量岩岩好，兩份人吃輕鬆KO！水果茶不甜，還不錯。炸雞完全不熱的，肉質很好，無骨的是啖啖肉，皮也不多呢！另外，點了2人量的雞肉芝士pizza，pizza等了很久，原來是因為即叫即整。pizza很好，但是pizza上的雞肉有點奇怪，因為是炸雞皮，不太配，直接用雞肉更好。這間nene chicken 雖然熱門了一段時間，昨天才第一次試，正如朋友們的評價，一般而已，不是好食又不是難食，不會有讚嘆／心思思想再去的感覺。炸雞控表示會繼續尋覓心頭好炸雞。

今日下午經過，試吓這一間的韓式午餐。中午12點食飯嘅時間，都唔係好多人幫襯。午餐款式都幾多選擇，我揀咗韓式牛肉飯，價價HK$58，喺大型商場來講，價錢算相宜了。有三款前菜，酸蘿蔔、粟米、泡菜，份量都幾多，泡菜都有啲辣，食晒呢三碟前菜，都已經飽了一半！餐飲是熱檸蜜！牛肉飯有一隻心型蛋，幾得意，不過啲飯唔係太熱，扣咗啲分了！服務人員態度一般，全都是年青的侍應生！不過我冇試到啲炸雞，可能幾好食，下次約一班朋友再嚟試吓啲炸雞先！